بھمبر ( ڈسٹرکٹ رپورٹر ) حضور اکرم ہادی بر حق حضرت محمد ۖ صلی اللہ علیہ وآلہ وسلم کے جعلی خاکے در حقیقت اللہ تعالیٰ کے عذاب کو دعوت دینے کے مترادف ہیں فرانس کے اخباروں میں توہین آمیز خاکے اور کارٹون بنا کر شائع کرنا شرمناک حرکت ہے گستاخانہ خاکوں کی اشاعت ناقابل جرم ہے دنیا بھر کے مسلمان اس وقت دکھ میں ہیں ہر مسلمان جان قربان کر سکتا ہے لیکن حضور اکرم صلی اللہ علیہ وآلہ وسلم کی شان میں گستاخی ہر گز برداشت نہیں کرسکتا ان خیالات کا اظہار امیدوار اسمبلی حلقہ ایل اے 7 بھمبر ڈاکٹر انعام الحق چوہدری نے اپنے ایک بیان میں کیا انہوں نے کہا کہ اسلام ایک عالمگیر دین ہے جس میں نبی آخر الزمان صلی اللہ علیہ وآلہ وسلم کا ادب و احترام ایمان کی بنیاد ہے سید نا آدم علیہ السلام سے لیکر سید نا عیسیٰ علیہ السلام تک اس جہان میں تشریف لانے والے تمام انبیاء و مرسلین کا ادب و احترام بھی فرض ہے گستاخانہ خاکے تیار کرنے والے در حقیقت ابلیس کے چیلے ہیں جن میں انسانیت ہی نہیں پائی جاتی اور ان کو تحفظ پیش کرنے والے بھی ان سے کم نہیں یہ عالمی امن کو تباہ کرنے کی ایک سازش ہے انہوں نے کہا ہادی عالم حضور اکرم صلی اللہ علیہ وآلہ وسلم کی شان میں گستاخی سب سے بڑی دہشت گردی ہے اس دہشت گردی کو اگر فوراً نہ کچلا گیا تو اس کے تباہ کن نتائج سامنے آئینگے انہوں نے کہا کہ فرانس میں حضور اکرم صلی اللہ علیہ وآلہ وسلم کے خاکے تیار کر کے اسلام دشمن پاوز نے امت مسلمہ کی غیرت کو للکارا ہے اسلامی حکومتوں پر ذمہ داری عائد ہوتی ہے کہ وہ اس گستاخی کے خاتمہ کیلئے عملی اتحاد و اتفاق کا مظاہرہ کرتے ہوئے ایک پلیٹ فارم سے دنیا کی طاغوتی و ابلیسی طاقتوں پر واضح کر دیں کہ حضور اکرم صلی اللہ علیہ وآلہ وسلم کی شان میں گستاخی ہر گز برداشت نہیں کی جائیگی انہوں نے وزیراعظم پاکستان میاں نواز شریف سے بھی مطالبہ کیاکہ وہ اس انتہائی اہم مسئلہ پر اسلامی ممالک کو اعتماد میں لیکر اسلامی سربراہ کانفرنس کا اہتمام کریں اور تمام اسلامی سربراہان مملکت کو ایک جگہ پر جمع ہو کر گستاخی رسول کو ناقابل معافی جرم قرار دیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر ) ایلیمنٹری تعلیمی بورڈ ضلع بھمبر نے سالانہ امتحانات کے شیڈول کا اعلان کر دیا انتخابات 26 فروری سے شروع ہونگے تفصیلات کے مطابق کنٹرولر امتحانات ضلعی ایلیمنٹری تعلیمی بورڈ بھمبر چوہدری محمد اسلم نے سالانہ امتحانات کے شیڈول کا اعلان کر دیا جس کے مطابق 26 فروری بروز جمعرات سے جماعت ہشتم اور پنجم کے امتحانات شروع ہونگے جبکہ رول نمبر سپلیس ایک ہفتہ قبل جاری کر دی جائیگی رول نمبر سلیپس نہ ملنے والے امیدوار ایلیمنٹری تعلیمی بورڈ سے برائے راست رابطہ کر سکتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) اکیسویں صدی کے چیلنجز کا مقابلہ کرنے اور آئندہ نسلوں کے مستقل کو محفوظ بنانے کیلئے جنگلات کا تحفظ و فروغ انتہائی اہم ہے شجر کاری مہم کے دوران ضلع بھمبر میں 25 لاکھ پودے لگائینگے سرکاری، نیم سرکاری ادارے، عوام اور این جی اوز شجر کاری میں مہم میں حکومت کیساتھ تعاون کریں ان خیالات کا اظہار ڈپٹی کمشنر بھمبر مرزا اشرد محمود جرال نے شجر کاری کے حوالے سے اپنے آفس میں منعقدہ اجلاس سے خطاب کرتے ہوئے کیا انہوں نے کہا کہ درخت لگانا اور انکی حفاظت کرنا ہم سب کی قومی و ملی ذمہ داری ہے سال 2015 کی شجر کاری کو شہداء پشاور کے نام سے منسوب کیا گیا ہے اجلاس سے خطاب کرتے ہوئے کیا انہوں نے کہا کہ درخت لگانا اور انکی حفاظت کرنا ہم سب کی قومی و ملی ذمہ داری ہے سال 2015 کی شجر کاری کو شہداء پشاور کے نام سے منسوب کیا گیا ہے اجلاس میں اسسٹنٹ کمشنر زراجہ طارق محمود، چوہدری حق نواز، چوہدری مظہر اقبال، ڈی ایس پی مقصود احمد خان، ایڈمنسٹریٹر ضلع کونسل چوہدری ولید اشرف، ایڈمنسٹریٹر بلدیہ راجہ شاہد انور، ڈی ایف او راجہ عمران شفیع، صدر انجمن تاجران ڈاکٹر عبدالشکور، ڈی ایف او راجہ عابد، ڈی ایچ او ڈاکٹر طارق محمود سمیت مختلف محکمہ جات کے ضلعی آفیسران سمیت دیگر نے شرکت کی اجلاس میں شجر کاری مہم کو کامیاب بنانے کیلئے حکمت عملی بھی طے کی گئی جبکہ ایڈمنسٹریٹر ضلع کونسل چوہدری ولید اشرف نے 15 جنگلے، ایڈمنسٹریٹر بلدیہ راجہ شاہد انور نے 20 جنگلے ، اسسٹنٹ کمشنرراجہ طارق نے 10 جنگلے ، چوہدری ظفر نے 5 جنگلے اور مہتمم جنگلات نے 5 جنگلے عطیہ کرنے کا اعلان کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) 11 فروری 1984 کو تہاڑ جیل دہلی میں موجود تحریک آزادی کشمیر کے سر خیل مقبول بٹ کو پھانسی کے پھندے پر لٹکا کر جس آواز حریت کو دبانے کی ناکام کوشش کی گئی آج وہ آواز پوری دنیا کے کونے کونے میں گونج رہی ہے 11 فروری 1984 مقبول بٹ کی شہادت سے شروع ہونیولا سلسلہ شہادت میں شہید ہونیوالے تمام شہداء کو ہم 11 فروری 1984 کا شہید قرار دیتے ہیں اور اس طرح ہر سال 11 فروری 1984 کو ریاست جموں و کشمیر کے عوام شہداء کشمیر ڈے کے طور پر مناتے ہیں ان خیالات کا اظہار انجینئر خالد پرویز بٹ مرکزی صدر کشمیر فریڈم موومنٹ نے کہا انہوں نے کہا انشاء اللہ اس سال بھی 11 فروری کے دن پوری دنیا میں آباد کشمیری بالخصوص آزاد کشمیر و مقبوضہ کشمیر کے عوام شہداعظم شہید کشمیر مقبول بٹ شہید کے یوم شہادت کے موقع پر تمام شہداء کشمیر کو خراج عقیدت پیش کرتے ہوئے ریلیوں، جلوسوں اور سیمیناروں کا انعقاد کر کے پیغام آزادی پوری دنیا تک پہنچائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) محکمہ تعلیم کا سرکاری ٹیچر بندوق کے زور پر محکمہ جنگلات کے رقبہ پر قبضہ کرنے میں مصروف ہے سکول ٹیچر کو یہ کام زیب نہیں دیتا سکول ٹیچر ایک قوم کی تعمیر میں کردار ادا کرنے کی بجائے بندوق اٹھائے پھر رہا ہے وزیر تعلیم، وزیر مال اور ڈسٹرکٹ ایجوکیشن آفیسر سکول ٹیچر کی بد معاشی کا نوٹس لیں ان خیالات کا اظہار ارشد محمود آف کالی ترڑاں نے اپنے ایک اخباری بیان میں کیا انہوں نے کہا کہ معاشرہ کے اندر استاد کا بڑا کردار ہے استاد قوم کے مستقبل کی تعمیر کرتا اور معاشرہ میں اپنے کردار کے حوالے سے ایک بڑا مقام رکھتا ہے لیکن افسوس کہ ماسٹر محمد اصغر عر ف سونی بندوق کے زور پر نہ صرف سرکاری رقبہ پر قبضہ کر رہا ہے بلکہ قیمتی جنگلات کو بھی نقصان پہنچانے اور محکمہ جنگلات کے اہلکاران پر فائرنگ کرنے میں ملوث ہے ایک استاد کو اس طرح کی حرکات زیب نہیں دیتی تھانہ پولیس چوکی میں مقدمہ درج ہونے کے باوجود بااثر ٹیچر سر عام دندناتاپھر رہا ہے قبضہ کرنے اور فائرنگ کرنے والے ٹیچر کیخلاف محکمہ تعلیم کے ذمہ داران کی طرف سے بھی نوٹس نہ لینا قابل افسوس ہے اگر اس طرح کے استاد محکمہ تعلیم کا حصہ رہے تو مستقبل کے معمار ایک اچھے شہری بننے کی بجائے اسی استاد کی روش پر چل پڑینگے انہوں نے کہا کہ ہمارا وزیرتعلیم آزاد کشمیر ، وزیر مال چوہدری علی شان اور ڈسٹرکٹ ایجوکیشن آفیسر بھمبر سے مطالبہ کیا ہے کہ منفی سرگرمیوں میں ملوث سرکاری سکول ٹیچر کو فی الفور معطل کر کے اس کے خلاف قانونی کارروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر(ڈسٹر کٹ رپورٹر) پیپلز پارٹی سٹی بھمبر کے صدر چوہدری سعید خادم ایڈووکیٹ نے کہا ہے کہ چوہدری یاسین آزاد کشمیر کے بھٹو ہیںکوئی مائی لعل ان کی طرف میلی آنکھ سے نہیں دیکھ سکتا انہوں نے کم وقت میں محنت اور مسلسل جد و جہد سے آزاد کشمیر کی سیاسی میں اپنا بڑا مقام بنایا ہے انہوں نے اپنے حلقہ میں بلا تخصیص تعمیر و ترقی کے کام کر کے عوام کے دل جیتے ہیں انہوںنے کہا کہ چوہدری یاسین نے حلقہ میں بلا امتیاز عوام کے مسائل حل کر کے حلقہ سے براداری ازم کی سیاست کوہمیشہ کیلئے ختم کر دیا ہے اب عوام کسی کے دھوکے میں آنے والے نہیں یہی وجہ ہے کہ مخالفین کے پیٹ میں مروڑ پڑ رہے ہیں جس کی وجہ سے آئے روز میڈیا میں چوہدری یاسین کے خلاف گندی زبان استعمال کرتے ہیں عوام چوہدری یاسین کو دل و جان سے اپنا قائد مانتے ہیں ۔ حلقہ چڑہوئی کے عوام آمدہ انتخابات میں چوہدری یاسین کے مخالفین کو ناکوں چنے چبوائیں گے ۔ چوہدری یاسین آئندہ انتخابات میں بھی بھاری اکثریت سے کامیاب ہونگے حلقہ چڑہوئی ،سماہنی اور بھمبر میں تعمیر و ترقی کے تمام منصوبوں کا سہرا چوہدری یاسین کو جاتا ہے 2016ء کے انتخابات میں پیپلز پارٹی اپنی کارکردگی کی بنیاد پر دوبار کامیابی حاصل کرے گی اور چوہدری یاسین وزیراعظم ہونگے ۔ انہوں نے کہا چوہدری یاسین کے خلاف گندی زبان استعمال کرنے والے اپنی اوقات میں رہیں ورنہ ہم ان کو ان کی اوقات یاد کروا دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) فریڈم موومنٹ کے سیکرٹری مالیات محمد منشاء وقار، ضلعی صدر محمود الحسن ایڈووکیٹ، سٹی صدر محمد یٰسین تبسم، سابق صدر پریس کلب راجہ نعیم گل، سابق پولیٹکل سیکرٹری صدر ریاست راجہ فہیم اختر بڑھنگ، سنیئر نائب صدر مسلم کانفرنس راجہ محمد آصف سیرلہ، صدر ٹرانسپورٹ یونین بھمبر چوہدری محمد عارف کاکا، ٹھیکیدار چوہدری سلیمان درائیاں، سینئر صحافی چوہدری خالد حسین ،نائب صدر یونین آف جرنلسٹ ضلع بھمبر ملک شوکت حسین، ذیشان مصطفی، احمد برکت نے اپنے ایک مشترکہ بیان میں تفتیشی افسر محمد رفیق آف پینٹڑہ کی والدہ محترمہ کی وفات پر گہرے دکھ و غم کا اظہار کرتے ہوئے اظہار تعزیت کیا ہے اور مرحومہ کے روح کے ایصال ثواب کیلئے دعائے مغفرت کی اور پسماندگان کیلئے صبر و جمیل کی دعا کی ہے۔
