پاکستان مسلم لیگ ق نے ہمیشہ ملکی سلامتی و ترقی کیلئے کام کیا ہے
گجرات (جی پی آئی)پاکستان مسلم لیگ ق نے ہمیشہ ملکی سلامتی و ترقی کیلئے کام کیا ہے ، ان خیالا ت کا اظہار چوہدری مونس الٰہی نے گزشتہ روز فضل کالونی میں سید شبیر حسین شاہ نمبردار کوٹلی شہانی کے زیر اہتمام منعقدہ عظیم الشان جلسہ کے دوران کیا ، انہوں نے کہا کہ پاکستان مسلم لیگ ق نے پنجاب کو گراں قدر سہولیات فراہم کیں ، ریسکیو 1122و دیگر سہولیات کی فراہمی مسلم لیگ ق کا کارنامہ ہے ، جبکہ مخالفین نے اس کے مقابلے میں کچھ بھی نہیں کیا ، آنے والے انتخابات میں عوام مسلم لیگ ق کو بھاری اکثریت سے کامیاب بنا کر مخالفین کو عبرتناک شکست دے گی ، چوہدری مونس الٰہی نے کہا کہ ہم گجرات کے رہائشی ہیں ، اور گجرات کے عوام کے دکھ درد میں برابر کے شریک ہیں ، آئندہ انتخابات میں عوام صحیح فیصلہ کرینگے ، چوہدری پرویز الٰہی اور چوہدری شجاعت حسین کی سربراہی میں ملک کیلئے کام ہو گا ، سید شبیر حسین شاہ نمبردار آف کوٹلی شہانی نے کہا کہ ہم چوہدری مونس الٰہی کے شکر گزار ہیں کہ وہ ہماری دعوت پر آج یہاں تشریف لائے ہیں ، انتخابات میں فتح چوہدری برادران کا مقدر ہے، اور چوہدری برادران کی کامیابی کیلئے ہم سب شانہ بشانہ جدوجہد جاری رکھیں گے ، علی ابرار جوڑا نے کہا کہ گجرات کی عوام چوہدری برادران سے محبت کرتے ہیں ، اور ہم سب چوہدری برادران کی کامیابی کیلئے کوشاں ہیں ، سابق ناظم سید ابوالحسن شاہ نے کہا کہ چوہدری برادران کی کامیابی سے ہی گجرات میں ترقی کی منازل طے ہو سکتی ہیں ، عظمت حسین سید نے کہا کہ گجرات کی عوام چوہدری برادران سے بھرپور محبت کرتے ہیں ، شیخ عدنان پرویز نے کہا کہ چوہدری برادران اور گجرات کی عوام لازم و ملزوم ہیں ، اس موقع پر شیخ عدنان پرویز ، شیخ عرفان پرویز ، خاور بشیر بٹ ، عاطف عظمت سید ، سیٹھ امتیاز حیدر ، سابق کونسلر ملک محمد شریف ، سید محمود الحسن ، سید شفقت حسین شاہ ، سید ظہیر عباس ، سید وسیم عباس ، سید یاسر عباس ، سید ناصر عباس ، فیصل بٹ ، مرزا اکرم مرسیڈیز فین ، محمد احسن بٹ ، چوہدری اشرف گجر ، شیخ حیدر امتیاز و دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج ملک بھر میں یوم سیدنا صدیق اکبر جوش و خروش کے ساتھ منایا جائیگا
گجرات (جی پی آئی)آج ملک بھر میں یوم سیدنا صدیق اکبر جوش و خروش کے ساتھ منایا جائیگا ، اس سلسلہ میں ملک بھر کی طرح گجرات کے معروف تعلیمی ادارے دی ایجوکیٹرز بارہ دری کیمپس میں عظیم الشان محفل منعقد ہو گی ، جس میں میاں جمیل احمد شرقپوری سجادہ نشین آستانہ عالیہ شرقپور شریف کی نگرانی میں 23واں ماہانہ ختم پاک منعقد ہو گا ، صبح دس بجے ہونے والے اس ختم پاک میں ممتاز عالم دین صاحبزادہ غلام بشیر نقشبندی خصوصی خطاب کرینگے ، خواتین کیلئے پردے کا خصوصی اہتمام ہو گا ، بعد ازاں لنگر تقسیم کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نابینا افراد بھی ملک کا قیمتی سرمایہ ہیں ، اور ہمیں نابینا افراد کی بھرپور مدد کرنی چاہیے
گجرات (جی پی آئی)نابینا افراد بھی ملک کا قیمتی سرمایہ ہیں ، اور ہمیں نابینا افراد کی بھرپور مدد کرنی چاہیے ، اس لیے نہیں کہ ان پر ترس کھائیں بلکہ ان کی خدمات کو دیکھتے ہوئے ان کے ساتھ تعاون کیا جائے ، ان خیالات کا اظہار دی ایجوکیٹرز بارہ دری کیمپس ہائیر سکینڈری سکول میں منعقدہ اسمبلی کے دوران پرنسپل شہزاد شفیق نے کیا انہوں نے کہا کہ ہمیں خوشی ہے کہ نابینا افراد بھی اپنی صلاحتیں بھرپور انداز میں استعمال کر کے ملک کی ترقی کیلئے استعمال کر رہے ہیں ، اور نابینا افراد کی کارکردگی دیکھ کر پتہ نہ نہیں چلتا کہ یہ سپیشل بچے ہیں ، سپیشل افراد ملک کی ترقی میں اہم کردار ادا کر رہے ہیں ، اور ہم اپنے ادارے کی طرف سے سپیشل ایجوکیشن سنٹر برائے VHLگجرات کیلئے 25ہزار روپے دینے کا اعلان کرتے ہیں ، انہوںنے کہا کہ آج ہمیں خوشی ہوئی ہے کہ سپیشل بچوں نے اپنی بھرپور پرفارمنس کا مظاہرہ کیا ہے ، اور لوگوں میں شعور بیدار کیا ہے ، انہوں نے کہا کہ ہم آئندہ بھی ایسے اداروں کی تعاون کرینگے ، ڈپٹی ڈائریکٹر سپیشل ایجوکیشن سنٹر برائے VHLگجرات چوہدری محمد مدثر نے کہا کہ میں دی ایجوکیٹرز کی انتظامیہ کا شکر گزار ہوں کہ انہوں نے میرے ادارے کے بچوں کیلئے عطیہ کا اعلان کیا ہے ، میں خود ایم ایس سی ہوں اور میں نے نابینا ہونے کے باوجود ہمت نہیں ہاری اور اپنی تعلیم کو جاری رکھا ، مخیر حضرات ہمارے ادارے کے بچوں کی فلاح و بہبود کیلئے آگے آئیں تا کہ ہم بھرپور طریقہ سے عوام کی خدمت کر سکیں ، اس موقع پرنابینا بچوں نے مختلف نغمات پیش کیے جنہیں سن کر حاضرین نے داد دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے ووٹروں اور دیگر لوگوں کا کہنا ہے کہ عمران خان صحیح معنوں میں سلطان لودھی کا کردار ادا کر سکتے ہیں
گجرات (جی پی آئی)گجرات کے ووٹروں اور دیگر لوگوں کا کہنا ہے کہ عمران خان صحیح معنوں میں سلطان لودھی کا کردار ادا کر سکتے ہیں ، عمران خان کو ابھی تک یہ معلوم نہیں سوائے کرکٹ کے حکومت کیسے کرنی ہے اور خطاب کس طرح کرنا ہے لوگوں کا کہنا ہے کہ عمران خان ملک میں حکمرانی کرنے کا جو خواب دیکھ رہے ہیں اب اپنی آنکھیں کھول لیں وہ پہلے کسی گلی محلے میں جنرل کونسلر لڑنے کا سوچے ، گجرات کے لوگوں کا کہنا ہے کہ اصل میں عمران خان کرکٹ کھیلتے کھیلتے اس غریب عوام کے نام پر علاج کیلئے ہسپتال بنایا ، جو کہ اس ہسپتال میں غریب کا علاج نہیں کروا سکتا ، اب وہ نئے روپ میں وزیراعظم کا خواب دیکھ رہے ہیں ، اور تقریر میں صحیح معنوں میں سلطان راہی بنے ہوتے ہیں ، لوگوں کا کہنا ہے کہ عمران خاں الیکشن کے بجائے کسی فلم یا ڈرامے میں کام کریں ، اس میں بہتری ہو گی ، اس لئے کہ وہ اب اپنے خطاب میں شیر پر مہر لگانے کا کہہ رہے ہیں ، اور کبھی بلے کے ساتھ شیر کا گوشت کر رہے ہیں ، اصل میں عمران خان یہ سب ڈرامے زرداری کمپنی کے کہنے پر کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوسی 47سٹاف گلہ ، محلہ میانہ پورہ میں PP111کے امیدوار حاجی عمران ظفر ، مسلم لیگ ن سٹی کے صدر ثناء اللہ بٹ ، این اے 105کے امیدوار چوہدری مبشر حسین اور دیگر راہنمائوں نے انتخابی مہم کے سلسلہ میں کارنر میٹنگ میں پہنچنے پر جوش و خروش کے ساتھ استقبال کیا
گجرات (جی پی آئی)یوسی 47سٹاف گلہ ، محلہ میانہ پورہ میں PP111کے امیدوار حاجی عمران ظفر ، مسلم لیگ ن سٹی کے صدر ثناء اللہ بٹ ، این اے 105کے امیدوار چوہدری مبشر حسین اور دیگر مسلم لیگ ن کے قائدین کا مسلم لیگ ن کی ممتاز شخصیت شیخ ابرار سعید ، اشتیاق احمد جنجوعہ ، عمر فاروق ، عمران علی اور دیگر راہنمائوں نے انتخابی مہم کے سلسلہ میں کارنر میٹنگ میں پہنچنے پر جوش و خروش کے ساتھ استقبال کیا بعد ازاں ان امیدواروں چوہدری مبشر حسین این اے 105، حاجی عمران ظفر پی پی 111، ثناء اللہ بٹ اور دیگر ممتاز راہنمائوں نے شیخ ابرار سعید کی قیادت میں 11مئی کے الیکشن ووٹون کیلئے ڈور ٹو ڈور ہر ووٹر کے ساتھ ملاقات کی ، جس پر اہل علاقہ میانہ پورہ ، ٹاہلی پورہ ، پرانا بجلی گھر کے لوگوں نے مسلم لیگ ن کے ان امیدواروں کو یقین دلایا کہ انشاء اللہ 11مئی کو گجرات میں صرف اور صرف مسلم لیگ ن ہی بھاری اکثریت سے کامیابی حاصل کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عظیم الشان مشاورتی اکٹھ کالس ہائوس ڈوگہ شریف میں آج منعقد ہو گا
گجرات (جی پی آئی)عظیم الشان مشاورتی اکٹھ کالس ہائوس ڈوگہ شریف میں 4مئی بروز ہفتہ شام 7بجے منعقد ہو گا ، سرپرستی بین الاقوامی شہرت یافتہ قاری عابد حسین کالس نوشاہی فرمائیں گے ، صدارت معروف سماجی شخصیت چوہدری صفدر حسین کالس آف کوٹلہ قاسم خاں کریں گے ، مہمان خصوصی عظیم نظریاتی لیڈر نواب زادہ غضنفر علی گل ہوں گے ، تلاوت حافظ وقاص بلال کالس فرمائیں گے ، ہدیہ عقیدت صوفی شبیر احمد کالس قادری پیش کریں گے ، مہمان خصوصی عظیم نظریاتی لیڈر نواب زادہ غضنفر علی گل ہوں گے ، تلاوت حافظ وقاص بلال کالس فرمائیں گے ، ہدیہ عقیدت صوفی شبیر احمد کالس قادری پیش کریں گے ، نقابت کے فرائض قاری محمد شفیع کالس نوشاہی سرانجام دیں گے ، مشاورتی اکٹھ میں کٹھانہ برادری چوہان برادرن ، نون برادری کالس برادری کے سرکردہ افراد شریک ہوں گے ، انتظامی امور خالد حسین کالس ثقلین احمد کالس ، رضوان احمد کالس ، محمد نوید کالس اور دیگر سرانجام دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق ڈویژنل جنرل سیکرٹری PYOاور پیپلز پارٹی کے ضلعی راہنما چوہدری جاوید گجر آف ڈیرہ گجراں کی ساتھیوں سمیت ظہور پیلس میں چوہدری شجاعت حسین ، چوہدری پرویز الٰہی سے ملاقات
گجرات (جی پی آئی)سابق ڈویژنل جنرل سیکرٹری PYOاور پیپلز پارٹی کے ضلعی راہنما چوہدری جاوید گجر آف ڈیرہ گجراں کی ساتھیوں سمیت ظہور پیلس میں چوہدری شجاعت حسین ، چوہدری پرویز الٰہی سے ملاقات، حلقہ این اے 105میں چوہدری پرویز الٰہی کی حمایت کا اعلان ، تفصیلات کے مطابق حلقہ این اے 105کے مسلم لیگ ق کے راہنما چوہدری مدثر وڑائچ نے PPPکے چوہدری مصطفی گورائیہ کے بعد PPPکے ضلعی راہنما چوہدری جاوید گجر آف ڈیرہ گجراں کو بھی حلقہ این اے 105میں چوہدری پرویز الٰہی کی حمایت کے لئے راضی کر لیا ، گزشتہ روز چوہدری مدثر وڑائچ آف روالکے کی قیادت میں سابق ڈویژنل جنر سیکرٹری پیپلز یوتھ آرگنائزیشن چوہدری جاوید گجر آف ڈیرہ گجراں نے ساتھیوں کے ہمراہ ظہور پیلس میں چوہدری شجاعت حسین ،چوہدری پرویز الٰہی ، مشاہد حسین سید سے خصوصی ملاقات کی ، چوہدری جاوید گجر آف ڈیرہ گجراں نے حلقہ این اے 105میں چوہدری پرویز الٰہی کی بھرپور حمایت کا اعلان کیا، چوہدری جاوید گجر نے اس موقع پر کہا کہ محلہ چاہ ترہنگ میں گجر برادری چوہدری پرویز الٰہی کو ووٹ دے گی ، ہماری یونین کونسل سے چوہدری پرویز الٰہی کلین سویپ کرینگے ، صدر آصف علی زرداری کی مسلم لیگ ق سے مفاہمتی سیاست کی پالیسی کے باعث ہم مسلم لیگ ق کے امیدواروں کا بھرپور ساتھ دینگے ، چوہدری احمد مختار کی سیاست ضلع گجرات میں ختم ہو گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کمشنر گوجرانوالہ نے منڈی مویشیاں پل ساروکی، سرگودھا روڈ کے سالانہ نیلام عام کی منظوری دے دی
گجرات(جی پی آئی)کمشنر گوجرانوالہ نے منڈی مویشیاں پل ساروکی، سرگودھا روڈ کے سالانہ نیلام عام کی منظوری دے دی ہے۔ ٹی ایم او گجرات کی طرف سے پر یس ریلز کے مطابق منڈی مویشاں کا سالانہ نیلام عام بابت یکم جولائی2013تا30جون 2014نیلام عام پانچ مئی کو دن گیارہ بجے ضلع کونسل ہال گجرات میںہوگا۔
Related Posts
