حاجی ناصر محمود نے ہمیشہ غریب کے حق کیلئے آواز اٹھائی ہے اور انہیں غریب کے لئے آواز اٹھانے کی پاداش میں جیل بھیجا گیا ہے
گجرات (جی پی آئی)حاجی ناصر محمود نے ہمیشہ غریب کے حق کیلئے آواز اٹھائی ہے اور انہیں غریب کے لئے آواز اٹھانے کی پاداش میں جیل بھیجا گیا ہے، ان خیالات کا اظہار پاکستان مسلم لیگ ن شعبہ خواتین کے راہنما نزہت نیئر، سمیرا ملک اور آسیہ فاروق نے کیا، انہوں نے کہا کہ حاجی ناصر محمود صحیح معنوں میں غریب کے ساتھی ہیں، اور ان کی خدمات قابل تحسین ہیں، وہ جلد عوام کے درمیان ہونگے اور عوام کے مسائل کے حل کیلئے کام کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات شہر کو امن و امان کا گہوارہ بنا نا منشیات ناجائز اسلحہ اور چوروں و ڈاکوئوں سے علاقہ کو پاک کر نا اولین تر جیحات ہیں
گجرات جی پی آئی)گجرات شہر کو امن و امان کا گہوارہ بنا نا منشیات ناجائز اسلحہ اور چوروں و ڈاکوئوں سے علاقہ کو پاک کر نا اولین تر جیحات ہیں تھانہ سول لائن سے ٹائوٹ مافیا کا مکمل خاتمہ کر دیا گیا ہے ان خیالات کا اظہار میا ں توصیف احمد S HO تھانہ سول لائن نے گذشتہ روز میڈیا کے نمائندوں سے گفتگو کرتے ہو ئے کیا انہوں نے مذید کہا کہ تھانہ سول لائن میںآنے والے ہر سا ئل کے ساتھ عملہ خوش اخلاقی اور خندہ پیشانی سے پیش آتا ہے تمام کیسوں کی میر ٹ پر تفتیش کی جا رہی ہے ایک سوال کے جواب میں انہوں نے کہا کہ میں نے پو لیس کی وردی زندگی کا کفن سمجھ کر زیب تن کی ہے منشیات فروشوں نا جا ئز اسلحہ ر کھنے والوں اور دیگر جرائم پیشہ افراد کے گر د گھیر ائنگ کیا جا رہا ہے جرائم پیشہ لو گوں اور ان کی معاونت کر نے والوں کے ساتھ سختی سے نمٹا جائے گا اور انھیں کسی بھی قسم کی رعایت نہیں دی جائے گی ٹائوٹ مافیا کا داخلہ بند ہو نے کی وجہ سے چند لوگ تھانہ کے عملہ کے خلاف گمراہ کن پراپیگنڈہ کر رہے ہیں میری میڈیا کے تمام نمائندگان سے اپیل ہے کہ کسی بھی خبر کی اشاعت سے پہلے تحقیق کر لیں اگر کسی کو پو لیس کے متعلقہ کو ئی شکایت ہو تو وہ ڈائریکٹ مجھ سے رابطہ کریں فوری ازالہ کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے کے ڈیلی ویجز ملازمین نے احتجاج کرتے ہوئے میڈیا کے نمائندوں کو بتایا ہے کہ ہم 25سال سے ٹی ایم اے میں ملازمت کررہے ہیں
گجرات(جی پی آئی) ٹی ایم اے کے ڈیلی ویجز ملازمین نے احتجاج کرتے ہوئے میڈیا کے نمائندوں کو بتایا ہے کہ ہم 25سال سے ٹی ایم اے میں ملازمت کر رہے ہیں مگر ہمیں آج تک ڈیلی ویجز سے مستقل نہیں کیا گیا جو کہ ہمارے ساتھ ظلم ہے انہوںنے کہاکہ سیالکوٹ ، ڈسکہ ، گوجرانوالہ سمیت دیگر اضلاع میں سینکڑوں ڈیلی ویجز ملازمین کو مستقل کر دیا گیا جس کا باقاعدہ نوٹیفکیشن بھی جاری ہو چکاہے مگر گجرات کے ڈیلی ویجز ملازمین کو تاحال مستقل نہیں کیا گیا ہے ملازمین نے کہاکہ ایک ایک سال کے کنٹریکٹ پر بھرتی ہونے والے ملازمین کو ایک سال بعد ہی مستقل کر دیا گیا مگر18,16سال سے ملازمت کرنے والے ملازمین کو تاحال مستقل نہیں کیا گیا ہے احتجاج کرنے والے ملازمین میں عبدالقادر مدت ملازمت18سال اعجاز احمد مدت ملازمت 16سال وحیدبیگ مدت ملازمت 11سال عامرمحمودمدت ملازمت 6سال محمد ریاض مدت ملازمت 7سال طارق محمودمدت ملازمت 7سال تصور حسین مدت ملازمت17سال محمد رفیع مدت ملازمت 15سال یسےٰن مدت ملازمت 16سال خالد حسین مدت ملازمت 6سال حماد انور مدت ملازمت 17سال امتیاز احمدمدت ملازمت 10سال مرزا ذوالفقار مدت ملازمت 18سال نعیم احمد مدت ملازمت 12سال راشد علی مدت ملازمت 17سال تصدق حسین مدت ملازمت 10سال سے کام کررہے ہیں ملازمین نے اعلیٰ حکام سے مطالبہ کیا ہے کہ دیگر اضلاع کی طرح گجرات کے بھی ڈیلی ویجز ملازمین کو بھی مستقل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ن لیگ بلدیاتی انتخابات میں بھی ریکارڈ کامیابی کیلئے پر عزم ہے
گجرات(جی پی آئی)ن لیگ بلدیاتی انتخابات میں بھی ریکارڈ کامیابی کیلئے پر عزم ہے، اور عظیم لیڈر میاں نوازشریف کی قیادت میں ملک ترقی کی منازل طے کرے گا، ان خیالات کا اظہار ممتاز مسلم لیگی رہنما اور ممتاز سیاسی و سماجی رہنمامیر اسد رشید اور چوہدری وقار احمد نے اپنے مشترکہ بیان میں کہا کہ عوام کو بنیادی سہولیات فراہم کرنے کیلئے عملی اقدامات کئے جارہے ہیں، اور شہر بھر میں ترقیاتی کاموں کے جال بچھائے جائیں گئے، انہوں نے کہا کہ ملک سے کرپشن کے خاتمہ کیلئے مسلم لیگ ن کی حکومت پر عزم ہے، اور بلدیاتی انتخابات میں مسلم لیگ ن عام انتخابات کی طرح عوامی مینڈیٹ حاصل کرنے میں کامیاب ہوگی، اور تمام سابقہ ریکارڈ توڑے گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)لوڈشیڈنگ کا جھوٹا وعدہ کرنے والے عوام کو دوھکا دے رہے ہیں، اور لوڈشیڈنگ کو ختم کرنے کیلئے عوام سے مزید مہلت مانگ رہے ہیں، ن لیگ کی حکومت آنے سے عوام کی زندگیوںپر کوئی اچھا اثر نہیں پڑا، بلکہ الٹا بجلی کے نرخ بڑا کر عوام پر مزید بھوج ڈال دیا گیا،ان خیالات کا اظہار پاکستان تحریک انصاف لیبر ونگ سینٹرل پنجاب کے سینئر نائب صدر محمد اشرف شریف نے صحافیوں سے گفتگو کرتے ہوے کیا، انہوں نے کہا کہ تحریک انصاف نے ہی حقیقی معنوں میں عوام کے حقوق کی پاسداری کا عزم کر رکھا ہے، تحریک انصاف کے سوا کوئی جماعت ملکی مسائل کاخاتمہ نہیں کر سکتی،انہوں نے کہا کہ موجودہ حکومت عوام کو سہولیات دینے میں ناکام ہو چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عظیم قائد عمران خان ملک کو مسائل کی دلدل سے باہر نکال سکتے ہیں
گجرات(جی پی آئی)عظیم قائد عمران خان ملک کو مسائل کی دلدل سے باہر نکال سکتے ہیں، مو جودہ حکومت کی کارکردگی پر عوام دل برداشتہ ہو چکے ہیں،پا کستان تحریک انصاف ہی عوام کوان مشکلات سے چھٹکارا دلا سکتی ہے، ان خیالات کا اظہارپاکستان تحریک انصاف کے ممتازسیاسی رہنمامہر امتیاز احمدنے صحافیوں سے گفتگو کرتے ہوے کیا، انہوں نے کہا کہ تحریک انصاف پوری قوم کی جماعت ہے، انہوں نے کہا کہ ن لیگ نے عوامی مینڈیٹ کی دھجیاں اڑا دیں، اور عوام کو مہنگائی کے کئی تخفے دئے، لیکن قائد عمران خان نے صبر اور ہمت کا دامن ہاتھ سے نہیں چھوڑا، تحریک انصاف بہت جلد اقتدار میں ہو گی، اور بلدیاتی انتخابات میں عوامی مینڈیٹ حاصل کرنے والوں کو عوام اس دفعہ بلدیاتی انتخاب میں ووٹ نہ دے کر ثابت کردیں گئے کہ عوام تحریک انصاف سے بھر پور پیار کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس تھانہ بی ڈویثرن نے گزشتہ روز کھاری کھوئی کے علاقہ میں چھاپہ مار کر گھر پر ہونے والے قبضہ کو وارگزار کروا لیا
گجرات(جی پی آئی) پولیس تھانہ بی ڈویثرن نے گزشتہ روز کھاری کھوئی کے علاقہ میں چھاپہ مار کر گھر پر ہونے والے قبضہ کو وارگزار کروا لیا تفصیلات کے مطابق ایس ایچ او تھانہ بی ڈویثرن جاوید گجر نے بھاری نفری کے ہمراہ گزشتہ روز کھاری کھوئی میں گھر پر ہونے والے قبضہ پر چھاپہ مارکر قبضہ وارگزار کروا لیا جبکہ ملزمان موقع سے فرار ہونے میں کامیاب ہو گئے ایس ایچ او جاوید گجر نے میڈیا کے نمائندوں کا بتایا کہ بدنامے زمانہ ملزم شہباز عرف کاکا مراسی نے سید بشیر احمدکی غیر موجودگی میںانکے گھر پر قبضہ کر رکھا تھا اور گھر میں موجود گھریلو سامان بھی چوری کر لیا تھا جس پر سید بشیر احمد نے پولیس کو درخواست دی جس پر ڈی پی او گجرات سید علی ناصر رضوی کے حکم پر پولیس نے چھاپہ مار کرقبضہ وارگزار کروا لیا ملزمان موقع سے فرار ہوگئے پولیس نے مقدمہ درج کرکے تفتیش شروع کر دی ہے اور ملزمان کی گرفتاری کیلئے چھاپہ مار ٹیمیں بھی تشکیل دے دی گئی ہے۔
