پٹرولیم مصنوعات کی قیمتوں میں اضافہ کے بعد گجرات میں پٹرول پمپ مالکان نے اپنی اپنی مرضی کے من مانے ریٹس آویزاں کر دئیے ہیں
گجرات (جی پی آئی) پٹرولیم مصنوعات کی قیمتوں میں اضافہ کے بعد گجرات میں پٹرول پمپ مالکان نے اپنی اپنی مرضی کے من مانے ریٹس آویزاں کر دئیے ہیں، ضلع میں کہیں بھی پٹرول کی ایک جیسی قیمت آویزاں نہیں، جبکہ پٹرولیم مصنوعات کی قیمتوں میں اضافہ کے بعد ٹرانسپورٹروں کو شدید مشکلات کا سامنا ہے، ان کا کہنا ہے کہ آئے روز قیمتوں میں اضافہ کر دیا جاتا ہے اور قیمتوں میں استحکام نہ ہونے کی وجہ سے کرایوں میں بھی اضافہ کرنا پڑتا ہے، جبکہ حکومت کی جانب سے اعلان کے بعد ٹرانسپورٹروں کو حراساں کرنے کیلئے مختلف محکمے بھی سرگرم ہو جاتے ہیں، مسافروں کا کہنا ہے کہ حکومت بری طرح ناکام ہو چکی ہے، اور پٹرولیم مصنوعات کی قیمتوں میں اضافہ کے بعد صرف کرائے نہیں بڑھتے بلکہ اشیاء خوردونوش کی قیمتوں میں بھی اضافہ ہو جاتا ہے، کسی بھی حکومت نے اپنے ہی پاس کیے ہوئے بجٹ پر انحصار نہیں کیا، پاکستان دنیا کا واحد ملک ہے جو کہ مہنگاپٹرول اور گیس خریدنے کو ترجیح دیتا ہے کسی بھی حکومت نے کبھی کوشش نہیں کی کہ سستی پٹرولیم مصنوعات خریدی جائیں یا پھر ملک میں موجود ذخائر سے فائدہ حاصل کیا جائے، پٹرولیم مصنوعات کی قیمتوں میں اضافہ سے عوام بل بھلا اٹھے ہیں، عوام کا کہنا ہے کہ حکمران اپنی شاہ خرچیاں کیوں کم نہیں کر رہے، کیا وہ ملک کا سارا بوجھ صرف اور صرف غریب عوام کی چمڑی اتار کر پورا کرنا چاہتے ہیں۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاران گروپ آف ٹیکنیکل انسٹیٹیوٹس میں داخلے کی تاریخ میں توسیع کر دی گئی
گجرات(جی پی آئی ) فاران گروپ آف ٹیکنیکل انسٹیٹیوٹس میں داخلے کی تاریخ میں توسیع کر دی گئی۔پنجاب بورڈ آف ٹیکنیکل ایجوکیشن کی ہدایت کے مطابق داخلوں کی تاریخ میں اضافہ کیا گیا ہے تاکہ زیادہ سے زیادہ طلباء اس سے استفاد ہ حاصل کر سکیںمینجنگ ڈائریکٹر فاران گروپ آف ٹیکنیکل انسٹیٹیوٹس طارق جاویدچوہدری نے کہا ہے کہ گجرات،دیونہ منڈی، جہلم، گوجرخاں، واہ کینٹ بھمبر، راولاکوٹ، کوٹلی اور سیالکوٹ میں فاران گروپ آف ٹیکنیکل انسٹیٹیوٹس کے کیمپسز میں داخلے کے سلسلے میں طلباء کی راہنمائی کا سلسلہ جاری ہے۔ اور فیصلہ کیا گیا ہے کہ ان اداروں میں طلباء کی رہنمائی کیلئے اتوار کو بھی دفاتر کھلے رہیں گے تاکہ طلباء کو کسی قسم کی مشکل کا سامنا نہ کرنا پڑے ہم نے میرٹ پر داخلے کا فیصلہ کیا ہے ٹیسٹ و انٹرویو کے بعد داخلے کیے جاتے ہیں جبکہ ذہین طلباء کیلئے خصوصی پیکج متعارف کرائے گئے ہیں۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پرائیویٹ سکولز مینجمنٹ ایسوسی ایشن ضلع گجرات کے مشاورتی بورڈ کا اجلاس آج بعد از دوپہر 3:30بجے فیصل ہوٹل گجرات میں منعقد ہوگا
گجرات(جی پی آئی )پرائیویٹ سکولز مینجمنٹ ایسوسی ایشن ضلع گجرات کے مشاورتی بورڈ کا اجلاس آج بعد از دوپہر 3:30بجے فیصل ہوٹل گجرات میں منعقد ہوگا جس میں ضلع گجرات کے 13مراکز کے مشاورتی بورڈ کے ممبران شرکت کریں گے اجلاس میں اہم امور پر تبادلہ خیال کیا جائے گا اور گوجرانوالہ بورڈ کے چیئر مین کے رویہ سے پیدا ہونے والی صورتحال اور احتجاجی مہم کو فائنل شکل دی جائے گی اور گوجرانوالہ میں بورڈ آفس کے باہر دھرنے کے حوالے سے فیصلے کیے جائیں گے
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جاگیردار حکیم پیرزادہ چوہدری گل نواز جٹ رندھاوا المعروف مخدوم باوا سائیں اللہ ہو سرکار نے گزشتہ روز ضلع گجرات کے اہم سرکاری دفاتر کا طوفانی دورہ کیا
گجرات (جی پی آئی) جاگیردار حکیم پیرزادہ چوہدری گل نواز جٹ رندھاوا المعروف مخدوم باوا سائیں اللہ ہو سرکار نے گزشتہ روز ضلع گجرات کے اہم سرکاری دفاتر کا طوفانی دورہ کیا، اور اعلیٰ سرکاری افسران سے فرداً فرداً ملاقاتیں کیں اور عوامی مسائل کے حل کے حوالہ سے گفتگو کی، شہر میں گندے پانی کے نقاص اور گندگی کے انبار کی وجہ سے بیماریاں پھیل رہی ہیں، انہوں نے ڈی سی او آصف بلال لودھی، ڈی او سی شجاع قطب بھٹی کو اس حوالہ سے تفصیل سے آگاہ کیا اور مطالبہ کیا کہ فوری طور پر ان مسائل کے حل کیلئے اقدامات کیے جائیں تا کہ شہریوں کی مشکلات حل ہو سکیں، سرکاری تعلیمی اداروں میں بچوں کے مسائل کے حوالہ سے DEOسکینڈری سے ملاقات کی اور انہیں شہر کے تعلیمی مسائل کے حوالہ سے تبادلہ خیال کیا، سرکاری افسران نے قبلہ جاگیردار حکیم پیرزادہ چوہدری گل نواز جٹ رندھاو االمعروف مخدوم باوا سائیں اللہ ہو سرکار کی خدمات کو سراہا، کہ وہ عوامی مسائل کی نشاندہی کیلئے سرکاری محکموں کو آگاہ کرتے ہیں، بعد ازاں وہ پراپرٹی ٹیکس کے مسائل کے حوالہ سے انسپکٹر پراپرٹی ٹیکس چوہدری شہریار بھدر سے ملے اور انہیں شہر میں پراپرٹی کے سروے کے حوالہ سے عوامی مسائل سے آگاہ کیا، اور ٹی ایم اے میں سپرنٹنڈنٹ ٹی ایم اے سید ارشد حسین شاہ سے بھی ملاقات کی۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت سابق امیدوار حلقہ این اے 105 الحاج مرزا سعید بیگ نے کہا ہے کہ موجودہ دور میں عوام کا کچومر نکل گیا ہے
گجرات ( جی پی آئی) ممتاز سماجی شخصیت سابق امیدوار حلقہ این اے 105 الحاج مرزا سعید بیگ نے کہا ہے کہ موجودہ دور میں عوام کا کچومر نکل گیا ہے موجودہ حکمران غریب عوام کو ریلیف دینے کی بجائے عوام کو مزید پریشانیوں میں مبتلا کر دیا ہے مہنگائی بیروزگاری بھتہ خواری اور تاوان جیسے جرائم میں عوام کو جینے کے قابل نہیں چھوڑا اب عوام کو موجودہ حکومت سے کوئی دلچسپی نہیں رہی اس لیے عوام کی اکثریت فوج کی طرف دیکھ رہی ہے اور عوام میاں برادران کی حکومت کو بھاری مینڈیٹ سے کامیاب کروا کر پچھتا رہے ہیں مرزا سعید بیگ نے کہا کہ حکومت نے پیٹرولیم مصنوعات کی قیمتوں میں اضافہ کر کے مہنگائی کا بم گرایا ہے تیل کی قیمتوں میں اضافہ کے بعد مہنگائی کا طوفان آئے گا۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن تحصیل گجرات کے رہنما میاں وسیم صادق صراف نے ایک تعزیتی بیان میں ڈسٹرکٹ پریس کلب ہرنائی کے صدر اور سینئر صحافی محمد حنیف ترین کی والدہ کی وفات پر اظہارِ افسوس
گجرات ( جی پی آئی) پاکستان مسلم لیگ ن تحصیل گجرات کے رہنما میاں وسیم صادق صراف نے ایک تعزیتی بیان میں ڈسٹرکٹ پریس کلب ہرنائی کے صدر اور سینئر صحافی محمد حنیف ترین کی والدہ کی وفات پر اظہارِ افسوس کرتے ہوئے مرحومہ کے بلند درجات کیلئے خصوصی دعا اور پسماندگان کے لیے صبر جمیل کی دعا کی ہے۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈائریکٹر جنرل سوشل ویلفیئر پنجاب نے ڈسٹرکٹ کوآرڈینیشن کونسل آف این جی اوز کی دو سال کے لئے تشکیل نو کر دی ہے
گجرات(جی پی آئی)ڈائریکٹر جنرل سوشل ویلفیئر پنجاب نے ڈسٹرکٹ کوآرڈینیشن کونسل آف این جی اوز کی دو سال کے لئے تشکیل نو کر دی ہے۔ نوٹیفیکیشن کے مطابق انجمن بہبودی مریضاں عزیز بھٹی ہسپتال کے خالد پرویز عرف جاوید بٹ کو کوآرڈینیشن کونسل کا چیئر مین، انجمن فلاح عوام لالہ موسیٰ کے سید ضیا علی شاہ کو وائس چیئرمین مقرر کیا گیا ہے۔ ڈی او سوشل ویلفیئر ڈسٹرکٹ کوآرڈینیشن کونسل آف این جی اوزکے سیکرٹری ہوں گے جبکہ ممبر ان میں اللہ دتہ صابری، راجہ منیر احمد، مرزا مظہر نسیم، سیف اللہ خان، ملک خضر، ملک اظہار احمد، محمد شفیع رحمانی، ضیا اللہ شاہ اور نسیم اشرف شامل ہیں۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز تاجر راہنما مسلم لیگ ق کے معر وف راہنماعتیق الر شید بٹ نے اپنے ایک بیان میں کہاکہ کشکول توڑنے کا واویلا کرنے والے سٹیل کا کشکول لے آئے ملک اور عوام کو آئی ایم ایف کے پاس گروی رکھ دیا
گجرات (جی پی آئی) ممتاز تاجر راہنما مسلم لیگ ق کے معر وف راہنماعتیق الر شید بٹ نے اپنے ایک بیان میں کہاکہ کشکول توڑنے کا واویلا کرنے والے سٹیل کا کشکول لے آئے ملک اور عوام کو آئی ایم ایف کے پاس گروی رکھ دیا ،انہوں نے کہا کہ مہنگا ئی کے اس دور میں عوام کی بددعائیں موجود حکمرانوں کو لے ڈوبئیں گی ،عتیق الر شید بٹ نے کہا ہم وزیراعلی پنجاب میاں شہباز شریف کے فین ہو گے ہیں وہ جو کہتے ہیں کر گزرتے ہیں میاں صاحب نے الیکشن سے قبل مختلف عوامی جلسوں سے خطاب کر تے ہوئے ہوئے کہا تھا کہ تین سالوں میں بجلی ختم کر دوں گا وہ اس پر عمل کر رہے ہیں اور اس میں ذاتی طور پروہ کامیاب ہیں ،انہوں نے کہا اب تک حکومت کوئی واضیع پالیسی نہیں کر سکی ایک ماہ بعد مہنگائی کا وہ جن بوتل سے باہر آنے والا ہے جس کا تصور کر کے انسان کانپ جائے گاکشکول توڑنے والوں نے اب سٹیل کا کشکول پکا پکا بنوا لیا ہے ،مہنگا ئی دن با دن زور پکر تی جارہی ہے، پٹر ول گیس دیگر اشیاء مہنگی ہو چکی ہیں ،عوام آج بھی چو ہدری بر ادران کے سنہر ی دور کو یاد کر تی ہے،
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اللہ ہر کام کو دیکھ رہا ہے ۔اگر یہ عقید ہ پختہ ہو جائے تو انسان ظلم و بربریت کے کام ترک کر دے
گجرات (جی پی آئی ) اللہ ہر کام کو دیکھ رہا ہے ۔اگر یہ عقید ہ پختہ ہو جائے تو انسان ظلم و بربریت کے کام ترک کر دے ۔حقیقی مسلمان امن ،محبت اور احساس انسانیت کا پیکر ہو تا ہے۔شیطان کے پیروکار افراد معاشرے میں افراتفری ،انتشار ،افتراق اور بے حیائی کو فروغ دیتے ہیں ۔رحمان کے بندے معاشرے میں امن ومحبت کے چراغ روشن کردیتے ہیں۔ ان خیالات کااظہار صاحبزادہ پیر منصور الحق آوانی آستا نہ عالیہ آوان شر یف مہمد ہ شر یف نے کیا انہوںنے کہاکہ جس بندے کی خلوت پاکیزہ ہوجائے تو جلوت میں اللہ اسے برکتوں سے نواز دیتا ہے۔ اللہ تعالی کادوست اصل میں وہی ہوتا ہے جو اپنی جلوت اور خلوت کو پاکیزہ کر لیتا ہے۔انہوںنے کہاکہ مسلمانوں کی عبادت کا نوران کے چہروں پر چمکتا ہے اور اللہ تعالی انہیں ایک نورانی قوت عطا کرتا ہے۔یہی نورانی قوت مرنے کے بعد قبر میں روشنی پھیلا دیتی ہے۔جس سے جنت کی ٹھنڈی ہوائیں نصیب ہوتی ہیں۔ صاحبزادہ منصور الحق آوانی نے کہاکہ ہم دنیا سے چھپ کر گناہ کر سکتے ہیں مگر اللہ تعالی سے نہیں چھپ سکتے کیونکہ وہ ظاہر و باطن سے آشنا ہے۔انہوںنے کہاکہ آخرت کو بھول جانے والا انسان گھاٹے میں ہے مگر جو آخرت کو یاد کرتا ہے اور اپنے اعمال کو درست کر لیتا ہے۔اللہ تعالی اس کے اقوال اور احوال میں اپنی رحمت شامل کردیتا ہے پروفیسر محمداسلم فریدی چشتی نے کہا کہ اللہ تعالی کا حکم ہے کہ میری مخلوق سے محبت کرو میں تم سے محبت کرونگا تم میری مخلوق پر رحم کرو۔میں تم پر رحم کرونگا۔ تم میری مخلوق کی مدد کرو میں میں تمہاری مددکرونگا ۔تم میرے بندوں کا خیال رکھو میں تمہارا خیال رکھونگا۔ تم دکھی انسانیت کے دکھ دور کرومیں تمہارے دکھ دور کرنگا ۔انہوںنے کہاکہ معاشر ے میں برائیاں ،شیطان کے کارنامے ہیں جوان میں شامل ہوتا ہے وہ صراط ِمستقیم سے بھٹک جاتا ہے۔ انہوں نے کہا کہ ذہنی ،قلبی اور جسمانی بیماریاں بڑھ رہی ہیں کیونکہ ہم نے دین اسلام کو ترک کیا ہوا ہے ۔حسن نیت ،حسن عبادت اور حسن عمل کے نور سے آج بھی ہم زندہ و تابندہ قوم بن سکتے ہیں اگرغیروں کی غلامی کو ترک کر کے اللہ اور رسول اکرم صلی اللہ علیہ والہ وسلم کی غلامی میں زندگی بسر کرنے کا پختہ عزم کر لیں،
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری جابر گجر کا چوہدری شوکت الملک کی رہائشگاہ پرچوہدری عمر گجر کے اعزاز میں ظہرانہ
گجرات(جی پی آئی )معروف شخصیت چوہدری جابرگجرکی طرف سے ڈسٹرکٹ کو آرڈی نیٹر مصالحتی کمیٹیز چوہدری عمر گجرکے اعزاز میں پرتکلف عشائیہ ممتاز شخصیات وافسران کی شرکت تفصیلات کے مطابق گجرات کے علاقہ صابووال میں معروف سیاسی وسماجی کاروباری شخصیت آف ناروے چوہدری شوکت الملک کی رہائشگاہ پرچوہدری جابر گجر کی طرف سے ڈسٹرکٹ کو آرڈی نیٹر مصالحتی کمیٹیز چوہدری عمر گجر کے اعزاز میں پرتکلف عشائیہ دیا گیا۔ جس میں ڈسٹرکٹ ہیلتھ آفیسر، ڈاکٹر بابر غوری، سید رضی شاہ،چوہدری یاسرٹوٹل پمپ ۔سب انسپکٹر پنجاب پولیس مصطفی جی ایم۔ قیصر پٹواری کنجاہ، جواد شاہ آف راشد پراپرٹی ڈیلر،سید عرفان جعفری ،و دیگر ممتاز شخصیات نے شرکت کی اس موقع پر ڈسٹرکٹ کو آرڈی نیٹر چوہدری عمر گجر نے اپنے خطاب میں کہا کہ چوہدری شوکت الملک ناروے میں تارکین وطن کیلئے ناقابل فراموش خدمات سر انجا م دے رہے ہیں تارکینوطن کے مسائل حل کر نے کیلئے وہ ہمیشہ کوشاں رہتے ہیں۔ ان کی ناروے میں مہمان نوازی کے دور دور تک چرچے ہیں ۔بلا شبہ وہ ناروے میں تارکین وطن کے سفیر ہیں۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری جابر گجر کی طرف سے چوہدری شوکت الملک کی رہائشگاہ پر دئیے گئے ظہرانہ میں ڈسٹرکٹ چیئر مین چوہدری عمر گجر
گجرات(جی پی آئی)چوہدری جابر گجر کی طرف سے چوہدری شوکت الملک کی رہائشگاہ پر دئیے گئے ظہرانہ میں ڈسٹرکٹ چیئر مین چوہدری عمر گجر۔ ڈسٹرکٹ ہیلتھ آفیسر، ڈاکٹر بابر غوری، سید رضی شاہ،چوہدری یاسرٹوٹل پمپ ۔سب انسپکٹر پنجاب پولیس مصطفی جی ایم ۔قیصر پٹواری کنجاہ،جواد شاہ آف راشد پراپرٹی ڈیلر، سید عرفان جعفری ،و دیگر ممتاز شخصیات نے شرکت۔
Related Posts
