گجرات ( جی پی آئی ) ممتاز سماجی شخصیت قاری عامر رضوان گل نے اپنی رہائشگاہ پر دوستوںکے اعزاز پر تکلف ظہرانہ کے اہتمام کیا جس میں ڈاکٹر رزا ق احمد غفاری ‘ سید سخاوت علی شاہ ‘ سید ظہیر عباس شاہ ‘ شاہد لطیف بٹ ‘ چوہدری شعیب عمران گل ‘ بشارت علی ‘ ارسلان یوسف ‘ زوار حسین شاہ ‘ چوہدری حاجی غلام نبی گل ‘ چوہدری حیدر علی گل ‘ قاری احمد رضا گل اور دیگر موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) سٹیزن فرنٹ سٹی گجرات کے صدر شیخ عرفان پرویز نے تنظیم الغفاری پاکستان کے راہنما حاجی محمد یوسف غفاری کے پوتے اور سمیع اللہ غفاری کے بیٹے کی وفات پر گہرے رنج و غم کا اظہار کیا ہے اور دعا کی ہے کہ اللہ تعالیٰ مرحوم کو جنت الفردوس میں اعلیٰ جگہ اور لواحقین کو صبر و جمیل عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) تنظیم الغفاری کے مرکزی راہنما حاجی محمد یوسف غفاری کے پوتے ‘ سینٹری انسپکٹر غلام مرتضیٰ غفاری ‘ غلام مصطفی غفاری ‘ کلیم اللہ غفاری کے بھتیجے اور سمیع اللہ غفاری کے نومولود صاحبزادے کو گزشتہ روز قبرستان جنگی میں سپرد خاک کر دیا گیا۔ نماز جنازہ میں ہر مکتبہ فکر سے تعلق رکھنے والے افراد کی کثیر تعداد نے شرکت کی ۔ مرحوم کے درجات کی بلندی کیلئے ختم قل آج صبح دس بجے جامع مسجد انوار مدینہ نیوفرنیچر مارکیٹ میں ہوگا ۔ دوست احباب سے شرکت کی اپیل کی جاتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) پاکستان مسلم لیگ کے راہنما جنرل سیکرٹری انجمن بہبود مریضاں جاوید بٹ تعزیت کیلئے حاجی محمد یوسف غفاری کی رہائشگاہ پر گئے ‘ اُن کے پوتے سمیع اللہ غفاری کے صاحبزادے کی وفات پر اُن سے گہرے رنج و غم کا اظہار کیا اور مرحوم کے ایصال ثواب کیلئے فاتحہ خوانی کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) دی ایجوکیٹرز بارہ دری کیمپس کا مقصد طلباء کی تعلیمی و تربیتی ضروریات کو پورا کرنا ہے ‘ اس مقصد کیلئے ہم اپنے ہر ممکن وسائل بروئے کار لا رہے ہیں ‘ ان خیالات کا اظہار چیئرمین دی ایجوکیٹرز بارہ دری کیمپس شہزاد شفیق نقشبندی نے گزشتہ روز کلاس دہم کی الوداعی تقریب سے خطاب کرتے ہوئے کیا ۔ اس تقریب کا اہتمام سکول انتظامیہ نے کیا تھا ۔ جس کیلئے کسی سے کوئی فیس نہیں لی گئی ۔ شہزاد شفیق نے کہا کہ گجرات غازیوں ‘ سر فروشوں اور شہیدوں کی سر زمین ہے ‘ جہاں سوہنی مہینوال جیسے لازوال کردار ہیں وہیں عزیز بھٹی شہید کی قربانیوں کی داستانیں بھی مشعل راہ ہیں یہاں پروفیسر احمد حسین قلعداری جیسے مایہ ناز ماہرین تعلیم موجود ہیں ۔ وہیں پروفیسر وسیم بیگ مرزا جیسے اساتذہ موجود ہیں جو طلباء کی بہترین راہنمائی کا کردار ادا کرتے رہے ہیں انڈسٹری ہو یا سرکاری شعبہ جات ہر شعبے میں گجرات کے باسی اپنا نام کما رہے ہیں ‘ انہوں نے کہا کہ یہ طلباء کا فرض ہے کہ وہ اپنی صلاحیتیں تعلیم کے شعبہ کیلئے وقف کرینگے اور تعلیم کے شعبہ میں نام کمائے تاکہ وہ اپنے والدین اور اپنی دھرتی کا نام روشن کرسکیں ‘ دی ایجوکیٹرز بارہ دری کیمپس نے ہمیشہ اپنے بچوں کی بہترین تعلیم و تربیت کا مشن مکمل کیا ہے ‘ انہوں نے طالبات سے خطاب کرتے ہوئے کہا ہے کہ طالبات سے ہماری بہت سی توقعات وابستہ ہیں کیونکہ بچیاں اثاثہ ہوتیں ہیں اور وہ گھر خوش قسمت ہوتا ہے جہاں بچیاں موجود ہوں ‘ اور عورت ہی والد ‘بھائی یا خاوند کیلئے جنت کا باعث بن سکتیں ہیں ‘ انہیں چاہیے کہ اپنے بچوںکی تربیت کا فریضہ احسن طریقے سے سرانجام دے اس موقع پر مسز نسیم ساجد ‘ مسز نسرین ملک ‘ مسز زاہرہ بابر ‘ مسز نجف قریشی ‘ مسز شہزاد شفیق ‘ شمائلہ ناز ‘ مسز حافظ طاہر ‘ محمد اکبر ودیگر نے بھی اظہار خیال کیا ۔ سکول کی طرف سے طلباء و طالبات کو تحائف اور اُن کی سکول میں موجودہ کارکردگی کے حوالہ سے پروفائل دیئے ‘ تاکہ انہیں یاد رہ سکے ‘ کہ انہوں نے ایجوکیٹرز میں اپنے دن گزرے ۔ طلباء و طالبات نے مختلف خاکے بھی پیش کئے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) دی ایجوکیٹرز بارہ دری کیمپس شعبہ تحفیظ قرآن میں داخلہ ٹیسٹ 28فروری بروز ہفتہ صبح نو تک گیارہ بجے تک ہوگا ۔ صرف موجودہ جماعت سوئم اور چہارم کے طلباء و طالبات اس داخلہ ٹیسٹ میں حصہ لینے کے اہل ہونگے ۔ تین درسی مضامین ‘ انگریزی ‘ ادور ‘ ریاضی بھی پڑھائی جائے گی’ ادارہ کی طرف شعبہ تحفیظ قرآن کی کوئی فیس وصول نہیں کی جاتی۔ خواہشمند والدین اپنے بچوں کے داخلہ کیلئے رابطہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)وزیر اعلی پنجاب میاں شہباز شریف نے کوٹلہ ارب علی خان میں اسٹیڈیم اور کھاریاں میں فارسٹ پارک کی منظوری دے دی ہے جبکہ رکھ پبی، کھاریاں کے علاقہ میں انتہائی حساس جیل کی تعمیر کے لئے اراضی کا انتخاب کر کے حکومت پنجاب کو آگاہ کر دیا گیا ہے۔ ڈی سی او لیاقت علی چٹھہ نے گذشتہ روز اسٹیڈیم ، پارک اور جیل کے لئے مجوزہ اراضی کا معائنہ کرنے کیلئے کوٹلہ ارب علی خان، کھاریاں اور رکھ پبی کا دورہ کیا اس موقع پر ایم این اے چوہدری عابد رضا، اے سی کھاریاں افشاں رباب اسے سی سرائے عالمگیر شعیب نسوانہ، سپرنٹنڈنٹ جیل امتیاز احمد بھلی ، ٹی ایم او کھاریاں ملک شفقت بھی اس موقع پر موجود تھے۔ ڈی سی او لیاقت علی چٹھہ نے بتایا کہ ایم این اے چوہدری عابد رضا کی درخواست پر وزیر اعلی پنجاب میاں شہباز شریف نے کوٹلہ ارب علی خان میں اسٹیڈیم کے قیام کی منظوری دے دی ہے علاقہ میں کھیلوں کے فروغ کے لئے اس انتہائی اہم پراجیکٹ کے لئے 78کنال اراضی کا انتخاب کر لیا گیا منصوبہ کا پی سی ون تیار کرکے جلد حکومت کو بھجوادیا جائے گا ۔ انہوںنے بتایا کہ کوٹلہ ارب علی خان کے علاقہ میں تعلیم اور دیگر فلاحی منصوبہ جات بھی زیر غور ہیں جن کی منصوبہ بندی جاری ہے۔ ڈی سی او لیاقت علی چٹھہ نے بتایا کہ کھاریاں کے قریب محکمہ جنگلات کی دس کنال اراضی پر پارک کی تعمیر کے لئے اہل علاقہ نے وزیر اعلی پنجاب نے درخواست کی تھی جسے وزیر اعلی پنجاب نے منظور کرکے اس تفریحی منصوبہ کے لئے باقاعدہ احکامات جار ی کر دیے ہیں۔ انہوںنے بتایا کہ کھاریاں فارسٹ پارک کا پی سی ون بھی جلد تیار کر کے حکومت کو بھجواد یا جائے گا۔ رکھ پبی کھاریاں کے دورہ کے موقع پر ڈی سی اولیاقت علی چٹھہ نے انتہائی حساس جیل کے قیام کے لئے کھاریاں کے علاقہ میں100ایکٹر اراضی کا انتخاب کرکے حکومت کو آگاہ کر دیا گیا ہے تاہم گجرات میں اس پراجیکٹ کے لئے حتمی منظوری پنجاب حکومت دے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی))ڈی سی او الیون گجرات اورحافظ آباد کے مابین دوستانہ کرکٹ میچ ظہور الہی اسٹیڈیم گجرات میں کھیلا گیا ۔ میچ میں گجرات الیون کے کپتان ڈی سی او لیاقت علی چٹھہ جبکہ ٹیم میں ڈی پی او رائے اعجاز احمد ، اے ڈی سی عرفان علی کاٹھیا،ڈی او سی شجاع قطب بھٹی ،اے سی شعیب نسوانہ، ڈی ایم او احمد رضا سرا، سیکرٹری آر ٹی اے انجم ریاض سیٹھی ،ڈی ایچ او ڈاکٹر عابد غوری، پی ایس او ندیم بٹ، کونسل آفیسر محمد عثمان اور دیگر افسران و کھلاڑی شامل تھے جبکہ حافظ آباد الیون کی قیادت ڈی سی او حافظ آباد محمد عثمان کر رہے تھے ٹیم میں اے ڈی سی نعمان حفیظ، اے سی چوہدری عمر فاروق وڑائچ، جی اے آر سعید خان، علی عمران، محمد وقاص اور دیگر افسران و کھلاڑی شامل تھے۔ ڈی سی او الیون گجرات نے پہلے کھیلتے ہوئے مقررہ 20اوور میں 160سکور بنائے جواب میں ڈی سی او الیون حافظ آباد نے مقررہ ہدف کامیابی سے حاصل کر لیا۔ اختتام پر ڈی سی اوگجرات لیاقت علی چٹھہ نے فاتح ٹیم کے کپتان کو ٹرافی اور کٹس جبکہ ڈی سی او حافظ آباد محمد عثمان نے رنر اپ ٹیم کے کپتان کو ٹرافی دی۔ ڈی سی او لیاقت علی چٹھہ نے اس موقع پر بات چیت کرتے ہوئے فاتح ٹیم کو مبارکباد دی اور دونوں ٹیموں کے سپورٹس مین سپرٹ کو سراہا۔ ڈی سی او حافظ آباد محمد عثمان نے بھر پور مہمان نوازی پر ڈی سی او الیون گجرات کا شکریہ ادا کیا ۔ اس موقع پر اے سی گجرات میاں اقبا ل مظہر، ای ڈی او ایجوکیشن طاہر کاشف ،ٹی ایم او گجرات محمود اقبال گوندل، ڈپٹی ڈائریکٹر پبلک ریلیشنز حافظ آباد سید افتخار حسین شاہ، مسلم لیگ ن کے راہنما چوہدری تنویر گوندل، چوہدری ظہور الہی، حکیم جواد الرحمان نظامی اور بڑی تعداد میں معززین بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ایگزیکٹو ڈسٹرکٹ آفیسر کمیونٹی ڈویلپمنٹ چوہدری محمد نواز، اسسٹنٹ کمشنر گجرات میاں اقبال مظہر نے کہا ہے کہ ضلع گجرات میں خصوصی بچوں کی تعلیم و تربیت کے لئے عملی اقدامات اٹھائے جارہے ہیں، ڈی سی او لیاقت علی چٹھہ کی ذاتی دلچسپی اور مخیر حضرات کے تعاون سے سپیشل بچوں کے تمام اداروں کی حالت زار میں نمایاں بہتری آئی ہے اور ان بچوں کی تعلیم و تربیت کے لئے زیادہ وسائل فراہم ہو رہے ہیں۔ ان خیالات کا اظہار انہوںنے ممتاز سماجی و کاروباری شخصیت خالد شریف ڈار کی طرف سے گورنمنٹ سلو لرنر سکول بھمبھر روڈ کے طلبہ و طالبات میں تحائف تقسیم کرنے کی تقریب میں اظہار خیال کرتے ہوئے کیا۔ اس موقع پر ممتاز سماجی شخصیت خالد شریف ڈار، چوہدری اشرف ریحانیہ، چوہدری اللہ دتہ سانتل، عمران شریف ملک، پرنسپل بشرا یوسف، اساتذہ کرام اور طلبہ کی کثیر تعداد اس موقع پر موجود تھے ۔ ای ڈی او سی ڈی چوہدری محمد نواز اور اے سی گجرا ت میاں اقبال مظہر نے کہا کہ ڈی سی او لیاقت علی چٹھہ کی واضع ہدایات ہیں کہ کوئی بھی خصوصی بچہ تعلیم سے دور نہیں ہونا چاہیے یہی وجہ ہے کہ ضلع گجرات کے اسپیشل تعلیمی اداروں میں خصوصی بچوں کی تعداد بڑھ کر 736تک پہنچ چکی ہے جنہیں ماہانہ 800روپے وظیفہ کی فراہمی، مفت کتابوں اور یونیفارم کے علاوہ فری پک اینڈ ڈراپ کی سہولت بھی فراہم کی جارہی ہے۔انہوںنے خصوصی بچوں کی تعلیم میں دلچسی اور انہیں تحائف فراہم کرنے پر ممتا زکاروباری و سماجی شخصیت خالد شریف ڈار کو زبردست سراہا ۔ممتا زکاروباری و سماجی شخصیت خالد شریف ڈارنے اس موقع پر ادارے کے طلبہ و طالبات کی تربیت کے معیار کو سراہا اور سکول پرنسپل اور انکی ٹیم کو خراج تحسین پیش کیا۔ انہوںنے اس عزم کا اظہار کیا کہ وہ مستقبل میں خصوصی بچوں کی تعلیم و تربیت کے لئے اپنا مزید فعال کردار ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) موٹرسائیکل حادثہ دولہا سمیت تین افراد شدید ذخمی۔موضع ابوالفتح والی کا رہائشی دولہا وقاص اپنے ساتھی نواز کے ہمراہ رسم حنا ء سے چند گھنٹے قبل ضروری خریداری کیلئے موٹرسائیکل پر سوار ہو کر وزیرآباد آ رہے تھے کہ موضع گھکا میتر کے قریب ٹرک کو اوورٹیک کرتے ہوئے گھکا میتر کے رہائشی60 سالہ محمد اکرم سے جا ٹکرائے جس کے نتیجہ میں تینوں شدید ذخمی ہو گئے جن کو فوری طور پر تحصیل ہیڈکوارٹر ہسپتال میں طبی امداد فراہم کی گئی رسم حناء اور شادی میں شرکت کیلئے آئے مہمانوں کا ہسپتال میں تانتا بندھ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی ) انجمن نوجوانان میلاد کمیٹی کے زیر اہتمام عید گاہ گجرات میں ضلع بھر کے ممتاز علماء کرام مشائخ عظام اور مذہبی تنظیموں کے قائدین کا بھر پور اجلاس زیرصدارت صاحبزادہ پیر سید علی حسین شاہ زیب دربار عالیہ حضرت شاہ ولایت منعقد ہوا۔ عالمی تنظیم اہلسنت کے مرکزی امیر اور سنی مجلس عمل کے چیئرمین حضرت پیر محمد افضل قادری نے اجلاس سے خطاب کرتے ہوئے کہا کہ پرامن سنی علماء کی گرفتاریاں، بزرگان دین کی کتابوں اور لائوڈ سپیکر کے جائز استعمال پر پابندیاں دشمنان اسلام ودشمنان پاکستان کی کارستانیاں ہیں۔ انہوں نے کہا کہ اسلام پر تاریخ کا بدترین حملہ ہوچکا ہے، جبکہ ابھی ابتداء اور بعد ازاں اسلام شکن اقدامات کی فہرست لمبی ہے لہذا مسلمانوں پر فرض ہے کہ وہ اسوئہ نبوت کے مطابق صبر وہمت کے ساتھ اسلام کی حفاظت کیلئے میدان عمل میں آجائیں اور دین حق کو دبانے کی تمام سازشوں کو ناکام بنادیں۔ صاحبزادہ پیر سید علی حسین شاہ نے کہا کہ آل رسول نے ہمیشہ اسلام کیلئے قربانیاں دی ہیں اب بھی دین کیلئے تن، من اور دھن قربان کر دینگے۔ مقررین نے کہا کہ اسلام کے مراکز مساجدو مدارس پر پابندیاں برداشت نہیں کی جائیں۔ اس موقع پر متفقہ طور پر فیصلہ ہوا کہ قائدین کے ہر فیصلہ پر لبیک کہیں گے اور بڑی سے بڑی قربانی سے دریغ نہیں کیا جائیگا۔ ایک قرار داد کے ذریعے علامہ راشد تنویر قادری، صاحبزادہ فرید القمر سیالوی کی فوری رہائی کا مطالبہ کیا گیا۔ اجلاس میں ضلع گجرات میں ” سنی مجلس عمل ” کی تنظیم سازی کیلئے سید فیاض احمد ہاشمی کو ضلعی کنونیئر مقرر کیا گیا اور اعلان کیا گیا کہ ”سنی مجلس عمل” میں تمام سنی تنظیمات اور مراکز سے نمائندگی لی جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعات میں تعلیمی سرگرمیوں کو بہتر طریقے سے پروان چڑھانے کے لیے اکیڈمک کونسل کا کردار نمایاں ہے۔ تعلیمی نظام کو جدید خطوط پر استوار کرکے ہم معاشی اور سماجی ترقی کے مطلوبہ اہداف حاصل کر سکتے ہیں۔ جامعات میں تحقیقی رُحجانات کو فروغ دے کر طلباو طالبات کی راہبری کا فریضہ بطریق احسن سر انجام دے سکتے ہیں۔ مخلص اور محنتی اساتذہ جامعہ گجرات کا حقیقی سرمایہ ہیں۔ مختلف شعبوں کے لیے کورسز کو تشکیل دیتے ہوئے عالمی معیار کو پیش نظر رکھنا ضروری ہے۔ تعلیمی پالیسی تشکیل دیتے وقت اداروں کے مفاد اور طلبہ کی مستقبل کی ضروریات کو اہمیت دی جانا چاہیے۔ فورم، سنٹر یا انسٹی ٹیوٹ بناتے وقت ان کی ضروریات اور ان کے لیے فنڈز کی فراہمی کو ملحوظ خاطر رکھنا ضروری امر ہے۔ ان خیالات کا اظہار وائس چانسلر جامعہ گجرات پروفیسر ڈاکٹر ضیاء القیوم نے جامعہ گجرات میں منعقدہ اکڈیمک کونسل کے چوتھے اجلاس سے خطاب کرتے ہوئے اپنے صدارتی کلمات میں کیا۔ اُنہوں نے مزید کہا کہ پاکستان میں مروجہ تعلیمی نظام کی مختلف سطحات کوہم آہنگ کرنے کی اشد ضرورت ہے۔ جامعات کی ترقی کے لیے ریسرچ کلچر کا فروغ اہم کردار ادا کر سکتا ہے۔ اساتذہ تعلیمی نظام کے سب سے بڑے محافظ ہیں اور ملک و قوم کو ان سے بہت زیادہ اُمیدیں وابستہ ہیں۔ رجسٹرار جامعہ گجرات ڈاکٹر طاہر عقیل نے جامعہ گجرات کی اکڈیمک کونسل کا ایجنڈا بیان کیا اور جن معاملات پر ایوان کی منظوری درکار تھی انہیں اکڈیمک کونسل کے ممبران کے سامنے منظوری کے لیے پیش کیا۔ کئی حل طلب اُمور پر اکڈیمک کونسل کے ممبران نے بحث بھی کی اور اپنی مفید تجاویز پیش کیں۔ کچھ اُمور کو بنٹانے کے لیے وائس چانسلر ڈاکٹر ضیاء القیوم نے باہمی مشاورت سے کمیٹیاں بھی تشکیل دیں۔ اکڈیمک کونسل کے اجلاس میں مختلف شعبہ جات کے صدور، فیکلٹی ڈین ، ڈائریکٹرز ، مہتمم امتحانات اور سنڈیکیٹ ممبران نے شرکت کی۔ خصوصی ممبران کے طور پر ورچوئل یونیورسٹی کے وائس چانسلر ڈاکٹر نوید ملک، پرنسپل کینئرڈ کالج لاہور رخسانہ ڈیوڈ اور چوہدری محمد اسحاق اولکھ ایڈووکیٹ نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)تہذیبی زندگی کسی بھی سماج کے عام رُحجانات کی عکاس ہوتی ہے۔ ڈرامہ اور تھیٹرہماری سماجی زندگی کی ترجمانی کرتے ہیں اور ہمیں زندگی جینے کی نئی جہتوں سے روشناس کرواتے ہیں۔ فنون لطیفہ اور آرٹ دراصل ہمیں بہتر انسان بننے کی جانب راغب کرتے ہیں۔ مثبت انسانی اقدار کو فروغ دینے میں پاکستانی فنکاروں اور آرٹسٹوں کو نمایاں مقام حاصل ہے۔ مجھے خوشی ہے کہ ماضی قریب کے ہمارے پاکستانی ٹیلی ویژن کے دو معروف کردار سونا اور چاندی معاشرہ میں مثبت تبدیلی لانے کے لیے مختلف تعلیمی اداروں اور جامعات کا دورہ کر رہے ہیں۔ ان خیالات کا اظہار وائس چانسلر جامعہ گجرات پروفیسر ڈاکٹر ضیاء القیوم نے جامعہ گجرات میں معروف ومشہور ٹیلی ویژن کرداروں سونا اور چاندی سے ملاقات کرتے ہوئے کیا۔ اُنہوں نے کہا کہ پاکستان ٹیلی ویژن کے چند ڈراموں کو لازوال شہرت اور پذیرائی حاصل ہوئی سونا چاندی بھی ایک ایسا سماجی ڈرامہ تھا جسے عوام و خواص میں بے حد پسند کیا گیا۔ اس موقع پر سونا اور چاندی نے اپنے مخصوص انداز میں ڈاکٹر ضیاء القیوم سے موجودہ سماجی و تہذیبی زندگی ، پاکستانی میں تعلیمی امکانات ، پاکستان کی تعلیمی ترقی میں جامعہ گجرات کے کردار اور دوسرے مختلف موضوعات پر سوالات پوچھے اور ڈاکٹر ضیاء نے ان موضوعات پر اپنا نکتۂ نظر پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)جامعہ گجرات کے زیر اہتمام ایم ایس سی پارٹ فرسٹ و سکینڈ کے ضمنی امتحانات کے شیڈول کا اعلان کر دیا گیا ہے۔ کنٹرولر امتحانات جامعہ گجرات کے اعلامیہ کے مطابق ایم ایس سی کے ضمنی امتحانات10مارچ2015ء بروز منگل سے شروع ہو نگے۔ جبکہ عملی امتحانات کا آغاز25مارچ2015ء بروز بدھ سے ہو گا۔ ان ضمنی امتحانات کے انعقاد کے لیے گورنمنٹ جامعہ سکول جی ٹی روڈ گوجرانوالہ اور گورنمنٹ گریجوایٹ کالج برائے خواتین سیٹلائٹ ٹائون راولپنڈی کو بطور امتحانی سنٹرز نامز د کیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عالمی تنظیم اہلسنّت نے پیرافضل قادری کی بنیادی رُکنیت خارج کردی
گجرات ( جی پی آئی )عالمی تنظیم اہلسنّت کی مرکزی مجلس عاملہ نے پیرافضل قادری کی بنیادی رُکنیت خارج کردی۔تنظیم کے سیکرٹری جنرل صاحبزادہ فاروق الحسن عثمانی کے مطابق پیرافضل قادری پرڈسپلن کی خلاف ورزی،اختیارارت سے تجاوزکرنے اور کرپشن جیسے سنگین الزامات تھے۔عالمی تنظیم اہلسنّت کی مرکزی مجلس عاملہ نے پیرافضل قادری سے الزمات سے متعلق وضاحت طلب کی تو انہوں نے ایک خودساختہ نئی جماعت سُنی مجلس عمل بنانے کااعلان کردیا۔اس پرتنظیم کی مجلس عاملہ نے دستورکے مطابق گزشتہ روز جامعہ رحمانیہ رضویہ میںمشاورتی اجلاس طلب کیااورمعاملات کے تفصیلی جائزے کے بعدپیرافضل قادری کی بنیادی رُکنیت خارج کرنے اورتین دن کے اندرنئے صدرکی تقرری کااعلان کردیاجبکہ تنظیمی ضابطے کی خلاف ورزی پرمرکزی ناظم اعلیٰ ضیاء اللہ قادری اورصوبائی صدرسیدشاہدحسین گردیزی کو بھی ٹوٹس جاری کردے گئے ہیں۔عالمی تنظیم اہلسنّت کے دستورکے مطابق نئے صدرکا اعلان اتوارکو مرکزی مجلس عاملہ کے اجلاس میں کیاجائے گا۔ صاحبزادہ فاروق الحسن عثمانی نے مزیدکہاکہ پیرافضل قادری نے ہمیشہ پارٹی مفادکی بجائے ذاتی مفادکو ترجیح دی ہے۔ پیرافضل قادری پارٹی دراصل چوہدری برادران کے پیرول پر کام کرتے تھے۔پیرافضل قادری نے خودساختہ جماعت سُنی مجلس عمل محض اہلسنّت کی قیادت کو تقسیم کرنے کیلئے بنائی۔انہوں نے کہا کہ سُنی مجلس عمل مفادپرستوں کاٹولہ ہے۔عوام اہلسنّت اتحاداہلسنّت کے قاتلوں اور مفادپرستوں کومستردکردے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )ڈی پی او گجرات رائے اعجاز احمد کے SDPOsاور SHOsکیلئے نئے احکاماتتفصیلات کے مطابق ڈی پی او گجرات رائے اعجاز احمد نے پولیس اور عوام کے درمیان فاصلے کم کرنے اور انصاف کی فوری فراہمی کے لئے نئے احکامات جاری کردئیے ۔ اس سلسلہ میں تمام ایس ڈی پی اوز اور ایس ایچ اوز کو سرکاری موبائل نمبرز دئیے گئے ہیں جو مستقل رہیں گے اور چوبیس گھنٹے آن رہیں گے ۔ان نمبرز پرسائلین کسی بھی وقت کال کر سکتے ہیں ۔تمام ایس ایچ اوز روزانہ 4تا 6بجے شام تھانہ میں کھلی کچہری لگائیں گے جبکہ متعلقہ ڈی ایس پی ہر روز ایک تھانہ میںجاکر کھلی کچہری سے خطاب کریں گے اور سائلین سے مسائل دریافت کرکے متعلقہ افسران و اہلکاران کو احکامات جاری کریں گے ۔ ڈی پی او گجرات کے ان اقدامات سے سائلین کو ریلیف ملے گا اور گجرات پولیس کو حقیقی معنوں میں کمیونٹی پولیسنگ بنانے میں سنگ میل ثابت ہوں گے ۔
