بھمبر ( ڈسٹرکٹ رپورٹر ) جشن عید میلاد النبی صلی اللہ علیہ وآلہ وسلم کے سلسلہ میں سیرلہ میں عظیم الشان محفل میلاد کا انعقاد فضائیں درود سلام سے گونج اٹھیں حضرت مولانا عبدالرشید اویسی کا خصوصی خطاب سینکڑوں افراد کی شرکت تفصیلات کے مطابق جشن عید میلاد النبی صلی اللہ علیہ وآلہ وسلم اور ماہ ربیع الاول کی مناسبت سے سیرلہ میں معروف سماجی شخصیت راجہ ساجد اقبال نے ایک عظیم الشان محفل میلاد کا انعقاد کیا محفل میں نعت خواں حضرات نے نبی آخر الزمان صلی اللہ علیہ وآلہ وسلم کے بحضور نذرانہ عقیدت پیش کیا جبکہ جامع مسجد گجرات کے خطیب اعلیٰ حضرت مولانا عبدالرشید اویسی نے سیرت النبی صلی اللہ علیہ وآلہ وسلم پر خصوصی روشنی ڈالی اس موقع پر فضائیں درود سلام سے گونج اٹھیں محفل میں اہلیان علاقہ کی بڑی تعداد نے شرکت کی دریں اثنا منتظم محفل راجہ ساجد اقبال کے والد محترم راجہ محمد خالق مرحوم کی روح کے ایصال ثواب کیلئے خصوصی دعا کرائی گئی محفل کے اختتام پر شرکاء محفل میں لنگر تقسیم کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) بھمبر پرائس کنٹرول کمیٹیوں کی غفلت مرغی کا گوشت ، گیس اور سبزیاں دوکاندار مہنگے داموں فروخت کرنے میں مصروف ریڑھی، دوکان اور گاڑیوں پر فروخت کرنے والوں کے علیحدہ علیحدہ ریٹس عوام چکرا کر رہ گئے انتظامیہ نا جائز منافع خوروں کیخلاف قانونی کارروائی عمل میں لائے عوامی اور شہری حلقوں کا مطالبہ تفصیلات کے مطابق بھمبر میں ضلعی انتظامیہ کی طرف سے قائم کی گئی پرائس کنٹرول کمیٹیوں کے ذمہ داران کے دفاتر تک محدود ہو جانے کے باعث شہر میں مرغ فروش مرغی کا گاشت ، سبزی فروش، سبزیاں جبکہ سلنڈر والے گیس نہ صرف مہنگے داموں فروخت کر رہے ہیں بلکہ شہر کے مختلف حصوں میں قائم دوکانوں ، ریڑھیوں اور گاڑیوں پر بکنے والی اشیاء کے اپنے علیحدہ علیحدہ ریٹس ہیں انتظامیہ کی طرف سے روزانہ کی بنیاد پر ریٹ لسٹیں جاری نہ ہونے کے باعث من مرضی کی قیمتوں کا اودھم مچا ہوا ہے بھمبر کے عوامی اور شہری حلقوں نے پرائس کنٹرول کمیٹیوں کے بازاروں میں چیک اینڈ بیلنس نہ ہونے پر اظہار تشویش کرتے ہوئے مطالبہ کیا ہے کہ شہر میں بے قابو ہوتی ہوئی قیمتوں کو کنٹرول کیا جائے اور نا جائز منافع خوری میں ملوث دوکانداروں کے خلاف قانونی کارروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) بھمبر میں لوڈ شیڈنگ کا جن قابو نہ ہو سکا لوڈ شیڈنگ کا دورانیہ 10 گھنٹے سے تجاوز کر گیا نظام زندگی مفلوج ، کاروبار ٹھپ چھوٹا کاروباری طبقہ پریشان تاجر تنظیموں نے بھی خاموشی اختیار کر لی عوام سراپا احتجاج تفصیلات کے مطابق بھمبر میں غیر اعلانیہ لوڈ شیڈنگ نے عوام کی مت مار دی غیر اعلانیہ لوڈ شیڈنگ 10 گھنٹے بھی تجاوز کر گئی جس کے باعث نہ صرف کاروبار ٹھپ ہو کر رہ گیا جبکہ گھرں میں پینے کے پانی کا بحران بھی سر اٹھا کر کھڑا ہو گیا ہے دوسری طرف دیہات میں لوڈ شیڈنگ 15 گھنٹے سے زیادہ ہونے کے باعث پانی کا شدید بحران پیدا ہو چکا ہے لوڈ شیڈنگ کے باعث ہسپتالوں میں آپریشنل نظام سمیت مریضوں کو دی جانے والی دیگر کئی سہولتیں شدید متاثر ہو کر رہ گئیں ہیں چھوٹا کاروباری طبقہ جس میں فوٹو سٹیٹ، ویلڈنگ ، موبائل شاپ ، درزی ، کارپینٹر سمیت دیگر کاروباری طبقہ لوڈ شیڈنگ سے شدید متاثر ہے جبکہ تاجروں کی نمائندگی کرنے والی تنظیموں کے ذمہ داران نے بھی چپ سادھ رکھی ہے جس پر تاجر طبقہ پریشان ہے دوسری طرف امتحانات قریب ہونے پر طلباو طالبات کا بھی بجلی لوڈ شیڈنگ کے باعث تعلیمی حرج ہو رہا ہے بھمبر کے عوامی ، شہری ، تعلیمی اور تاجروں نے حکومت آزاد کشمیر سے مطالبہ کیا ہے کہ بھمبر میں جاری غیر اعلانیہ لوڈ شیڈنگ کا نوٹس لیا جائے اور لوڈ شیڈنگ کا خاتمہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر ) کسی بھی معاشرے میں مثبت تبدیلی کیلئے نوجوان ہمیشہ اہم کردار ادا کرتے ہیں حلقہ برنالہ کی پسماندگی اور نوجوانوں کی محرومیوں کو دور کرنے کیلئے نوجوانوں کو کھیل کے میدان کے ساتھ ساتھ سیاسی میدان میں بھر پور کردار ادا کرنا ہو گا ان خیالات کا اظہار امیدوار اسمبلی حلقہ ایل اے 5 برنالہ عبدالمالک اعوان نے ابووالہ کے مقام پر خالد شہید والی بال ٹورنامنٹ کی فائنل تقریب سے خطاب کرتے ہوئے کیا انہوں نے کہا کہ حلقہ برنالہ کے سیاستدانوں نے جان بوجھ کر حلقہ کے نوجوانوں کا سیاسی اور معاشی استحصال کیا ہے تعلیمی اداروں سمیت کھیلوں کے میدان کا فقدان ہے نوجوان نسل کواعلیٰ تعلیم حاصل کرنے کیلئے کئی کئی کلو میٹر دور جانا پڑتا ہے اسی طرح حلقہ میں سٹیڈیم اور گرائونڈوں کا بھی فقدان ہے نوجوانوں کا بہتر مستقبل بنانا میرا مشن ہے نوجوانوں کو تعلیم سمیت کھیلوں کی سہولیات بھی فراہم کرنے کیلئے اپنا بھر پور رول ادا کرونگا انہوں نے کہا کہ نوجوان کسی بھی ملک کی تقدیر بدلنے اور معاشرے میں انقلابی تبدیلیاں لانے میں اہم کردار ادا کرتے ہیں حلقہ برنالہ کے نوجوان متحد اور منظم ہو کر استحصالی سیاستدانوں کا محاسبہ کریں آئندہ الیکشن میں ایسی قیادت کا انتخاب کریں جو نوجوانوں کے بہتر مستقبل کیلئے بھر پور کردار ادا کر سکے تقریب سے چوہدری ذوالفقار، چوہدری محمد نواز اور دیگر نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) ممتاز مذہبی شخصیت اہلسنت و جماعت کے سٹی صدر حافظ شجاع الرحمن پر نامعلوم افراد کا حملہ برہنہ کر کے وحشیانہ تشدد کا نشانہ بنایا داڑھی کاٹ دی جسم پر پیشاب ، ہاتھ پائوں باندھ کر دکان میں برہنہ پھینک کر فرار شدید زخمی حالت میں ڈسٹرکٹ ہسپتال منتقل واردات مذہبی چپقلش کا شاخسانہ علاقے میں چہ مگوئیاں شہر بھر میں خوف و ہراس اہلسنت و الجماعت کے کارکنان سراپا احتجاج تاجر تنظیموں کا بھی شدید احتجاج واردات میں ملوث ملزمان کو فی الفور گرفتار کرنے کا مطالبہ تفصیلات کے مطابق گذشتہ رات بھمبر کی معروف و ممتاز مذہبی شخصیت اہلسنت و الجماعت کے سٹی صدر اور سنی ٹرسٹ کے صدر حافظ شجاع الرحمن خادم چوک میں حنفیہ مسجد کے نزدیک گیراج کیلئے دکان کرایہ پر لے رکھی تھی تقریباً 10 بجے کے قریب موصوف اپنی موٹر سائیکل دوکان گیراج میں کھڑی کرنے کیلئے گئے دوکان کا شٹر اٹھا کر دوکان میں داخل ہوئے تو اسی اثنا میں 5 سے 6 نامعلوم افرادجنہوں نے چہرے پر نقاب اوڑھ رکھے تھے نے اچانک حملہ کر کے برقی تار سے گلہ اور ہاتھ باندھ دئیے جبکہ منہ میں کپڑا ڈھونس کر منہ بند کر دیا اس دوران انہوں نے حافظ شجاع الرحمان کے کپڑے اتار کر برہنہ کر کے وحشیانہ تشدد شروع کر دیا اور ان کی داڑھی کاٹ دی اور جسم پر پیشاب کرتے رہے اور ساتھ ساتھ ویڈیو فلم بھی بناتے رہے حملہ آور نازیبا اور غلط گالیاں دیتے رہے وحشیانہ تشدد کے بعد حملہ آور موصوف کو شدید زخمی حالت میں ہاتھ پائوں اور منہ باندھ کر دوکان کے اندر چھوڑ کر فرار ہو گئے اور جاتے ہوئے دوکان کا شٹر بند کر گے موصوف کے کافی دیر گھر نہ پہنچنے پر اہل خانہ کو تشویش ہوئی بار بار فون کال کے باوجود جواب نہ ملنے پر بھائی نے گیراج والی دوکان میں جا کر دیکھا تو موصوف شدید زخمی حالت اور برنہ حالت میں فرش پر بندھے پڑھے تھے جس کی پولیس کو اطلاع کی گئی اور موصوف کو شدید زخمی حالت میں فوری طور پر ڈسٹرکٹ ہسپتال پہنچایا گیا جہاں ان کو طبی امداد دی گئی پولیس نے واقعہ کی FIR درج کر کے تفتیش شروع کر دی ہے واقعہ کے متعلق شبہ میں مذہبی چپلقش کا شاخسانہ کے حوالے سے چہ مگوئیاں ہو رہی ہیں واقعہ پر اہلسنت و الجماعت اور تاجر تنظیمیں شدید احتجا ج کرتے ہوئے واقعہ میں ملوث ملزمان کو فی الفور گرفتار کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) آئی جی پولیس آزاد کشمیر ملک خدا بخش اعوان کی اہلیہ کی وفات پر امیدوار اسمبلی حلقہ برنالہ ملک عبدالمالک اعوان، افتخار طیب اعوان، ملک عبدالحمید اور ملک وسیم اعوان نے گہرے دکھ اور غم کا اظہار کرتے ہوئے اظہار تعزیت کیا ہے اور مرحومہ کی روح کے ایصال ثواب کیلئے دعائے مغفرت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) اصلاحی کمیٹی سیرلہ کے صدر راجہ نعیم نجمی ، ممبر ملک شوکت اعوان، مرزا غلام فاروق نے اپنے مشترکہ بیان میں کہا ہے کہ بھمبر کے سرکاری تعلیمی اداروں کے سربراہ جب تک اہل اور ایماندار نہیں ہونگے نوکریوں کی بولیاں لگتی رہیں گی میرٹ پر آنے والے اہل لوگوں کے ساتھ نا انصافی مختلف حالات کو جنم دیتی ہے گورنمنٹ گرلز پرائمری سکول سیرلہ میں میرٹ سے ہٹ کر کی جانے والی تقرری کسی صورت قبول نہیں تعصب اور اقربا پروری نے میرٹ اور اہل لوگوں کے حق پر ڈاکہ ڈالا ہے سیرلہ کی مقامی امیدوارہ جو کہ بیوہ ہے اور میرٹ پر پورا اترتی ہے کو ایڈجسٹ کیا جائے انہوں نے کہا کہ خالی آسامیوں پر تقرری کے انٹرویو کیلئے بنائی گی کمیٹی کے اعتراضات کے باوجود میرٹ سے ہٹ کر تقرری کرنا تعصب اور اقربا پروری کا عین ثبوت ہے اور ایسے لوگ اپنے سیاسی مفاد کی خاطر نوکریوں پر بھی سیاست رچا کر انصاف کا خون کرنے میں مصروف ہیں انہوں نے کہا کہ ہمارا محکمہ تعلیم کے ارباب اختیار سے مطالبہ ہے کہ سیرلہ پرائمری سکول میں میرٹ سے ہٹ کر کی جانے والی تقرری کا نوٹس لیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) خالد شہیدوالی بال ٹورنامنٹ ابووالہ والی بال کلب نے کڈیالہ والی بال کلب کو شکست دے کر جیت لیا عبدالمالک اعوان نے ونر اور رنر ٹیموں کے کھلاریوں میں ٹرافیاں تقسیم کیں ٹورنامنٹ کمیٹی کیلئے 15 ہزار ، ونر ٹیم کیلئے 5 ہزار ، رنر اپ ٹیم کیلئے 3 ہزار روپے کا اعلان تفصیلات کے مطابق گذشتہ روز ابووالہ میں خالد شہید والی بال ٹورنامنٹ کا فائنل میچ ابووالہ اور کڈیالہ والی بال کلب کی ٹیموں کے درمیان کھیلا گیا جو ابووالہ والی بال کلب نے کڈیالہ والی بال کلب کو شکست دے کر جیت لیا فائنل میچ کی تقریب کے مہمان خصوصی امیدوار اسمبلی حلقہ ایل اے 5 برنالہ عبدالمالک اعوان تھے جنہوں نے فائنل میچ کھیلنے والی ٹیموں کے کھلاڑیوں میں ٹرافیاں تقسیم کی جبکہ ٹورنامنٹ کمیٹی کیلئے 15 ہزار روپے ، ونر ٹیم کیلئے 5 ہزار اور رنر اپ ٹیم کیلئے 3 ہزار روپے کا اعلان کیا۔
