ضلعی حکومت کا خوبصورت گجرات منصوبہ اندرون شہر گندگی کے انبار لگ گئے
گجرات (جی پی آئی) ضلعی حکومت کا خوبصورت گجرات منصوبہ اندرون شہر گندگی کے انبار لگ گئے ، خاکروب کئی کئی دنوں سے صفائی کیلئے نہیں آ رہے ، عوامی مشکلات میں بے پناہ اضافہ ہو گیا ، تفصیلات کے مطابق جب سے ڈی سی او گجرات نے گجرات کے جی ٹی روڈ پر تجاوزات کے خلاف آپریشن شروع کیا ہے کچھ علاقوں میں صفائی کا فقدان پیدا ہو گیا ہے ، اور خاکروب کئی کئی دن صفائی کیلئے نہیں آتے ،جس کی وجہ سے نالیاں ابلی پڑی ہیں اور پانی سڑکوں پر آ رہا ہے ، محلہ نور پور پڈھے گجرات میں بھی کئی دنوں سے صفائی نہیں ہو رہی ، ٹی ایم اے کا عملہ صفائی کی طرف کوئی توجہ نہیں دے رہا ، عوامی حلقوں نے اس پر شدید احتجاج کیا ہے اور ڈی سی او گجرات سے اپیل کی ہے کہ وہ خوبصورت گجرات کے منصوبہ میں اندرون شہر کو نظر انداز نہ کرے اور صفائی کے مناسب انتظامات کیے جائیں ، تا کہ شہریوں کے مسائل میں کمی ہو ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت علامہ محمد اقبال نے قوم میں جذبہ حب الوطنی پیدا ہوتا ہے :رانا مشرف علی ناز
گجرات (جی پی آئی) ممتاز سماجی شخصیت رانا مشرف علی ناز نے کہا ہے کہ حضرت علامہ محمد اقبال نے قوممیں جذبہ حب الوطنی پیدا ہوتا ہے ، وہ گزشتہ روز دی ایگزا ہائی سکول میں حضرت علامہ اقبال کے یوم وفات کے سلسلہ میں منعقدہ عظیم الشان مقابلہ بیت بازی سے خطاب کر رہے تھے ، انہوں نے کہا کہ اگر قوم میں جذبہ خودی پیدا ہو تو وہ معاشرہ میں بلند مقام حاصل کر سکتی ہے ، اور نوجوان نسل میں جذبہ خودی پیدا کرنا وقت کی اہم ضرورت ہے ، رانا مشرف علی ناز نے کہا کہ حضرت علامہ اقبال کا پیغام آفاقی ہے ، ان کے پیغام کے ذریعے قوم میں موجود مایوسی کی لہر ختم ہو سکتی ہے ، اور قوم ترقی کی منازل طے کر سکتی ہے ، اس موقع پر خطاب کرتے ہوئے ممتاز ماہر قانون مہر ندیم اقبال کنجاہی نے کہا کہ حضرت علامہ اقبال کی شاعری ہر دور میں نوجوانوں کی راہنمائی کرتی ہے ، اور ہمیں حضرت علامہ اقبال کی تعلیمات پر عمل پیرا ہونا چاہیے ، دی ایگزا ہائی سکول نے علامہ اقبال کے حوالہ سے اقبال ویک منانے کا جو فیصلہ کیا ہے وہ خوش آئند ہے اور ہم چیئرمین دی ایگزا سکول ضیغم وڑائچ اور مس عمارہ کو اس شاندار پروگرام کے انعقاد پر مبارک باد پیش کرتے ہیں ، چیئرمین دی ایگزا سکول ضیغم وڑائچ نے خطاب کرتے ہوئے کہا کہ ہم نوجوان نسل کی بہتر انداز میں تربیت کرنا چاہتے ہیں ،اس لیے نوجوانوں کو ان کے اصل ہیروز علامہ اقبال ، قائداعظم ، محمد بن قاسم کی تعلیمات سے آگاہ کرنا اپنا فرض سمجھتے ہیں ، تا کہ وہ پاکستان کی ترقی و سربلندی کیلئے اپنا کردار ادا کر سکیں ، دی ایگزا سکول نوجوان نسل کی بہتر انداز میں تربیت کا مشن لے کر میدان میں آیا ہے ، اس موقع پر ممتاز قاری قرآن حافظ محسن رضا قادری نے اپنے خوبصورت انداز میں تلاوت کلام پاک اور ہدیہ نعت بحضور سرور کائنات ۖ پیش کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایگزا ہائی سکول گجرات میں یوم اقبال کے سلسلہ میں عظیم الشان مقابلہ بیت بازی منعقد ہوا
گجرات (جی پی آئی) دی ایگزا ہائی سکول گجرات میں یوم اقبال کے سلسلہ میں عظیم الشان مقابلہ بیت بازی منعقد ہوا ، جس کی صدارت چیئرمین دی ایگزا سکول ضیغم ثناء وڑائچ نے کی ، جبکہ مہمان خصوصی ممتاز سیاسی و سماجی شخصیت رانا مشرف علی ناز تھے ، جبکہ دیگر مہمانوں میں ممتاز ماہر قانون چوہدری ندیم کنجاہی ، ڈاکٹر رزاق احمد غفاری اور حافظ محسن رضا قادری تھے ، اس موقع پر تلاوت کلام پاک کا شرف نعمان ، نعت رسول مقبول ۖ شمع نورین نے پیش کی ، بچوں نے خوبصورت انداز میں حضرت علامہ محمد اقبال کی شاعری پیش کی ، سینئر سیکشن میں بوائز کی ٹیم نے کامیابی حاصل کی ، جبکہ جونیئر سیکشن میں گرلز کی ٹیم نے کامیابی حاصل کی ، یاد رہے کہ 28اپریل سے 2مئی تک اقبال ویک منایا جا رہا ہے ، آج کوئز پروگرام منعقد ہو گا ، جس کے مہمان خصوصی ممبر اسلامی نظریاتی کونسل حکومت پاکستان پیر سید سعید احمد شاہ گجراتی ، صدر گجرات چیمبر آف کامرس اینڈ انڈسٹری ملک بلال طارق ، سینئر نائب صدر سید آصف رضا نقوی اور اسسٹنٹ ایجوکیشن آفیسر علامہ ساجد محمود قادری ہونگے ، اس سلسلہ میں مختلف ٹیمیں تشکیل دے دی گئی ہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خاور بشیر بٹ نے یوکے سے بذریعہ ٹیلی فون چوہدری اکبر حیات جوڑا کی وفات پر گہرے رنج و غم کا اظہار کیا
گجرات (جی پی آئی) ممتاز سماجی شخصیت جنرل سیکرٹری سٹیزن فرنٹ سٹی گجرات خاور بشیر بٹ نے یوکے سے بذریعہ ٹیلی فون چوہدری اکبر حیات جوڑا کی وفات پر گہرے رنج و غم کا اظہار کیا ہے اور دعا کی ہے کہ اللہ تعالیٰ مرحوم کو جنت الفردوس میں اعلیٰ جگہ اور لواحقین کو صبر جمیل عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فوری طور پر گجرات شہر کی صفائی کی طرف توجہ دی جائے :شیخ عرفان پرویز
گجرات (جی پی آئی) سٹیزن فرنٹ سٹی گجرات کے صدر شیخ عرفان پرویز نے اپنے بیان میں ضلعی انتظامیہ سے مطالبہ کیا ہے کہ فوری طور پر گجرات شہر کی صفائی کی طرف توجہ دی جائے اور ڈینگی مہم کے سلسلہ میں گجرات شہر کے گلی محلوں میں صفائی اور سپرے کا اہتمام کیا جائے کیونکہ صحت و صفائی کے مناسب انتظام نہ ہونے کی وجہ سے شہریوں کو شدید مشکلات کا سامنا کرنا پڑ رہا ہے ، انہوں نے مطالبہ کیا ہے کہ مکھی مچھروں کی بھرمار سے شہریوں کے سائل میں اضافہ ہوا ہے ، اگر حکومت نے اس سلسلہ میں اپنے اختیارات استعمال نہ کیے تو بیماریوں میں اضافہ ہو گا ، حکومت فوری طور پر صفائی کے انتظامات کو یقینی بنائے ۔
۔۔۔۔۔۔۔۔
لوڈ شیڈنگ وقت کا اہم مسئلہ بن گیا ہے
گجرات (جی پی آئی) لوڈ شیڈنگ وقت کا اہم مسئلہ بن گیا ہے ، حکومت اپنے تمام تر وعدوں کے باوجود لوڈ شیڈنگ کے مسئلہ پر قابو پانے میں ناکام نظر آ رہی ہے ، لوڈ شیڈنگ کی وجہ سے کاروبار زندگی ٹھپ ہو کر رہ گیا ہے اور مزدور ہاتھوں پر ہاتھ دھرے بیٹھے ہوئے ہیں ، جس سے مزدوروں کا چولہے ٹھنڈے ہو چکے ہیں اور لوگ مختلف نفسیاتی بیماریوں میں مبتلا ہو رہے ہیں ، حکومت فوری طو رپر لوڈ شیڈنگ کے خاتمہ کیلئے اقدامات کرے یا شیڈول جاری کیا جائے تا کہ لڑائی جھگڑوں کا خاتمہ ہو ، گجرات ایک صنعتی شہر ہے جس میں لوڈ شیڈنگ کی وجہ سے کاروبار زندگی بلکل ٹھپ ہو کر رہ گیا ہے ، فیکٹریاں بند پڑی ہیں ، اگر حکومت نے فوری طور پر لوڈ شیڈنگ کے خاتمہ کیلئے اقدامات نہ کیے تو اس کے خطرناک نتائج برآمد ہو سکتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چناب گروپ آف کالجز کی شاندار کارکردگی پنجاب یونیورسٹی کے BSCکمپیوٹر سائنسز کے امتحانات میں چناب کالج آف انفارمیشن ٹیکنالوجی گجرات کے طلباء نے ٹاپ ٹین پوزیشنیں حاصل کر لیں
گجرات (جی پی آئی) چناب گروپ آف کالجز کی شاندار کارکردگی پنجاب یونیورسٹی کے BSCکمپیوٹر سائنسز کے امتحانات میں چناب کالج آف انفارمیشن ٹیکنالوجی گجرات کے طلباء نے ٹاپ ٹین پوزیشنیں حاصل کر لیں ، چیئرمین چناب گروپ آف کالجز پروفیسر غلام مصطفی نے بتایا کہ ہمارا ادارہ اساتذہ اور طلباء کی کاوشوں کے نتیجہ میں ہر بار نمایاں پوزیشن حاصل کرتا ہے ، امسال بھی کالج کی طالبہ مقدس فاطمہ نے پانچ سو میں سے 381نمبر حاصل کر کے پنجاب میں پہلی ، دلحم ساجد نے 365اور انعم کرن نے بھی 365نمبر لیکر تیسری پوزیشن ،کاشف سلطان نے 350نمبر لیکر پانچویں ،کرن شہزادی نے 349نمبر لیکر چھٹی ، جویرہ نعیم نے 340نمبر لیکر ساتویں پوزیشن حاصل کر لی ، اسی طرح دیگر طلباء و طالبات نے بھی نمایاں پوزیشن کا مظاہرہ کیا ، ہم نے ہمیشہ کوالٹی کو مد نظر رکھا ہے اور طلباء و طالبات کو محنت کر کے اعلیٰ پوزیشنیں لینے پر زور دیا ہے ، ہم آئندہ بھی اسی طرح اپنے معیار کو برقرار رکھیں گے ، اس موقع پر طلباء و طالبات نے کہا کہ یہ شاندار کامیابی ہمارے اساتذہ اور والدین کی محنت و دعائوں کا نتیجہ ہے اور ہم آئندہ بھی اپنے ادارے اور والدین کا نام روشن کریں گے ۔
Related Posts
