سٹیزن فرنٹ ضلع گجرات کی سپریم کونسل کا ماہانہ اجلاس آج 3جولائی 2013بروز بدھ بعد از نماز مغرب پونے آٹھ بجے حافظ نواب دین ہائوس طفیل سٹریٹ گرین ٹائون جلالپور جٹاں روڈ گجرات میں ہو گا
گجرات (جی پی آئی) سٹیزن فرنٹ ضلع گجرات کی سپریم کونسل کا ماہانہ اجلاس آج 3جولائی 2013بروز بدھ بعد از نماز مغرب پونے آٹھ بجے حافظ نواب دین ہائوس طفیل سٹریٹ گرین ٹائون جلالپور جٹاں روڈ گجرات میں ہو گا ، اجلاس کی صدارت سٹیزن فرنٹ ضلع گجرات کے صدر چوہدری علی ابرار جوڑا کرینگے ، اجلاس میں اہم امور پر تبادلہ خیال کیا جائیگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کی ماڈل کالونی ماڈل ٹائون مسائل کا سے دوچار ہو گئی
گجرات (جی پی آئی) گجرات کی ماڈل کالونی ماڈل ٹائون مسائل کا سے دوچار ہو گئی ، جگہ جگہ گندگی کے انبار اور گندے پانی نے عوام کا جینا محال کر دیا ہے ، عوام نے اس پر شدید احتجاج کیا ہے ، تفصیلات کے مطابق کمرشل سنٹر ماڈل ٹائون گجرات کے پیچھے واقعہ بلاک میں گندے پانی نے عوام کو مختلف مسائل سے دوچار کر دیا ہے ، گزشتہ چھ ماہ سے یہاں پر گندا پانی کھڑا ہے اور اس میں کائی جم گئی ہے اور اس سے مختلف امراض پھوٹنے کا اندیشہ ہے ، علاقہ کے سیاسی و سماجی حلقوں نے کہا ہے کہ اگر ٹی ایم اے گجرات نے اس سلسلہ میں فوری ایکشن نہ لیا تو ہم ان کے خلاف احتجاج کرینگے اور اگر وبائی امراض سے کوئی نقصان ہوا تو ٹی ایم او کے خلاف مقدمہ درج کروایا جائیگا ، عوامی حلقوں نے مطالبہ کیا ہے کہ اس سلسلہ میں فوری ایکشن لیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کی ممتا ز کاروباری شخصیت چوہدری عمر گجر ناروے ،ڈنمار ک ، پولینڈ اور جرمنی کے دورہ کے بعد اٹلی پہنچ گئے ہیں
گجرات (جی پی آئی) گجرات کی ممتا ز کاروباری شخصیت چوہدری عمر گجر ناروے ، ڈنمار ک ، پولینڈ اور جرمنی کے دورہ کے بعد اٹلی پہنچ گئے ہیں ، اٹلی پہنچنے پر چوہدری کاشف شہزاد ، چوہدری حسنین نے ان کا استقبال کیا ، چوہدری عمر گجر مختلف شخصیات سے ملاقاتیں کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاکھوں روپے مالیت سے سابقہ ضلعی حکومت کی طرف سے بنایا جانے والا ماڈل پارک ماڈل ٹائون جنگل کا منظر پیش کر رہا ہے
گجرات (جی پی آئی) لاکھوں روپے مالیت سے سابقہ ضلعی حکومت کی طرف سے بنایا جانے والا ماڈل پارک ماڈل ٹائون جنگل کا منظر پیش کر رہا ہے ، مناسب دیکھ بھال نہ ہونے کی وجہ سے ہر طرف خود رو بوٹیاں موجود ہیں اور یہ پارک مختلف موذی کیڑوں کی آماجگاہ بنا ہوا ہے ، ٹی ایم اے گجرات نے اس سلسلہ میں کوئی کاروائی نہیں کی ، عوامی حلقوں نے ڈی سی او گجرات سے مطالبہ کیا ہے کہ از خود نوٹس لیتے ہوئے اس سلسلہ میں کاروائی کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت سائیں کرم الٰہی سرکارالمعروف کانواں والی سرکار کا سالانہ عرس مبارک اختتام پذیر ہو گیا ، گدی نشین سائیں اختر حسین کی سربراہی میں
گجرات (جی پی آئی) حضرت سائیں کرم الٰہی سرکارالمعروف کانواں والی سرکار کا سالانہ عرس مبارک اختتام پذیر ہو گیا ، گدی نشین سائیں اختر حسین کی سربراہی میں میلے کے سلسلہ میں شاندار انتظامات کیے گئے ، شرکاء کو لنگر فراہم کیا گیا ، لوگوں کی تفریح کے لئے بھی مختلف سرکس بھی لگے تھے ، عرس کے سلسلہ میں ملک بھر سے زائرین نے گجرات آ کر عرس میں شرکت کی اور دعائیں کیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات میں ہومیو پیتھک ڈگری کورس کے اجراء کیلئے ایک کمیٹی کا اجلاس
گجرات (جی پی آئی) یونیورسٹی آف گجرات میں ہومیو پیتھک ڈگری کورس کے اجراء کیلئے ایک کمیٹی کا اجلاس زیر صدارت چیئرمین بی ایچ ایم ایس کمیٹی پروفیسر ڈاکٹر سجاد حسین پرنسپل نواز شریف میڈیکل کالج منعقد ہوا ، جس میں یونیورسٹی آف گجرات میں ہومیو پیتھک ڈگری کورس کے اجراء کیلئے مختلف تجاویز پر غور کیا گیا ، گجرات ہومیو پیتھک ڈاکٹرز کمیونٹی کے ایجوکیشنل کنسلٹنٹ ڈاکٹر محمد ارشد المعروف ماس نے یہ مطالبہ کیا کہ یونیورسٹی آف گجرات میں ہومیو پیتھک ڈگری کورس کا جلد اجراء کیا جائے ، انہوں نے کمیٹی کے اراکین رجسٹرار ڈاکٹر طارق عقیل ، ڈائریکٹر ایمیلیمنٹیشن اینڈ کوارڈنیشن ڈاکٹر سید طلعت شاہ ، ہیڈ آف بائیو کمیسٹری ڈیپارٹمنٹ ڈاکٹر ساجد محمود ، ایڈیشنل رجسٹرار تنزیلہ ، ڈاکٹر اشفاق ربانی ، ڈاکٹر و حکیم سید صابر علی اور ملک کے مایہ ناز ہومیو پیتھک معالج ڈاکٹر لیاقت علی مہر کی تعلیم اور اسکی ترویج میں نمایاں خدمات ادا کرنے پر خراج تحسین پیش کیا ، انہوں نے بریفنگ میں ہومیو پیتھی طریقہ علاج کی ملک میں روز بروز ترقی اور اچھی شہرت کا تذکرہ کرتے ہوئے بتایا کہ اس وقت 5سے زائد یونیورسٹیز میں ہومیو پیتھک ڈگری کورس کامیابی سے جاری ہے اس وقت ملک میں 500سے زائد ہومیو فارمیسز کام کر رہی ہیں ، حکومت نے انکے لئے ڈرگ ریگولیٹری اتھارٹی قائم کر دی ہے ، ہومیو ڈگری کورس HECسے منظور شدہ ہے ، اس لئے گجرات یونیورسٹی میں اس کا اجراء فی الفور کیا جائے تا کہ گجرات کے طلباء تعلیم حاصل کرنے کیلئے بہاول پور یا پشاور نہ جائیں ، کمیٹی نے ان گذارشات پر ہمدردانہ غور کا وعدہ کرتے ہوئے پہلے مرحلے میں اسلامیہ یونیورسٹی بہاول پور کا دورہ کا فیصلہ کیا تا کہ وہاں کے تعلیمی طریقہ کار کو سٹڈی کر کے گجرات یونیورسٹی میں اس کو شروع کرنے کیلئے جائزہ لیا جائے ، پاکستان ہومیو کمیونٹی کے ناظم اعلیٰ ڈاکٹر انجم نور دین نے یونیورسٹی کے وائس چانسلر ڈاکٹر نظام الدین کا شکریہ ادا کیا ہے جن کی علم دوستی کی وجہ سے یہ کمیٹی تشکیل دی گئی ہے ، جو تعلیم کے دروازہ ہر مکتبہ فکر کیلئے کھولنا چاہتے ہیں ، انہوں نے امید ظاہر کی کہ ہومیو ڈگری کورس کا اجراء اس سال شروع ہو جائے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر اور وزیراعظم آزاد کشمیر کے تمام کوآرڈی نیٹرز کو پیپلز پارٹی کی حکومت ختم ہوتے ہی ختم کر دیا گیا
گجرات (جی پی آئی) صدر اور وزیراعظم آزاد کشمیر کے تمام کوآرڈی نیٹرز کو پیپلز پارٹی کی حکومت ختم ہوتے ہی ختم کر دیا گیا جبکہ فارغ ہونے والے بعض کو آرڈی نیٹرز ابھی تک اپنے عہدوں کا ناجائز استعمال کر رہے ہیں بتایا گیا ہے کہ پیپلز پارٹی کی سابق حکومت نے گجرات سمیت دیگر اضلاع میں آزاد کشمیر کے صدر اور وزیراعظم کے مقرر ہونے والے کو آرڈی نیٹرز کو ختم کر دیا گیا ہے جبکہ بعض کو آرڈی نیٹرز ابھی تک اپنے عہدوں کا استعمال کر رہے ہیں دوسری طرف وزیراعظم آزاد کشمیر کے مقرر ہونے والے مشیران کو ابھی تک فارغ نہیں کیا گیا وہ بدستور اپنے عہدوں پر کام کر رہے ہیں پیپلز پارٹی کے دور حکومت میں مقرر ہونے والے کو آرڈی نیٹرز فارغ ہونے کے بعد سخت تشویش میں مبتلا ہیں یاد رہے کہ ان کو آرڈی نیٹرز کو حکومت آزاد کشمیر کی طرف سے ماہانہ 30 سے 35 ہزار روپے باقاعدہ طور پر تنخواہوں کی ادائیگی کی جاتی تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
5جولائی بروز جمعہ کی رات سیالکوٹ میں اور 6 جولائی بروز ہفتہ گوجرانوالہ میںVERTIGOنامی بیماری جس میں چکر آتے ہیں
گجرات (جی پی آئی) نواز شریف میڈیکل کالج یونیورسٹی آف گجرات کے شعبہ ناک ،کان اور گلا اور عزیز بھٹی شہید ٹیچنگ ہسپتال گجرات کے شعبہ ہیڈ و نیک سرجری کے ایسوسی ایٹ پروفیسر ظفر اقبال گل 5جولائی بروز جمعہ کی رات سیالکوٹ میں اور 6 جولائی بروز ہفتہ گوجرانوالہ میںVERTIGOنامی بیماری جس میں چکر آتے ہیں اور ہر چیز گھومتی ہوئی نظر آتی ہے کے موضوع پر اسکی تشخیص ، وجوہات اور علاج بارے خصوصی لیکچر دیں گے اور اس بارے عملی تربیت کا بھی اہتمام کریں گے۔ ان کے لیکچروں اور عملی تربیت میں سیالکوٹ اور گوجرانولہ کے معروف ڈاکٹر حضرات شرکت کریں گے اور ڈاکٹر ظفر گل کے VERTIGOنامی بیماری کے بارے میں عملی علم سے استفادہ کریں گے۔ یونیورسٹی آف گجرات گوجرانوالہ ڈویژن کے لوگوں کے علاج معالجہ اور اس علاقہ میں موجود ڈاکٹروں کی عملی تربیت کیلئے بڑھ چڑھ کر کوشاںہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف روحانی شخصیت حضرت کرم الٰہی المعروف سائیں کانواں والی سرکار کا عرس مبارک تیسرے روز بھی عقیدت مندوں مریدین کا ریکارڈ رش رہا
گجرات (جی پی آئی ) معروف روحانی شخصیت حضرت کرم الٰہی المعروف سائیں کانواں والی سرکار کا عرس مبارک تیسرے روز بھی عقیدت مندوں مریدین کا ریکارڈ رش رہا زائرین اور عقیدت مندوں نے تیسرے روز بھی دربار سائیں کانواں والی سرکار پر گھڑولیاں چڑھائیں اور ڈھول کی تھاپ پر دھمال ڈالا اس موقع پر پولیس کی بھاری نفری بھی موجود رہی یاد رہے کہ عرس مبارک کا آج آخری دن ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع میں اشیائے خوردو نوش کی قیمتوں کا ازسرنو تعین کر دیا گیا ہے
گجرات(جی پی آئی)ضلع میں اشیائے خوردو نوش کی قیمتوں کا ازسرنو تعین کر دیا گیا ہے جن پر عملدرآمد یقینی بنایاجائے گاجبکہ مصنوعی مہنگائی اور ذخیرہ اندوزی کے مرتکب افراد سے کوئی رعایت نہیں ہوگی۔ان خیالات کا اظہار ڈی سی او آصف بلال لودھی نے ڈسٹرکٹ پرائس کنٹرول کمیٹی کے اجلاس سے خطاب کرتے ہوئے کیا۔اے ڈی سی سمیر احمد سید، ڈی او سی شجاع قطب بھٹی، اسسٹنٹ کمشنرز عمر فاروق وڑائچ، افضل حیات ، ڈی او انڈسٹری اکرام الحق، ڈی ایف سی سید فرمان رضا ، ڈسٹرکٹ انفارمیشن آفیسر سید وقار حسین ، صدر مرکزی انجمن تاجراں جاوید بٹ، شیخ نصیر احمد، حاجی عبدالوحید ظفر اقبال، خادم علی خادم ، نمائندہ صارفین منور حسین کھوکھرودیگر افسران اور تاجر راہنمائوں اور تنظیموں سے تعلق رکھنے والے افراد نے اجلاس میں شرکت کی۔اجلاس میں مقررہ کردہ نرخوں کے مطابق 20کلو گرام آٹے کا تھیلا رمضان بازار میں 630روپے جبکہ مارکیٹ میں 670روپے میں فروخت ہوگا، چینی55روپے فی کلو گرام،دال چنا باریک 65روپے فی کلو، دال چنا موٹی 68روپے فی کلو گرام، کالاچنا 65روپے فی کلو گرام، سفید چنا (لوکل)80روپے فی کلو گرام، سفید چنے (کینڈین)112روپے فی کلو گرام، دال مونگ باریک چھلکے والی120روپے فی کلو گرام، دال مونگ موٹے چھلکے والی 125روپے فی کلو گرام، دال مونگ دھلی ہوئی130روپے فی کلو گرام، دال ماش باریک120روپے فی کلو گرام، دال ماش موٹی (چمن)140روپے فی کلو گرام، دال مسور باریک 106روپے فی کلو گرام، دال مسور موٹی85روپے فی کلو گرام، سرخ مرچ (پسی ہوئی)200روپے فی کلو گرام، سپر باسمتی چاول(نئے)130روپے فی کلو گرام، بیسن 70روپے فی کلو گرام، کھلا گھی، چھوٹا گوشت 525روپے فی کلو گرام، بڑا گوشت260روپے فی کلو گرام، دودھ 60روپے فی لٹر، دہی68روپے فی کلو گرام، روٹی 100گرام5روپے، نان 100گرام6روپے میں فروخت ہوگی۔چکن اور سبز ی کے ریٹس مارکیٹ کے مطابق روزانہ کی بنیا د پر طے ہوں گے۔اجلاس سے خطاب کرتے ہوئے صد ر انجمن تاجراں جاوید بٹ، شیخ نصیر احمد، خادم علی خادم و دیگر نے بھی اس موقع پر اظہار خیال کیا اور یقین دلایاکہ وہ رمضان بازاروں کے انعقاد او ر طے شدہ نرخوں کے نفاذ کے لئے ضلعی انتظامیہ سے مکمل تعاون کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ آفیسر کو آرڈی نیشن گجرات قطب شجاع بھٹی نے بتایا ہے
گجرات (جی پی آئی ) ڈسٹرکٹ آفیسر کو آرڈی نیشن گجرات قطب شجاع بھٹی نے بتایا ہے کہ ضلعی انتظامیہ گجرات نے ضلع بھر کے ٹرانسپورٹروں کو اپنی گاڑیوں میں دو سی این جی گیس سلنڈر لگانے کی اجازت نہیں دی میڈیا سے گفتگو کرتے ہوئے انہوں نے کہا کہ جو ٹرانسپورٹر خلاف ورزی کرتا ہوا نظر آیا اس کی گاڑی بند کر دی جائے گی اور مالک کے خلاف مقدمہ درج کیا جائے گا انہوں نے کہا کہ ان گاڑیوں میں ہی سی این جی گیس سلنڈر لگانے کی اجازت دی جائے گی جن کے پاس اوگرا کے فٹنس سرٹیفکیٹ ہوں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں سیکرٹری آر ٹی اے ڈی ایس پی ٹریفک موٹر وہیکلز ایگزامینر اور ایم ایم پی آئی کی سیٹس عرصہ دراز سے خالی ہونے کی وجہ سے لوگوں کو دشواریوں کا سامنا کرنا پڑ رہا ہے
گجرات (جی پی آئی ) گجرات میں سیکرٹری آر ٹی اے ڈی ایس پی ٹریفک موٹر وہیکلز ایگزامینر اور ایم ایم پی آئی کی سیٹس عرصہ دراز سے خالی ہونے کی وجہ سے لوگوں کو دشواریوں کا سامنا کرنا پڑ رہا ہے جبکہ افسران گجرات کو مشکل ضلع قرار دے کر یہاں آنے سے کتراتے ہیں شہریوں نے حکومت پنجاب سے ان سیٹوں پر فوری طور پر افسر تعینات کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹانڈہ میں نامعلوم افراد نے نوجوان کو قتل کر کے اس کے ٹکڑے سڑک پر پھینک کر فرار ہو گئے
گجرات (جی پی آئی ) ٹانڈہ میں نامعلوم افراد نے نوجوان کو قتل کر کے اس کے ٹکڑے سڑک پر پھینک کر فرار ہو گئے گذشتہ روز نواحی گائوں رندھیر میں نامعلوم افراد نے ایک نامعلوم شخص کو قتل کرنے کے بعد نعش کے ٹکڑے کر کے گائوں کی سڑک پر پھینک کر فرار ہو گئے پولیس تھانہ ٹانڈہ نے اطلاع ملنے پر موقع پر پہنچ کر نعش کے ٹکڑے پوسٹمارٹم کیلئے عزیز بھٹی ہسپتال گجرات پہنچا دئیے ہیں اور نامعلوم ملزمان کے خلاف مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات اور گردونواح کے علاقوں میں بجلی کی بدترین لوڈشیڈنگ کا سلسلہ جاری ہے
گجرات (جی پی آئی ) گجرات اور گردونواح کے علاقوں میں بجلی کی بدترین لوڈشیڈنگ کا سلسلہ جاری ہے شدید گرم موسم میں شہریوں کو مشکلات کا سامنا ہے گجرات شہر اور گردونواح کے دیہاتی علاقوں میں بجلی کی غیر اعلانیہ لوڈشیڈنگ کا سلسلہ 18 گھنٹے تک پہنچ گیا ہے گذشتہ روز سات سات گھنٹے کی مسلسل لوڈشیڈنگ نے شدید گرم موسم میں شہریوں کا بھرکس نکال دیا ہے بجلی اور پانچ کی عدم دستیابی سے شہریوں کا برا حال ہو چکا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قرآن و سنت کی پس پشت ڈال کر معاشرہ تباہی کے دھانے پر پہنچ چکا
گجرات (جی پی آئی ) قرآن و سنت کی پس پشت ڈال کر معاشرہ تباہی کے دھانے پر پہنچ چکا معاشرتی اصلاح کیلئے خطباء و آئمہ مساجد الیکٹرانک و پرنٹ میڈیا و دیگر موثر ذرائع کو بروئے کار لا کر بہتر نتائج حاصل کیے جا سکتے ہیں ان خیالات کا اظہار مرکزی جمعیت اہل حدیث ضلع گجرات کے امیر صاحبزادہ مولانا حافظ طارق محمود یزدانی اور ضلع ناظم گجرات مولانا عبدالواحد سلفی نے گذشتہ روز مرکزی جامع مسجد صدیقیہ اہل حدیث سرگودھا روڈ گجرات میں ضلعی کابینہ کے اجلاس سے خطاب کرتے ہوئے کیا انہوں نے کہا کہ جدید ٹیکنالوجی کے مثبت استعمال سے معاشرتی اصلاح کا زبردست کام لیا جا سکتا تھا مگر جدید ٹیکنالوجی کے بے دریغ منفی استعمال سے معاشرتی بگاڑ میں بے پناہ اضافہ اور اخلاقی اقدار شکست و ریخت کا شکار ہو چکی ہیں اس موقع پر ضلعی فنانس سیکرٹری محمد شفیع صابر حافظ محمد شعیب سٹی ناظم گجرات مولانا محمد یحییٰ واہلہ امیر شہر گجرات چوہدری بشیر احمد حافظ عبدالوہاب عابد حاجی محمد ارشد اور ذیشان مسعود قدوسی نے بھی اظہار خیال کیا۔
Related Posts
