برصغیرپاک و ہند کی روحانی شخصیت حضرت سائیں کرم الٰہی المعروف کانواں والی سرکار کا سالانہ عرس مبارک شروع ہو گیا
گجرات ( جی پی آئی) برصغیرپاک و ہند کی روحانی شخصیت حضرت سائیں کرم الٰہی المعروف کانواں والی سرکار کا سالانہ عرس مبارک شروع ہو گیا ، گزشتہ روز عرس مبارک کی تقریبات کا آغاز غسل کی تقریب سے ہوا ، گدی نشین سائیں اختر حسین اور سائیں ساجد حسین نے دربار شریف کو عرق گلاب کے ساتھ غسل دیا اس موقع پر سجادہ نشین آستانہ عالیہ ڈھینڈہ شریف پیر سید زاہد حسین شاہ ترمذی ، سجادہ نشین آستانہ عالیہ سوہدرہ شریف پیر سید آل احمد شاہ ، مرزا الیاس جرال ، عامر چوہدری ، ڈاکٹر رزاق احمد غفاری ، سیٹھ محمد علی صراف، سیٹھ فیصل ندیم ، حافظ شیراز ، و دیگر معززین کی کثیر تعداد موجود تھی عرس مبارک کے سلسلہ میں ضلعی انتظامیہ نے بھرپور حفاظتی انتظامات کیے ہیں ، ملک بھر سے عقیدت مند دربار شریف پر گھڑولیاں و چادریں چڑھانے کیلئے دربار شریف آ رہے ہیں ، گدی نشین سائیں اختر حسین کی طرف سے لنگر کا وسیع انتظام ہے، چادر پوشی کے بعد دربار شریف پر محفل سماع منعقد ہوئی، محفل سماع میں ممتاز قوالوں نے سماع کے رنگ پیش کیے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز خاتون راہنما رانا تنظیم اختر سابق لیڈی کونسلر یونین کونسل 48نے کہا ہے کہ حکومت کی طرف سے ظالمانہ اقدامات قابل افسوس ہیں
گجرات ( جی پی آئی) ممتاز خاتون راہنما رانا تنظیم اختر سابق لیڈی کونسلر یونین کونسل 48نے کہا ہے کہ حکومت کی طرف سے ظالمانہ اقدامات قابل افسوس ہیں ، رمضان کی آمد آمد ہے اور رمضان المبارک کے سلسلہ میں دنیا بھر میں مسلمانوں کی سہولت کیلئے اقدامات کیے جاتے ہیں ، تا کہ مسلمان اپنے رب کی عبادت صحیح معنوں میں کر سکیں ، مگر پاکستان میں یہ حساب الٹ ہے، رمضان سے قبل ہی ذخیرہ اندوز متحرک ہو جاتے ہیں ،ا ور کھانے پینے کی اشیاء کا ذخیرہ کر لیا جاتا ہے اور رمضان المبارک میں ہر چیز مہنگے داموں فروخت کی جاتی ہیں، جس سے رمضان المبارک کا تقدس پامال ہوتا ہے ، حکومت پاکستان کو چاہیے کہ وہ فوری طور پر ایسے اقدامات کریں جس سے ذخیرہ اندوزوں کے خلاف کاروائی ہو اور حکومت عوام کو ریلیف فراہم کرنے کیلئے بہتر طریقہ سے کام کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاروانِ مالک اشتر پرائیویٹ لمٹیڈ اسلام آباد کے زیر اہتمام پیس ٹریولز ظہور الٰہی سٹیڈیم میں حج 2013کی تعارفی حج کلاس کا انعقاد کیا گیا
گجرات ( جی پی آئی) کاروانِ مالک اشتر پرائیویٹ لمٹیڈ اسلام آباد کے زیر اہتمام پیس ٹریولز ظہور الٰہی سٹیڈیم میں حج 2013کی تعارفی حج کلاس کا انعقاد کیا گیا، جس میں اس سال کاروان کے ہمراہ حج کی سعادت کرنے والے حجاج کرام نے بھرپور شرکت کی ، اس موقع پر خطاب کرتے ہوئے چیف ایگزیکٹو سید اظہر نقوی، سید آصف رضا نقوی، قاری ارسلان، سید ناظم شاہ نے حج کی اہمیت اور افادیت کے حوالے سے تفصیلاً گفتگو کی ، سید اظہر نقوی نے کہا کہ کاروانِ مالک اشتر پرائیویٹ لمٹیڈ نے اپنے سابقہ ریکارڈ کے مطابق عازمین حج کیلئے بہترین سہولیات کا اہتمام کے اہے ، اور یہ واحد ادارہ ہے جو کہ گورنمنٹ آف پاکستان سے رجسٹرڈ ہے اور اہلیان گجرات کی حج و عمرہ میں رہنمائی خدمت کیلئے سرگرم عمل ہے ، ، اس موقع پر حجاج کے سوالات کے جوابات بھی دئیے اور سفری کاغذات کے حوالے سے مختلف مراحل بھی طے کیے گئے ، اور آئندہ تربیتی کلاس رمضان میں منعقد کرنے کا اعلان کیا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت کبیر الدین شاہدولہ دریائی کے سالانہ عرس مبارک پر غلامانِ حضرت زندہ پیر گھمگول شریف کوہاٹ نے دربار حضرت شاہدولہ دریائی پر سالانہ محفل
گجرات ( جی پی آئی) حضرت کبیر الدین شاہدولہ دریائی کے سالانہ عرس مبارک پر غلامانِ حضرت زندہ پیر گھمگول شریف کوہاٹ نے دربار حضرت شاہدولہ دریائی پر سالانہ محفل و ختم خواجگان منعقد کی ، اور کلمے کے بھرپور ذکر کے ساتھ گدی نشین سید اعجاز حسین شاہ کے ساتھ مزار پر چادر چڑھائی، جس سے دربار کے در و دیوار کلمے کے ذکر کے ساتھ گونج اٹھے ، اس محفل میں شرکت کرنے والوں میں چوہدری افتخار احمد ملہی چیئرمین چناب گروپ ، ملک خضر علی، راجہ عامر، عمیر اعوان، احتشام بٹ، مرزا عادل، غلام عباس، عمران ارشاد اور ضلع بھر سے پیر بھائیوں نے کثیر تعداد میں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زمین کے تنازعہ پر مخالفین نے فائرنگ کر کے سابق ناظم کے بھائی کو قتل کر دیا
گجرات ( جی پی آئی) زمین کے تنازعہ پر مخالفین نے فائرنگ کر کے سابق ناظم کے بھائی کو قتل کر دیا تفصیلات کے مطابق گذشتہ روز نواحی گائوں دولت نگر میں زمین کے تنازعہ پر حسن شاہ وغیرہ 5 افراد نے فائرنگ کر کے یونین کونسل دولت نگر کے سابق ناظم چوہدری اکبر نواز کے بھائی چوہدری محمد خلیل کو قتل کر دیا اور فرار ہو گئے دولت نگر پولیس نے نعش قبضہ میں لیکر پوسٹمارٹم کے بعد ورثاء کے حوالے کر دی پولیس نے مقتول کے بھائی محمد افضل کی رپورٹ پر نامزد ملزمان کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گھریلو جھگڑا پر طیش میں آ کر شہناز بی بی نے اپنی نند روبینہ کو ڈنڈے سوٹوں کے وار کر کے قتل کر دیا
گجرات ( جی پی آئی) نواحی گائوں ملک پور مرزا میں گھریلو جھگڑا پر طیش میں آ کر شادی شدہ خاتون شہناز بی بی نے اپنی نند روبینہ کو ڈنڈے سوٹوں کے وار کر کے قتل کر دیا کڑیانوالہ پولیس نے مقتولہ کے بھائی غلام سرور کی رپورٹ پر مقدمہ درج کر لیا اور نعش پوسٹمارٹم کے بعد ورثاء کے حوالے کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مدینہ سیداں میں 4 بچوں کا باپ کرنٹ لگنے سے جاں بحق
گجرات ( جی پی آئی) مدینہ سیداں میں 4 بچوں کا باپ کرنٹ لگنے سے جاں بحق بتایا گیا ہے کہ نواحی گائوں مدینہ سیداں کا 40 سالہ شخص واجد حسین اپنے گھر میں بجلی کا کام کر رہا تھا کہ اچانک شارٹ سرکٹ کے باعث اسے کرنٹ لگ گیا جس سے وہ موقع پر دم توڑ گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیز رفتار ٹریکٹر ٹرالی نے دکاندار کے باہر بیٹھے نوجوان کی جان لے لی
گجرات ( جی پی آئی) تیز رفتار ٹریکٹر ٹرالی نے دکاندار کے باہر بیٹھے نوجوان کی جان لے لی بتایا گیا ہے کہ کنجاہ کا رہائشی نوجوان نذیر احمد کنجاہ چوک میں ایک دوکان کے باہر بیٹھا ہوا تھا کہ تیز رفتار ٹریکٹر ٹرالی اس پر چڑھ گئی جس کے نتیجہ میں وہ موقع پر جاں بحق ہو گیا کنجاہ پولیس نے ڈرائیور کو گرفتار کر کے ٹریکٹر ٹرالی قبضہ میں لے کر مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں میں تعینات کانسٹیبل رزاق احمد نامعلوم افراد کی فائرنگ سے زخمی ہو گیا
گجرات ( جی پی آئی) کھاریاں میں تعینات کانسٹیبل رزاق احمد نامعلوم افراد کی فائرنگ سے زخمی ہو گیا بتایا گیا ہے کہ کانسٹیبل رزاق احمد اپنی موٹر سائیکل پر جا رہا تھا کہ ڈنگہ روڈ پر نامعلوم افراد نے اسے فائرنگ کر کے زخمی کر دیا زخمی کانسٹیبل کو طبی امداد کیلئے مقامی ہسپتال میں داخل کروا دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم او گجرات نے بغیر نوٹس دئیے 35 کے قریب ڈیلی ویجز ملازمین کو نوکریوں سے فارغ کر دیا
گجرات ( جی پی آئی) ٹی ایم او گجرات نے بغیر نوٹس دئیے 35 کے قریب ڈیلی ویجز ملازمین کو نوکریوں سے فارغ کر دیا فارغ ہونے والے ٹی ایم اے ملازمین میں تشویش کی لہر دوڑ گئی بتایا گیا ہے کہ ٹی ایم او گجرات محمود تمنا نے گذشتہ روز ٹی ایم اے گجرات میں ڈیلی ویجز پر کام کرنے والے 35 ملازمین کو بغیر نوٹس دئیے ان کو نوکری سے نکال دیا ہے نوکری سے نکالے جانے والے ڈیلی ویجز ملازمین نے گذشتہ روز ٹی ایم او کے اس فیصلہ کے خلاف زبردست احتجاج اور نعرے بازی کی فارغ ہونے والے ملازمین میں ٹیوب ویل آپریٹر سینٹری ورکرز اور ڈرائیور شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اہل سنت خدمت فاؤنڈیشن کے زیر انتظام فہم شریعت کورس آج شروع ہوگا
گجرات (جی پی آئی) پاکستان سنی تحریک گجرات کے فلاحی ادارہ اہل سنت خدمت فاؤنڈیشن نے گجرات شہر میں مختلف سکولز کے طلباء و طالبات کے لیے گرمیوں کی چھٹیوں کو بامقصد گزارنے کے لیے 30روزہ فہم شریعت کورس متعارف کرادیا ہے ۔ جس میں شریعت کا فہم حاصل کرنے کے ساتھ ساتھ طلباء و طالبات فری کمپیوٹر ٹریننگ اور خوشخطی کی تربیت بھی حاصل کریں گے ۔ جس کا افتتاح پاکستان سنی تحریک گجرات کے نئے سٹی صدر علامہ ایاز اختر نعیمی شاگرد رشید ڈاکٹر سرفراز احمد نعیمی صبح آٹھ بجے نعیم العرفان اسلامک انسٹی ٹیوٹ میں آج صبح 8بجے کریں گے۔اس سے قبل اہل سنت خدمت فاؤنڈیشن گجرات فروغ قرآن کے لیے گھر بیٹھے خواتین و حضرات کے لیے ترجمہ و تفسیر قرآن پر مشتمل ”مطالعہ قرآن کورس ”بھی متعارف کروا چکا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بارش کے بعد موسم ایک بار پھر خوشگوار ہونے کے ساتھ ساتھ بجلی کی غیر اعلانیہ لوڈشیڈنگ کا سلسلہ جوں کا توں
گجرات ( جی پی آئی) شہر اور گردونواح میں تیز رفتار بارش کے بعد موسم ایک بار پھر خوشگوار ہونے کے ساتھ ساتھ بجلی کی غیر اعلانیہ لوڈشیڈنگ کا سلسلہ جوں کا توں ہے جبکہ گذشتہ روز واپڈا حکام کی طرف سے گجرات شہر میں بجلی کی 12 گھنٹوں کی لوڈشیڈنگ کا باقاعدہ شیڈول جاری کیا گیا تھا مگر واپڈا حکام اس پر عملدرآمد کرنے سے قاصر ہیں اور بجلی کی لوڈشیڈنگ شیڈول سے ہٹ کر کی جا رہی ہے جس سے شہریوں کو سخت مشکلات کا سامنا ہے شہریوں کی ایک بڑی تعداد نے واپڈا حکام سے اپیل کی ہے کہ واپڈا حکام کم از کم اپنے جاری کردہ شیڈول پر ہی عملدرآمد کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیٹرولیم کی مصنوعات میں اچانک اضافہ کے بعد شہر بھر کے تمام پیٹرول پمپ مالکان نے پیٹرول کی فروخت کو بند کر دیا
گجرات ( جی پی آئی) گجرات اور گردونواح میں پیٹرولیم کی مصنوعات میں اچانک اضافہ کے بعد شہر بھر کے تمام پیٹرول پمپ مالکان نے پیٹرول کی فروخت کو بند کر دیا ہے جس سے شہریوں کو شدید مشکلات کا سامنا کرنا پڑ رہا ہے حالانکہ حکومت کی جانب سے پیٹرولیم کی قیمتوں میں اضافہ کا نوٹیفکیشن آج جاری ہونا ہے اس سے قبل ہی پمپ مالکان نے پیٹرول اسٹاک کر کے اس کی فروخت بند کر دی ہے جس کی وجہ سے گاڑی مالکان اور شہری سخت تشویش میں مبتلا ہیں۔
Related Posts
