تبلیغ دین کی عالمی تنظیم تبلیغ اسلامی کے زیر اہتمام آج 20رمضان المبارک بمطابق 30جولائی 2013ء بروز منگل بعد نماز عصر مرکزی جامع مسجد عید گاہ جی ٹی روڈ گجرات میں احتجاجی اعتکاف ہو گا
گجرات ( جی پی آئی ) تبلیغ دین کی عالمی تنظیم تبلیغ اسلامی کے زیر اہتمام آج 20رمضان المبارک بمطابق 30جولائی 2013ء بروز منگل بعد نماز عصر مرکزی جامع مسجد عید گاہ جی ٹی روڈ گجرات میں احتجاجی اعتکاف ہو گا، احتجاجی اعتکاف میں ہر سال کی طرح امسال بھی گجرات کے سینکڑوں نوجوان و بزرگ اعتکاف بیٹھے گئے، احتجاجی اعتکاف میں روزانہ تلاوت و نعت اور درس قرآن ہوا کرئے گا، ملک کے ممتاز علماء کرام درس قرآن دیا کرینگے ، احتجاجی اعتکاف میں سحری و افطاری کا اجتماعی طور پر انتظام ہو گا، پندرہ سال سے کم عمر بچوں کو اعتکاف کی اجازت نہ ہو گی، اور نہ ہی دوران اعتکاف موبائل استعمال کرنے کی اجازت ہو گی، تبلیغ اسلامی کے نگران غلام یاسین قادری اور قاری امجد حسین قادری نے اجتماعی اعتکاف کی تمام تر تیاریاں مکمل کر لیں ہیں،ا عتکاف میں بیٹھنے والے افراد تبلیغ اسلامی کے مرکز نزد دربار حضرت سائیں کانواں والی سچی سرکار گجرات میں اپنا نام درج کروالیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب نعت کونسل کا تعزیتی اجلاس صدر شیخ عرفان پرویز کی زیر صدارت منعقد ہوا
گجرات ( جی پی آئی )پنجاب نعت کونسل کا تعزیتی اجلاس صدر شیخ عرفان پرویز کی زیر صدارت منعقد ہوا ، اجلاس میں نوجوان صحافی آکاش نیاز کی والدہ محترمہ کی وفات پر فاتحہ خوانی کی گئی اور دعا کی گئی کہ اللہ تبارک و تعالیٰ مرحومہ کو جنت الفردوس میں اعلیٰ مقام عطا کرئے اور آکاش نیازی کو یہ عظیم صدمہ برداشت کرنے کی ہمت عطا کرئے، اجلاس میں مرزا محمد الیاس جرال، سیٹھ ظہیر عباس صراف، مہر عثمان عرف شاری، شیخ سہیل منیر، اورنگزیب میر، عامر چوہدری، گل خان، ڈاکٹر رزاق احمد غفاری اور تنویر بھٹی بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمبل بازار شہر میں مسلح خواتین سمیت نصف درجن کے قریب افراد نے جدید اسلحہ سے اندھا دھند فائرنگ کر کے ایک پولیس کانسٹیبل سمیت دو افراد کو قتل جبکہ دو افراد کو شدید زخمی کر دیا
گجرات ( جی پی آئی ) تمبل بازار شہر میں مسلح خواتین سمیت نصف درجن کے قریب افراد نے جدید اسلحہ سے اندھا دھند فائرنگ کر کے ایک پولیس کانسٹیبل سمیت دو افراد کو قتل جبکہ دو افراد کو شدید زخمی کر دیا بتایا جاتا ہے کہ تنویر بٹ عرف تیرا پہلوان کی اہلیہ اور دو لڑکیوں اور ایک لڑکے سمیت دیگر افراد نے تمبل بازار میں بابر بٹ وغیرہ پر فائرنگ کھول دی جس سے بابر بٹ اور ایک پولیس کانسٹیبل سلیم شاہ تعینات تھانہ سول لائن ہلاک کر دیا جبکہ بابر بٹ کے دو بھائی ہارون بن طارق ناصر بن طارق زخمی ہو گئے ہیں وقوعہ کے بعد بازار بھگدڑ مچ گئی بی ڈویژن پولیس وقوعہ کی اطلاع ملتے ہی موقع پر پہنچ گئی ایس ایچ او تھانہ بی ڈویژن محمد اقبال گجر انسپکٹر پولیس کی نفری کے ہمراہ موقع پر پہنچ گئے اور انہوں نے ہلاک ہونے والے افراد کو پوسٹمارٹم کیلئے جبکہ زخمی ہونے والے افراد کو طبی امداد کیلئے عزیز بھٹی شہید ہسپتال منتقل کر دیا ہے اور پولیس تحقیقات کر رہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں عیدالفطر کی آمد قریب آنے پر بازاروں میں رش بڑھ گیا
گجرات (جی پی آئی) گجرات میں عیدالفطر کی آمد قریب آنے پر بازاروں میں رش بڑھ گیا شہری عید کی خریداری میں مصروف ہو گئے رمضان المبارک کے اختتام اور عید الفطر قریب آنے پر شہری عیدالفطر کی تیاریوں میں مصروف ہو گئے شہر بھر کے شاپنگ سینٹروں اور بازاروں میں خریداری کیلئے آنے والوں کا رش بڑھ گیا ہے عید کے حوالہ سے شہری نئے کپڑے خریدنے اور خواتین کپڑوں کے علاوہ چوڑیاں مہندی خرید رہی ہیں جبکہ بچوں میں بھی عید کا کافی جوش و خروش پایا جاتا ہے اور بچے بھی عید کی تیاریوں میں سب سے زیادہ بڑھ چڑھ کر حصہ لے رہے ہیں درزیوں نے بھی کپڑوں کے نئے آرڈرز لینے بند کر دئیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
DPOگجرات سید علی ناصر رضوی کی رمضان کے آخری عشرے میں امن وامان کیلئے خصوصی میٹنگ
گجرات (جی پی آئی) DPOگجرات سید علی ناصر رضوی کی رمضان کے آخری عشرے میں امن وامان اور شہادت حضرت علی کے سلسلہ میں تما م SHO,sاور SDPO,sکے ساتھ پولیس لائن گجرات میں خصوصی میٹنگتفصیلات کے مطابق DPOگجرات سید علی ناصر رضوی نے تما م SHO,sاور SDPO,s کے ساتھ پولیس لائن گجرات میں خصوصی میٹنگ کی ۔جس میں DPOگجرات سید علی ناصر رضوی نے تما م SHO,sاورSDPO,sکو سختی سے ہدائیت کی کہ وہ رمضان بالخصوص آخری عشرے میں اپنے اپنے علاقہ کی مارکیٹوں میں امن وامان کو یقینی بنانے کیلئے پویس پٹرولنگ اور سکیورٹی ڈیوٹی کو موثر بنائیں ۔اور مساجد و امام بارگاہوں کی سیکورٹی ڈیوٹی کو خود چیک کرکے روزانہ کی بنیاد پر ڈائری بھجوائیں ۔انہوں نے مزید کہا کہ اکیس رمضان شہادت حضرت علیکے سلسلہ میں مجالس کی سیکورٹی کو فول پروف بنائیں اور کسی بھی ناخوشگوار واقعہ سے نبٹنے کے لئے پہلے سے تیار رہیں۔DPOگجرات نے کہا کہ ڈیوٹی سے غفلت ولاپرواہی کو کسی صورت برداشت نہیں کیا جائے گا۔
Related Posts
