ذوالفقار علی بھٹوشہید تیسری دنیا کے عظیم لیڈر تھے:ڈاکٹر محمد امتیاز چوہدری
بھمبر(جی پی آئی)ذوالفقار علی بھٹوشہید تیسری دنیا کے عظیم لیڈر تھے محکوم اور مظلوموں کے حقوق کیلئے آواز بلند کی پاکستان میں پیپلزپارٹی کی بنیاد مسلہ کشمیر پر رکھی گئی تھی اگر ذوالفقار علی بھٹو کا عدالتی قتل نہ کیا جاتا تو مسلہ کشمیر کب کا حل ہو چکا ہو تا ان خیالات کااظہار پیپلزپارٹی کے راہنماو کوآرڈینٹر وزیر اعظم آزادکشمیرڈاکٹرمحمد امتیاز چوہدری آف سوکاسن نے قائد عوام ذوالفقار علی بھٹو کی برسی پر جیالے نئے عزم کیساتھ تجدیدعہد کرتے ہیں کہ ہم قائد عوام کا مشن جاری و ساری رکھیں گے اور انکے ادھورے مشن کو پایہ تکمیل تک پہنچائیں گے پاکستان کو مضبوط ،مستحکم اور خوشحال بنائیں گے انہوں نے کہاکہ پیپلزپارٹی شہیدوں اور غازیوں کی جماعت ہے جسکے قائدین اور کارکنان نے ہر دور کے نادر قربانیاں دی ہیں پاکستان کے اندر جمہوریت کو مضبوط کرنے اور مارشل لاء کے خاتمہ کیلئے پیپلزپارٹی کی قربانیاں سب سے زیادہ اور نمایاں ہیں دنیا کی کوئی طاقت پیپلزپارٹی کونہ تو زیرک کرسکتی ہے اور نہ ہی ختم انہوں نے کہاکہ ذوالفقار علی بھٹو کشمیری عوام کو بھارتی تسلط سے آذاد کروانا چاہتے تھے مسلہ کشمیر کے اوپر ہی پیپلزپارٹی کا قیام عمل میں لایا گیا تھا بد قسمتی سے ذوالفقار علی بھٹو کو ایک منظم سازش اور پلاننگ کے تحت عدالتی قتل کروایا گیا اگر قائد عوام کوپھانسی نہ دی جاتی تو کشمیر کب کا بھارتی تسلط سے آزادہو چکا ہوتا انہوں نے کہاکہ کشمیری پیپلزپارٹی کیساتھ بے پناہ محبت اور عقیدت رکھتے ہیں آمدہ الیکشن کے اندر لاکھوں کشمیری پیپلزپارٹی کو ووٹ دیکر کامیاب کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری ابرارالحق ایڈووکیٹ کا چیئرمین مشاورتی کونسل یوتھ ونگ بننا خوش آئند
ہے : راجہ اظہر اقبال
بھمبر( جی پی آئی)چوہدری ابرارالحق ایڈووکیٹ کا چیئرمین مشاورتی کونسل یوتھ ونگ بننا خوش آئند ہے موصوف انتہائی باصلاحیت سیاسی ورکر ہے موصوف اپنی فہم و فراست سے یوتھ ونگ کو آزادکشمیر کے اندر مضبوط اور متحرک کرینگے ان خیالات کااظہار مسلم لیگ ن تحصیل بھمبرکے صدر راجہ اظہر اقبال ،جنرل سیکرٹری حلقہ بھمبر چوہدری راشد رشید ایڈووکیٹ ،وارڈ نمبر 1کے سینئر نائب صدر ملک محمد طفیل اعوان نے مشترکہ بیان میں کیا انہوں نے کہاکہ آزادکشمیر کے یوتھ قائد مسلم لیگ میاں نواز شریف کے ہاتھ مضبوط کرے گی پاکستان کے الیکشن میں یوتھ ونگ کے کارکنان بڑ ھ چڑھ کر مسلم لیگ ن کے امیداروں کی انتخابی مہم چلائیں گے انہوں نے کہاکہ مسلم لیگ ن کے مرکزی اور ریاستی قیادت نے آزادکشمیر کے اندر انتہائی متحرک اور فعال سیاسی ورکروں کو یوتھ ونگ کا عہدیدار مقرر کیا ہے چوہدری ابرار الحق ایڈووکیٹ کی مسلم لیگ کیلئے گراں قدر خدمات ہیں انکو انکی جماعت خدمات کے صلے میں یوتھ ونگ کی مرکزی مشاورتی کونسل کا چیئرمین بنایا گیا ہے ان کے چیئرمین بننے سے آزادکشمیر بالخصوص ضلع بھمبر کے اندر یوتھ ونگ متحرک ،فعال اور مضبوط قوت بن کر سامنے آئے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ تعلیم تمام شعبہ جات کی اساس ہے اس سے معاشرے میں بہتری لائی جا سکتی ہے : چوہدری محمد اسلم
بھمبر( جی پی آئی)محکمہ تعلیم تمام شعبہ جات کی اساس ہے اس سے معاشرے میں بہتری لائی جا سکتی ہے موجودہ دور میں نئی نسل کی رہنمائی وقت کی اہم ضرورت ہے والدین اساتذہ کے ساتھ تعاون کریں اور اپنی زمہ داری پوری کریں حکومت تعلیم کے فروغ کے لیے خصوصی اقدامات کررہی ہے ان خیالات کا اظہار گورنمنٹ سٹی ہا ئی سکول بھمبر میں زیرصدارت صدرمعلم چوہدری محمد اسلم ہونے والے سالانہ نتائج ٢٠١٣ء کے اعلان پرایک تقریب سے چوہدری محمد ارشادخطاب کرتے ہوئے کیا انہوں نے کہا کہ
سرکاری تعلیمی اداروں میں تربیت یافتہ اساتذہ نئی نسل کے روشن مستقبل کے ضامن ہیںحکومت کی طرف سے انقلابی اصلاحات سے سرکاری اداروں کا اعتماد دن بدن اضافہ ہو رہا ہے اسٹیج سیکرٹری کے فرائض محمد ایوب رحمانی نے انجام دیے اس موقع پر راجہ مشتاق احمد خان نے کہا کہ سرکاری اداروں میں گورنمنٹ سٹی ہائی سکول بھمبر نے ایک نام پیداکیا ہے اور آزادکشمیر بھر کے سرکاری اداروں میں میٹرک کے گذشتہ سال وجیہ الحسن 973نمبرات حاصل کر کے اول پوزیشن حاصل کرنے کا منفرد اعزازہمارے ادارے کو حاصل ہے صدرمعلم چوہدری محمد اسلم نے خطاب کرتے ہوئے کہا کہ ہمارے ادارہ میں آج بھی ایم فل (اسکالر ) اور ماسڑڈگری اساتذہ موجود ہیںسرکاری ااداروں میں اپنی انفرادیت کا لوہا منوایا آئندہ بھی مثالی ادارہ بنانے ایجوکیشن لیول کے فروغ کے لیے تمام تر صلاحیتوں کو بروئے کار لایا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آزادجموںوکشمیر بار کونسل کے الیکشن میں نوجوان وکلاء کو ایک منظم سازش کے تحت الیکشن لڑنے سے روک دیا گیا
بھمبر( جی پی آئی)آزادجموںوکشمیر بار کونسل کے الیکشن میں نوجوان وکلاء کو ایک منظم سازش کے تحت الیکشن لڑنے سے روک دیا گیا دس سالہ ہائی کورٹ کی پریکٹس کا قانون ظالمانہ اقدام ہے ان خیالات کااظہار سینئر نائب صدر ڈسٹرکٹ بار ایسوسی ایشن بھمبرچوہدری ضیاء الرحمن ایڈووکیٹ نے کیا انہوں نے کہاکہ بار کونسل ایک مخصوص لابی کو سامنے چاہتی ہے بار کونسل لوئرکورٹس کے وکلاء کے ٹیلنٹ کو ضائع کرنا چاہتی ہے جس کیخلاف نوجوان وکلاء بھرپور احتجاج کرینگے انہوں نے کہاکہ ہر ایک وکیل کو بار کونسل کا الیکشن لڑنے کی اجازت ہونی چاہیے تاکہ متحرک ،فعال وکلاء کو آگے آنے کا موقع ملے انہوں نے کہاکہ بار کونسل آذادجموںوکشمیر نے دس سالہ پریکٹس کا قانون بناکر نوجوان وکلاء کیساتھ انتہائی زیادتی کی ہے جسکی ہم بھرپور مذمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز شخصیات نے راجہ عطاء المنعم کی والدہ کے انتقال پر اظہار تعزیت کیا
بھمبر( جی پی آئی)آزاد کشمیر سکول ٹیچر آرگنائزیشن کے سابق مرکزی سیکر ٹری اطلاعات راجہ مشتاق احمد خان ،ضلعی چیئر مین ایکشن کمیٹی غلام غوث چوہدری ،پرنسپل راجہ عبدالرحمن خان ،سابق آفیسر تعلقات عامہ راجہ افتخار حسین ،آئی ٹی کے سیکر ٹری جنرل راجہ شعیب اعظم ،حافظ راجہ پرویز اختر خان ،ایلمنٹری تعلیمی بورڈکے کنٹرولرچوہدری محمد اسلم ،راجہ قمراشفاق ،راجہ فخر اقبال ،چوہدری پرویز شہزاد ،راجہ عامر اقبال ،قاری ارشدمحمود ،انجینئرراجہ نعمان رسول ،قاری دلدا ر غوث اورمرزا مظہر اقبال نے بھمبر شہر کی سماجی شخصیت راجہ عطاء المنعم کی والدہ کے انتقال پر اظہار تعزیت کیا ہے اور صبر جمیل کی دعاکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئی نسل کے مستقبل کو تابناک بنانے کے لیے معلمات کا اہم کردار ہی قوم وملک کی ترقی کا ضامن ہے :راجہ محمد اسحاق خان
بھمبر( جی پی آئی) ڈپٹی ایجوکیشن آفیسرنسواں بھمبر راجہ محمد اسحاق خان نے کہا ہے کہ نئی نسل کے مستقبل کو تابناک بنانے کے لیے معلمات کا اہم کردار ہی قوم وملک کی ترقی کا ضامن ہے ان خیالات کا اظہار انہوںنے انصرام مدرسہ کے حوالہ سے اہم اجلاس صدرمعلمات تحصیل سما ہنی سے خطاب کرتے ہوئے کیا انہو ں نے کہا کہ حکومت آزاد کشمیر اساتذہ کے لیے نیشنل ایجوکیشن پالیسی ١٠۔٢٠٠٩ء کو نافذکرنے کی ہرممکن کوشش کر رہی ہے اساتذ ہ آزاد کشمیر ایک نئی نوید جلد سنیں گے راجہ محمد اسحاق خان نے مذید کہا کہ اساتذہ پر بھاری ذمہ داری عائد ہوتی ہے کہ وہ دیانت داری اور فرض شناسی کو زندگی کا شعار بناتے ہوئے قوم کے نونہالوں کے مستقبل کو درخشندہ بنانے کے لیے کردار اداکریںاسی میں ہی قوم وملک کی ترقی کا راز مضمر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راجہ عطاء المنعم خان کی والدہ محترمہ کی رسم قل آج ادا کی جائیگی
بھمبر( جی پی آئی )بھمبرکے ٹرانسپورٹر راجہ عطا الرحمن سہیل اور سیاسی ،سماجی وتاجر راہنما راجہ عطاء المنعم خان کی والدہ محترمہ کی رسم سوئم آج انکی رہائش گاہ راجل ہاؤس سماہنی روڈ دن 11بجے ادا کی جائیگی جس میں مرحومہ کی روح کے ایصال ثواب کیلئے قرآ ن خوانی اور فاتحہ خوانی کی جائے گی۔
