گجرات ٹریول ایجنٹ ایسوسی ایشن کی جانب سے سید آصف رضا نقوی آف پیس ٹریولز کے اعزاز میں فیصل ہوٹل میں ایک تقریب کا انعقاد کیا گیا
گجرات (جی پی آئی) گجرات ٹریول ایجنٹ ایسوسی ایشن کی جانب سے سید آصف رضا نقوی آف پیس ٹریولز کے اعزاز میں فیصل ہوٹل میں ایک تقریب کا انعقاد کیا گیا ، جس میں TAAGگجرات کے صدر عبدالطیف بٹ منان ٹریولز ، مرزا عبدالقیوم گلوبل ٹریولز ، پرویز بٹ فاران ٹریولز ، چوہدری محمد ذاکر سکوپ ٹریولز، کرنل محمد الیاس الطیب ٹریولز ، سید بلال حیدر اے بی سید ٹریولز ، طاہر ابراہیم الصبحان ٹریولز، حسن عادل سفینہ احد ٹریولز، شیراز احمد گھرال محسن ٹریولز ، محمد عارف العمران ٹریولز ، ملک عمران آصف ملک ٹریولز ، عبدالرئوف رائل ورلڈ ٹریولز ، سید قمر عباس SMHشاہ ٹریولز، شبیر احمد کھوکھر ، پاک کھوکھر ٹریولز ، عارف محمود اقصیٰ ٹریولز ، سید علی معظم تقی ٹریولز ، محمد صغیر حسین مڈ سٹی ٹریولز ، وقار احمد بٹ میاں ٹریولز ، چوہدری علی نواز ، ڈھینڈ ٹریولز ، مہر امجد حسین مائوٹو ٹریولز، محمد انور ایڈووکیٹ پاک جدہ ٹریولز، کرنل (ر) پرویز غنی سن رائیز ٹریولز، اور ملک احسان الٰہی گرین لینڈ ٹریولز نے شرکت کی اور سید آصف رضا نقوی کو گجرات چیمبر آف کامرس کا سینئر نائب صدر بننے پر مبارک باد پیش کی اور TAAGکی طرف سے بھرپور تعاون کا یقین دلایا ، جبکہ پرویز بٹ کی والدہ کے ایصال ثواب کیلئے دعا بھی کی گئی اور مختلف معاملات کیلئے TAAGکی مصالحتی کمیٹی کا اعلان بھی کیا گیا ، سید آصف رضا نقوی نے اپنے خطاب میں چیمبر کے فورم پر ٹریول ٹریڈ کی فلاح و بہبود کیلئے بھرپور کام کرنے کا عہد کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عید قربان نزدیک آتے ہی قربانی کے جانوروں کے نرخ آسمانوںکو چھونے لگے
گجرات(جی پی آئی)عید قربان نزدیک آتے ہی قربانی کے جانوروں کے نرخ آسمانوںکو چھونے لگے، متوسط طبقہ نے فیصلہ کیا ہے ، کہ اس دفعہ عید قربان پر جانوروںکی بجائے مرغیاں ذبخ کریں گے، ایک سروے کے مطابق عید قربان جوں جوں نزدیک آرہی ہے، بکروں اور دوسرے قربانی کے جانوروں کی قیمتیں آسمانوں کو چھونے لگی ہیں،عام دنوں میں فروخت ہونے والے جانور جن کی قیمتیں 10ہزار تک تھیں ، ان دنوں ان جانوروں کی قیمت 30ہزار سے 40ہزار تک جا پہنچی، اور گائے جو کہ عام دنوں میں 20سے30ہزارکی ملتی ہے، ان دنوں ان جانوروں کی قیمت 50سے 60ہزار سے بھی زیادہ مانگتے ہیں،متوسط طبقہ کے لوگوں نے بتایا کہ اگر جانوروں کی قیمتیں ایسے ہی بڑھتی رہیں، تو لوگ جانوروں کی قربانی کی بجائے، مرغیاں ذبخ کرنے پر مجبور ہو جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پشاور گرجا گھر کے سانحہ کو گزرے کئی دن گزر جانے کے باوجود دل خون کے آنسو رورہا ہے:چوہدری نصیر احمد سندھو
گجرات(جی پی آئی)پاکستان مسلم لیگ یوتھ ونگ سٹی کے صدر چوہدری نصیر احمد سندھو نے اپنے بیان میں کہا کہ پشاور گرجا گھر کے سانحہ کو گزرے کئی دن گزر جانے کے باوجود دل خون کے آنسو رورہا ہے، انہوں نے کہا کہ ہم پچھلہ واقعہ لاہور والا نہیں بھول سکے ، اور اب اس واقعہ کو کیسے بھولا جائے، حکومت نے عوام سے جھوٹ کی بنیاد پر اتنا بڑا مینڈیٹ حاصل کر نے والے عوام سے شرمندگی پر اپنے منہ چھپاتے پھر رہے ہیں، حکومت نے جھوٹ فریب غریت مفلسی کے سوا عوام کو کچھ نہیں دیا، اور نہ ہی کوئی امید کی جا سکتی ہے،90دنوں کی کارکردگی دیکھیں تو حکومت ان 90دنوں میں بری طرح ناکام ہو چکی ہے، بجلی کے نرخ بھی کنٹرول نہ ہو سکے، اور عوام سے جھوٹے وعدے کرنے والے آ ج عوام سے بھاگتے نظر آرہے ہیں، انہوں نے کہا کہ ہم مسیحی برادری کے غم میں برابر کے شریک ہیں، اور ہم اس حکومت کے ٹھیکیداروں سے پر زور اپیل کرتے ہیں ، کہ اس واقعہ کے مستحقین کی مدد کی جائے ، اور مجرموں کو سخت سے سخت سزا دی
جائے، اور غیر مسلموں کو سخت سیکورٹی مہیا کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج جامعہ سیدنا علی کچہری چوک گجرات میں ظہر تا عصر” تاجدار ختم نبوت” کے انتظامات مکمل کر لئے گئے
گجرات (جی پی آئی) آج جامعہ سیدنا علی کچہری چوک گجرات میں ظہر تا عصر” تاجدار ختم نبوت” کے انتظامات مکمل کر لئے گئے ۔ڈی پی او گجرات نے سیکورٹی کیلئے خصوصی احکام جاری کر دیئے ۔وکلائ، تاجر ،اساتذہ وطلبہ ، ڈاکٹرز ،کسان ومزدور اور دیگر شعبہ زندگی کے لوگوں کانفرنس میں بھر پور شرکت کررہے ہیں ۔تنظیم اہلسنت سٹی گجرات نے سیکورٹی سمیٹ متعدد کمیٹیاں تشکیل دے دی ہیں۔کانفرنس میں ختم نبوت اور فتنہ قادیانیت پر علمی وتحقیقی لٹریچر بھی تقسیم کیا جائے گااور اہم قرار دیں پیش کی جائیں گی۔کانفرنس کی صدارت دربار ِ عالیہ امیر ملت علی پور شریف کے سجادہ نشین حضرت پیر سید منور حسین جماعتی کریں گے جبکہ کثیر تعداد میں سنی علماء ومشائخ بھی موجود ہوں گے۔تنظیم اہلسنت کے مرکزی امیر صاحبزادہ پیر محمد افضل قادری نے مسلمانوں سے اپیل کی ہے کہ وہ کانفرنس میں بھر پور شرکت کریں اور منکرین ختم نبوت اور دیگر کفر الحادوبے رہروی کے فتنوں کا ڈٹ کر مقابلہ کر کے تمام فتنوں کی مکمل بیخ کنی کر دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں پرائیوٹ سکول کے ٹیچر نے دوسری جماعت کے دو طالب علموں پر تشدد کر کے زخمی کر دیا
گجرات (جی پی آئی) گجرات میں پرائیوٹ سکول کے ٹیچر نے دوسری جماعت کے دو طالب علموں پر تشدد کر کے زخمی کر دیا والدین کا شدید احتجاج شاہدولہ روڈ پر واقع ایک پرائیوٹ سکول کے ٹیچر یاسر نے سکول کے دوسری جماعت میں زیر تعلیم کمسن بچوں شاہد اور احمد کو تشدد کا نشانہ بنا کر شدید زخمی کر دیا جس پر بچوں کے والدین نے شدید احتجاج کرتے ہوئے مطالبہ کیا کہ ڈی سی او گجرات ٹیچر کے خلاف کارروائی کریں تشدد سے بچوں کے سر اور چہرے پر شدید چوٹیں آئیں ٹیچر یاسر نے بتایا کہ بچوں نے ہوم ورک نہیں کیا تھا جس پر معمولی ڈانٹ ڈپٹ کی بچوں پر تشدد نہیں کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں ایک نجی بینک میں اچانک شارٹ سرکٹ سے آگ بھڑک اٹھنے سے بینک کی بالائی منزل جل کر خاکستر ہو گئی
گجرات ( جی پی آئی ) گجرات میں ایک نجی بینک میں اچانک شارٹ سرکٹ سے آگ بھڑک اٹھنے سے بینک کی بالائی منزل جل کر خاکستر ہو گئی گذشتہ روز جی ٹی روڈ پر قائم ایک نجی بینک میں اچانک شارٹ سرکٹ سے آگ لگ گئی جس سے بینک کی بالائی منزل جل کر خاکستر ہو گئی اطلاع ملنے پر 1122 کی فائر بریگیڈ نے دو گھنٹے کی مسلسل کوشش کے بعد آگ پر قابو پا لیا آگ سے بینک کا ریکارڈ بھی جل گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلز پارٹی انقلابی کونسل کے ضلعی صدر چوہدری جاوید گجر دورئہ ناروے کے بعد گذشتہ روز بلجیم پہنچ گئے
گجرات (جی پی آئی) پاکستان پیپلز پارٹی انقلابی کونسل کے ضلعی صدر چوہدری جاوید گجر دورئہ ناروے کے بعد گذشتہ روز بلجیم پہنچ گئے بلجیم پہنچنے پر پاکستانی کمیونٹی کے ممتاز رہنما خواجہ حماد نے ان کا شاندار استقبال کیا جبکہ مسلم لیگ ن گجرات کے ممتاز رہنما اور بلجیم میں مقیم پاکستانی کمیونٹی کے رہنمائوں میاں شاہد نے چوہدری جاوید گجر کے اعزاز میں پرتکلف ظہرانہ دیا ظہرانہ میں پاکستانی کمیونٹی کے ممتاز رہنمائوں نے شرکت کی چوہدری جاوید گجر دورئہ بلجیم کے بعد ہالینڈ جرمن اور فرانس کا بھی دورئہ کریں گے اور وہاں پر مقیم پاکستانی کمیونٹی کے نمائندوں سے ملاقاتیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عیدالاضحی کے قریب آتے ہی گجرات میں جگہ جگہ قربانی کے جانوروں کی منڈیاں لگ گئیں
گجرات (جی پی آئی) عیدالاضحی کے قریب آتے ہی گجرات میں جگہ جگہ قربانی کے جانوروں کی منڈیاں لگ گئیں قربانی کے جانور بیوپاری گلی محلوں سڑکوں اور شاہراہوں پر فروخت کرنے کیلئے گھومتے پھرتے ہیں ضلعی انتظامیہ کی جانب سے ابھی تک گجرات میں قربانی کے جانوروں کیلئے کوئی پوائنٹ قائم نہیں کئے گئے جس کی وجہ سے منڈیوں میں آئے روز لڑائی جھگڑے کے واقعات بھی معمول بن چکے ہیں دور دراز سے آئے ہوئے بیوپاری جو خالی پلاٹ اور جگہ دیکھتے ہیں وہاں قربانی کے جانور باندھ کر قبضہ کر لیتے ہیں دوسری طرف قربانی کے جانوروں کی قیمتیں شہریوں کی پہنچ سے دور ہو گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگی رہنما خرم شہزاد بٹ فخر اسلام نگر نے کہا ہے کہ مسلم لیگ کی حکومت عوام کو مکمل طور پر ریلیف دے رہی ہے
گجرات (جی پی آئی ) مسلم لیگی رہنما خرم شہزاد بٹ فخر اسلام نگر نے کہا ہے کہ مسلم لیگ کی حکومت عوام کو مکمل طور پر ریلیف دے رہی ہے اور ان کے مسائل ان کی دہلیز پر حل کر رہی ہے ان خیالات کا اظہار انہوں نے گذشتہ روز اخباری نمائندگان سے بات چیت کرتے ہوئے کیا انہوں نے کہا کہ میاں نوازشریف اور میاں شہباز شریف صحیح معنوں میں عوام کے خادم ثابت ہوئے ہیں اور عوامی مسائل کے حل کیلئے دن رات کام کر رہے ہیں سیلاب یا کوئی بھی آفت ہو میاں شہباز شریف اپنی ٹیم کے ہمراہ متاثرہ علاقوں میں پہنچ کر غریب عوام کی خدمت میں مصروف عمل رہتے ہیں انہوں نے مزید کہا کہ حکومت دہشت گردی کے خاتمہ کیلئے بھی بھرپور اقدامات کر رہی ہے اور آخری دہشت گرد کے خاتمہ تک حکومت چین سے نہیں بیٹھے گی۔
Related Posts
