ڈنگہ :حکمرانوں کی طرف سے عوام کیلئے تحائف کا لگاتار سلسلہ جاری
ڈنگہ(محمد بلال احمد بٹ)حکمرانوں کی طرف سے عوام کیلئے تحائف کالگاتار سلسلہ جاری پیٹرولیم مصنوعات اور بجلی کی قیمتوں میں ہوشربا اضافہ بے تحاشا مہنگائی کا جن بے قابو ہوگیاتفصیلات کے مطابق حکمرانوں نے عوام پر بجلی گرا دی،گھریلو صارفین کیلئے بجلی کی قیمت میں5.89 روپے روپے فی یونٹ اضافہ، اطلاق یکم اکتوبر سے ہو گیا ،وزارت خزانہ نے باقاعدہ طور پر نوٹیفکیشن جاری کر دیا،200یونٹ استعمال کرنے والے صارفین مستثنیٰ ہونگے پیٹرول کی قیمت میں4.12روپے اضافہ کے ساتھ نئی قیمت113.25روپے لیٹر فی لیٹر ،ہائی سپیڈ ڈیزل کی قیمت میں 4.69روپے ،لائٹ ڈیزل کی قیمت میں2.81روپے فی لیٹر مہنگا ہونے سے نئی قیمت 116.95روپے فی لٹر ،مٹی کے تیل کی قیمت108.13روپے فی لٹر ہو گئی،ایل پی جی کی قیمت میں3.50روپے کلو،گھریلو سلنڈر40 روپے،کمرشل سلنڈر160روپے سستا ہو گیا،201سے300یونٹ استعمال کرنے والے صارفین کے نرخ میں پانچ روپے89پیسے فی یونٹ اور301سے700یونٹ استعمال کرنے والے صارفین کیلئے بجلی تین روپے93پیسے فی یونٹ مہنگی ہو گئی،انکے نرخ پندرہ روپے سے سات پیسے سے بڑھ کر18روپے فی یونٹ ہو گھئے،جن گھریلو صارفین کے پاس ٹائم آف یوز قسم کے میٹر ہیں ان کے پیک آور میں بجلی چار روپے سے تک مہنگی کر دی گئی،زرعی صارفین کیلئے بجلی کی قیمت میں3روپے58 پیسے فی یونٹ اضافہ کیا گیا،ذرائع کے مطابق حکومت نے بجلی پر دی جانے والی سبسڈی ختم کر دی،آئی ایم ایف نے بجلی پرسبسڈی ختم کرنے کی شرط پر قرض دیا تھاجس پر حکومت نے عمل درآمد مرحلہ وار شروع کر دیا،عوامی سماجی تجارتی حلقوں نے بجلی اور پیٹرولیم مصنوعات کی قیمتوں میں اضافہ کومسترد کرتے ہوئے حکومت سے مطالبہ کیا ہے کہ اس اقدام کو فی الفور واپس لیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت پنجاب نے باقاعدہ طور پر نوٹیفکیشن جاری کرتے ہوئے ڈنگہ شہر کو میونسپل کمیٹی کا درجہ دیدیا
ڈنگہ(محمد بلال احمد بٹ)مسلم لیگ قائدین ایم این اے چوہدری جعفر اقبال،ایم پی اے میاں طارق محمود بالخصوص سابق چیئر مین بلدیہ ڈنگہ کی کاوشوں کی بدولت عوام کی دعائیں اور صحافیوں کی تحریریں رنگ لے آئیں،حکومت پنجاب نے باقاعدہ طور پر نوٹیفکیشن جاری کرتے ہوئے ڈنگہ شہر کو میونسپل کمیٹی کا درجہ دیدیا،اور اس حوالہ سے نوٹیفکیشن کی کاپی میونسپل کمیٹی ڈنگہ اور دیگر محکموں کو فیکس کر دیا،ڈنگہ شہر کو میونسپل کمیٹی کا درجہ ملنے پر شہر بھر میں خوشی کی لہر دوڑ گئی، اب آنیوالے بلدیاتی انتخابات میں بااختیار شہر کی میونسپل کمیٹی کے تحت ہونگے،آنے والا چیئر مین میونسپل کمیٹی ڈنگہ مکمل طور پر بااختیار ہو گا اور شہر کے فنڈز صرف شہر کی تعمیروترقی پر خرچ ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: ہم حکومت کی جانب سے اپنے شہر ڈنگہ کو میونسپل کمیٹی کا درجہ دینے کے فیصلہ کا خیر مقدم کرتے ہیں،میاںمحمد اسلم
ڈنگہ(محمد بلال احمد بٹ)کنوینئر میونسپل کمیٹی بنائو تحریک ڈنگہ و سابق چیئر مین بلدیہ ڈنگہ میاں محمد اسلم نے کہا ہے کہ ہم حکومت کی جانب سے اپنے شہر ڈنگہ کو میونسپل کمیٹی کا درجہ دینے کے فیصلہ کا خیر مقدم کرتیہیں اور اس عظیم الشان فقید المثال کامیابی پر اللہ کریم کے حضور سجد ہ شکر بجا لاتے ہیں،ہم ڈنگہ شہر کی بلدیہ کو میونسپل کمیٹی کا درجہ دینے پر وزیراعلیٰ پنجاب میاں شہباز شریف،گورنر پنجاب چوہدری محمد سرور،صوبائی وزیرقانون و بلدیات رانا ثناء اللہ سیکرٹری بلدیات پنجاب لوکل گورنمنٹ کے تہہ دل سے شکر گزار ہیں جنہوں نے عوامی امنگوں کے مطابق فیصلہ کرتے ہوئے ڈنگہ شہر کو میونسپل کمیٹی کا درجہ دیا، انہوں نے مزید کہا کہ ہم
بالخصوص اپنے شہر کے زندہ دل شہریوں اور صحافیوں بالخصوص مقامی اخبارات کے چیف ایڈیٹر ز کی عظمت کو سلام پیش کرتے ہیں، جنہوں نے ہمارے ساتھ مل کر عوام کا ترجمان بن کر انکی آواز اقتدار کے اعلیٰ ایوانوں میں پہنچائی اور سیاستدانوں اور عوام میں اپنے شہر ی حقوق حاصل کرنے کی خاطر شعور اجاگر کیا جنکی بدولت آج ہمین کامیابی کی صورت میں میونسپل کمیٹی ڈنگہ ملی جس کا کریڈٹ مجھے نہیں شہر کی زندہ دل عوام کو جاتا ہے جس نے میرے شانہ بشانہ کام کیا میں اپنے شہریوں کا خادم ہوں انکے حقوق اور مفادات کی جنگ اسی جوش و جذبہ سے لڑتا رہتا ہوں اور انشاء اللہ آنے والے وقت میں بھی لڑتا رہوں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : صدر ڈی ایم سی ڈنگہ نثار مغل کی خوش دامن انکی نمازہ جنازہ اور ختم قل میں سینکڑوں افراد کی شرکت
ڈنگہ(محمد بلال احمد بٹ)جوڑا کی سرکردہ شخصیت مرزا احسن اختر کی اہلیہ،انگلینڈ میں مقیم مرزا عابد حسین کی والدہ محترمہ صدر ڈی ایم سی ڈنگہ نثار مغل کی خوش دامن انکی نمازہ جنازہ اور ختم قل میں سینکڑوں افراد کی شرکت مرزا احسن کی اہلیہ کی نماز جنازہ اور ختم قل میں قمر زمان کائرہ،ایم پی اے میاں طارق محمود،میاں محمد اسلم،میاں امجد محمود،چوہدری رخسار ،جاوید سلیم جوڑا،میاں کامران ادریس،میاں خادم حسین،میاں ادریس احمد،میاں نعیم ،دائود خان،حکیم افضل،میاں ابرار،مرزا ریاض حسین،چیف ایڈیٹر ڈیلی جلا وطن ڈاٹ کام محمد بلال احمد بٹ، محمد ریاض بٹ ، عطاء اللہ بٹ ، فضل حسین بٹ ، چوہدری راصف محمود آہیر، رانا اطہر رشید ، عبدالمجید پپو،خالد مغل ،ایم مصنف شیراز ، حاجی ریاض احمد سابق ناظم ، چوہدری رخسار پسوال سابق ناظم ، چوہدری نعیم سابق ناظم گھرکو، حاجی ارشاد احمد گھرکو سابق ناظم ، محمد عمران بھٹی ، شاہد محمود بٹ ، میاں کامران ادریس، چوہدری عقیل نثار، بائو اختر علی پسوال، محمد اشرف پسوال ، چوہدری محمد رزاق گورسی ، چوہدری محمد سلیم گورسی ، جاوید سلیم سابقAEO ، چوہدری یونس ، مرزا غلام سرور، مرزا نعیم اقبال ، چوہدری آفتاب احمد ڈنگہ ، چوہدری رستم علی، بائو شاہد افضل ، حاجی محمد نواز ، مبین خاور بسوی ، حاجی خالد محمود، رانا قاسم حسنین، محمد اسلم صراف، چوہدری محمد اختر بلڈنگ انسپکٹر ڈنگہ، قیصر مغل ، مشتاق احمد بٹ لالہ موسیٰ ، حاجی عبدالغفار جذبہ لالہ موسیٰ، نصراللہ مجید لالہ موسیٰ، مرزا ارشد علی، چوہدری ساجد محمود، مرزا یونس ، ٹھیکیدار محمد اقبال، عدنان عباس پٹرولیم سکھ چیناں ،چوہدری منیر جٹ ڈنگہ ، فتح جنگ وڑائچ ، حاجی احسان الٰہی بٹ بشارت بی ایس، حکیم عبدالجبار سمیت سینکڑوں افراد نے نماز جنازہ میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: پوری قوم کو متحد ہو کر دہشت گردی کا مقابلہ کرنا ہوگا،میاں طارق محمود ایم پی اے
ڈنگہ(محمد بلال احمد بٹ)ایم پی اے میاں طارق محمود نے کہا ہے کہ پوری قوم کو متحد ہو کر دہشت گردی کا مقابلہ کرنا ہوگا،انہوں نے کہا کہ پشاور سمیت دیگر دہشت گردی کے واقعات میں ملوث خفیہ ہاتھوں کو بے نقاب کر کے عالمی عدالتوں سے انہیں سزا دلوانا چاہییپوری قوم دہشت گری اور تخریب کاری کی روک تھام کیلئے اپنا کردار ادا کرے اور اردگرد کڑی نگاہ رکھے اور ریاستی اداروں سے مکمل تعاون کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بلدیاتی انتخابات کے بعد بلدیاتی اداروں کو پبلک سروس سنٹر بنائیں گے،چوہدری جعفر اقبال ایم این اے
ڈنگہ(محمد بلال احمد بٹ)ایم این اے چوہدری جعفر اقبال نے اپنے بیان میں کہا ہے کہ بلدیاتی انتخابات کے بعد بلدیاتی اداروں کو پبلک سروس سنٹر بنائیں گے انہوں نے کہا کہ حکومت تمام یونین کونسل میونسپل کمیٹیوں،میونسپل کارپوریشنوں کو پبلک سروس سنٹر بنا کر نچلی سطح پر عوام کے مسائل انکی دہلیز پر حل کرنے کیلئے ون ونڈو آپریشن کے تحت کام کئے جائیں گے اس اقدام سے ہمہ نوعیت کی عوامی شکایات و مسائل کا ایک جگہ پر ازالہ ممکن ہو سکے گا،بلدیاتی انتخابات کیلئے شہری و دیہی حلقہ بندیوں کا کام ہنگامی بنیادوں پر شروع کر دیا گیا ہے،حلقہ بندیوں اور اعتراضات شکایت کیلئے سات روز کا وقت دیاجائے گا،یونین کونسل کے اراکین کے اختیارات کیلئے گرولز فائنل کر لئے گئے ہیں،بلدیاتی قوانین پر عمل کر کے صاف شفاف بلدیاتی انتخابات منعقد ہونگے،بنیادی جمہوری کے ادارے علاقائی تعمیر و ترقی سمیت عوامی خدمت کیلئے بہترین کردار ادا کریں گے،مسلم لیگ ن کے ورکرز بلدیاتی انتخابا ت میں تیاری کریں انشاء اللہ باصلاحیت امیدواروں کو میدان میںاتارا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت پنجاب نے خالد قریشی کو ڈپٹی ڈائریکٹر محکمہ ہائوسنگ ،گجرات،منڈی بہائو الدین،جہلم تعینات کر دیا
ڈنگہ(محمد بلال احمد بٹ)حکومت پنجاب نے خالد قریشی کو ڈپٹی ڈائریکٹر محکمہ ہائوسنگ ،گجرات،منڈی بہائو الدین،جہلم تعینات کر دیا،خالد قریشی نے بطور ڈپٹی ڈائریکٹر ہائوسنگ گجرات کے منصب کا چارج سنبھال کر فرائض کی ادائیگی سر انجام دینا شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت نے ضلع بھر میں ایک یا دو کلو گیس خریدنے پر پابندی عائد کر دی
ڈنگہ(محمد بلال احمد بٹ)حکومت نے ضلع بھر میں ایک یا دو کلو گیس خریدنے پر پابندی عائد کر تے ہوئے صرف بیس کلو ایل پی جی گیس سلنڈر فروخت کرنے کیلئے کہا ہے جس پر ایل پی جی غائب ہونے سے غریب رکشہ ڈرائیور اور غریب گھریلو صارفین ایل پی جی کی تلاش میں دربدر ہو گئے جبکہ چائے کے کھوکھا جات اور غریب صارفین جو چھ ہزار روپے کا گیس سلنڈر خریدنے کی سکت نہیں رکھتے گیس کی نچلی سطح پر پابندی سے گھریلو صارفین بری طرح متاثر ہوئے ہین یاد رہے گجرات میں بیس کلو ایل پی جی گیس سلنڈر خریدنے پر کوئی پابندی نہیں لیکن ایک یا دو کلو گیس کی فروخت پر پابندی ہے عوامی سماجی حلقوں نے ڈی سی او گجرات سے اصلاح و احوال کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اعلیٰ اور کوالٹی ایجوکیشن کے ساتھ دی ویگا سکول سسٹم ڈنگہ کو پنجاب کا مثالی تعلیمی ادارے بنائیں گے،چوہدری امجد جاوید عیلس
ڈنگہ(محمد بلال احمد بٹ)علاقہ کی معروف تعلیمی درسگاہ دی ویگا سکول سسٹم انگلش میڈیم ڈنگہ کے چیئر مین چوہدری امجد جاوید عیلس نے کہا ہے کہ اعلیٰ اور کوالٹی ایجوکیشن کے ساتھ دی ویگا سکول سسٹم ڈنگہ کو پنجاب کا مثالی تعلیمی ادارے بنائیں گے انہوںنے کہا کہہم نے نو نہالان وطن کی تعلیم و تربیت کیلئے انہیں کوالٹی ایجوکیشن کی فراہمی کیلئے بہترین تعلیمی ماحول اور اعلیٰ تعلیم یافتہ باصلاحیت سٹاف فراہم کیا ہے ابھی سکول میں طلبہ و طالبات کیلئے ایئر کنڈیشنڈ کی فراہمی کا کوئی پلان نہیں ہے،الحمد اللہ ہمارے ادارہ کے شاندار تعلیمی نتائج ہماری کارکردگی کا منہ بولتا ثبوت ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں محمد عالم مرحوم آف بجاڑ والا کے فرزند ارجمند میاں توقیر عالم9 اکتوبرکو انگلینڈ سے واپس وطن آئیںگے
ڈنگہ(محمد بلال احمد بٹ)ممتاز قانون دان سابق جنرل سیکرٹری کھاریاں بار ایسوسی ایشن کھاریاں میاں جہانگیر عالم ایڈووکیٹ،میاں شاہ نواز عالم ایڈووکیٹ کے بھائیمیاں محمد عالم مرحوم آف بجاڑ والا کے فرزند ارجمند میاں توقیر عالم9 اکتوبرکو انگلینڈ سے واپس وطن آئیںگے ان کے دوست احباب عزیز و اقارب میاں توقیر عالم کا ایئرپورٹ پر والہانہ اور پرتپاک استقبال کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محکمہ سوئی گیس کا دفتر رحمان شہید روڈ سے اسٹیٹ لائف بلڈنگ جی ٹی روڈ گجرات پر منتقل ہو گیا
ڈنگہ(محمد بلال احمد بٹ)محکمہ سوئی گیس کا دفتر رحمان شہید روڈ سے اسٹیٹ لائف بلڈنگ جی ٹی روڈ گجرات پر منتقل ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت پنجاب نے صوبہ بھر کی27جیلوں میں کروڑوں روپے کی لاگت سے سزائے موت کے نئے سیل کی منظوری دے دی
ڈنگہ(محمد بلال احمد بٹ)حکومت پنجاب نے صوبہ بھر کی27جیلوں میں کروڑوں روپے کی لاگت سے سزائے موت کے نئے سیل کی منظوری دے دی،جیلوں میں سزائے موت کے سیلوں کی تعمیر کیلئے قیدیوں کو سہولت میسر آئے گی۔
