خدمت مشن سے ساری عمر میرے مرحوم والدین تعلق نے تعلق رکھا ہے :باجی سمیرا الٰہی
گجرات (جی پی آئی)سابق وزیراعظم پاکستان چوہدری شجاعت حسین کی ہمشیرہ محترمہ باجی سمیرا الٰہی نے کہا ہے کہ خدمت مشن سے ساری عمر میرے مرحوم والدین تعلق نے تعلق رکھا ہے ، میرے بھائیوں اور خاندان نے یہ روایت برقرار رکھی ہے ، میری والدہ بھی خواتین کے دکھ سکھ میں شریک ہونے کے لئے مستحقین کی خدمت کیلئے مصروف رہیں ان کی وفات کے بعد ہم بھی گجرات والوں کے دکھ سکھ میں شریک ہو رہی ہیں ، مگر ہمارے مخالفین کی خواتین صرف پولنگ اسٹیشن میں دکھائی دیتی ہیں ، وہ گزشتہ روز لالہ زار کالونی میں قاری احسان ،بخشوپورہ میں سید عاصم شاہ سٹی جوائنٹ سیکرٹری البنی کالونی میں 61گروپ کے محمد اعظم ، مہر محمد ارشد کی طرف سے منعقدہ خواتین کے انتخابی اکٹھ سے خطاب کر رہی تھیں انہوں نے کہا کہ مخالفین تو الیکشن کے بعد منہ چھپا کر روپوش ہو جاتے ہیں ، مگر ہمارا حلقہ سے گہرا رابطہ برقرار رہتا ہے ، میرے بھائیوں کی خدمات اور دستر خوان سے ساری دنیا آگاہ ہے ، انہوں نے کہا پچھلی بار غلط فیصلہ کر کے عوام نے پانچ سال بھگتے اب سائیکل کو ووٹ دیں سابق ایم پی اے صفیہ جاوید چوہدری نے کہا جھوٹے وعدے نہیں کرتے ، چوہدری برادران عملی خدمات پر یقین رکھتی ہیں ، محمد حنیف حیدری نے کہا ہم چوہدری شجاعت حسین کی ٹیم میں اپنی پارٹی کے تعاون سے نئی آبادیوں میں بجلی کا نظام درست کرایا واٹر سپلائی کی سہولت دی ، گیس فراہم کی گلیاں نالیاں بنوائیں ، چوہدری برادران سٹرکیں بنواتے ہیں ، مخالفین سڑکیں تڑواتے ہیں ، سابق ممبر تحصیل اسمبلی رخسانہ مغل نے کہا چوہدری پرویز الٰہی اور میاں عمران مسعود کو ووٹ دیکر تعمیر و ترقی والا دور واپس لایا جا سکتا ہے ، محمود مغل سابق کونسلر یوسی 57نے کہا کہ مخالفین اقتدار میں آ گئے ہیں ، تو عوام کو جو روٹی مل رہی ہے ، وہ بھی چھین لیں گے ، اجلاس سے بیگم محمد حنیف حیدری ، نزہت اشرف گوندل ، ڈاکٹر ذکیہ بلقیس وڑائچ اور جاوید خالد نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں بارش سے موسم خوشگوار
گجرات (جی پی آئی)ملک بھر کی طرح گجرات میں ہونے والی بارش سے موسم خوشگوار ہو گیا اور سردی دوبارہ لوٹ آئی اور لوگوں نے گرم کپڑے پھر سے نکال لیے ، لوڈ شیڈنگ کی وجہ سے عوام پریشان تھے اور گرم کی لہر آ رہی تھی لیکن حالیہ بارش نے اس لہر کو توڑ دیا اور لوگوں نے خوشی کا اظہار کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہزاد شفیق نقشبندی کو خدمات کے اعتراف میں شیلڈ دی گئی
گجرات (جی پی آئی)ممتاز ماہر تعلیم شہزاد شفیق نقشبندی کو ان کی شاندار خدمات پر مقامی روزنامہ کی طر ف سے خصوصی شیلڈ دی گئی ، جو کہ ڈی سی او گجرات نوازش علی نے اپنے دست مبارک سے انہیں دی ، اس موقع پر دی ایجوکیٹرز بارہ دری کیمپس کی خدمات کو بے حد سراہا گیا ، جو کہ دن رات بچوں کو زیور تعلیم سے آراستہ کرنے کیلئے کوشاں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید مسعود مشہدی نے رانا مشرف ناز کی عیاد ت کی
گجرات (جی پی آئی)سابق ناظم حکیم سید مسعود مشہدی نے رانا مشرف علی ناز کی رہائشگاہ پر جا کر ان کی عیادت کی اور ان کی صحت یابی کیلئے خصوصی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر شیعہ علماء کونسل سید الطاف عباس کاظمی نے رانا مشرف علی ناز سے ملاقات کی
گجرات (جی پی آئی)صدر شیعہ علماء کونسل سید الطاف عباس کاظمی نے گزشتہ روز رانا مشرف علی ناز کی رہائشگاہ پر ان سے ملاقات کی اور ان کی عیادت کی اس موقع پر آئندہ انتخابات کے حوالہ سے اہم امور پر تبادلہ خیال کیا گیا اور شیعہ کمیونٹی کے مسائل کے حوالہ سے بھی گفتگو کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میاں برادران ٹکٹوں کے حصول کے سلسلہ میں بہترین فیصلے کرینگے :رانا مشرف علی ناز
گجرات (جی پی آئی)ممتاز سیاسی و سماجی شخصیت رانا مشرف علی ناز نے کہا ہے کہ میاں برادران ٹکٹوں کے حصول کے سلسلہ میں بہترین فیصلے کرینگے اور جماعت کے مفاد کو مد نظر رکھتے ہوئے اچھے امیدواروں کو ٹکٹ دیں گے انہوں نے کہا کہ تمام لوگوں کی نظریں میاں برادران پر لگی ہوئی ہیں جو صحیح فیصلے کر کے عوامی توقعات پر پورا اتریں گے ، رانا مشرف علی ناز نے کہا کہ مسلم لیگ ن میں پڑھے لکھے راہنما موجود ہیں جو عوام کا درد دل میں رکھتے ہیں ، اور عوام انہیں بھاری اکثریت سے کامیاب بنائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ق عوام کی پسندیدہ جماعت ہے : ہما سہیل
گجرات (جی پی آئی)مسلم لیگ ق کی ممتاز خاتون راہنما ہما سہیل نے کہا کہ مسلم لیگ ق عوام کی پسندیدہ جماعت ہے ، جس نے ہمیشہ عوام کے مسائل کے حل کیلئے کام کیا ہے ، خصوصاً خواتین کو ان کے حقوق کی فراہمی میں چوہدری شجاعت حسین ، چوہدری پرویز الٰہی کا اہم کردار ہے اور ہر دور میں مسلم لیگ ق ہی عوامی خدمت کیلئے کوشاں رہتی ہے اور اس کے تمام امیدوار عوامی ہیں اور عوام کے چاہنے والے ہیں ، اسی لیے عوام چوہدری برادران کی کامیابی کیلئے کوشاں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری پرویز الٰہی اور مسلم لیگ ق کے تمام امیدوار گجرات سے بھاری اکثریت سے کامیاب ہونگے :علی رضی سہیل
گجرات (جی پی آئی)مسلم لیگ ق کے ممتاز راہنما علی رضی سہیل نے کہا ہے کہ چوہدری پرویز الٰہی اور مسلم لیگ ق کے تمام امیدوار گجرات سے بھاری اکثریت سے کامیاب ہونگے ، کیونکہ گجرات چوہدری برادران کا شہر ہے جہاں چوہدری برادران نے ہمیشہ خدمت عوام کیلئے کام کیا ہے ، اور گجرات کو مسلم لیگ کا گڑھ بنایا ہے ، علی رضی سہیل نے کہا کہ ہم نوجوان چوہدری پرویز الٰہی اور میاں عمران مسعود کی کامیابی کیلئے دن رات کام کر رہے ہیں اس لیے ہم چوہدری برادران کے پیغام کو گھر گھر پہنچا رہے ہیں ، تا کہ عوام چوہدری برادران کو کامیاب بنائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حلقہ پی پی 110کے امیدوار چوہدری مصطفی گورائیہ نے کہا ہے کہ مسلم لیگ ن اور تحریک انصاف کو ضلع گجرات میں ابھی تک مضبوط امیدوار نہیں مل رہے
گجرات (جی پی آئی)حلقہ پی پی 110کے امیدوار چوہدری مصطفی گورائیہ نے کہا ہے کہ مسلم لیگ ن اور تحریک انصاف کو ضلع گجرات میں ابھی تک مضبوط امیدوار نہیں مل رہے ، دونوں جماعتوں کے پاس امیدواروں کی بھرمار تو ہے ، لیکن ان کے پاس جیتنے والے امیدوار نہیں ہیں ، چوہدری مصطفی گورائیہ نے موضع گورائیہ میں منعقدہ ایک اکٹھ سے خطاب کرتے ہوئے کہا کہ حلقہ پی پی 110میں سب سے پہلے الیکشن لڑنے کا اعلان میں نے کیا اور انشاء اللہ پیپلز پارٹی کا ٹکٹ بھی مجھے ہی ملے گا ، حلقہ کے عوام میرے ساتھ ہے ، اور کئی سالوں سے میں حلقہ کے عوام کی بے لوث خدمت کر رہا ہوں ، انہوں نے کہا کہ مسلم لیگ ن پیپلز پارٹی اور ق لیگ کے کئی امیدوار سکروٹنی کے مرحلہ میں نااہل ہو جائیں گے ، انہوں نے کہا کہ ضلع گجرات میں آج بھی پیپلز پارٹی سب سے مضبوط جماعت ہے اور پورے ملک میں عوام انہیں دوبارہ اقتدار میں دیکھنا چاہتے ہیں ، صدر پاکستان آصف علی زرداری اور بلاول بھٹو میں کوئی اختلاف نہیں نہیں ہے انشاء اللہ جلد بلائول بھٹو پیپلز پارٹی کے امیدواروں کی انتخابی ملک بھر میں چلائیں گے اور گجرات کا بھی دورہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ کوارڈی نیٹر مصالحتی کمیٹیز چوہدری عمر گجر نے گزشتہ روز شادمان کالونی میں واقع ایگزا سکول کا دورہ کیا
گجرات (جی پی آئی)ڈسٹرکٹ کوارڈی نیٹر مصالحتی کمیٹیز چوہدری عمر گجر نے گزشتہ روز شادمان کالونی میں واقع ایگزا سکول کا دورہ کیا ، ایگزا سکول کیچیف ایگزیکٹوضیغم وڑائچ نے چوہدری عمر گجر اور دیگر مہمانوں کو سکول کے مختلف حصوں کا معائنہ کروایا ، اور سکول کی پڑھائی کے بارے میں بریفنگ دی ، چوہدری عمر گجر نے ایگزا سکول کے تعلیمی معیار کی تعریف کی ،چیف ایگزیکٹو ضیغم نے اس موقع پر صحافیوں کو بتایا کہ ایگزا سکول مکمل انگلش میڈیم ہے اور یہاں تعلیم حاصل کرنے والے بچوں کو حفظ قرآن اور ناظرہ قرآن پڑھایا جاتا ہے ، اس کے علاوہ کمپیوٹر کی تعلیم دی جاتی ہے ، سکول کے طلباء کو ماہر اساتذہ کی زیر نگرانی تعلیم کے زیور سے آراستہ کیا جا رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریسکیو 15گجرات کے قتل ہونے والے حوالدار کا اندھا قتل ٹریس تین ملزمان گرفتار
گجرات (جی پی آئی)ریسکیو 15گجرات کے قتل ہونے والے حوالدار کا اندھا قتل ٹریس تین ملزمان گرفتار ، تفصیلات کے مطابق ڈی پی او گجرات راجہ بشارت کی زیر نگرانی ڈی ایس پی لالہ موسیٰ سرکل سید ضیاء جعفری اور ایس ایچ او صدر گجرات انسپکٹر راجہ فخر بشیر نے چند ماہ قبل گائوں وڑائچانوالہ میں فائرنگ سے قتل ہونے والے ریسکیو 15کے پولیس اہلکار واصف گوندل سکنہ جھیورانوالی کے اندھے قتل کو ٹریس کر لیا ، ایس ایچ او راجہ فخر بشیر نے صحافیوں کو بتایا کہ سادہ چک کے رہائشی تین ملزمان کو گرفتار کر لیا گیا ہے ، جنہوںنے دورانِ تفتیش پولیس اہلکار کو قتل کرنے کا اعتراف کر لیا ہے اور ملزمان کے قبضہ سے آلہ قتل بھی برآمد کر لیا گیا ہے ، وجہ عناد مقتول کانسٹیبل کے تعلقات ملزمان کی رشتہ دار خاتون کے ساتھ تعلقات بتائے جاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز مسلم لیگی راہنما مظہر چوہان کی کوششوں سے یونین کونسل 48میں سینکڑوں خواتین و حضرات نے کمپیوٹرائزڈ شناختی کارڈ کیلئے فارم جمع کروا دئیے
گجرات (جی پی آئی)ممتاز مسلم لیگی راہنما مظہر چوہان کی کوششوں سے یونین کونسل 48میں سینکڑوں خواتین و حضرات نے کمپیوٹرائزڈ شناختی کارڈ کیلئے فارم جمع کروا دئیے ، تفصیلات کے مطابق یونین کونسل 48محلہ سلطان پورہ میں ممتاز مسلم لیگی راہنما مظہر چوہان کی کوششوں سے نادرہ کی وین دو دن موجود رہی اور اس دوران سینکڑوں خواتین و حضرات نے کمپیوٹرائزڈ شناختی کے حصول کیلئے فارم جمع کروائے اس موقع پر چوہدری مظہر اقبال چوہان نے کہا کہ ہم چوہدری پرویز الٰہی کے شکر گزار ہیں کہ جن کی کوششوں سے نادرا وین 2دن یونین کونسل 48میں موجود رہی اور خواتین و حضرات جو کہ مصروفیات کی وجہ سے شناختی کارڈ دفتر نہیں جا سکتے تھے نے کارڈز کیلئے فارم جمع کروائے اور ہم نے لوگوں کی بھرپور خدمت کی کوشش کی اور ان کے مسائل حل کرنے کیلئے کوشاں رہے ، یونین کونسل 48سے مسلم لیگ ق کے امیدوار بھاری اکثریت سے کامیاب ہونگے جو کہ عوامی مسائل کے حل کیلئے کوشاں رہتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الکرم ماڈل ہائی سکول دسوندی پورہ کلاس 5thاور کلاس8thکا سالانہ بورڈ کے امتحانات میں رزلٹ سو فیصد رہا
گجرات (جی پی آئی)الکرم ماڈل ہائی سکول دسوندی پورہ کلاس 5thاور کلاس8thکا سالانہ بورڈ کے امتحانات میں رزلٹ سو فیصد رہا ، شاندار رزلٹ پر چوہدری گلزار محمود اختر وڑائچ ایڈووکیٹ ، میاں محمد یوسف جنجوعہ ، ماسٹر محمد اسلم جلالی ، چوہدری امجد اقبال کا چیئرمین الکرم ماڈل سکول نعیم شریف صابری کو مبارک باد ، اس موقع پر نعیم شریف صابری نے اپنے بیان میں کہا کہ 5thاور 8thکلاس کا شاندار رزلٹ اساتذہ کرام کی انتھک محنتوں کا نتیجہ ہے ، میں اپنے پورے سٹاف کو شاندار نتائج پر مبارک باد دیتا ہوں اور امید کرتا ہوں کہ اسی محنت اور لگن کے ساتھ طلباء و طالبات کو تعلیم کے زیور سے آراستہ کرتے رہیں گے ، اساتذہ کی محنتوں سے ہمارے ادارہ کا ضلع گجرات میں نام روشن ہوا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منہاج لائرز فورم کے زیر اہتمام 40روزہ عرفان القرآن کورس 4اپریل کو کچری بارہال میں شروع ہو گا
گجرات (جی پی آئی)منہاج لائرز فورم کے زیر اہتمام 40روزہ عرفان القرآن کورس 4اپریل کو کچری بارہال میں شروع ہو گا ، جس میں علم التجوید لفظی بامحاورہ ترجمہ تفسیر عربی قوائد حدیث قرآنی ، دعائیں شامل ہیں ، قرآن مجید کو سمجھنے میں آسانی ہو گی ، ممتاز قانون دان حافظ فیصل زمان ایڈووکیٹ 40روزہ لیکچرز ڈیلور کریں گے ، قرآن مجید کو سیکھنا ہر مسلمان پر فرض ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ اینڈ سیشن جج محمد طارق عباسی نے گذشتہ روز ڈسٹرکٹ جیل گجرات کا دورہ کیا
گجرات (جی پی آئی)ڈسٹرکٹ اینڈ سیشن جج محمد طارق عباسی نے گذشتہ روز ڈسٹرکٹ جیل گجرات کا دورہ کیا دورہ کے دوران انہوں نے معمولی جرائم میں ملوث 14قیدیوں کو زاتی مچلکوں پر رہا کر دیا ۔ اس موقع پر انہوں نے جیل کچن اور جیل ہسپتال کا بھی معائنہ کیا اور وہاں پر قیدیوں کودیئے جانے والے کھانے اور علاج معالجے کی سہولیات پر اطمینان کا اظہارکیا۔انہوں جیل حکام کو ہدایات کی کہ وہ قیدیوںکو علاج معالجے کی تمام سہولیات مہیا کریں اور کھانے کے معیار کو بھی بہتر بنایا جائے ۔ اس موقع پر سپر ٹینڈنٹ جیل بھی ان کے ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
توانائی کسی بھی ملک و قوم کی اصل دولت ہوتی ہے :وائس چانسلر یونیورسٹی
گجرات (جی پی آئی )توانائی کسی بھی ملک و قوم کی اصل دولت ہوتی ہے آج کے جدید تکنیکی دور میں توانائی کے بغیر ترقی کا سفر ناممکن ہے۔ پاکستان اس وقت توانائی کے شدید بحران کا شکار ہے۔ اس ترقی یافتہ دور میں توانائی کے حصول کے روایتی طریقے فرسودہ ہو چکے ہیں وقت کا تقاضا یہ ہے کہ ہم توانائی حاصل کرنے کے کم خرچ طریقوں پر توجہ دی جائے توانائی کے بحران پر قابو پانے کے لیے عوام میں آگاہی پیدا کرنا بہت ضروری ہے ۔ پاکستان سائنس فائونڈیشن کے زیر اہتمام توانائی کے حصول کے جدید طریقوںکے متعلق نمائش دلچسپ اور قابل داد ہے ۔ یہ نمائش طلباء و طالبات کے لیے سبق آموز ہے کیونکہ اس قسم کی نمائش ذہین طالب علموں کے لیے مشعل راہ ثابت ہوتی ہیںان خیالات کا اظہار مہمان خصوصی وائس چانسلر یونیورسٹی آف گجرات نے UOG مرغزار کالج میں پاکستان سائنس فائونڈیشن اور جامعہ گجرات کے ORIC کے اشتراک سے منعقدہ تین روزہ توانائی کانفرنس کے افتتاح کے موقع پر نمائش کا افتتاح کرتے ہوئے کیا ۔ انہوں نے مزید کہا کہ ہمارے ملک کے سائنسدانوں اور محققین کو توانائی کے حصول کے متبادل ذرائع پر کام کرنے کی سخت ضرورت ہے کیونکہ دور حاضرمیں توانائی زندگی کے ہر شعبہ میں حرف اول کی حیثیت رکھتی ہے۔ توانائی کو صرف پیدا کرنا ہی ضروری نہیں بلکہ عوام میں اس بات کی آگاہی پھیلانا بھی بہت ضروری ہے کہ توانائی کی بچت کیسے کی جائے۔ توانائی کے موضوع پر نمائش کا انعقاد وقت کی اہم ضرورت ہے ۔ میں پرنسپل UOG مرغزار کالج مسز فرحت محبوب اور ممبر سائنس پاکستان سائنس فائونڈیشن ڈاکٹر خلیل ابوپوتو کو اس نمائش کے انعقاد پر مبارکباد پیش کرتا ہوں۔ پاکستان سائنس فائونڈیشن کے ممبر ڈاکٹر خلیل ابوپوتو نے اس موقع پر بتایا کہ یہ ایک سفری نمائش ہے اور ہم پاکستان کے مختلف شہروں میں اس سفری نمائش کا انعقاد کر رہے ہیں ۔ ہمارا مقصد خاص طور پر ملک کے تعلیمی اداروں میں توانائی اور اس کے حصول کے متبادل طریقوں کے متعلق آگاہی پھیلانا ہے ۔ نمائش میں مختلف ماڈلز کے ذریعے توانائی کے حصول کے متبادل طریقوں کا تعارف کرایا گیا ۔ گرین ہائوس، حرارت سے حاصل شدہ توانائی، توانائی سے دوبارہ توانائی پیدا کرنا، ہوا کے ذریعے توانائی کا حصول، شمسی توانائی، ٹرانسپورٹ اور سڑکوں کے ذریعے توانائی کا حصول وغیرہ جیسے طریقوں پر مختلف ماڈلز کا تفصیلی تعارف کرایا گیا ۔ اس نمائش میں یونیورسٹی اور کالجز کے طلباء و طالبات کے علاوہ گجرات کے مختلف سکولوں کے بچوں نے بھی کثیر تعداد میں شرکت کی ۔ نمائش میں طلباء و طالبات کی دلچسپی اور شوق قابل ستائش تھا ۔ نمائش میں یونیورسٹی آف گجرات کے ڈائریکٹران ڈاکٹر مدثر اقبال ، شیخ عبدالرشید اور مینیجر ORIC شہزادہ بابر نے بھی شرکت کی ۔ پاکستان سائنس فائونڈیشن کے نمائندگان میں کوآردینیٹر عبدالرؤف اور اسسٹنگ ڈائریکٹر نعیم عباس شامل تھے۔
Related Posts
