گجرات (جی پی آئی) آج کے بچے کل کے حکمران ہیں ، بچوں کی بہترین تعلیم و تربیت کا اہتمام کرنا ہم سب کا فرض ہے ، ان خیالات کا اظہار ممبر صوبائی اسمبلی حاجی عمران ظفر نے گزشتہ روز دی ایجوکیٹرز بارہ دری کیمپس میں منعقدہ تقریب تقسیم انعامات کے موقع پر کیا ، انہوں نے کہا کہ موجودہ حکومت فروغ تعلیم کے سلسلہ میں اقدامات کر رہی ہے اور خادم اعلیٰ پنجاب میاں شہباز شریف اور میاں نواز شریف نے فروغ تعلیم کے سلسلہ میں گراں قدر خدمات سرانجام دیں ہیں ، اور نوجوان نسل کو آگے بڑھنے کے مواقعے فراہم کیے ہیں ، اربوں روپے کے لیپ ٹاپس اور وظائف طلباء کو دئیے جا رہے ہیں ، گجرات میں نواز شریف میڈیکل کالج کی صورت میں بہت بڑا تحفہ دیا گیا ہے ، جس سے اس سال پچاس ڈاکٹرز فارغ التحصیل ہو رہے ہیں ، یہ سب میاں شہباز شریف کے ویژن کا نتیجہ ہے ، انہوں نے کہا کہ دی ایجوکیٹرز بارہ دری کیمپس میں جب بھی آتا ہوں کچھ نہ کچھ نیا نظر آتا ہے ، آج خصوصاً مجھے یہ دیکھ کر خوشی ہوئی ہے کہ حفاظ کرام فارغ التحصیل ہو رہے ہیں ، دین و دنیا کی تعلیم یکساں دی جا رہی ہے ، میں شہزاد شفیق کیلئے دعا گو ہوں ، ممتاز ماہر تعلیم صدارتی ایوارڈ یافتہ پروفیسر ڈاکٹر ڈاکٹر احمد حسین قریشی قلعداری نے کہا کہ مجھے میرے ہونہار شاگرد شہزاد شفیق پر فخر ہے کہ وہ جس انداز میں عوام کی خدمت کر رہا ہے ، اچھے لوگ ہی ہمیشہ عوام کی خدمت کرتے ہیں ، شہزاد شفیق کو اللہ تعالیٰ جزا دے گا میں شہزاد شفیق کیلئے دعا گو ہوں ، انہوںنے کہا کہ پاکستان کے حصول کے سلسلہ میں ہمارے بزرگوں نے جو قربانیاں دیں ، اس کے نتیجہ میں ملک میں ترقی ہو رہی ہے ، اور میں امید کرتا ہوں کہ یہ مشن جاری رہے گا ، مرزا نعیم چیف ایگزیکٹو FM105نے کہا کہ دی ایجوکیٹرز بارہ دری کیمپس بلاشبہ اپنے فرائض بہتر طریقہ سے سرانجام دے رہا ہے ، اور ہم دی ایجوکیٹرز بارہ دری کیمپس کے ایڈمنسٹریٹر شہزاد شفیق کو خراج تحسین پیش کرتے ہیں کہ وہ جس انداز میں عوام کو تعلیم کی دولت سے مستفید کر رہے ہیں ، اس سے عوام کو سہولت ملے گی انہوں نے کہا کہ تعلیم کے سلسلہ میں ہر شہری کو اپنا کردار احسن طریقہ سے سرانجام دینا چاہیے ، ایگزیکٹو ڈسٹرکٹ آفیسر کمیونٹی ڈویلپمنٹ چوہدری محمد نواز نے کہا کہ وہی ملک ترقی کرتا ہے جس میں نوجوان نسل پڑھی لکھی اور محنتی ہو اور آج ہمیں خوشی ہے کہ دی ایجوکیٹرز بارہ دری کیمپس اپنے فرائض سے آگاہ ہے اور عوام کی خدمت کیلئے کام ہو رہا ہے ، اس موقع پر مس شکیلہ چوہدری ای ڈی او لاء گوجرانولہ ، کیپٹن محمد ارشد و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) دی ایجوکیٹرز بارہ دری کیمپس میں سالانہ تقریب تقسیم انعامات منعقد ہوئی ، جس میں سکینڈری سیکشن بوائز و شعبہ حفظ کے طلباء و طالبات میں انعامات تقسیم کیے گئے ، تقریب کی صدارت پروفیسر ڈاکٹر ڈاکٹر احمد حسین قریشی قلعداری نے کی ، جبکہ مہمان خصوصی ممبر صوبائی اسمبلی حاجی عمران ظفر تھے دیگر مہمانوں میں ای ڈی او کمیونٹی ڈویلپمنٹ چوہدری محمد نواز ، ڈسٹرکٹ اٹارنی گوجرانوالہ محترمہ شکیلہ چوہدری ، مرزا نعیم ایف ایم 105، اظہر قادری الائیڈ سکول پاہڑیانوالی ، ڈاکٹر محمد ارشد ، ممتاز صحافی بشارت لودھی ، بائو محمد شفیق و دیگر اہم شخصیات تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) نوجوان نسل کی بہترین تعلیم و تربیت ہم سب کا فرض ہے والدین کو بھی نوجوان نسل کی تعلیم و تربیت کے سلسلہ میں اساتذہ سے تعاون کرنا چاہیے تا کہ مستقبل میں یہی بچے قوم کا سرمایہ ثابت ہو سکیں ، ان خیالات کا اظہار ممتا ز صحافی چیف ایڈیٹر روزنامہ گجرات ٹائمز بشارت لودھی نے دی ایجوکیٹر بارہ دری کیمپس میں منعقدہ تقریب کے دوران خطاب کرتے ہوئے کیا ، انہوں نے کہا کہ ہمیں اپنے فرائض احسن طریقہ سے سرانجام دینے ہونگے ، تبھی ملک ترقی کر سکتا ہے ، جب تک ہم اپنے فرائض صحیح طریقہ سے سرانجام نہیں دینگے ، ترقی یافتہ ممالک کی صفوں میں کھڑا ہونا ناممکن ہے اور موجودہ حالات کے تقاضوں کے مطابق ہمیں بہترین پلاننگ کرنی ہو گی ، دی ایجوکیٹرز بارہ دری کیمپس کی کارکردگی بلاشبہ قابل تحسین ہے ، اور میں شہزاد شفیق نقشبندی کو ان کی کارکردگی پر خراج تحسین پیش کرتا ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )بنگلہ دیش کے قومی دن کے موقع پر اسلام آباد کے سیرینہ ہوٹل میں منعقدہ تقریب میں گجرات چیمبر آف کامرس اینڈ انڈسٹری کے صدر طارق بلال ملک کی قیادت میں نمائندہ وفد نے شرکت کی جس میں نائب صدر سید ضیغم عباس شاہ، ایگزیکٹو ممبر خان شبیر خان،سعید بٹ، مرزا عبدالغنی، عرفان ظفر بھی ہمراہ تھے جنہوں نے بنگلہ دیش ،قطر ، جاپان، نیپال کے سفیروں سے بھی ملاقاتیں کیں اور انہیں گجرات چیمبر کی دعوت بھی دی ، اس موقع پر وفاقی و صوبائی وزراء اور سیاستدانوں کی بڑی تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی )پاکستان تحریک انصاف کے رہنماء سابق ایم پی اے ایس اے حمید کے گھر پر فائرنگ کے واقعہ کو پاکستان تحریک انصاف گجرات نے انتقامی کاروائی قرار دیا ہے اور کہا ہے کہ آئی جی پنجاب، ڈی آئی جی گوجرانوالہ واقع کا از خود نوٹس لیں اور ایس اے حمیدکے گھر ہونے والی فائرنگ کے ملزمان کو فوری طور پر گرفتار کیا جائے انہوں نے کہا کہ ایس اے حمید پر جھوٹی ایف آئی آر درج کی گئی ہے اور انہیں حراساں کرنے کی سازش کی گئی ہے ۔ انہوں نے کہا کہ سارے معاملہ کے پیچھے وفاقی وزیر خرم دستگیر ہیں چار کا ٹولہ حکومتی پارٹی کا حصہ ہے پولیس اور انتظامیہ ان کے ماتحت ہے ۔ ایس اے حمید شرفت کی سیاست کرتے ہیں گوجرانوالہ میں رفاعی ہسپتال کے چیئر مین کی حیثیت سے فرائض سر انجام دے رہے تھے جس پر مخالفین نے قبضہ کر لیا ہے اور انہیں زبردستی وہاں سے نکالا گیا ہے۔ان خیالات کا اظہار پاکستان تحریک انصاف کے رہنماء حاجی محمد شفیق آف برائیٹو فین، شیخ گلریز نبی آف نبی بخش اینڈ کمپنی، مرزا محمد اشفاق آف ڈیسنٹ فرنیشرز نے مشترکہ پریس کانفرنس میں کیا انہوں نے کہا کہ اگر ایس اے حمید کو انصاف نہ ملا تو تحریک انصاف کے رہنماء کارکنان قومی اسمبلی کے باہر احتجاج کریں گے شیخ گلریز نبی نے کہا کہ گوجرانوالہ میں جناح ہسپتال شیخ برادران اور شیخ برادری کا ہے جس کے ایس اے حمید چیئر مین تھے ان کے ساتھ وہاں نا انصافی کی گئی اس تمام واقعات کے پیچھے وفاقی وزیر خرم دستگیر ہیں ، انہوں نے کہا کہ ایس اے حمید پر جھوٹے الزامات عائد کئے گئے ہیں ،اور اب اس آڑ میں انہیں ہراساں کیا جارہا ہے ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)گجرات پریس کلب اور ٹریفک پولیس گجرات کے اشتراک سے آج 29مارچ بروز ہفتہ صبح ساڑھے دس بجے ” ٹریفک کے مسائل اور ہماری ذمہ داریاں” کے موضوع پر گجرات پریس کلب میں سیمینار ہو گاسیمینار میںDCO گجرات لیاقت علی چٹھہ ،DPOگجرات رائے اعجاز احمد،ایڈمنسٹریٹرTMAفاروق رشید ،حاجی عمران ظفر MPA،صدر گجرات پریس کلب وسیم اشرف بٹ،DSPٹریفک پولیس گجرات میاں سہیل فاضل ،صدر ڈسٹرکٹ بار،صدر گجرات چیمبر آف کامرس طارق بلال ملک،صدر مرکزی انجمن تاجران جاوید بٹ،مذہبی سکالر ڈاکٹر طارق سلیم اظہار خیال کرینگے جبکہ سیمینار میں صحافیوں ،تاجروں سمیت دیگر بھی شرکت کرینگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )ای ڈی او ایجوکیشن گجرات کی طرف سے جاری کردہ تبادلوں کے احکامات کو کورٹ میں چیلنج کردیا گیا جس پر خواتین ٹیچرز نے سکھ کا سانس لیا تفصیلات کے مطابق حکومت پنجاب نے حالیہ مجریہ آرڈر کے تحت سکولز میں سرپلس خواتین ٹیچرز ضرورت مند سکولز میں تبدیل کرنے کا احکامات جاری کیے ہیں جسکو بہاولپور بینچ پہلے ہی کالعد م قراردے چکا ہے کیونکہ حالیہ مجریہ آرڈینس غیر قانونی ہے مزیدبرآں جن سکولز سے خواتین ٹیچرز کوسرپلس قرار دے کر تبدیل کیا گیا ہے وہ اپنی سیٹوں پر مستقل طور پر تعینات ہوئی تھیں اور اپنی مجوزہ سیٹوں پر کام کررہی تھیں جبکہ انکے بعد میں جو خواتین ٹیچرزتعینات ہوئی ہیں وہ بالکل ہی عارضی اور نئی تقرر شدہ ہیں اس طرح تمام سکولز کی ہیڈ مسٹریس کی ذاتی رنجش ،پسند ناپسند کی بنا پر ٹیچرز کو تبدیلی کے احکامات دئیے گئے ہیں ای ڈی او ایجوکیشن کا عملہ اس ناانصافی پر بالکل خاموش ہے بلکہ بے خبر ہے قانون کسی بھی طرح پک اینڈ چوز کی اجازت نہ دیتا ہے جوخواتین ٹیچرز اپنی مستقل سیٹوں پر کام کررہی تھیں وہ تبدیل نہ ہوسکتیں ہیں بلکہ جو بعد میں اضافی طور پر بغیر سیٹ کے تبدیل ہوکر آئی ہیں انہیں سرپلس تصور کیا جانا سہی عین تقاضائے قانون اور انصاف ہے ای ڈی او ایجوکیشن نے گجرات کے احکامات کو منسوخ کرکے انکوائری کے احکامات جاری کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )گجرات کے میرج ہالوں کے باہر جیب کتروں کی بھرمار براتی اور شہری جیب کتروں کا نشانہ بننے لگے مقامی پولیس خاموش تماشائی کا کردار ادا کرنے لگی بتایا گیا ہے کہ آج جیب کتروں نے گجرات کے مقامی میرج ہالوں کے باہر اپنے اپنے ڈھیرے ڈال رکھے ہیں میرج ہال میں جب کوئی برات آتی ہے تو جیب کترے ہوشیار ہوجاتے ہیں جیب کترے دوران برات اپنا کام دکھانا شروع کردئیے ہیں جیب کترے براتیوں اور شہریوں کی جیبوں کا صفایا کرکے رفو چکر ہوجاتے ہیں آئے روز اس وارداتوں میں اضافہ ہورہا ہے مگر میرج ہال کے مالکان اور پولیس اس طرف کوئی توجہ نہیں دیتی جیب کتروں کے خلاف فوری کاروائی عمل میں لائی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) تھانہ سول لائن کے علاقہ مرغزار کالونی میں ڈکیتی کی واردات کے دوران نامعلو م مسلح ڈاکوئوں نے گن پوائنٹ پر 3لاکھ روپے کی نقدی اور آٹھ ہزار روپے امریکی ڈالر لوٹ لیے اور فرار ہوگئے تفصیل کے مطابق گزشتہ روز مرغزار کالونی کے رہائشی انجم ریاست حبیب بینک کچہری روڈ سے 3لاکھ روپے نقدی اور آٹھ ہزار ڈالر لیکر گھر جارہے تھے کہ راستہ میں نامعلوم موٹر سائیکل سوار ڈاکوئوں نے گن پوائنٹ پر چھین لیے اور فرار ہوگئے سول لائن پولیس نے مقدمہ درج کرلیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سینئر صحافی محمد انور شیخ کو زم ٹی وی کا گجرات میں بیوروچیف اور مرزا خرم حسنین کا نمائندہ منتخب ہونے پر مسلم لیگی راہنماء چوہدری فراز احمد، چوہدری سعد عبد اللہ، چوہدری سعید احمد، مرزا سعید بیگ، عبدا لغفور غوری، سابق صدر پریس کلب گجرا عثمان طیب، مرزا شاکر بیگ ، خرم شہزاد بٹ ، حافظ عزیز الرحمان مجاہد، فاروق احمد بٹ لالہ موسیٰ سمیت دیگر نے مبارکباد دی ہے اور کہاکہ محمد انور شیخ زم ٹی وی کے ذریعے شہریوں کے مسائل کو بہترانداز میں اجاگر کرنے کی بھرپور کوشش کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)گورنمنٹ ہائی سکول مس فاطمہ جناح کی ہیڈ مسٹریس کی ٹیچروں کے ساتھ ذاتی رنجش اور پسند ناپسند کی وجہ سے سکول کی متعدد ٹیچروں کے نام سرپلس میں ڈال کر تبادلے کروا دئیے تبادلوںکے بعد سکول ٹیچروں میں تشویش کی لہر دوڑ گئی ہے بتایا گیا ہے کہ گورنمنٹ مس فاطمہ جناح سکول کی ہیڈ مسٹریس نے اپنے سکول کی ٹیچروں کے ساتھ ذاتی عناد پر عرصہ دراز سے سکول میں تعینات ٹیچروں کے نام سرپلس میں ڈال دئیے جس کے بعد ای ڈی او ایجوکیشن گجرات نے سرپلس ہونے والی ٹیچروں کے تبادلے کردئیے ہیں حالانکہ گورنمنٹ مس فاطمہ جناح گرلز ہائی سکول میں پہلی ہی سیٹیں خالی ہیں تبادلہ کے بعد ٹیچرو ں نے شدید احتجاج کرتے ہوئے ڈی سی او گجرات اور ای ڈی او ایجوکیشن سے مطالبہ کرتے ہوئے کہاکہ گورنمنٹ مس فاطمہ جناح گرلز ہائی سکول میں تعینات ہیڈ مسٹریس کا بھی فوری تبادلہ کیا جائے کیونکہ مذکورہ ہیڈ مسٹریس عرصہ دراز سے سکول میں تعینات ہے اور ہیڈ مسٹریس کا رویہ اپنے سٹاف کے ساتھ انتہائی ہتک آمیز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) حکومت پنجاب نے ڈاکٹر سلطان محمود کو ای ڈی او ہیلتھ گجرات تعینات کردیا ہے ڈاکٹر سلطا ن محمود نے بطور ای ڈی او ہیلتھ گجرات کا چارج سنبھال کر کام شروع کردیا ہے اس سے قبل ای ڈی او ہیلتھ گجرات ڈاکٹر نصرت ریاض کو کرپشن کے کیس میں نوکری سے فارغ کردیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی ) پولیس کانسٹیبل نے محلہ نور پور پڈھے کے رہائشی کی بیوی کو اغواء کرلیا بتایا گیا ہے کہ محلہ نور پور پڈھے کے رہائشی اشتیاق احمد کی بیوی کو ایک پولیس کانسٹیبل مزمل حسین نے اغواء کرکے نامعلوم مقام پر منتقل کردیا وجہ اغواء یہ بتائی جاتی ہے کہ اشتیاق احمد اور اسکی بیوی کے درمیان ناراضگی ہوئی تو اشتیاق کی بیوی تھانہ لاری اڈا آئی جس پر کانسٹیبل مزمل حسین نے اشتیاق احمد کی بیوی کو ورغلا پھسلا کر اغواء کرلیا اشتیاق احمد ڈی پی او گجرات سے اپنی بیوی کی فوری بازیابی کا مطالبہ کیا ہے۔
Related Posts
