گجرات کے معروف سہتپال سٹی ہسپتال جیل چوک میں گزشتہ روز پاکستان کے معروف ماہر امراض سکن ڈاکٹر محمود ثاقب
گجرات ( جی پی آئی ) گجرات کے معروف سہتپال سٹی ہسپتال جیل چوک میں گزشتہ روز پاکستان کے معروف ماہر امراض سکن ڈاکٹر محمود ثاقب نے فری کیمپ لگایا ‘ یہ کیمپ صبح 9بجے شروع ہوا اور دوہر تک جاری رہا ‘ اس فری کیمپ میں ڈاکٹر محمود ثاقب نے ہیئر ٹرانسپلاٹینشن کے متعلق مریضوں کو چیک کیا ‘ اور 20کے قریب مریض دیکھے اور انہیں علاج معالجے اور دیگر معاملات کے متعلق بریف کیا اس شاندار کیمپ میں مریضوں نے کافی فائدہ اٹھایا اور ڈاکٹر محمود ثاقب اور سٹی ہسپتال کی انتظامیہ ڈاکٹر افضال محمود وڑائچ اور ڈاکٹر اسجد فاروق کی خدمات کو خراج تحسین پیش کرتے ہوئے کہا کہ آئندہ بھی اس طرح کے فری کیمپ کا انعقاد کرتے ہیں تا کہ لوگوں کو فائدہ اور شعور مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممبر اسلامی نظریاتی حکومت پاکستان صاحبزادہ پیر سید سعید احمد شاہ گجراتی نے چیف ایڈیٹر جی پی آئی ڈاکٹر رزاق احمد غفاری
گجرات ( جی پی آئی ) ممبر اسلامی نظریاتی حکومت پاکستان صاحبزادہ پیر سید سعید احمد شاہ گجراتی نے چیف ایڈیٹر جی پی آئی ڈاکٹر رزاق احمد غفاری کی خوشدامن کی وفات پر فاتحہ خوانی کی اور مرحومہ کے درجات کی بلندی کیلئے دعا کی ۔ اُن کے ہمراہ ممتاز عالمی علامہ محمد اشرف نقشبندی ‘ صاحبزادہ پیر سید حسن محمود شاہ گجراتی ودیگر بھی تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر پاکستان مسلم لیگ ق سٹی گجرات محمد حنیف حیدری نے اپنے بیان میں کہا ہے کہ چوہدری برادران پر الزامات
گجرات (جی پی آئی) صدر پاکستان مسلم لیگ ق سٹی گجرات محمد حنیف حیدری نے اپنے بیان میں کہا ہے کہ چوہدری برادران پر الزامات لگانے والے پہلے اپنے گریبان میں جھانکیں۔چوہدری برادران بین الاقوامی سطح کے سیاستدان ہیں اور انہوں نے پوری دنیا میں پاکستان اور گجرات کا نام روشن کیا اور یہ بات سب پر روز روشن کی طرح عیاں ہے اور سبھی اس حقیقت کو تسلیم کرتے ہیں۔ انہوں نے کہا کہ چوہدری شجاعت حسین کی شخصیت کی تعریفیں مخالفین بھی کرتے ہیں ان جیسا نیک دل اور محب الوطن سیاستدان پورے ملک میں نہیں ہے۔ ۔ آج کل ن لیگ کے حواریوں نے بازاری زبان کا استعما ل شروع کیا ہے اور آئے دن شرفاء پر الزامات لگارہے ہیں انہیں معلوم ہونا چاہیے کہ اب ان کے دن پورے ہوگئے ہیں اور وہ اور ان کی حکومت بس چند دن کی مہما ن ہے۔ انہوں نے کہا کہ لوٹ مار کرنے والوں نے اپنی تجوریاں بھر لی ہیں اور اپنی تمام تر توانیائیاں شرفاء کی پگڑیاں اچھالنے میں صرف کررہے ہیں جبکہ عوام کی انہیں کوئی فکر نہیں ہے اور ان سے کئے گئے وعدوں کو پس پردہ ڈال کر عوامی خزانہ کو مال مفت دل بے رحم کی طرح استعمال کررہے ہیں لیکن اب عوام بیدار ہے اور وہ ان کے جھانسے میں آنے والی نہیں ۔ آنے والے دنوں میں حکمران اور ان کے حواری فرار ہوتے نظر آرہے ہیں۔ویسے بھی ٹھنڈی کھوئی کا پانی بھی نہ پلانے والے آج گرما گرم قہوے پی رہے ہیں ایسے عناصر کو معلوم ہونا چاہئے کہ چند دن کی حکومت رہ گئی ہے بڑے بڑے بھڑک باز لیڈر چوہوں کی طرح اپنی بلو ں میں گھس جائیں گے۔ایسے عناصر کو مشورہ ہے کہ اپنے قائدین جدے کے مسافروا کی طرح تیاری رکھیں اور اپنی اپنی سیٹیں بک کروا کر رکھیں کیونکہ ان کا وقت آخر آگیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات میںتین روزہ انسداد پولیو مہم 8 دسمبر سے 10 دسمبر تک جاری رہے گی
گجرات(جی پی آئی )ضلع گجرات میںتین روزہ انسداد پولیو مہم 8 دسمبر سے 10دسمبر تک جاری رہے گی اس دوران پانچ سال تک عمر کے 4لاکھ 16ہزار بچوں کو پولیو سے بچائو کے قطرے پلائے جائیں گے بعد ازاں دو روزہ فالو اپ مہم بھی چلائی جائے گی۔ ان خیالات کا اظہار ڈی سی او لیاقت علی چٹھہ نے انسداد پولیو مہم کے انتظامات کے جائز ہ اجلاس سے خطاب کرتے ہوئے کیا،اس موقع پر اے ڈی سی فاروق رشید سندھو ، اے سی میاں اقبال مظہر ، اے سی افشاں رباب ، اے سی سرائے عالمگیر شعیب نسوانہ ، ای ڈی او ہیلتھ ڈاکٹر اعجاز حیدر خاں ، ای ڈی او ایجوکیشن طاہر کاشف ، ڈی ایچ او ڈاکٹر عابد غوری ، پاپولیشن آفیسر محمد عدنان ،سماجی کارکن خادم علی خادم و دیگر بھی موجود تھے ۔ای ڈی او ہیلتھ ڈاکٹر اعجاز حید ر خان نے اجلاس کو بتایا کہ ضلع بھر میں پانچ سال تک عمر کے بچوں کو پولیو سے بچائو کے قطرے پلانے کے لئے مجموعی طور پر 822موبائل ٹیمیں تشکیل دی گئی ہیں جبکہ 31ٹرانز ٹ پوائنٹس اور 119فکس پوائنٹس بھی قائم کئے گئے ہیں۔ ڈی سی اولیاقت علی چٹھہ نے ہدایت کی کہ عوام میں پولیو مہم کے حوالے سے شعور بید ار کرنے کے لئے تمام سکولز کے باہر بینرز لگائے جائیں، مساجد میں اعلانات کرائے جائیں علماء کرام اور میڈیا سے بھی بھر پور تعاون حاصل کیا جائے ۔ انہوںنے ہدایت کہ بھٹہ جات میں مقیم کمسن بچوں اور ہائی رسک پاپولیشن خانہ بدوشوں اور دیگر علاقوں سے ہجرت کر کے منقل ہونے والے بچوں پر خصوصی توجہ دی جائے ۔ انہوںنے کہا کہ پولیو ٹیموں کی سکیورٹی پولیس کی ذمہ داری ہو گی پولیس اس مقصد کے لئے جامع پلان تشکیل دے۔ انہوں نے ہدایت کی کہ کسی وجہ سے حفاظتی قطروں سے محروم رہ جانیوالے بچوں کو ہر صورت حفاظتی قطروں کی فراہمی یقینی بنائی جائے۔ ڈی سی او نے محکمہ صحت کے افسران کو ہدایت کی کہ ضلع گجرات میں انسداد پولیو مہم ہر لحاظ سے جامع ہونی چاہیے تاکہ نہ صرف ضلع گجرات آئندہ بھی پولیو فری رہے اور پنجاب اور پاکستان سے اس خطرناک مرض کے خاتمہ کا مشن مکمل ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد جمیل محمدی آف کنجاہ کا ڈی جی لائنز کلب ڈاکٹر عارف مسعودکے حج واپسی پر پرتکلف عشائیہ
گجرات(جی پی آئی) محمد جمیل محمدی آف کنجاہ کا ڈی جی لائنز کلب ڈاکٹر عارف مسعودکے حج واپسی پر پرتکلف عشائیہ۔تقریب کا اہتمام مقامی ہوٹل کنارہ پر کیا گیا جس میں دوست احباب جن میںطارق جنجوعہ،عبدالستار ،شبیر احمد چاند،ڈاکٹر زوہیب،ڈاکٹر عمران،اختر محمود شامل ہیں نے شرکت کی اور حج ادائیگی پر ڈاکٹر عارف کو مبارکباد دی اور ،ملک و قوم کی سلامتی کے لیے خصوصی دعا بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انجمن تاجران سرگودھا روڈ کیاالیکشن میں شاہین گروپ کی کامیابی قابل ستائش ہے
گجرات(جی پی آئی) انجمن تاجران سرگودھا روڈ کیاالیکشن میں شاہین گروپ کی کامیابی قابل ستائش ہے۔تمام عہدیداران کو دلی مبارکباد پیش کرتے ہیں ان خیا لات کا اظہار چوہدری خالد محمود رہنما مسلم لیگ ق نے میڈیا سے گفتگو کرتے ہوئے کیا۔انھوں نے کہا کہ تاجر برادری کا وجود ہمارے معاشرے میں ریڑھ کی ہڈی کا ہے جو نہ صرف ملک کا سرمایہ ہیں بلکہ معاشی ترقی کی ضمانت بھی۔انھوں نے کہا کہ میں شاہین گروپ کے صدرحاجی منیر احمد،جنرل سیکرٹری کاشف چاند کمبوہ اور ان کی تمام کابینہ کا مبارکباد پیش کرتا ہوں اور ان سے امید کرتا ہوں کہ وہ اپنی تاجربرادری کی توقعات کو پورا کرتے ہوئے ان کے مسائل حل کرواہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجلس وحدت مسلمین ضلع گجرات کے جنرل سیکرٹری علامہ مولانا ڈاکٹر سید تنویر حسین رضوی
گجرات (جی پی آئی)مجلس وحدت مسلمین ضلع گجرات کے جنرل سیکرٹری علامہ مولانا ڈاکٹر سید تنویر حسین رضوی ، ڈپٹی سیکرٹری جنرل سید علی رضا نے اپنے ایک مشترکہ بیان میں گجرات کے سینئر صحافی ڈاکٹر رزاق احمد غفاری کی خوش دامن کی وفات پر تعزیت کا اظہار کیا ہے ۔ انہوںنے مرحومہ کے ایصال ثواب کے لیے دعائے مغفرت کرتے ہوئے اﷲ تعالیٰ سے مرحومہ کے درجات کی بلندی کی دعا کی ہے اور دعا کی ہے کہ اﷲ تعالیٰ مرحومہ کو جنت الفردوس میں بلند مقام عطا فرمائے اور پسماندگان کو صبر جمیل عطا فرمائے ۔ (آمین )
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سید وقارحسین نقوی کی ضلع گجرات میں ڈسٹرکٹ انفارمیشن آفیسر کے طور پر دوبارہ تعیناتی کا خیرمقدم کرتے ہیں
گجرات (جی پی آئی)سید وقارحسین نقوی کی ضلع گجرات میں ڈسٹرکٹ انفارمیشن آفیسر کے طور پر دوبارہ تعیناتی کا خیرمقدم کرتے ہیں ۔ ان خیالات کا اظہار کنجاہ پریس کلب کے سابق صدر یاورعباس نے اپنے ایک بیان میں کیا ۔ انہوںنے کہا کہ سید وقار نقوی اعلیٰ صلاحیتیوں کے مالک ہیں ۔ وہ نوجوان ہونے کے باوجود اپنے کام میں مہارت رکھتے ہیں ۔ ضلع بھر کے صحافیوں سے رابطے اور سرکای خبروں کی بروقت فراہمی قابل ستائش ہے ۔ انہوںنے کہا سید وقارحسین نقوی کی دوبارہ تعیناتی سے ضلع بھر کی صحافی برادری میں خوشی کی لہر دوڑ گئی ہے ۔
