مونس الٰہی نے پنجاب اسمبلی کی دو نشستوں سے منتخب ہونے کے بعد پی پی 110 گجرات کی نشست برقرار رکھی
گجرات (جی پی آئی) پاکستان مسلم لیگ کے سینئر رہنما مونس الٰہی نے جو گجرات اور منڈی بہائو الدین سے پنجاب اسمبلی کی دو نشستوں پر منتخب ہوئے تھے ہفتہ کو یہاں پی پی 110 گجرات کے رکن کی حیثیت سے حلف اٹھایا۔ انہوں نے پی پی 118 منڈی بہائو الدین کی نشست چھوڑ دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سینئر صحافی انور شیخ نے مرزا شبیر احمد کی اچانک وفات پر گہرے دکھ اور افسوس کا اظہار کیا
گجرات (جی پی آئی ) گجرات پریس کلب کے سابق جنرل سیکرٹری سینئر صحافی محمد انور شیخ نے ایک بیان میں ریڈیو 105 کے چیف ایڈیٹر مرزا محمد نعیم کے بہنوئی مرزا شبیر احمد کی اچانک وفات پر گہرے دکھ اور افسوس کا اظہار کرتے ہوئے کہا ہے کہ اللہ تعالیٰ مرحوم کو جنت الفردوس میں اعلیٰ مقام عطا کرے اور سوگواران کو صبر جمیل دے انہوں نے کہا کہ ہم مرزا محمد نعیم کے دکھ میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ منگووال کے بعد ٹریفک پولیس گجرات حرکت میں آ گئی
گجرات (جی پی آئی ) سانحہ منگووال کے بعد ٹریفک پولیس گجرات حرکت میں آ گئی سی این جی رکشہ اور ایل پی جی گیس پر چلنے والے رکشہ اور چنگ چی والوں کی سختی آ گئی گذشتہ روز ٹریفک پولیس گجرات کے عملہ نے سانحہ منگووال کے بعد شہر بھر میں چلنے والے رکشہ اور چنگ چی کے خلاف آپریشن کرتے ہوئے سینکڑوں کی تعداد میں چنگ چی اور رکشہ پکڑ کر ٹریفک دفتر اور شہر کے مختلف تھانوں میں چالان کرنے کے بعد بند کر دیا ہے دوسری طرف ٹریفک پولیس کے بارے میں یہ بھی معلوم ہوا ہے کہ پولیس ان رکشہ اور چنگ چی والوں سے پانچ پانچ سو روپے رشوت لے کر چھوڑ دیا جاتا ہے اور ٹریفک پولیس اہلکاروں اور پولیس اہلکاروں نے ایل پی جی اور سی این جی رکشہ کی کٹس بھی اتارنا شروع کر دی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات سے قومی اسمبلی کے 4اور صوبائی اسمبلی کے 8امیدوار حلف اٹھانے کے بعد وزارت سے محروم رہیں گے
گجرات (جی پی آئی ) ضلع گجرات سے قومی اسمبلی کے 4اور صوبائی اسمبلی کے 8امیدوار حلف اٹھانے کے بعد وزارت سے محروم رہیں گے تاریخ میں یہ پہلی بار ایسا ہوا ہے کہ ضلع گجرات میں قومی اور صوبائی اسمبلی پر منتخب ہونے والے کسی امیدوار کو وزارت نہیں دی جا رہی حالانکہ سابقہ الیکشنوں میں ضلع گجرات سے قومی اور صوبائی اسمبلی سے کامیابی حاصل کرنے والے امیدواروں کو وزارت کے قلمندان دئیے گئے تھے لیکن اب ضلع گجرات قومی اور صوبائی سطح پر وزارت سے محروم رہے گا یہ گجرات کی تاریخ کا پہلا موقع ہے جبکہ قومی اور صوبائی ممبر وزارت سے محروم رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز پارٹی کا پنجاب سے صفایا ہو جانا عوام کے سیاسی شعور کا منہ بولتا ثبوت ہے:سید باقر رضوی
گجرات (جی پی آئی ) تحریک استقلال کے مرکزی نائب صدر سید باقر رضوی نے کہا ہے کہ پیپلز پارٹی کا پنجاب سے صفایا ہو جانا عوام کے سیاسی شعور کا منہ بولتا ثبوت ہے پیپلز پارٹی کے لوگوں نے انتہائی دائیں بازو کی جماعت مسلم لیگ ن کو ووٹ دینے کی بجائے ایک اور دائیں بازو کی جماعت پاکستان تحریک انصاف کو ووٹ دینا مناسب سمجھا انہوں نے کہا کہ اس وقت مکمل طور پر دائیں بازو کی جماعتوں میں ہی عام انتخابات کا معرکہ سر کیا ہے اور ملک میں ایک ترقی پسند لیول ڈیموکریٹک اور عوام پسند جو مزدوروں کسانوں غریبوں کی نمائندگی کرتی ہو اور ان کے مفادات کے تحفظ کی ضامن ہے ایک سیاسی جماعت کی ضرورت ہے سید باقر رضوی نے کہا کہ پاکستان تحریک انصاف اشرافیہ کے نوجوانوں کو متحرک کرنے میں کامیاب ہوئی ہے یہ اشرافیہ ہی کی جماعت ہے جس طرح اشرافیہ کے بچے اور بچیاں سیاست میں پہلی دفعہ عملی طور پر شریک ہوئے ہیں اسی طرح اب غریب اور مڈل کلاس سے تعلق رکھنے والے نوجوانوں کو بھی متحرک ہونا ہو گا اور اس کے لیے ایک سیاسی پلیٹ فارم کی ضرورت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نامعلوم چور صرافہ بازار سے دکان کے تالے کھول کر لاکھوں مالیت کا 200 گرام سونا چرا کر فرار ہو گئے
گجرات ( جی پی آئی ) نامعلوم چور صرافہ بازار سے دکان کے تالے کھول کر لاکھوں مالیت کا 200 گرام سونا چرا کر فرار ہو گئے بتایا گیا ہے کہ محلہ کامل پورہ کے رہائشی عمر فاورق کی دکان واقع صرافہ بازار سے گذشتہ رات نامعلوم چوروں نے دکان کے تالے کھول کر 200 گرام سونا جس کی مالیت تقریباً 15 لاکھ روپے بنتی ہے چوری کر کے فرار ہو گئے عمر فاروق نے مقدمہ کے اندراج کے لیے تھانہ بی ڈویژن پولیس کو تحریری طور پر درخواست دے دی ہے پولیس تھانہ بی ڈویژن مصروفِ تفتیش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاہانہ فاروقی نے مونس الٰہی و ق لیگ کے اراکین اسمبلی کو حلف اٹھانے پر مبارکباد
گجرات (جی پی آئی)پاکستان مسلم لیگ شعبہ خواتین پنجاب کی صدر شاہانہ فاروقی نے مونس الہٰی وق لیگ کے دیگر اراکین صوبائی اسمبلی کو حلف اٹھانے پر مبارکباد دی ہے اور کہا ہے کہ پاکستان مسلم لیگ کے منتخب نمائندے اسمبلی میں عوام کی آواز بنیں گے ،شاہانہ فاروقی نے پاکستان مسلم لیگ کے سینئر راہنما چوہدری پرویز الہٰی اور طارق بشیر چیمہ کو بھی حلف اٹھانے پر مبارکباد دی ہے ، سابق رکن صوبائی اسمبلی خدیجہ عمر فاروقی نے بھی ق لیگ کے نو منتخب اراکین قومی و صوبائی اسمبلی کو مبارکباد دی ہے ، انہوں نے کہا کہ پاکستا ن مسلم لیگ اسمبلیوں کے اندر اور باہر بھر پور اپوزیشن کا کردار ادا کرے گی ،شاہانہ فاروقی نے پنجاب اسمبلی میں خواتین کی مخصوص نشست پر باسمہ ریاض چوہدری اور ثمینہ خاور حیات کو بھی حلف اٹھانے پر مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الخدمت اسلامک مائیکروفنانس نے اس ماہ 11افراد کو 265,000/-روپے کے قرضے منظور کئے۔
گجرات (جی پی آئی)الخدمت اسلامک مائیکروفنانس نے اس ماہ 11افراد کو 265,000/-روپے کے قرضے منظور کئے۔ 03افراد کو سیٹیزن ویلفیئر سوسائٹی رقم فراہم کرے گی تفصیلات کے مطابق الخدمت اسلامک مائیکروفنانس مینیجمینٹ باڈی کا اجلاس ضلعی دفتر میں منعقد ہوا۔اجلاس میں الخدمت اسلامک مائیکروفنانس نے11فراد کو 265,000/-روپے کے قرضے کی منظوری دی گئی۔ اجلاس کی صدارت حاجی غضنفر اقبال(ڈائریکٹر مائیکرو فنانس )نے کی ۔شرکاء میں چوہدری عمران انور ( صدر الخدمت فائونڈیشن ضلع گجرات ) سعید احمد (سابق صدر کھاریاں شہر)،چوہدری محمد عنصر بھدر( صدر بھدر)ڈاکٹر طارق جاوید(بھدر)،اسعد سعید پروگرام مینیجر الخدمت فائونڈیشن ضلع گجرات ،مائیکرو فنانس مینجرنوید احمد گوندل موجود تھے ۔03 افراد کو سیٹیزن ویلفیر سوسائٹی رقم فراہم کرے گی۔ یاد رہے کہ الخدمت فائونڈیشن ضلع گجرات اب تک278افرادکو5218000/–کے چھوٹے بلاسود کاروباری قرضے فراہم کرچکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیر محمد عثمان افضل قادری ذیب سجادہ دربار عالیہ نیک آبادنے یورپی ممالک میں منعقدہ تقریبات میں شرکت کی
گجرات(جی پی آئی) پاکستان کے ممتاز مذہبی وروحانی رہنماء پیر محمد عثمان افضل قادری ذیب سجادہ دربار عالیہ نیک آباد (مراڑیاں شریف) گجرات ان دنوں یورپی ممالک کا دورہ کررہے ہیں۔ وہ ماہ جون 2013ء میں مختلف شینگن ممالک میں منعقدہ تقریبات میں شریک ہوں اور مختلف شہروں میں اجتماعات سے خطابات کے علاوہ کئی محافل میں شرکت کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
DPOگجرات دار علی خٹک کی ہدائیت پر گجرات پولیس کا منشیات فروشوں کے خلاف گرینڈ آپریشن
گجرات (جی پی آئی)DPOگجرات دار علی خٹک کی ہدائیت پر گجرات پولیس کا منشیات فروشوں کے خلاف گرینڈ آپریشن ،تھانہ سٹی لالہ موسیٰ پولیس نے دوران گشت 2کس ملزمان سے چرس برآمد کر کے ملزمان کے خلاف الگ الگ مقدمات درج کرلئے (١) ملزم سرفراز اختر ولد کرم الہی سکنہ فتح جھنگ اٹک سے 1040گرام چرس (٢) ملزم محمد بنارس ولد پاندہ خاں سکنہ فتح جھنگ اٹک سے 1020گرام چرس ،تھانہ سٹی جلالپورجٹاں پولیس نے ملزم نعمان احمد عرف مانا ڈان ولد عبدالحمید سکنہ کشمیر نگر سے 250گرام چرس برآمد کر کے مقدمہ درج کرلیا ۔تھانہ سٹی جلالپورجٹاں پولیس نے ملزم عابد حسین عرف عابدہ جن ولد نور محمد سکنہ محلہ جولاہی سے 420گرام چرس برآمد کر کے مقدمہ درج کرلیا ۔
Related Posts
