جامعہ سیدنا علی کرم اللہ وجہہ کے زیر اہتمام ظہور الٰہی سٹیڈیم گجرا ت میں عید الضحیٰ کی نماز ٹھیک آٹھ بجے پڑھائی جائے گی
گجرات (جی پی آئی) جامعہ سیدنا علی کرم اللہ وجہہ کے زیر اہتمام ظہور الٰہی سٹیڈیم گجرا ت میں عید الضحیٰ کی نماز ٹھیک آٹھ بجے پڑھائی جائے گی ، ممتاز عالم دین صاحبزادہ علامہ راشد تنویر قادری خطاب کرینگے ، نماز ٹھیک آٹھ بجے کھڑی ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بزرگان نصیب آباد شریف کا عرس مبارک عقیدت و احترام کے ساتھ منایا گیا
گجرات (جی پی آئی) بزرگان نصیب آباد شریف کا عرس مبارک عقیدت و احترام کے ساتھ منایا گیا ، تفصیلات کے مطابق غوث زماں قبلہ پیر سید منظور حسین شاہ سروری قادری نصیبی کا 32واں اور پیر سید ظہور حسنین شاہ قادری سروری نصیبی کا پانچواں عرس مبارک عقیدت و احترام کے ساتھ منایا گیا ، عرس مبارک کی تقریبات کی صدارت پیر سید عمر شاہ آستانہ عالیہ غوثیہ یگانہ چھالے شریف نے کی جبکہ یہ عرس مبارک زیر سرپرستی پیر سید حسنین ظہور شاہ قادری نصیبی سروری سجادہ نشین آستانہ عالیہ قادریہ نصیبیہ نصیب آباد شریف نے کی ، جبکہ تقریبات زیر نگرانی پیر سید حسنات ظہور شاہ نصیبی اور صاحبزادہ پیر سید برکات ظہور شاہ نصیبی منعقد ہوئیں ، ملک کے ممتاز عالم دین علامہ محمد شاہد چشتی نے خصوصی خطاب کیا ، اور اولیاء کرام کی خدمات پر روشنی ڈالی ، جبکہ دوسری نشست بعد از نماز عشاء منعقد ہوئی ، اور بین القوامی شہرت یافتہ قوال فیض علی فیضی نے سماع کے رنگ پیش کیے ، خواتین کیلئے خصوصی نشست منعقد ہوئی ، جس میں پیر سید ظہور حسین شاہ کی صاحبزادی نے خطاب کیا ، لنگر کا وسیع انتظام کیا گیا ، ملک بھر سے آئے ہوئے عقیدت مندوں ، مریدین کی کثیر تعداد نے شرکت کی ، سیکورٹی کے فرائض آستانہ عالیہ کے رضا کاران نے سرانجام دئیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب نعت کونسل کے زیر اہتمام 4مستحق بچیوں کی اجتماعی شادی کی تقریب 18اکتوبر کو منعقد ہو گی
گجرات (جی پی آئی) پنجاب نعت کونسل کے زیر اہتمام 4مستحق بچیوں کی اجتماعی شادی کی تقریب 18اکتوبر کو منعقد ہو گی ، صدر پنجاب نعت کونسل شیخ عرفان پرویز ، جنرل سیکرٹری عامر چوہدری نے پریس کانفرنس کے دوران بتایا کہ پنجاب نعت کونسل عوامی فلاح کیلئے کوشاں ہے ، اور عوامی فلاح اس سلسلہ میں 4مستحق بچیوں کی شادی کی تقریب کا انعقاد کیا جا رہا ہے ، تا کہ وہ بچیاں جو کہ جہیز نہ ہونے کی وجہ سے رشتہ ازدواج سے منسلک نہیں ہو سکتیں ان کیلئے شادی کے انتظامات کیے جا سکیں ، پنجاب نعت کونسل کے ممبران کی مختلف ٹیمیں تشکیل دے دی گئی ہیں ، جو کہ انتظامات کی نگرانی کرینگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں کینٹ تا جلالپور جٹاں جانے والی ڈیفنس روڈ ٹوٹ پھوٹ کا شکار ہو گئی ہے
گجرات (جی پی آئی) کھاریاں کینٹ تا جلالپور جٹاں جانے والی ڈیفنس روڈ ٹوٹ پھوٹ کا شکار ہو گئی ہے ، سرکاری اداروں کی غفلت کی وجہ سے سڑک کی تعمیر کی طرف کوئی توجہ نہیں دی جا رہی ، جس کی وجہ سے آئے روز حادثات رونما ہو رہے ہیں ، اور عوام کو مشکلات کا سامنا کرنا پڑ رہا ہے ، عوامی حلقوں نے مطالبہ کیا ہے کہ فوری طور پر ایسے انتظامات کیے جائیں تا کہ یہ روڈ تعمیر ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز ثناء خوانِ رسول مظہر عزیز بٹ آف بٹ نمبر پلیٹس کی نئی رہائشگاہ کی تعمیر کے سلسلہ میں ایک تقریب منعقد ہوئی
گجرات (جی پی آئی) ممتاز ثناء خوانِ رسول مظہر عزیز بٹ آف بٹ نمبر پلیٹس کی نئی رہائشگاہ کی تعمیر کے سلسلہ میں ایک تقریب منعقد ہوئی ، جس میں سجادہ نشین آستانہ عالیہ کھیپڑانوالہ شریف پیر سید محمود الحسن شاہ بخاری قادری الحسنی والحسینی نے اپنے دستِ مبارک سے پہلی اینٹ رکھی ، اس موقع پر حضور اکرم ۖ کی خدمت میں درود و سلام کا نذرانہ پیش کیا گیا ، ملک کی ترقی و سلامتی کیلئے خصوصی دعائیں کی گئیں ، اس موقع پر ممتاز شخصیات کی کثیر تعداد موجود تھی ، جن میں علامہ قاری شفقت اللہ قادری ، علامہ قاری عبدالغفار نقشبندی، علامہ قاری مقصود احمد قادری ، ممتاز صحافی عامر چوہدری ، محمد بابر قادری ، حاجی اعجاز احمد بٹ ، حاجی منیر احمد بٹ ، حاجی سعید احمد بٹ ، چوہدری تنویر نواز چیمہ ، شاہد پرویز چغتائی ، محمد سلیم ساجد ڈار ، سہیل مظہر بٹ، محمد عمران بٹ ، چوہدری شفقت حسین ، ڈاکٹر رزاق احمد غفاری و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوک پاکستان سے ایک شاپنگ بیگ ملا ہے ، جس میں کپڑے وغیرہ موجود ہیں
گجرات (جی پی آئی) چوک پاکستان سے ایک شاپنگ بیگ ملا ہے ، جس میں کپڑے وغیرہ موجود ہیں ، جس کسی کا ہو اپنی نشانی بتا کر لے سکتے ہیں ، رابطہ کیلئے مظہر عزیز بٹ ، بٹ نمبر پلیٹس جیل چوک گجرات فون نمبر 03006201933پر رابطہ کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آستانہ نظامیہ سیفیہ بلال ٹائون میں ہفتہ وار محفل ذکر منعقد ہوئی ، جس میں صاحبزادہ پیر حکیم جواد الرحمن نظامی سیفی نے خصوصی دعا کروائی
گجرات (جی پی آئی) آستانہ نظامیہ سیفیہ بلال ٹائون میں ہفتہ وار محفل ذکر منعقد ہوئی ، جس میں صاحبزادہ پیر حکیم جواد الرحمن نظامی سیفی نے خصوصی دعا کروائی ، ملک کی ترقی و سلامتی کیلئے دعائیں کی گئیں ، اور لنگر تقسیم کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں ڈکیتی کی دو مختلف وارداتوں میں 18 لاکھ روپے سے زائد رقم لوٹ لی گئی
گجرات (جی پی آئی ) گجرات میں ڈکیتی کی دو مختلف وارداتوں میں 18 لاکھ روپے سے زائد رقم لوٹ لی گئی گذشتہ روز تھانہ اے ڈویژن گجرات کے علاقہ محلہ ڈپٹی یار محمد کے قریب دو نامعلوم موٹر سائیکل سوار ڈاکوئوں نے ایک شخص سہیل کو اسلحہ کی نوک پر یرغمال بنا کر 15 لاکھ روپے لوٹ لیے اور فرار ہو گئے جبکہ تھانہ ککرالی کے علاقہ کوٹلہ ارب علی خاں میں ڈاکو شکیل سے گن پوائنٹ پر 3 لاکھ 60 ہزار روپے لوٹ کر لے گئے پولیس نے مقدمات درج کر لیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں نماز عیدالاضحی کے موقع پر پولیس نے سیکیورٹی پلان تشکیل دے دیا ہے
گجرات (جی پی آئی ) گجرات میں نماز عیدالاضحی کے موقع پر پولیس نے سیکیورٹی پلان تشکیل دے دیا ہے جس کے مطابق سرکلرز کے ڈی ایس پیز ضلع بھر کے 22 تھانوں کے ایس ایچ اوز سمیت جامع مساجد امام بارگاہوں سمیت کھلے مقامات پر نماز عید الاضحی کے اجتماعات کی حفاظت کیلئے 5 ہزار اہلکار تعینات کئے جائیں گے عیدالاضحی کے موقع پر تمام پولیس اہلکاروں کی چھٹیاں منسوخ کر دی گئی ہیں جبکہ نماز عید کے موقع پر سپیشل برانچ کے اہلکار اور خفیہ ایجنسیوں کے اہلکار بھی سفید کپڑوں میں ڈیوٹیاں سرانجام دیں گے کسی بھی نا خوشگوار واقع سے نمٹنے کیلئے پولیس اہلکار عیدگاہوں جامع مساجد اور کھلے مقامات پر رات کو ہی تعینات کر دئیے جائیں گے جبکہ شہر کے داخلی خارجی علاقوں کے علاوہ اندرون شہر میں بھی حفاظتی اقدامات سخت کر دئیے گئے ہیں چوکوں اور اہم شاہرات پر پولیس کے ناکے لگا دئیے گئے ہیں جو ہر آنے جانے والی کی چیکنگ کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں 20 کلو آٹے کا تھیلہ ہزار روپے میں فروخت ہونے لگا پرائس کنٹرول کمیٹیاں اور ضلعی انتظامیہ مہنگائی روکنے میں مکمل طور پر ناکام ہو چکی ہیں
گجرات (جی پی آئی ) گجرات میں 20 کلو آٹے کا تھیلہ ہزار روپے میں فروخت ہونے لگا پرائس کنٹرول کمیٹیاں اور ضلعی انتظامیہ مہنگائی روکنے میں مکمل طور پر ناکام ہو چکی ہیں دکانداروں کی از خود ریٹس بڑھانے پر کوئی کارروائی عمل میں نہیں لائی جاتی گجرات میں غریب افراد کیلئے دو وقت کی روٹی کھانا بھی محال کر دیا گیا ہے 20 کلو آٹے کا تھیلہ ایک ہزار روپے میں فروخت کیا جانے لگا پرائس کنٹرول کمیٹیاں اور ضلعی انتظامیہ فلورز ملز اور دکانداروں کے خلاف کارروائی کرنے سے عاجز نظر آتے ہیں جبکہ دوسری جانب تندور والوں نے بھی روٹی اور نان کا وزن کم کر دیا ہے شہریوں نے ڈی سی او گجرات آصف بلال لودھی سے قیمتوں میں کمی کرانے کا مطالبہ کیا ہے ڈی سی او نے بتایا کہ از خود آٹے کی قیمتوں میں اضافہ کرنے والوں کے خلاف مقدمات درج کئے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں متوقع بلدیاتی انتخابات میں نوجوان حصہ لینے کیلئے پرجوش نظر آتے ہیں
گجرات (جی پی آئی ) گجرات میں متوقع بلدیاتی انتخابات میں نوجوان حصہ لینے کیلئے پرجوش نظر آتے ہیں بلدیاتی الیکشن میں حصہ لینے کیلئے سیاسی جماعتوں کے کارکنوں اور عام نوجوان خصوصی دلچسپی لے رہے ہیں اور اس کے لیے انہوں نے ووٹروں سے ووٹ حاصل کرنے کیلئے نہ صرف رابطے شروع کر دئیے ہیں بلکہ متوقع امیدواروں نے لوگوں کی غمی و خوشی میں بھی شامل ہونا شروع کر دیا ہے اور لوگوں کے تھانوں کچہریوں کے کام بھی کرتے نظر آ رہے ہیں غیر جماعتی بنیاد پر ہونے والے بلدیاتی الیکشن میں مسلم لیگ ن مسلم لیگ ق پیپلز پارٹی تحریک انصاف کے کئی امیدوار سامنے آ سکتے ہیں گجرات میں بلدیاتی انتخابات میں پلڑا ہمیشہ مسلم لیگ ق کا بھاری رہا ہے مشرف دور میں کرائے گئے دو بلدیاتی الیکشن میں یونین کونسلوں کی سطح پر ناظمین نائب ناظمین جنرل کونسلرز لیڈی کونسلرز اور کسان کونسلرز کی جیتنے والی تعداد زیادہ تر مسلم لیگ ق سے تعلق رکھنے والی تھی جبکہ ضلع ناظم تحصیل ناظم گجرات کا تعلق بھی مسلم لیگ ق سے تھا جبکہ اس مرتبہ پہلی دفعہ پاکستان تحریک انصاف بھی بلدیاتی الیکشن میں حصہ لینے کیلئے بھرپور تیاریوں میں مصروف ہے آنے والے بلدیاتی الیکشن کیلئے حلقہ بندیاں مکمل کی جا رہی ہیں مشرف دور کے بلدیاتی نظام کو ختم کر دیا گیا ہے جبکہ جماعت اسلامی کے امیدوار بھی بلدیاتی الیکشن میں سرپرائز دینے کے دعویدار ہیں آنے والے بلدیاتی الیکشن میں سیاسی جماعتوں کے قائدین کے فیصلے بھی اہم کردار ادا کریں گے گجرات میں ہمیشہ بلدیاتی الیکشن میں کامیاب رہنے والی جماعت مسلم لیگ ق کے رہنما اور تجربہ کار سیاستدان چوہدری پرویز الٰہی کے فیصلے بھی اپنے امیدواروں کی کامیابی میں اہم کردار ادا کریں گے جبکہ مسلم لیگ ن کے حاجی ناصر تحریک انصاف کی قیادت اور پیپلز پارٹی کے چوہدری احمد مختار بھی بلدیاتی الیکشن میں خصوصی دلچسپی لے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں بجلی کی لٹکتی تاریں شہریوں کی جانوں کیلئے خطرہ بن چکی ہیں
گجرات (جی پی آئی ) گجرات میں بجلی کی لٹکتی تاریں شہریوں کی جانوں کیلئے خطرہ بن چکی ہیں شہر بھر کے اکثر مقامات گلی محلوں سڑکوں پر بجلی کی لٹکتی تاروں سے لوگوں کی قیمتی جانوں کیلئے خطرہ ہیں جبکہ شکایات کے باوجود لٹکتی تاروں کو درست نہیں کیا جاتا جبکہ ان لٹکتی تاروں کے باعث درجنوں لوگ اپنی جانوں سے ہاتھ بھی دھو بیٹھے ہیں مگر محکمہ واپڈا کے افسران اور اہلکار ٹس سے مس نہیں ہوتے شہریوں نے واپڈا کے اعلیٰ حکام سے بجلی کی لٹکتی تاروں کو فوری طور پر درست کرنے کا مطالبہ کیا ہے شہریوں کا کہنا ہے کہ ہمارا تمام گھریلو بجٹ بجلی کے بلوں میں چلا جاتا ہے اس کے باوجود واپڈا لوگوں کو سہولیات دینے میں ناکام نظر آتا ہے ایس ڈی او واپڈا آصف قریشی نے بتایا کہ بجلی کی لٹکتی تاروں کو درست کرنے کیلئے جلد کام شروع کر دیا جائے گا عوامی شکایات پر جلد عملدرآمد کر کے ان شکایات کو دور کر دیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں عید سے قبل ہی بینکوں کی اے ٹی ایم مشینوں نے بھی جواب دے دیا
گجرات (جی پی آئی ) گجرات میں عید سے قبل ہی بینکوں کی اے ٹی ایم مشینوں نے بھی جواب دے دیا شہریوں کی سہولیت کیلئے بینکوں کی اے ٹی ایم مشینیں خراب ہو چکی ہیں اور جو اے ٹی ایم مشینیں چل رہی ہیں ان میں رقم ہی موجود نہیں ہے شہری رقم کے حصول کیلئے انتہائی مشکلات کا شکار ہو چکے ہیں اس سلسلہ میں بینکوں نے شہریوں کی سہولت کیلئے اے ٹی ایم مشینوں کی بحالی کوئی اقدامات نہیں اٹھائے جبکہ بینکوں میں رش کی وجہ سے بھی لوگوں کو رقوم کے حصول کے مشکلات کا سامنا ہے شہریوں نے بینکوں کی انتظامیہ سے عید کے دنوں میں اے ٹی ایم مشینوں میں رقم کی وافر مقدار میں موجودگی اور اے ٹی ایم مشینوں کو درست رکھنے کا مطالبہ کیا ہے جبکہ ایک نجی بینک کے مینجر سرفراز احمد نے بتایا کہ عید کے چند دنوں میں اے ٹی ایم مشینوں میں رش بڑھنے سے لنک ڈائون کی شکایات ہو جاتی ہیں جس سے اے ٹی ایم مشینیں بھی کام کرنا چھوڑ دیتی ہیں اے ٹی ایم مشینوں میں رقم کی کمی نہیں ہوتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات سے مختلف روٹس پر چلنے والی ٹرانسپورٹ کے مالکان نے سفری کرایوں میں از خود اضافہ کر لیا
گجرات (جی پی آئی ) گجرات سے مختلف روٹس پر چلنے والی ٹرانسپورٹ کے مالکان نے سفری کرایوں میں از خود اضافہ کر لیا گجرات سے کھاریاں سرائے عالمگیر جلالپورجٹاں کنجاہ کوٹلہ ارب علی خان ٹانڈہ اور کڑیانوالہ کے علاوہ دیگر مضافاتی علاقوں میں جانے والی ٹرانسپورٹروں نے عید مہم شروع کر رکھی ہے اور کرایوں میں 10 سے 20 روپے تک خود ہی اضافہ کر دیا ہے جس سے مسافروں کو شدید مشکلات کا سامنا کرنا پڑ رہا ہے جبکہ دوسری جانب کرایوں میں اضافہ کئے جانے کے باوجود ڈرائیور کنڈیکٹر اوور لوڈنگ بھی کر رہے ہیں سیٹوں پر زیادہ مسافروں کو بٹھایا جاتا ہے جبکہ بسوں کی چھتوں اور بسوں کے اندر کھڑے ہو کر بھی مسافر سفر کرنے پر مجبور ہو چکے ہیں کرایوں میں از خود اضافہ کئے جانے پر مسافروں اور کنڈکٹروں کے درمیان تلخ کلامیاں اور جھگڑے بھی جاری ہیں سیکرٹری آر ٹی اے نے بتایا کہ از خود کرایوں میں اضافہ کرنے والے ٹرانسپورٹروں کے خلاف کارروائی کی جائے گی اور ان کی گاڑیاں بند کر دی جائیں گی ٹرانسپورٹروں کا کہنا ہے کہ آئے روز پیٹرولیم مصنوعات کی قیمتوں میں اضافہ کر دیا جاتا ہے لیکن کرائے نہیں بڑھائے جاتے مسافروں کا کہنا ہے کہ ٹرانسپورٹر اور انتظامیہ کی ملی بھگت سے کرایوں میں اضافہ کیا جاتا ہے ٹرانسپورٹر اپنی گاڑیاں سی این جی پر چلاتے ہیں کرائے پیٹرول اور ڈیزل کے وصول کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں عیدالاضحی کے موقع پر مہنگائی عروج پر پہنچ گئی شہری قربانی کیلئے بکرے خریدنے جاتے ہیں
گجرات (جی پی آئی ) گجرات میں عیدالاضحی کے موقع پر مہنگائی عروج پر پہنچ گئی شہری قربانی کیلئے بکرے خریدنے جاتے ہیں دام پوچھ کر ہی گھروں کو لوٹ جاتے ہیں گجرات میں اکثر مقامات پر سنت ابراہیمی کیلئے جانور فروخت کیلئے لائے گئے ہیں مگر گاہک ریٹ پوچھ کر چپ سادھ لیتے ہیں اور جانور خریدے بغیر گھروں کو واپس لوٹنے پر مجبور ہو جاتے ہیں گذشتہ سال کی نسبت اس سال جانوروں کی قیمتوں میں بے تحاشا اضافہ دیکھنے میں آ رہا ہے ہزاروں لاکھوں روپے مالیت کے جانوروں کی فروخت نہ ہونے کے باعث بیوپاری بھی پریشان نظر آ رہے ہیں شہریوں کا کہنا ہے کہ جانوروں کی قیمتوں میں بے تحاشا اضافہ سنت ابراہیمی کی تکمیل میں رکاوٹ ہے ہماری اتنی ماہانہ آمدنی نہیں ہے جتنی جانوروں کی قیمتیں ہیں عید کے دنوں میں بچوں کی ضروریات بھی پوری کرنا محال ہو چکا ہے۔
Related Posts
