گجرات (سٹاف رپورٹر) پاکستان مسلم لیگ ق کے نامزد امیدوار چیئرمین یوسی 42 عادووال چوہدری ظفر انور دھول، وائس چیئرمین چوہدری جاوید گجر مراڑیاں کی قیادت میں پاکستان مسلم لیگ ق کے نامزد کردہ پینل کی حمایتوں کا سلسلہ جاری، سائیکل نے یوسی عادووال سے مخالف امیدواروں کی نیندیں حرام کردیں، چوہدری ظفرانور دھول اور چوہدری جاوید گجر مراڑیاں نے صحافیوں سے گفتگو کرتے ہوئے بتایا کہ چوہدری برادران کا پیغام گھر گھر پہنچانا اپنا فرض سمجھتے ہیں اور قائدین کا شکریہ ادا کرتے ہیں جنہوں نے یوسی عادووال 42سے عوامی خدمت کا موقع دیا، انشاء اللہ عوام کے پیار محبت اورعوامی خدمت کے بل بوتے پر کامیاب ہوکر 31اکتوبرکو سیٹ جیت کر قائدین کو تحفے میں دینگے، اس موقع پر چوہدری برادران کے قریبی ساتھی سید اخترعباس شاہ آف عادووال اور عدنان بٹ عرف جگو بٹ نے کہاکہ چوہدری برادران کے ترقیاتی دور کو ضلع گجرات کی عوام آج بھی یاد کررہی ہے، علاقے سے ریکارڈ ووٹوں کی لیڈ سے پاکستان مسلم لیگ ق کے نامزد کردہ امیدوار کو کامیاب کرائیں گے، عوامی خدمت کرنا ہمارا مشن ہے اور اسے جاری رکھیں گے عوام کی خدمت کیلئے 24گھنٹے ہمارے دروازے کھلے ہیں،ہم اپنے ووٹرز کی حفاظت کرنا جانتے ہیں اوچھے ہتھکنڈے استعمال کرنے والوں کو منہ کی کھانا پڑے گی۔
۔۔۔۔۔
گجرات(سٹاف رپورٹر)پاکستان مسلم لیگ ن این اے104پی پی108جلالپورجٹاں وارڈ نمبر6کے نامزد کردہ امیدوار جنرل کونسلر منیراحمد بٹ کی کامیابیاں عروج پر، شیر کی یلغار نے مخالفین کو پریشان کردیا، جلالپورجٹاں وارڈ نمبرچھ میں شیر گلی گلی گھس گیا،جلالپورجٹاں میں وارڈ نمبر چھ حماد بٹ،گل نواز، اورآصف ڈار ،منیربٹ کی حمایت میں گرینڈ جلسہ کا اہتمام کیا،جس کے مہمان خصوصی ایم پی اے میجرمعین نوازاور رہنماء پاکستان مسلم لیگ ن چوہدری تنویراحمدگوندل تھے جبکہ جلسہ میں ڈاکٹرشکیل،چوہدری مظہرحیات، چوہدری شوکت حیات، میرشبیر،فواد بٹ،افضال بٹ،حسن شاہ،قاسم شاہ،سیداصغرشاہ،سیدالیاس شاہ،سید اکرم شاہ،چوہدری بوٹا،چوہدری جاوید آف موہلہ، چوہدری پرویز ،خالدبٹ،عطاء محمد،گل نواز،آصف ڈار، مہرجاوید، مرزا عرفان،راشد،ملازم حسین، حماد بٹ ودیگر نے شرکت کی ،اس موقع پر خطاب کرتے ہوئے میجر معین نواز نے کہاکہ ٹھیکیداروں اور قبضہ گروپوں کادور گزر چکا،پاکستان مسلم لیگ ن کے دورحکومت میں اسلحہ کلچر کادور ختم ہوا، پرامن اور تعمیر وترقی خوشحالی حکومت پنجاب کا ویژن ہے، وارڈ نمبر چھ جلالپورجٹاں منیراحمدبٹ کی کامیابی یقینی ہے پاکستان مسلم لیگ ن وطن عظیم کی واحد عوامی سیاسی وحقیقی جماعت ہے ،پاکستان مسلم لیگ ن کے شیر وارڈ نمبر چھ سمیت پنجاب بھرمیں ہونیوالے بلدیاتی الیکشن میں کامیاب ہونگے ،ہمارے قائدین وزیراعلیٰ شہبازشریف ،وزیراعظم نواز شریف ملک عظیم کی ترقی وکامرانی کیلئے دن رات جدوجہد کررہے ہیں پاکستان مسلم لیگ ن کے امیدواران ہی 31اکتوبر کو کامیاب ہونگے اس موقع پر سابق چیئرمین بیت المال زکوٰة وعشرکمیٹی چوہدری تنویر احمدگوندل نے کہاکہ پاکستان مسلم لیگ ن اپنے ورکرز کے حقوق کی حفاظت کرنا جانتی ہے اوچھے ہتھکنڈے استعمال کرنے والوںکو 31اکتوبر کو منہ کی کھانا پڑے گی، جلالپورجٹاں پاکستان مسلم لیگ ن کا قلعہ ہے،جیت کا خواب دیکھنے والوں کو عنقریب اپنی حیثیت کا اندازہ ہوجائیگا،پاکستان مسلم لیگ ن شیروں کی جماعت ہے وارڈ نمبر چھ کے نامزد امیدوار جنرل کونسلر منیراحمدبٹ ہردلعزیز شخصیت ہیں اور انکے برادری اور دوست احباب نے جو حمایتی اکٹھ کیا اس سے اندازہ ہوتا ہے کہ پاکستان مسلم لیگ ن جلالپورجٹاں نہیں پنجاب بھرمیں مضبوط سے مضبوط تر ہے کارکن جماعت کا قیمتی سرمایہ ہیں اورانشاء اللہ تعالیٰ 31اکتوبر کو اپنے قائدین کی قیادت میں انہیں کامیاب کرانے میں کوئی کسر نہ چھوڑینگے، نامزد امیدوار جنرل کونسلرمنیراحمدبٹ نے کہاکہ پاکستان مسلم لیگ ن کے قائدین کا شکریہ ادا کرتے ہیں جنہوں نے ہمیں اس قابل سمجھا اور ہمیں ٹکٹ دیا اور جلالپورجٹاں وارڈ نمبرچھ کی عوام کا بھی شکریہ ادا کرتے ہیں جن کے پیار ومحبت سے آج یہ گرینڈ اکٹھ ہوا اس اکٹھ کو دیکھ کر میں آج ہی جنرل کونسلر منتخب ہوگیا ہوں،عوام کی خدمت اور علاقے کی تعمیر وترقی ہمارا منشور ہے اور اپنے قائدین کے ویژن کے مطابق عوامی خدمت کا یہ سلسلہ نسل درنسل جاری رکھیں گے،حماد بٹ نے کہاکہ اینٹ کا جواب پتھر سے دینگے،31اکتوبر کو پولنگ لوٹنے والوں کا کڑا احتساب کرینگے،منیراحمدبٹ کی کامیابی کیلئے سردھڑ کی قربانی دینے سے دریغ نہ کریں گے 31اکتوبرکو ریکارڈ ووٹوں کی لیڈ سے کامیابی حاصل کرکے قائدین کو سیٹ تحفے میں دینگے۔
۔۔۔۔
گجرات(سٹاف رپورٹر)پاکستان پیپلزپارٹی کے نامزد امیدوار چیئرمین یوسی عادووال چوہدری افتخاراحمد وارث، وائس چیئرمین چوہدری عظمت اللہ سیفی آف ڈھیروگھنہ، امیدوار جنرل کونسلر چوہدری محمدنواز، چوہدری دلاور حسین، عبدالرحمن کی حمایت میں عادووال میں گرینڈ اکٹھ، موٹر سائیکل ریلی بھی نکالی گئی ، پھولوں کی پتیاں بھی نچھاور کی گئیں، پنڈال پہنچنے پر تپاک استقبال کیاگیا،پاکستان پیپلزپارٹی زندہ باد کے نعرے لگائے گئے ،غلام سرور،چوہدری محمدنواز نے جلسہ کا انعقاد کیا، جس میں ڈھیروگھنہ سے چوہان برادری،عادووال سے مرزا برادری، رحمانی برادری،بٹ برادری،ٹبی گوریاں، صابر ی محلہ سے صابری برادری حمایت کا اعلان کیا اور31اکتوبرکو کامیاب کرانے کی یقین دہانی کرائی،اس موقع پر چوہدری افتخارا حمدوارث ،چوہدری عظمت اللہ سیفی، چوہدری محمدنواز، چوہدری دلاور حسین، عبدالرحمن، غلام سرور ممبر ودیگر نے خطاب کیا،خطاب کرتے ہوئے چوہدری افتخاراحمدوارث نے کہاکہ پاکستان پیپلزپارٹی وفا پرست ،جانثاروں ،شہیدوں کی جماعت ہے پاکستان پیپلزپارٹی کا ویژن علاقے کی تعمیر وترقی خوشحالی ہے حمایت کرنے والے دوستوں کو یقین دہانی کراتے ہیں کہ انشاء اللہ تعالیٰ کامیاب ہوکر بڑھ چڑھ کر عوامی خدمت کرینگے اور عوامی خدمت کا یہ مشن نسل درنسل جاری وساری رکھیں گے،پاکستان پیپلزپارٹی یوسی عادووال کے کارکنوں کا شکریہ جنہوں نے میلہ سجاکر 2008کا دور یاد کرادیا دھوکہ دہی کی سیاست کرنا ہمارے ویژن میں شامل نہیں پاکستان پیپلزپارٹی کے مرکزی رہنماء اپنے قائد چوہدری قمرزمان کائرہ، چوہدری طاہر زمان کائرہ، چوہدری تنویراشرف کائرہ کی قیادت میں 31اکتوبرکو علاقے کی عوام کے پیار ومحبت کے بل بوتے پر کامیاب حاصل کرینگے مجھے آج خوشی ہوئی ہے کہ میرے دوستوں نے ایک کارنر میٹنگ کا انعقاد کیاجوکہ گرینڈ جلسہ بن گئی ،وائس چیئرمین عظمت اللہ سیفی نے کہاکہ مایوسیوں کا دور گزر چکا عادووال باشعور اور غیور عوام پاکستان پیپلزپارٹی کا ساتھ دیکر تعمیر وترقی کے مشن کو آگے بڑھائیں ،چوہدری محمدنواز نے کہاکہ ہم ڈرنے جھکنے بکنے والے نہیں ہم پاکستان پیپلزپارٹی کے جانثار کارکن ہیں اور اپنے علاقہ کے پیار ومحبت اور تعمیر وترقی کے مشن کو کامیاب بنانے کے ساتھ ساتھ علاقہ بھرکی عوامی خدمت کے بل بوتے پر 31اکتوبر کو کامیاب ہونگے چوہدری عبدالرحمن نے کہاکہ پاکستان پیپلزپارٹی واحد جمہوری جماعت ہے جنہوں نے حلقہ این اے106کے واحد یونین کونسل عادووال کو ماڈل بنایا اور انشاء اللہ کامیاب ہوکر تعمیر وترقی کے جال بچھائیں گے چوہدری دلاور حسین نے کہاکہ حمایت کرنے والے دوستوں کاشکریہ ادا کرتے ہیں اور انہیں یقین دلاتے ہیں کہ کامیاب ہوکر ان کی امیدوں پر پورا اترینگے، سابق کونسلر چوہدری مختار وارث،غلام سرور ممبر نے کہاکہ ہم نے آج تک دھوکے تو بڑے کھائے لیکن آج تک دھوکہ نہیں دیا پاکستان پیپلزپارٹی کے نامزد امیدواران جرات مندانہ پینل کے ساتھ میدان میں اترے ہیں انکے کندھے سے کندھا ملاکر چلیں گے اور 31اکتوبر کو انہیں بھرپور کامیابی سے ہمکنار کروائیں گے۔
