چودھری پرویزالٰہی کا دورہ گجرات
گجرات (جی پی آئی) پاکستان مسلم لیگ کے سینئر مرکزی رہنما و سابق نائب وزیراعظم چودھری پرویزالٰہی نے ہفتہ کا دن گجرات میں انتہائی مصروف گزارا۔ انہوں نے ضلع کونسل کے سابق وائس چیئرمین اور مسلم لیگ گجرات کے سینئر نائب صدر سید عظمت حسین شاہ کی اہلیہ کی رسم قل میں شرکت کی اور مرحومہ کے درجات کی بلندی کیلئے دعا کی۔ چودھری پرویزالٰہی نے سید عظمت شاہ اور ان کے اہل خانہ کو صبر کی تلقین کرتے ہوئے کہا کہ وہ ان کے غم میں برابر کے شریک ہیں۔ چودھری پرویزالٰہی سابق چیئرمین بلدیہ گجرات چودھری ظفر علی وفات پر ان کے بھائی چودھری شوکت اور ان کے صاحبزادے عدنان ظفر اور سابق وائس چیئرمین یو سی کٹھالہ چودھری الیاس وڑائچ، فیاض وڑائچ ایڈووکیٹ کے تایا اور سابق کونسلر شوکت بٹ کی والدہ کی وفات پر اظہار تعزیت کیلئے ان کی رہائش گاہوں پر بھی گئے اور فاتحہ خوانی کی۔ اس موقع پر چودھری خالد اصغر گھرال، افتخار وڑائچ، مرزا شوکت بیگ، چودھری شوکت محمود، چودھری اکرم عرف موہلہ، بابر حسین کھوکھر، طارق مغل، ملک نعیم اور دیگر اہل علاقہ کی ممتاز شخصیات بھی موجود تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زیب سجادہ نشین آستانہ عالیہ مہمدہ شریف و آوان شریف پیر رضوان منصور آوانی گزشتہ روز تعزیت کیلئے موضع ڈھینڈہ شریف گئے
گجرات (جی پی آئی) زیب سجادہ نشین آستانہ عالیہ مہمدہ شریف و آوان شریف پیر رضوان منصور آوانی گزشتہ روز تعزیت کیلئے موضع ڈھینڈہ شریف گئے اور پیر سید زاہد حسین شاہ ترمذی کی دادی جان کی وفات پر گہرے رنج و غم کا اظہار کیا ، ان کے ہمراہ
عدنان ، چوہدری فیضان ، چوہدری یاسر ، چوہدری افضل ، مہر منور ، حاجی نواز ، حاجی اسحاق ، چوہدری ناظم چوہدری وسیم ، چوہدری ریاض ، چوہدری قیصر ، ندیم فیاض و دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او آصف بلا ل لودھی نے کہا ہے بچے اپنے والدین کے ساتھ ریاست کی بھی ذمہ داری ہیں
گجرات(جی پی آئی) ڈی سی او آصف بلا ل لودھی نے کہا ہے بچے اپنے والدین کے ساتھ ریاست کی بھی ذمہ داری ہیں انہیں پولیوجیسے خطرناک مرض سے بچانے کے لئے خامیوں پر قابو پا کرانسداد پولیو کے لئے مہم کو منطقی انجام تک پہنچانا ہو گا۔ ان خیالات کا اظہا ر انہوں نے حالیہ انسداد پولیو مہم کی نگرانی کرنے والے یونین کونسلز کے میڈیکل افسران اور انچارج صاحبان کے اجلاس سے خطاب کرتے ہوئے کیا۔ ای ڈی او ہیلتھ ڈاکٹر نصرت ریاض ، ڈاکٹر محمد علی اور دیگر افسران بھی اس موقع پر موجود تھے۔ ڈی سی او نے کہا کہ ملک میں 1994سے انسداد پولیو کے لئے جاری مہم کے باوجود بیماری کا خاتمہ نہ ہونا افسوسناک اور اس امر کا غماز ہے کہ ہماری کوششوں میں کسی سطح پر خامی رہ گئی ہے جسے دور کرنے کے لئے اعداد و شمار جمع کرنے کے طریقہ کو مزید بہتر بنانا ہوگا۔ انہوں نے کہا کہ ہمیں اپنی غلطیوں اور مسائل کا جائزہ لینا چاہیے اور جس غلطی یا خامی ایک بارنشاندہی ہو جائے اس پر قابو پایا جائے نہ کہ اسے دوبارہ دہرایا جائے۔ ڈی سی او نے کہا کہ اعلی ترین شخصیات سے لیکر کسان اور مزدور تک کو اپنے بچو ں کو پولیو کے مکمل خاتمہ تک ہر مہم کے دوران قطرے پلانے پڑیں گے ، بچوں کو پولیو قطرے پلانے سے انکار کرنے کے عادی افراد سے معذرت خواہانہ رویہ نہ اپنانے کی بجائے انکے خلاف فورا رپورٹ کی جائے ۔انہوںنے ای ڈی او ہیلتھ کو ہدایت کی کہ ٹیموں کی تشکیل، ٹیم ممبر ان کو ادائیگی ، ٹارگٹ کے درست تعین کے لئے فوری ٹھوس اقدامات اٹھائے جائیں۔ قبل ازیں ای ڈی او ہیلتھ ڈاکٹر نصر ت ریاض نے بتایاکہ 30ستمبر سے 2اکتوبر تک جاری رہنے والی انسداد پولیو مہم کے لئے 3لاکھ 96ہزار بچوں
کو قطرے پلانے کا ہدف مقرر تھا جبکہ پولیو ٹیموں نے 4لاکھ 17ہزار 8بچوں کو پولیو سے بچائو کے قطرے پلائے اس طرح مجموعی طور پر 105فیصد بچوںکو قطرے پلائے گئے۔ انہوں نے بتایا کہ تین روزہ مہم کے دوران 19626ایسے بچوں کی نشاندہی ہوئی تھی جو قطرے پینے سے محروم رہ گئے تھے تاہم تین اور چار اکتوبر کو فالو اپ مہم کے دوران ان میں سے 18237بچوں کو کور کرلیاگیا ہے جبکہ باقی بچوں کی کوریج کیلئے کوششیں جاری رہیںگی۔ انہوں نے بتایا کہ 6افراد نے بچوں کو قطرے پلانے سے انکار کیا تھا جنہیں آج کو ر کرلیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آنے والے بلدیاتی انتخابات میں پی ٹی آئی کھاریاں میں کلین سویپ کرے گی
گجرات (جی پی آئی)آنے والے بلدیاتی انتخابات میں پی ٹی آئی کھاریاں میں کلین سویپ کرے گی۔ان خیالات کا اظہار راہنماتحریک انصاف تحصیل کھاریاں میاں جمیل اصغر نے میڈیا سے خصوصی گفتگو میں کیا۔ انہوں نے کہا کہ تیروں کی بوچھاڑوں سے زخم زخم قوم کو بھوکے پیاسے شیروں کے آگے ڈال دیا گیاہے۔زرداری کے بعد میاں برادرزلمیٹڈ کمپنی نے روزمرہ استعمال کی اشیاء کو اتنا مہنگا کردیا ہے کہ غریب آدمی تو ایک طرف متوسط طبقہ کی زندگی بھی اجیرن بن گئی ہے۔میاں جمیل اصغر نے کہا کہ کے پی کے کے بعد تحریک انصاف اپنے قائد عمران خان کی قیادت میں پورے ملک میں تبدیلی کا سفر کرے گی۔انہوں نے کہا کہ کھاریاں شہر کے عوام عمران خاں اور تحریک انصاف پہ اپنی توقعات لگائے ہوئے ہیں اور آئندہ بلدیاتی انتخابات جماعتی ہوں یا غیر جماعتی کھاریاں شہر میں تحریک انصاف کلین سویپ کرے گی۔ انشاء اللہ ہم کھاریاں شہر کی سطح پہ نئی اور دیانتدار قیادت آگے لائیں گے۔پرانے سیاسی ڈیروں کی سیاست اور کھڑپینچوں کی کھڑپینچی کا خاتمہ ہمارا مشن ہے۔نئی ،نوجوان قیادت ہی کھاریاں شہر کا مقدر ہے اور ہم اس کے لئے ہرممکن جدوجہد کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
12واں سالانہ عرس مبارک حضرت شیخ عبدالقادرجیلانی بفیضان نظر قاضی سلطان محمود آوانی منعقد ہوا
گجرات (جی پی آئی) 12واں سالانہ عرس مبارک حضرت شیخ عبدالقادرجیلانی بفیضان نظر قاضی سلطان محمود آوانی منعقد ہوا ، جو بمقام ڈیرہ گلشن مظہر محبوب چک نمبر 117گ ب غربی سٹاپ اڈا چک نمبر 77گ ب ستیانہ روڈ فیصل آباد میں ہوا ، جس کی صدارت صاحبزادہ پیر رضوان منصور آوانی زیب سجادہ نشین آستانہ عالیہ آوان شریف و مہمدہ شریف نے کی ، یہ بسلسلہ ایصال ثواب قاضی محبوب عالم آوانی ، قاضی مظہرالحق آوانی ، قاضی مقصود الحق آوانی ، منشی شہباز خاں منعقد ہوا ، جو زیر سرپرستی صاحبزاد پیر منصور الحق آوانی سجادہ نشین آستانہ عالیہ مہمدہ شریف و آوان شریف ہوئی ، اس موقع پر خصوصی خطاب پیر سید فیض محی الدین شاہ آف فیصل آباد نے کیا ، نقابت کے فرائض خاور بشیر بٹ گولڑوی نے سرانجام دئیے ، خصوصی نعت سید دلدار شاہ آف گجرات نے پیش کی ، جبکہ ممتاز ثناء خوانِ رسول غلام حیدر سائیں المعروف وئیراں والے قوال نے سماع کے رنگ پیش کیے ، اس موقع پر گجرات ، فیصل آباد و دیگر مقامات سے آئے ہوئے سنگی حضرات و معززین نے شرکت کی ، جن میں نثار احمد نثاری ، ڈاکٹر رزاق احمد غفاری ، شیخ شفیق ، شیخ محمد ادریس ، نوید غفران شہبازی ، پروفیسر عبدالرحیم عاصی ، راجہ سرفراز ، زبیر وڑائچ ، چوہدری عبدالمالک ، چوہدری فضل حسین ، چوہدری نفیس احمد ، بھائی شبیر احمد و دیگر شامل تھے ، یہ محفل خادم دربار عالیہ مولوی غلام رسول منعقد ہوئی ، ملک کی ترقی و سلامتی کیلئے خصوصی دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجاہد تحریک ختم نبوت شیخ الحدیث والتفسیر الحاج پیر سید احمد شاہ گجراتی کا سالانہ عرس مبارک دربار شہنشاہ ولایت میں منعقد ہوا
گجرات (جی پی آئی) مجاہد تحریک ختم نبوت شیخ الحدیث والتفسیر الحاج پیر سید احمد شاہ گجراتی کا سالانہ عرس مبارک دربار شہنشاہ ولایت میں منعقد ہوا ، جس میں امیر ملت پیر سید جماعت علی شاہ علی پوری ، پیر سید ولایت حسین شاہ المعروف شہنشاہ ولایت ، علامہ سید ابوالحسنات ، محمد احمد قادری ، امین حسنات ، سید خلیل احمد قادری اشرفی اور والدہ محترمہ پیر سید نذر حسین شاہ گجراتی کیلئے خصوصی دعا کی گئی ، عرس مبارک کی تقریب کی صدارت پیر سید نذر حسین شاہ نے کی جبکہ اس موقع پر ریٹائرڈ ایس ایس پی پیر سید نور حسین شاہ ، پیر سید علی حسین شاہ گجراتی ، پیر سید سعید احمد شاہ گجراتی ، پیر سید جماعت علی شاہ ، سید حسن محمود شاہ و دیگر نے خصوصی شرکت کی ، ممتاز علمائے کرام پیر سید مزمل حسین شاہ خطیب اعظم انگلینڈ ، علامہ عظیم قادری خطیب اعظم امریکہ ، علامہ ماسٹر محمد اشرف تسنیم ، سید بلال احمد شاہ اور قاری احمد حسن رضوی نے خصوصی خطاب کیا ، ممتاز ثناء خوانِ رسول عمران شاکر ، سید عمران افگن ، سید الیاس شاہ ، حافظ جہانگیر ، قاری زاہد و دیگر نے ہدیہ نعت پیش کیا ، اس موقع پر ممتاز سیاسی ، سماجی ، مذہبی شخصیات نے شرکت کی ماسٹر نواز شاہد ، یاسر امین مرل ، آفتاب احمد بھاگو، ڈاکٹر تنویر احمد ، عبدالرزاق آف رحمان سویٹس ، چوہدری غلام رسول دھوریہ ، چوہدری عبدالماجد دھوریہ ، حافظ غلام حسین اتووال و دیگر نے شرکت کی ، اس موقع پر لنگر کا خصوصی انتظام تھا ، ملک کی ترقی و سلامتی کیلئے خصوصی دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز شخصیت رانا مشرف علی ناز نے ممتاز ماہر قانون مہر ندیم کنجاہی سے ملاقات کی
گجرات (جی پی آئی)ممتاز شخصیت رانا مشرف علی ناز نے ممتاز ماہر قانون مہر ندیم کنجاہی سے ملاقات کی اور بلدیاتی نظام کے حوالہ سے گفتگو کی گئی ، خصوصی یونین کونسل 54میں بلدیاتی نظام کے حوالہ سے ہونے والی پیش رفت پر گفتگو کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترم صاحبزادہ عبدالمصطفی سیالوی کے دادا جان عالم باعمل حضرت علامہ حافظ ولایت اللہ قادری سروری کا ختم قل
گجرات (جی پی آئی) مناظر اسلام حضرت علامہ مفتی محمد یونس نظامی سیالوی اور قاری محمد سجاد قادری سروری کے والد محترم صاحبزادہ عبدالمصطفی سیالوی کے دادا جان عالم باعمل حضرت علامہ حافظ ولایت اللہ قادری سروری کا ختم قل آج صبح نو بجے جامع مسجد کھیرانوالی میں منعقد ہو گا ، جبکہ دعا گیارہ بجے کی جائے گی ، تمام دوست احباب سے شرکت کی استدعا کی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت رانا مشرف علی ناز نے یونیورسٹی آف گجرات میں ہونے والی میراتھن ریس کے انعقاد کی شدید مذمت کی ہے
گجرات (جی پی آئی) ممتاز سماجی شخصیت رانا مشرف علی ناز نے یونیورسٹی آف گجرات میں ہونے والی میراتھن ریس کے انعقاد کی شدید مذمت کی ہے اور کہا ہے کہ اسلام میں ایسی غیر شرعی کھیلوں کی اجازت نہیں ہے ، اور ہم ریس کی شدید مذمت کرتے ہیں ، اور یونیورسٹی انتظامیہ سے مطالبہ کرتے ہیں کہ میراتھن ریس کے انعقاد پر پابندی عائد کی جائے اور نوجوان نسل کو اسلامی تعلیمات سے روشناس کروایا جائے ۔
Related Posts
