میں آپ سب اہل گجرات حلقہ پی پی 111کے ان تمام ووٹوروں ، ان تمام سیاسی و سماجی مختلف یونین کونسلوں کے راہنمائوں ، مسلم لیگ ن کے ورکروں تمام بہن بھائیوں کا شکر گزار ہوں
گجرات(جی پی آئی)میں آپ سب اہل گجرات حلقہ پی پی 111کے ان تمام ووٹوروں ، ان تمام سیاسی و سماجی مختلف یونین کونسلوں کے راہنمائوں ، مسلم لیگ ن کے ورکروں تمام بہن بھائیوں کا شکر گزار ہوں جنہوںنے مجھے الیکشن 2013ء 11مئی کے دن اپنا قیمتی ووٹ دے کر بھاری اکثریت سے کامیاب کر کے دوبارہ خدمت کا موقع دیا ، ان خیالات کا اظہار پی پی 111سے بھاری اکثریت سے کامیابی حاصل کرنے والے ایم پی اے حاجی عمران ظفرنے ان کے آفس اور رہائش گاہ پر آنے والے ضلع گجرات کی سیاسی و سماجی کاروباری شخصیت مرکزی انجمن تاجران کے صدر و اراکین دیگر مارکیٹ ، بازاروں کے صدر و اراکین یونین کونسلوں کے اراکین ، سابقہ ناظمین ، صنعتکاروں ، ورکروں اور اہل علاقہ کے لوگوں کا شکریہ ادا کرتے ہوئے کہا اس موقع پر حاجی عمران ظفر اور حاجی ناصر محمود کے آفس میں ڈھول باجوں کے ساتھ خوب جشن منایا گیا اور پھولوں کے ساتھ نوٹ بھی نچھاور کیے گئے اور لوگوں کی تواضع مشروبات اور مٹھائی کے ساتھ کی گئی ، اس موقع پر حاجی عمران ظفر ، حاجی ناصر محمود ، مسلم لیگ ن سٹی کے صدر ثناء اللہ بٹ ، ایڈیشنل جنرل سیکرٹری شیخ ابرار سعید ، مسلم لیگ ن کے راہنمائوں میاں اکمل حسین ، الحاج رانا مشرف علی ناز ، شفیق الرحمن بٹ نے اپنے خطاب میں کہا کہ یہ کامیابی آپ سب لوگوں کی ہے ، اسلئے کہ آُ لوگوں نے شہر کے ترقیاتی کاموں کو مد نظر رکھتے ہوئے ان لوگوں کو اپنا قیمتی ووٹ دے کر کامیاب کیا ہے جو گجرات میں ہی ہر وقت خدمت کیلئے رہتے ہیں ، اور ان لوگوں کو آپ نے مسترد کر دیا ہے ، جو صرف گجرات میں آ کر سالانہ برسی اور عید پڑھنے اور شہر میں اپنی تشہیر کر کے واپس اسلام آباد ، لاہور چلے جاتے ہیں ، حاجی عمران ظفر نے کہا کہ انشائ
اللہ میں اپنے شہر کیلئے پہلے سے زیادہ ترقیاتی کاموں پر عمل پیرا رہوں گا اور آپ لوگوں کے تعاون سے پہلے سے زیادہ شہر کی خوبصورتی اور عملی کام پر توجہ دوں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پی پی 111سے بھاری اکثریت سے کامیابی حاصل کرنے پر حاجی عمران ظفر کو شہر بھر کی مختلف سیاسی و سماجی مختلف یونین کونسلوں کے اراکین اور مسلم لیگ ن کی ممتاز شخصیت کی بینڈ باجوں کے ساتھ ان کی رہائشگاہ پر مبارک باد
گجرات(جی پی آئی)پی پی 111سے بھاری اکثریت سے کامیابی حاصل کرنے پر حاجی عمران ظفر کو شہر بھر کی مختلف سیاسی و سماجی مختلف یونین کونسلوں کے اراکین اور مسلم لیگ ن کی ممتاز شخصیت کی بینڈ باجوں کے ساتھ ان کی رہائشگاہ پر مبارک باد دینے والوں دوسرے روز بہت زیادہ رش تھا مبارک باد دینے والوں نے بینڈ باجوں کی تھاپ پر حاجی عمران ظفر ایم پی اے اور حاجی ناصر محمود سابقہ ایم پی اے پر پھولوں کی پتیاں اور نوٹ نچھاور کیے اور ان کو مالا اور پھولوں کے ہار پہنائیں اور مبارک باد کے موقع پر لوگوں کو مٹھائی کھلائی گئی ، اس موقع پر حاجی عمران ظفر اور حاجی ناصر محمود نے تمام آنے والے معزز شخصیت اور اہل گجرات کا شکریہ ادا کرتے ہوئے کہا کہ یہ کامیابی ہماری نہیںیہ کامیابی آپ سب لوگوں کی ہے جنہوں نے ہمیں کامیاب کرنے کیلئے دن رات انتخابی مہم کے موقع پرمحنت کر کے ہمیں اپنے ووٹوں سے کامیاب کیا ہے ، مبارک باد دینے والوں میں گجرات کی معزز شخصیت شیخ ابرار سعید ، امجد ترہنگی ، میاں اکمل حسین ، راجہ طاہر شیر ، چوہدری توصیف عبداللہ ، فیصل بٹ ، محمد توحید ، ڈاکٹر ثوبان شاہد ، محمد شہباز صراف ، مہر اسلم پہلوان ، حاجی طارق سلامت ، رانا مشرف علی ناز و دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے گجرات کے عملہ نے شہر بھر میں مختلف سیاسی جماعتون کے پینا فلیکس بورڈاور بینرز اتارنا شروع کر دئیے
گجرات(جی پی آئی)الیکشن 2013 کے انعقاد کے بعد ٹی ایم اے گجرات کے عملہ نے شہر بھر میں لگے ہوئے مختلف سیاسی جماعتوں کے پینا فلیکس ،بورڈ اور بینرز اآتارنا شروع کر دیے ہیں ۔گذشتہ روز ٹی ایم اے گجرات کے عملہ نے شہر کی اہم شاراہوں سے تمام سیاسی جماعتوں کے امیدواروں کے بورڈاور پینا فلیکس اتار کر ٹی ایم اے گجرات میں جمع کروا دیے ہیں ۔جبکہ بعض چوکوں پر ابھی تک ہارنے اور جیتنے والے امیدواروں کے پوسٹر اور بینرز آویزاں ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتخابات چوہدری پرویز الہٰی نے 78 ہزار سے زائد ووٹ جبکہ چوہدری احمد مختار نے 10 ہزار کے قریب ووٹ حاصل کیے
گجرات(جی پی آئی)حلقہ این اے 105 کے حالیہ الیکشن میں مسلم لیگ (ق)کے امیدوار چوہدری پرویز الہٰی نے 78 ہزار سے زائد ووٹ جبکہ پیپلز پارٹی کے چوہدری احمد مختار نے 10 ہزار کے قریب ووٹ حاصل کیے ۔اسطرح چوہدری پرویز الہٰی نے (ن)لیگ کے امیدوار چوہدری مبشر حسین کو 14 ہزار ووٹوں کی لیڈ سے شکست دی یاد رہے کہ الیکشن 2008 میں چوہدری احمد مختار نے چوہدری شجاعت حسین کو 10 ہزار ووٹوں سے شکست دی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری پرویز الٰہی اور چوہدری مونس الٰہی کی کامیابی کے بعد ظہور پیلس میں خوشی کا سماں رہا ، مبارک بادوں کا سلسلہ جاری
گجرات(جی پی آئی)حلقہ این اے 105 سے کامیابی حاصل کرنے والے سابق ڈپٹی وزیر اعظم چوہدری پرویز الہٰی اور پی پی 110سے کامیابی حاصل کرنے والے چوہدری مونس الہٰی کی کامیابی کی خوشی میں ظہور پیلس گجرات میں ہر طرف خوشی کا سماں ہے ۔حلقہ پی پی 110 سے قافلوں کی صورت میں جوق درجوق لوگ قافلوں کی صورت میں چوہدری پرویز الہٰی اور چوہدری مونس الہٰی کو مبارکباد دینے آرہے ہیں ۔گذشتہ روز بھی۔ ظہور پیلس گجرات میں مبارکباد دینے والوں کا تانتا بندھا رہا ۔ریلوے روڈ انجمن تاجراں کے صدر ملک سرفراز کی قیادت میں تاجروں کے ایک وفدنے چوہدری پرویز الہٰی سے ملاقات کر کے انہیں کامیابی حاصل کرنے پر مبارکباد دی ہے ۔جبکہ یونین کونسل 49سے سابق کونسلر بلدیہ سید نثار کاظمی کی قیادت میں موٹر سائیکل ریلی کے ہمراہ ظہور پیلس میں چوہدری پرویز الہٰی کو مبارکباد دینے کیلئے گئے ۔علاوہ ضلع بھر سے اہم سیاسی سماجی ،عوامی ،مذہبی شخصیات نے ظہور پیلس میں جا کر چوہدری پرویز الہٰی اور چوہدری مونس الہٰی کو مبارکباد پیش کی ہے ۔اس موقع پر چوہدری پرویز الہٰی نے ظہور پیلس گجرات میں مبارکباد دینے کیلئے آنے والوں کاشکریہ ادا کرتے ہوئے کہا کہ میری کامیابی میں تمام مکتبہ فکر کے لوگوں کا ہاتھ ہے کامیابی پر ان تمام افراد کا شکریہ ادا کرتا ہوں جنہوں نے میری کامیابی میں اہم کردار ادا کیا ۔میں یقین دلاتا ہوں کہ پہلے سے زیادہ شہریوں کے مسائل حل کرانے کی ہر ممکن کوشش کرو نگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری جاوید گجر آف ڈیرہ گجراں نے چوہدری پرویز الٰہی اور چوہدری مونس الٰہی کو مبارک باد دی
گجرات(جی پی آئی )ممتاز مسلم لیگی راہنما چوہدری جاوید گجر آف ڈیرہ گجراں نے چوہدری پرویز الہٰی کو ایم این اے اور چوہدری مونس الہٰی کو حلقہ پی پی 110 ایم پی ایم منتخب ہونے پر مبارکباد دیتے ہوئے کہا کہ چوہدری پرویز الہٰی کا کامیاب ہونا انکی دن رات کی محنت کا ثمر ہے ۔انہوں نے کہا کہ چوہدری پرویز الہٰی نے جس طرح تاریخی کامیابی حاصل کی ہے اس کی مثال نہیں ملتی ۔چوہدری جاوید گجر نے مزید کہا کہ حلقہ پی پی 110 کی عوام نے جس طرح چوہدری پرویز الہٰی اور چوہدری مونس الہٰی پر اعتماد کا اظہار کیا ہے اس کی مثال نہیں ملتی ۔انہوں نے کہا کہ امید کرتے ہیں چوہدری پرویز الہٰی اور چوہدری مونس الہٰی اپنے حلقہ کے مسائل حل کرنے کیلئے کسی قربانی سے دریغ نہیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری مہندی خاں آف نور جمال نے چوہدری جعفر اقبال ،رمیاں طارق اور چوہدری اشرف دیونہ کو کامیابی پر دلی مبارکباد
گجرات(جی پی آئی)ممتاز مسلم لیگی راہنما ء اور میاں طارق ایم پی اے کے قریبی ساتھی چوہدری مہندی خاں آف نور جمال نے چوہدری جعفر اقبال اورمیاں طارق ڈنگہ اور چوہدری اشرف دیونہ کو شاندار کامیابی پر دلی مبارکباد دیتے ہوئے کہا کہ میاں طارق ڈنگہ کو مسلسل تیسری بار ایم پی اے منتخب ہونا ان کی عوامی خدمت کا ثبوت ہے ۔چوہدری مہندی خاں نے کہا کہ چوہدری جعفر اقبال بطور ایم این اے اور میاں طارق ڈنگہ ایم پی اے اور چوہدری اشرف دیونہ بطور ایم پی اے عوام کی بہتر انداز میں خدمت کریں گے ۔انہوں نے کہا کہ پاکستان کے عوام نے اپنے ووٹوں کی طاقت سے سونامی کو رخ موڑ کر شیر کو کامیاب کروا کر بڑی کامیابی کا ثبوت دیا ہے ۔میاں نواز شریف اب ملک کے بحرانوں پر قابو پا کر عوام کی بہتر خدمت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری امتیاز اصغر ، چوہدری شہزاد نے چوہدری عابد رضا ، چوہدری شبیر رضا اور ملک حنیف اعوان کو مبارک باد دی
گجرات(جی پی آئی)یونین کونسل ملکہ کی ممتاز سماجی شخصیت چوہدری امتیاز اصغر ،چوہدری شہزاد اصغر ،چوہدری شہباز اصغر آف تیرو چک نے مشترکہ بیان میں حلقہ این اے 107 سے چوہدری عابد رضا ایم این اے ،چوہدری شبیر رضا ایم پی اے اور ملک حنیف اعوان کو بھاری اکثریت سے ایم پی اے منتخب ہونے پر دلی مبارکباد پیش کرتے ہوئے کہا کہ چوہدری عابد رضا ان کے ساتھیوں کی شاندار کامیابی خدمات کا کھلا اعتراف ہے ۔انہوں نے کہا کہ ایم این اے چوہدری عابد رضا نے جس طرح ڈیرہ کوٹلہ سے عوام کے مسائل حل کیے انشاء اللہ وہ آئندہ بھی عوامی مسائل حل کیلئے ہر ممکن اقدامات کریں گے ۔چوہدری امتیاز احمد نے کہا کہ ہم چوہدری عابد رضا اور انکے ساتھیوں کی کامیابی پر اللہ کے شکر گزار ہیں ۔ہم دعا کرتے ہیں کہ وہ عوامی مسائل کو بہتر انداز میں حل کرنے کی سبھرپور کوشش کریں گے۔
Related Posts
