پاکستان کی سلامتی بقاء اور ایٹمی اثاثوں کی حفاظت کیلئے سب کو مل کر کام کرنا ہو گا، چوہدری عرفان گجر
ڈنگہ (محمد بلال احمد بٹ) پاکستان کی سلامتی بقاء اور ایٹمی اثاثوں کی حفاظت کیلئے سب کو مل کر کام کرنا ہو گا، ان خیالات کا اظہار صدر مسلم لیگ ن ٹورنٹو کینیڈا چوہدری عرفان گجر نے یوم پاکستان کے پرمسرت موقع پر کہی انہوں نے کہا کہ، انہوں نے کہا کہ زندہ قومیں اپنے آزادی کے دن بڑے جوش و جذبے سے مناتی ہیں گفتگو کے آخر میں انہوں نے قائد اعظم محمد علی جناح اور علامہ محمد اقبال کی پاکستان حاصل کرنے کے لئے کی گئی کاوشوں کی تعریف کی اور انہیں خراج تحسین پیش کیا انہوں نے کہا کہ 14 اگست قوم آزادی کے دن ان شہداء کو بھی یاد رکھنا چاہیے جن قربانیوں کے صلے میں آج ہم آزاد فضائوں میں سانس لے رہے ہیں۔ ہمیں یہ بھی دیکھنا ہے کہ قائد اعظم اور اقبال کے بنائے گئے پاکستان میں اسلام کا بول بالا ہے کیا ہم آزاد قوم اور دو قومی نظریہ کے مطابق زندگی بسر کر رہے ہیں۔ اگر نہیں تو ہمیں مل جل کر اقبال اور قائد کے پاکستان سنوارنے کا عزم کریں اور حقیقی معنوں میں آزادی منائیں تمام تر حالات کے باوجود پاکستان انشاء اللہ قائم و دائم رہے گا، قوم کو بھر پور امیدوں کے ساتھ آزادی مبارک ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکومت پاکستان کی طرف سے وائس چانسلر گجرات یونیورسٹی ڈاکٹر محمد نظام الدین کو ستارہ امتیاز دینے کا اعلان خوش آئند ہے، چوہدری وحید اکرم آف ہالینڈ
ڈنگہ(محمد بلال احمد بٹ)تعلیم کے شعبہ میں گرانقدر خدمات کے اعتراف میں حکومت پاکستان کی طرف سے وائس چانسلر گجرات یونیورسٹی ڈاکٹر محمد نظام الدین کو ستارہ امتیاز دینے کا اعلان خوش آئند ہے ان خیالات کا اظہار معروف زمیندار صدر مسلم لیگ ن ہالینڈ، چیئر مین پاک نیدر لینڈ فرینڈ شپ ایسوسی ایشن چوہدری وحید اکرم آف ہالینڈ نے اکیا انہوں نے کہا کہ ڈاکٹر نظام الدین عالمی شہرت کے حامل ماہر عمرانیات منتظم اور ماہر تعلیم ہیں اقوام متحدہ میں نمایاں پوزیشوں پر فائز رہے ہیں۔ ان کے لئے ستارہ امتیاز کا اعلان ضلع گجرات کے لئے باعث فخر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری واصف نذیر بجاڑ آف سپین، بلال کھوکھر آف ناروے کی دعوت پر ناروے کادورہ کریں گے
ڈنگہ (محمد بلال احمد بٹ) چوہدری واصف نذیر بجاڑ آف سپین ،بلال کھوکھر آف ناروے کی دعوت پر ناروے کادورہ کریں گے۔چوہدری واصف نذیر بجاڑ آف سپین کی سیاسی سماجی شخصیت ہیں اورپاک کاتالان فرینڈ شپ کے وائس پریذنڈنٹ اور اوورسیز پاکستانی سٹیزن آرگنائزیشن کے صدر ہیں۔ چوہدری وآصف نزیر بجاڑ ناروے میں اوورسیز پاکستانی سٹیزن آرگنائزیشن کے پلیٹ فارم سے اہم شخصیات سے ملاقاتیں کریں گے اور ناروے میں ہونے والی یوم پاکستان کے حوالے سے تقریبات میں شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حسن اتفاق یا قدرت کا کرشمہ : پاکستان کا یوم آزادی چودہ اگست اور بانی پاکستان حضرت قائد اعظم محمد علی جناح کا یوم پیدائش25دسمبر اور یوم وفات 11ستمبر ہر سال ایک ہی روز ہوتے ہیں
ڈنگہ (محمد بلال احمد بٹ) پاکستان کا یوم آزادی چودہ اگست اور بانی پاکستان حضرت قائد اعظم محمد علی جناح کا یوم پیدائش25دسمبر اور یوم وفات 11ستمبر ہر سال حسن اتفاق یا قدرت کا کرشمہ کے باعث ایک ہی روز ہوتے ہیں،ہر سال یہ دن وہی ہوتا ہے جو قائد اعظم محمد علی جناح کی پیدائش اور وفات کا دن ہوتا ہے،رواں سال2013میں یوم آزادی بدھ کے روز اور بانی پاکستان قائد اعظم محمد علی جناح کا یوم پیدائش اور یوم وفات بھی بدھ کے روز ہوا تھا، جبکہ 2014میں یوم آزادی چودہ اگست 25دسمبر،قائداعظم محمد علی جناح کی وفات11ستمبر کو جمعرات ہی ہوگا موبائل صارفین اپنے سیٹ میں گوٹو ڈیٹ کے ذریعے اس امر کا مشاہدہ کر سکتے ہیں یوم آزادی اور بانی پاکستان محمد علی جناح کی پیدائش اور وفات کے دن کی حیرت انگیز مماثلت قدرت کا کرشمہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انتخابی پینل تشکیل دے کر مخالفین کو ٹف ٹائم دیتے ہوئے بیساکھیوں پر جیت کا جشن منانے والوں کو پھر سے ان کی اوقات یاد دلائیں گے، سیدفیض الحسن شاہ
ڈنگہ (محمد بلال احمد بٹ) فخر سادات حلقہ این اے106سید فیض الحسن شاہ نے اپنے بیان میں کہا ہے کہ عوامی مینڈیٹ پر ڈاکہ ڈالنے والوں کیلئے میدان خالی نہیں چھوڑیں گے، انہوں نے کہاکہ ہم الیکشن کی ہار کو ہر گز تسلیم نہیں کرتے کیونکہ ہم ووٹوں سے نہیں ہارے ہمیں پوری پلاننگ کے ساتھ ہرایا گیا،اور دھاندلی کی بدترین مثال قائم کی گئی، حلقہ کی عوام نے جو پذیرائی ہمیں دی ہمارے مخالفین زندگی بھر اس عزت افزائی کا تصور بھی نہیں کرسکتے،کوئی یہ نہ سمجھے کہ ہم میدان سے آئوٹ ہو گئے ہم ہر وقت ہر موقع پر ان کے سامنے ثابت قدمی کے ساتھی ڈٹ کر کھڑے ہیں میدان خالی چھوڑنا ہمارا شیوہ نہیں انشاء اللہ بلدیاتی الیکشن میں بھر پور انداز سے حصہ لے کر مخالفین کو ناکوں چنے چبوا دینگے ڈنگہ لالہ موسیٰ کو خاص اہمیت دینگے،انتخابی پینل تشکیل دے کر مخالفین کو ٹف ٹائم دیتے ہوئے بیساکھیوں پر جیت کا جشن منانے والوں کو پھر سے ان کی اوقات یاد دلائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اللہ تعالیٰ کے خاص فضل و کرم اور عوامی دعائوں سے ڈنگہ شہر میونسپل کمیٹی ہے اور انشاء اللہ رہے گی،چوہدری جعفر اقبال، میاں طارق محمود ودیگر راہنما ڈنگہ
ڈنگہ (محمد بلال احمد بٹ) اللہ تعالیٰ کے خاص فضل و کرم اور عوامی دعائوں سے ڈنگہ شہر میونسپل کمیٹی ہے اور انشاء اللہ رہے گی تفصیلات کے مطابق چوہدری جعفر اقبال ایم این اے اور ایم پی اے میاں طارق محمود نے اپنے اپنے بیانات میں کہا کہ ڈنگہ شہر کی آبادی اور ریونیو میونسپل کمیٹی کے قیام کیلئے حکومت کی ترجیحات کے عین مطابق ہے انشاء اللہ ڈنگہ میونسپل کمیٹی بنے گی،اس سلسلہ میں کسی قسم کا کوئی ابہام نہیں، علاوہ ازیں الحاج صادق بٹ،میاں محمد اسلم،میاں امجد محمود،چوہدری شہریار اسلم،حاجی شاہد محمود بٹ، حبیب بسوی،رائو ساجد جہانگیر نے اپنے الگ الگ بیانات میں کہا کہ ڈنگہ شہر کی عوام کے حقوق اور مفادات کیلئے کسی قسم کا کوئی کمپرومائز نہیں کیا جائے گا شہر اور شہریوں کا مفاد ہمیں ہر چیز سے مقدم اور عزیز ہے اس کے لئے ہر وہ اقدام اٹھائیں گے جو شہر اور عوام کے مفاد میں ہو گا،میونسپل کمیٹی ڈنگہ بااختیار ادارہ ہو گا جس سے شہریوں کے مسائل مقامی سطح پر حل کرنے میں مدد ملے گی،کسی کو اپنے شہر کو عوامی حق غصب کرنے کی اجازت نہیں دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : جشن آزادی کے موقع پر بلدیہ ڈنگہ اور گورنمنٹ ہائی سکول ڈنگہ میں پرچم کشائی کی تقریب کا اہتمام کیا گیا
ڈنگہ (محمد بلال احمد بٹ) جشن آزادی کے موقع پر بلدیہ ڈنگہ اور گورنمنٹ ہائی سکول ڈنگہ میں پرچم کشائی کی تقریب کا اہتمام کیا گیا گورنمنٹ ہائی سکول ڈنگہ میں چیئر مین میاں امجد محمود نے ہیڈ ماسٹر میاں محمد عارف اور اساتذہ کرام کے ہمراہ یوم آزادی پر پرچم کشائی کی گئیبلدیہ ڈنگہ میں بلڈنگ انسپکٹر چوہدری محمد اختر نے ایس ایچ او تھانہ ڈنگہ راجہ زاہد نعیم اور بلدیہ عملہ کے ہمراہ پرچم کشائی کی 14 اگست کے موقع پر موسلا دھار بارش سے موسم خوشگوار اور ٹھنڈا ٹھار ہو گیا اور شہر اور علاقہ میں سبز ہلالی پرچم کی بہار نظر آئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پاکستان کے سابق صدر جنرل ضیاء الحق سمیت شہدائے بہاولپور کی 25 ویں برسی سترہ اگست بروز ہفتہ کو منائی گئی
ڈنگہ (محمد بلال احمد بٹ) پاکستان کے سابق صدر جنرل ضیاء الحق سمیت شہدائے بہاولپور کی 25 ویں برسی سترہ اگست بروز ہفتہ کو منائی گئی،اس سلسلہ میں سابق وفاقی وزیر اعجاز الحق کے زیر اہتمام تقریب منعقد ہوئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : نامعلوم چور ممتاز عالم دین قاری محمد اقبال حاجی محمد ارشد کی کپڑے کی دکان سخی کلاتھ ہائوس تھانہ روڈ کے سرشام تالے توڑ کر لوگوں کو آتا دیکھ کر فرار ہو گئے
ڈنگہ(محمد بلال احمد بٹ) نامعلوم چور ممتاز عالم دین قاری محمد اقبال حاجی محمد ارشد کی کپڑے کی دکان سخی کلاتھ ہائوس تھانہ روڈ کے سرشام تالے توڑ کر لوگوں کو آتا دیکھ کر فرار ہو گئے،شہر میں چوری کی بڑھتی ہوئی وارداتوں پر شہری تاجر برادری میں تشویش کی لہر دوڑ گئی ہے۔
Related Posts
