فتح پور (سٹاف رپورٹر) گورنمنٹ ماڈل پرائمری سکول 102ایم ایل سکول کی چاردیواری سے محروم ، دو کمرے ان کی بھی حالت خستہ ،طلباء و طالبات کے لئے بیٹھنے کا کوئی انتظام نہیں ، دور جدید میں بھی سکول میں آج بھی بچے ٹاٹوں پر بیٹھ کر تعلیم حاصل کرنے پر مجبور ، تفصیل کے مطابق تحصیل کروڑ لعل عسین کے چک نمبر 102ایم ایل کا گورنمنٹ ماڈل پرائمری سکول بنیادی سہولیات سے محروم ہے ، اس سکول کے کچھ حصہ کی چار دیواری بنی ہوئی ہے ، چار دیواری نہ ہونے سے سکول میں جانوربھی آزادانہ گھومتے پھرتے ہیں، حکومت پنجاب کی طرف سے سکولوں میں سیکورٹی اور چار دیواریوں کو اونچا کرنے کے لئے کروڑوں روپے لگا دئے جب کہ اس چک میں نہ تو چار دیواری بنائی گئی اور نہ ہی کسی قسم کی سیکورٹی کے انتظامات کئے گئے ،سکول میں دو کمرے ہیں جن کی بھی حالت خستہ ہے ، بچے سردی و گرمیوں میں کھلے آسمان تلے تعلیم حاصل کرنے پر مجبور ہیں ، دور جد ید میں بھی آج اس چک کے بچے ٹاٹوں پر بیٹھ کر تعلیم حاصل کرنے پر مجبور ہیں، سکول کے اساتذہ ماسٹر سیف اللہ ، محمد شفیق احمد نے بتایا کہ سکول میں بچوں کی تعداد120سے زائد ہے ، اور ہمیشہ بچوں کا رزلٹ بھی اچھا آتا ہے ، سکول میں بنیادی سہولیات کی فراہمی کی اشد ضرورت ہے ، محکمہ ایجو کیشن لیہ کو متعدد بار آگاہ کیا ہے ، چک ہذا کے لوگوں نے بھی حکومت پنجاب کے نعرہ ، پڑھو پنجاب ،بڑھو پنجاب پر شدید احتجاج کرتے ہوئے کہا کہ حکومت پنجاب کا یہ نعرہ صرف لاہور تک محدود ہے ، دور جدید میں بھی ہمارے بچے آج بھی بنیادی سہولیات سے محروم ہیں، مقامی لوگوں نے وزیر اعلیٰ پنجاب میاں شہباز شریف ، وزیر تعلیم رانا مشہود ، کمشنر ڈیرہ غازی خان ، ڈی سی لیہ اورمحکمہ ایجو کیشن لیہ سے نوٹس لینے کا مطا لبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فتح پور (سٹاف رپورٹر) اسٹیٹ لائف انشورنش آف پاکستان کی سیلز نمائندہ نے نواحی گائوں چک نمبر 103ٹی ڈی اے کے درجنوں افراد کی قسطوں کی رقم لے کر خورد برد کر لی ، رقم کے مطا لبہ پر شوہر کے ذریعے متا ثرین کو سنگین نتائج کی دھمکیاں، متا ثرہ افراد کا اعلیٰ حکام سے رقم دلوانے کا مطا لبہ ، تفصیل کے مطابق فتح پور کی رہائشی شکیلہ نامی خاتون محکمہ اسٹیٹ لائف انشورنش آف پاکستان کی نمائندہ ہے ، اس نے نواحی گائوں چک نمبر 103ٹی ڈی اے کے درجنوں پالیسی ہولڈرزثمینہ کوثر زوجہ بشیر احمد 13612/ روپے، رقیہ بی بی زوجہ محمد اقبال/ 6395روپے ،رخسانہ کوثر زوجہ محمد حسین 22947/روپے ،محمد نواز ولد سعید احمد 10437/روپے ، نعیم اختر ولد محمد حنیف 10449/روپے ،محمد اسلم ولد لیاقت علی 52903/روپے ،خالدہ پروین زوجہ علی شیر 9986/روپے ،حیات بی بی زوجہ غلام اصغر 11581/روپے کی سالانہ اقساط کی رقم لے کر خورد برد کر لی ہے ، اور رسیدوں کے لئے لیت و لعل سے کام لیا جانے لگا ، متاثرین نے اس کے آفس میں رابطہ کیا تو وہاں سے مبینہ بد عنوانیوں پر اس کو نکال دیا گیا ،شکیلہ نامی خاتون کے ساتھ اس کا شوہر محمد طارق بھی اس کے ساتھ شامل ہے ، اور متاثرہ افراد کے رقم کے تقاضہ پر اس کا خاوند سنگین نتائج کی دھمکیاں دینے لگا ہے ، مبینہ ذرائع کے مطابق درجنوں افراد شکیلہ اور اس کے شوہر محمد طارق کے ڈسے ہوئے ہیں، اور لاکھوں روپے کی رقم خورد برد کئے ہوئے ہیں، متا ثرین نے اعلیٰ حکام سے ان کے خلاف کاروائی کرنے اور ان سے رقم کی ادائیگی کے لئے اقدامات اٹھائے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فتح پور (سٹاف رپورٹر) دہشت گرد عناصر انسانیت کے دشمن ہیں ان کو جہنم واصل کیا جائے ، ان خیالات کا اظہار صاحبزادہ سید مقبول احمد شاہ ترمذی نے ایک مذمتی بیان میں کیا ، انہوں نے کہا کہ دہشت گرد عناصر بے گناہ شہریوں کاقتل عام کر رہے ہیں، عوام کی حفاظت کرنے والے فوج ،پولیس اور دیگر حساس اداروں کو نشانہ بنانا اور مزارات ،درگاہوں کو نشانہ بنانے والے پوری انسانیت کے مجرم ہیں، یہ مجرم کسی رعایت کے مستحق نہیں ہیں، ان مجرموں کو پکڑ کر کیفر کردار تک پہنچایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فتح پور (سٹاف رپورٹر) لعل شہباز قلندر، لاہور اور دیگر صوبوں میں بم دھماکوں سے ہلاکتیں انتہائی افسوس ناک واقع ہے ، ملک دشمن عناصر پاکستان کو ترقی یا فتہ نہیں دیکھنا چاہتے، ان دہشت گردی کرنے والے عناصر کے خلاف کاروائی کو عملی جامہ پہنا کر ملک کو امن کا گہوار ہ بنا نے کے لئے اقدامات کئے جائیں، تفصیل کے مطابق فتح پور کی سیاسی و سماجی شخصیات چوہدری اظہار حسین کاہلوں چیئر مین میونسپل کمیٹی ، میاں جاوید اصغر وائس چیئر مین میونسپل کمیٹی ، محمد بوٹا شہزاد ، رانا غلام مصطفی عرف بابو جنر ل کونسلر ،چوہدری محمد شفیع گجر جنر ل کونسلر ،ملک حنیف کھرل جنر ل کونسلر،حامد سرفراز،ملک مزمل حسین اعوان ،چوہدری علی اصغر گجر اور چوہدری محمود انور نمبردار وائس چیئر مین یوسی 112ایم ایل نے کیا ، انہوں نے کہا کہ ملک دشمن عناصر کو پاکستان کی ترقی ایک آنکھ نہیں بھا رہی ہے ، جس کی بناء پر ملک بھر میں دہشت گردی کے واقعات کو فروغ دے کر پاکستان کو غیر محفوظ قرار دینے کی غیر مذموم کوشش کی جارہی ہے ، جس میں دہشت گردعناصر کسی صورت میں بھی کامیابی حاصل نہیں کر سکیں گے، وفاقی اور صوبائی حکومتیں اور ہماری افواج سمیت تمام سیکورٹی ادارے امن و امان کے لئے تما م تر وسائل بروئے کار لا رہے ہیں، انشاء اللہ پاکستان امن کا گہوارہ ہے اور رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فتح پور (سٹاف رپورٹر) سابق چئیر مین ملک محمد رمضان کھنڈ کے بھائی ملک طالب حسین کھنڈ آہوں اور سسکیوں کے ساتھ سپر د خاک ،نماز جنازہ میں سابق صوبائی وزیر ، ضلعی چیئر مین سمیت سیاسی ،سماجی و کاروباری شخصیات کی کثیر تعداد میں شرکت ، مرحوم کی مغفرت و درجات کی بلندی کے لیے اجتماعی دعا ،۔تفصیل کے مطابق میونسپل کمیٹی فتح پور کے سابق چیئر مین ، مسلم لیگی رہنما ملک محمد رمضان کھنڈ کے بھائی ملک طالب حسین کھنڈ جو کہ پارکو پاور لائن کوٹ اددو میں انجینئر تھے گزشتہ روز دوران ڈیوٹی حرکت قلب بند ہو نے کی وجہ سے طبعیت ناساز ہو گئی تو انہیں فوراً ملتان ریفر کر دیا گیا جہاں وہ اپنے خالق حقیقی سے جا ملے ۔ گزشتہ روز ملک طالب حسین کھنڈ کی نماز جنازہ تھانہ گرائونڈ فتح پور میں ادا کی گئی جس میں سابق صوبائی وزیر ملک احمد علی اولکھ ،ضلعی چیئر مین ملک عمر علی اولکھ ، ایم پی اے عبدالمجید خان نیازی ، چوہدری اطہر مقبول ، چوہدری الطاف حسین ، عبدالاحد خان نیازی سمیت علاقہ بھر کی سیاسی ، سماجی و کاروباری شخصیات کی کثیر تعداد میں شرکت ۔ نماز جنازہ کے آخر میں مرحوم کی مغفرت و درجات کی بلندی کے لیے اجتماعی دعا کروائی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فتح پور (سٹاف رپورٹر) سابق چئیر مین ملک محمد رمضان کھنڈ کے بھائی ملک طالب حسین کھنڈ آہوں اور سسکیوں کے ساتھ سپر د خاک ،نماز جنازہ میں سابق صوبائی وزیر ، ضلعی چیئر مین سمیت سیاسی ،سماجی و کاروباری شخصیات کی کثیر تعداد میں شرکت ، مرحوم کی مغفرت و درجات کی بلندی کے لیے اجتماعی دعا ،۔تفصیل کے مطابق میونسپل کمیٹی فتح پور کے سابق چیئر مین ، مسلم لیگی رہنما ملک محمد رمضان کھنڈ کے بھائی ملک طالب حسین کھنڈ جو کہ پارکو پاور لائن کوٹ اددو میں انجینئر تھے گزشتہ روز دوران ڈیوٹی حرکت قلب بند ہو نے کی وجہ سے طبعیت ناساز ہو گئی تو انہیں فوراً ملتان ریفر کر دیا گیا جہاں وہ اپنے خالق حقیقی سے جا ملے ۔ گزشتہ روز ملک طالب حسین کھنڈ کی نماز جنازہ تھانہ گرائونڈ فتح پور میں ادا کی گئی جس میں سابق صوبائی وزیر ملک احمد علی اولکھ ،ضلعی چیئر مین ملک عمر علی اولکھ ، ایم پی اے عبدالمجید خان نیازی ، چوہدری اطہر مقبول ، چوہدری الطاف حسین ، عبدالاحد خان نیازی سمیت علاقہ بھر کی سیاسی ، سماجی و کاروباری شخصیات کی کثیر تعداد میں شرکت ۔ نماز جنازہ کے آخر میں مرحوم کی مغفرت و درجات کی بلندی کے لیے اجتماعی دعا کروائی گئی۔
شاہد محمود سٹاف رپورٹرفتح پور لیہ
17/02/2017
0606840446
