حکمران اپنی عیاشیاں چھوڑنے پر تیار نہیں مگر عوام سے بار بار قربانی کا تقاضا کرتے ہیں :ڈاکٹر طارق سلیم
گجرات (جی پی آئی)حکمران اپنی عیاشیاں چھوڑنے پر تیار نہیں مگر عوام سے بار بار قربانی کا تقاضا کرتے ہیں ۔وعدے پورے کرنے کی بجائے ”لارے لپے ” کی سیاست زیادہ دیر نہیں چل سکتی۔ ہر آنے والا حکمران خزانہ خالی ہونے کی خوفناک خبر سناتا ہے مگر جب اقتدار سے بے دخل ہوتا ہے تو پتہ چلتا ہے ایک ایک وزیر بھوک ،مہنگائی اور محرومیوں کی شکار قوم کا اربوں روپیہ ہڑپ کر کے چل دیا ہے ۔ ان خیالات کا اظہار جماعت اسلامی پنجاب کے ڈپٹی سیکرٹری ڈاکٹر طارق سلیم نے میڈیا سے گفتگو کرتے ہوئے کیا۔انہوں نے کہا کہ ای۔او۔بی ۔آئی(EOBI) یا رینٹل وزراء کے ساتھ ساتھ مینٹل وزراء تھوڑے بہت فرق کے ساتھ ایک ہی کردار اور کھوٹے سکوںِ کے دو رخ نظر آتے ہیں۔ڈاکٹر طارق سلیم نے کہ” موبائل کارڈ” کے نام پرایک ایک فرد کی جیب میں ڈاکہ ڈالنے اور عام آدمی سے ضروریات زندگی کی چیزوں پر ٹیکس لگانے کے بعد صاحبانِ اقتدار کی ہوس وحرص پوری نہیں ہوئی تومکان پر بھی ٹیکس لگادیا ۔ ریاست ماں کی مانند ہوتی ہے مگر ریاست کا ہرایک بر سر اقتدار فرد خون نچوڑنے کو اپنے دور اقتدارکا مقصد بنا لے تو معاشرے سکون کی دولت سے محروم ہو جاتے ہیں۔ نتیجتاً معاشی، معاشرتی اورسماجی برائیاں جنم لینے لگتی ہیں ۔ مرکزی اور صوبائی حکومتیںاپنی ذمہ داریاں پوری کریں ۔وزراء سادگی کا نمونہ بنیں۔ ہیلی کاپٹروں کے ذریعے وزراء کو طلب کر کے بریفنگ لینے کی نئی روایات قائم نہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پولیس کی ناجائز اسلحہ اور شرابیوں کے خلاف کارروائی
گجرات (جی پی آئی)گجرات پولیس نے ناجائز اسلحہ اور شرابیوں کے خلاف کارروائی
کرتے ہو ئے مندرجہ ذیل ملزمان کو گرفتار کر کے مقدمات درج کرلئے ۔تھانہ سول لائن پولیس نے دوران ناکہ بندی ملزم عاصم اکرم ولد محمد اکرم قوم سندھے سکنہ چوکنانوالی سے پسٹل 9MMبرآمد کر کے مقدمہ درج کرلیا ۔تھانہ A/DIVپولیس نے ملزم عبدالرحمن ولد محمد اسحاق سکنہ محلہ ڈپٹی یار محمد گجرات سے پسٹل 30بور برآمد کر کے مقدمہ درج کرلیا ۔تھانہ سٹی سرائے عالمگیر پولیس کو عبداللہ نعمان ولد عبدالمجید جٹ سکنہ معصوم پور نے اطلاع دی کہ ملزم محمد بشیر ولد غلام رسول قوم جٹ سکنہ پاہڑیانوالی شراب کے نشہ میں دھت ہو کر ہمارے گھر میں داخل ہو ا ہے ۔جس پر پولیس نے ملزم مذکور کو گرفتار کرکے مقدمہ درج کرکے تفتیش شروع کر دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی محمد شریف گولیاں والے ، حاجی سعید جیلانی صراف مرحوم کا سالانہ ختم پاک ان کی رہائشگاہ بھمبر روڈ میں پڑھا گیا
گجرات (جی پی آئی) حاجی محمد شریف گولیاں والے ، حاجی سعید جیلانی صراف مرحوم کا سالانہ ختم پاک ان کی رہائشگاہ بھمبر روڈ میں پڑھا گیا ، اس سلسلے میں محفل پاک منعقد ہوئی ، جس کی صدارت پیر سید زمان شاہ سیالوی نے کی ، مہمانان خصوصی پیر محمد اقبال صمدانی ، حسان محبوب آوانی تھے ، نقابت کے فرائض عالمی نقیب محفل خاور بشیر بٹ گولڑوی نے سرانجام دئیے ، تلاوت کی سعادت حافظ شیراز علی نے حاصل کی ، نعت شریف محمد سلیم مہروی ، علی حسن چشتی ، حافظ محمد صدیق نے پڑھی ، پیر سید زمان شاہ سیالوی نے مرحومین کی مغفرت کیلئے خصوصی دعا کروائی ، محفل میں شامل افراد میں سہیل انور بٹ ، خادم علی خادم ، خواجہ شفاقت حفیظ گڈو ، میاں ندیم اسلم ، مرزا فیصل ، محمدیعقوب سیٹھی ، ملک محمد ضیاء ، خواجہ محمد شفیق ، ملک اشتیاق آف کویت ، حاجی خادم حسین ، رضوان شبیر بٹ ، احمد حسین ، عابد پہلوان ، سید افتخار حسین شاہ ، ندیم انور ، وقار عزیز ، عرفان جاوید ، شہزاد رضا چغتائی ، عبدالرحمن ، صحافی ڈاکٹر رزاق احمد غفاری ،رانا امجد پرنس ، نوازش علی نوازش ، ذیشان منگا ، نے شرکت کی ، محفل کا اہتمام سیٹھ فیصل ندیم ، سیٹھ
محمد علی ، آصف خان نے کیے۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ق کی راہنما رانی تنظیم اختر نے مطالبہ کیا ہے کہ ملک میں فوری طور پربلدیاتی انتخابات کروائے جائیں
گجرات (جی پی آئی) پاکستان مسلم لیگ ق کی راہنما رانی تنظیم اختر نے مطالبہ کیا ہے کہ ملک میں فوری طور پربلدیاتی انتخابات کروائے جائیں تا کہ مقامی سطح پر عوام کے مسائل حل ہو سکیں ، انہوں نے کہا کہ مقامی سطح پر باڈیز نہ ہونے کی وجہ سے لوگوں کو اپنے مسائل کے حل کیلئے مشکلات کا سامنا کرنا پڑ رہا ہے ، حکومت کو سرد مہری کا خاتمہ کرتے ہوئے اس سلسلہ میں فوری اقدامات کرنے چاہیں انہوں نے کہا کہ بلدیاتی انتخابات سے عوام کے مسائل کی صحیح نشاندہی ہوتی ہے اور انہیں حل کرنے میں مدد ملتی ہے ، مقامی نمائندگان ہی عوام کے صحیح نمائندہ ثابت ہوتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ آثار قدیمہ کی غفلت کی وجہ سے گجرات میں آثار قدیمہ کے مقامات مدہم ہو رہے ہیں
گجرات (جی پی آئی)محکمہ آثار قدیمہ کی غفلت کی وجہ سے گجرات میں آثار قدیمہ کے مقامات مدہم ہو رہے ہیں ، اکبری قلعہ گجرات کے متعدد برج زمین بوس ہو چکے ہیں ، جبکہ سمن برج کسی وقت بھی گر کر انسانی جانوں کیلئے خطرہ کا باعث بن سکتا ہے ، عوامی حلقوں نے ڈی سی او گجرات سے مطالبہ کیا ہے کہ وہ محکمہ آثار قدیمہ کی کارکردگی کا جائزہ لیں اور قیمتی املاک کو ضائع ہونے سے بچائے ، کیونکہ آثارِ قدیمہ سے ہی نئی نسل کو تاریخ سے آگاہی ملتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز مسلم لیگی راہنما رانا مشرف علی ناز نے سانحہ کوئٹہ کی شدید الفاظ میں مذمت
گجرات (جی پی آئی) ممتاز مسلم لیگی راہنما رانا مشرف علی ناز نے سانحہ کوئٹہ کی شدید الفاظ میں مذمت کی ہے اور کہا ہے کہ اس واقعہ کی تحقیقات کی جائیں اور ملزمان کو سامنے لا کر کیفر کردار تک پہنچایا جائے ، انہوں نے کہا کہ گزشتہ کچھ عرصہ سے بلوچستان اور ملک کے مختلف علاقوں میں ایک خاص فرقہ کے خلاف ٹارگٹ کلنگ کا خاتمہ ہونا چاہیے اور حکومت ایسے اقدامات کرے ، جس سے اہل تشیعہ کو تحفظ مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی ناصر محمود سابق ایم پی اے کی جعلی ڈگری کیس کی سماعت آج دوبارہ 2 جولائی کو ہو گی
گجرات ( جی پی آئی) ڈسٹرکٹ اینڈ سیشن جج گجرات محمد طارق عباسی نے مسلم لیگ ن کے رہنما حاجی ناصر محمود سابق ایم پی اے کی جعلی ڈگری کیس کی سماعت آج دوبارہ 2 جولائی کو ہو گی گذشتہ سماعت میں عدالت نے مدعی مقدمہ سابق صوبائی وزیر تعلیم میاں عمران مسعود کی ہائیر ایجوکیشن کمیشن کے ڈائریکٹر کو بطور سرکاری گواہ پیش کرنے کی درخواست مسترد کر دی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ق کے سینئر رہنما ایم این اے چوہدری پرویز الٰہی آج 2 جولائی کو گجرات آئیں گے
گجرات (جی پی آئی ) مسلم لیگ ق کے سینئر رہنما ایم این اے چوہدری پرویز الٰہی آج 2 جولائی کو گجرات آئیں گے وہ ظہور پیلس میں پارٹی رہنمائوں ورکروں اور مختلف وفود سے ملاقاتیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں 12 گھنٹے کی لوڈشیڈنگ کے شیڈول کے باوجود متعدد علاقوں میں 16 سے
18 گھنٹے کی لوڈشیڈنگ جاری ہے
گجرات (جی پی آئی ) گجرات میں 12 گھنٹے کی لوڈشیڈنگ کے شیڈول کے باوجود متعدد علاقوں میں 16 سے 18 گھنٹے کی لوڈشیڈنگ جاری ہے چند روز قبل واپڈا حکام نے گجرات میں بجلی کی لوڈشیڈنگ کا 12 گھنٹے کا شیڈول جاری کیا مگر شیڈول کے برعکس لوڈشیڈنگ کا سلسلہ 16 سے 18 گھنٹے تک کیا جا رہا ہے جس سے شہریوں کو شدید گرمی میں مشکلات کا سامنا ہے شہریوں نے واپڈا حکام سے شیڈول کے مطابق لوڈشیڈنگ کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فراست حسین ڈار کی قیادت میں ایک وفد نے ایڈمنسٹریٹر ٹی ایم اے گجرات سمیر احمد سید سے ملاقات کی
گجرات (جی پی آئی) ٹی ایم اے پاک ایمپلائز یونین گجرات کے صدر فراست حسین ڈار کی قیادت میں ایک وفد نے ایڈمنسٹریٹر ٹی ایم اے گجرات سمیر احمد سید سے ملاقات کی ٹی ایم او کی جانب سے ڈیلی ویجز ملازمین کو نکالے جانے پر ان ملازمین کی بحالی کا مطالبہ کیا جس پر ایڈمنسٹریٹر نے 22 ملازمین کو فوری طور پر بحال کرنے کا اعلان کر دیا جبکہ باقی ملازمین کو بھی بحال کرنے کی یقین دہانی کرائی گذشتہ روز ٹی ایم او نے 35 ڈیلی ویجز ملازمین کو نوکری سے فارغ کر دیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہزارہ ٹائون کوئٹہ میں دہشت گردوں کی جانب سے معصوم لوگوں کا قتل عام قابل مذمت ہے :علامہ محمد زمان حسینی
گجرات ( جی پی آئی) شیعہ علماء کونسل پاکستان کے نائب صدر علامہ محمد زمان حسینی نے کہا ہے کہ ہزارہ ٹائون کوئٹہ میں دہشت گردوں کی جانب سے معصوم لوگوں کا قتل عام قابل مذمت ہے ان خیالات کا اظہار انہوں نے گذشتہ روز گجرات میں میڈیا سے گفتگو کرتے ہوئے کیا علامہ محمد زمان حسینی نے کہا کہ ملک و قوم کی حفاظت پر
مامور ایجنسیوں پر قوم کا اتنا سرمایہ لگ رہا ہے لیکن ایجنسیاں امن و امان قائم رکھنے میں مکمل طور پر ناکام ہو رہی ہیں انہوں نے کہا کہ حکمران حالات پر کنٹرول کرنے کی صلاحیت ہی نہیں رکھتے دہشت گردی کے واقعات کے ذریعے ملک میں امن و امان کی صورتحال کو خراب کرنا ہے خانہ جنگی کرانا ہے شیعہ سنی فساد کے ذریعے خانہ جنگی کرانے والوں کی بین الاقوامی سازش ناکام ہو جائے گی تمام اداروں کو درست سمت اور آئین و قانون کے اندر رہ کر کام کرنا چاہیے گرفتار دہشت گردوں کو سزا دینی چاہیے ملکی حالات بہتر ہو جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں تیل کی قیمتوں میں اضافہ کے بعد ٹرانسپورٹروں نے کرایوں میں از خود اضافہ کر لیا
گجرات (جی پی آئی ) گجرات میں تیل کی قیمتوں میں اضافہ کے بعد ٹرانسپورٹروں نے مختلف روٹس پر چلنے والی گاڑیوں کے کرایوں میں 10 سے 15روپے تک از خود اضافہ کر دیا ہے کرایوں میں اضافہ کے باعث مسافروں اور گاڑی مالکان ڈرائیوروں اور کنڈکٹروں کے درمیان تلخ کلامی بھی ہوتی رہی جبکہ اندرون شہر چلنے والی پبلک ٹرانسپورٹ کے کرائے میں بھی اضافہ کر دیا گیا ہے رکشہ ڈرائیوروں اور چنگ چی والوں نے بھی پانچ روپے فی سواری اضافہ کر دیا جبکہ ٹرانسپورٹ اتھارٹی نے کرائے میں اضافے کا نوٹیفکیشن جاری نہیں کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں موسم گرما کی چھٹیوں کے باوجود پرائیوٹ سکول سمر کیمپ کے نام پر کھلے ہیں
گجرات (جی پی آئی ) گجرات میں موسم گرما کی چھٹیوں کے باوجود پرائیوٹ سکول سمر کیمپ کے نام پر کھلے ہیں ضلع بھر کے متعدد پرائیوٹ سکول موسم گرما کی تعطیلات ہونے کے باوجود کھلے ہیں جس سے موسم گرما میں طلباو طالبات کو شدید
مشکلات کا سامنا کرنا پڑتا ہے سمر کیمپ کے نام پر کھلنے والے سکولوں میں پڑھنے والے بچوں سے بھاری بھرکم فیسیں بھی وصول کی جا رہی ہیں حکومت پنجاب کی جانب سے ضلعی انتظامیہ کو موسم گرما میں تعطیلات میں سکولوں کی بندش کی سختی سے ہدایات جاری کی گئی تھیں لیکن پرائیوٹ سکول مالکان نے ان حکومتی ہدایات پر عملدرآمد نہ کرتے ہوئے سکول کھولے ہوئے ہیں جبکہ محکمہ تعلیم اور ضلعی انتظامیہ بھی ان پرائیوٹ تعلیمی اداروں کے خلاف کارروائی کرتے نظر نہیں آ رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اہل سنت خدمت فاؤنڈیشن گجرات نے رمضان پیکج کی فراہمی شروع کردی
گجرات (جی پی آئی)پاکستان سنی تحریک کے شعبہ فلاحی شعبہ اہل سنت خدمت فاؤنڈیشن نے گجرات میں اپنی سر گرمیوں کا آغاز شروع کر دیا ہے ۔ حال ہی میں استقبال رمضان کے حوالے سے ، مستحق افراد میں گھروں میں ایک ایک ماہ کا راشن مہیا کیا گیا ۔جس کا افتتاح پاکستان سنی تحریک کے سٹی صدر علامہ ایاز اختر نعیمی نے کیا اس موقع پر علامہ اجمل عمر صدیقی ، علامہ عظیم قادری ، قاری محسن رضا ، اور دیگر اہم عہدیداران موجود تھے ۔ اسی طرح اہل سنت خدمت فاؤنڈیشن تعلیم کے شعبے میںفہم شریعت کورس، فری کمپیوٹر کورسز ، فری خوشخطی کورسز ،تفسیر قرآن پر مشتمل مطالعہ قرآن کورس کا بھی آغاز کرچکی ہے۔
Related Posts
