پنجاب بار کونسل کی کال پر آج صوبہ بھر میں تمام بار کونسلز ہڑتال کریں گی
گجرات (جی پی آئی) پنجاب بار کونسل کی کال پر آج صوبہ بھر میں تمام بار کونسلز ہڑتال کریں گی اور سانحہ کوئٹہ پر احتجاج کرینگی ، اس سلسلہ میں ڈسٹرکٹ بار ایسوسی ایشن گجرات سمیت صوبہ بھر میں احتجاج کیا جائیگا اور ہزارہ کمیونٹی سمیت بلوچستان کی امن و امان کی خراب صورتحال پر احتجاج ریکارڈ کروایا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
مجلس وحد ت مسلمین کے زیر اہتمام دوسرے روز بھی جی ٹی روڈ گجرات پر دھرنا دیا
گجرات (جی پی آئی) مجلس وحد ت مسلمین کے زیر اہتمام دوسرے روز بھی جی ٹی روڈ گجرات پر دھرنا دیا گیا ، اور سانحہ بلوچستان کے شہداء کے ساتھ اظہار یکجہتی کیا گیا ، ہریانوالہ چوک میں احتجاجی دھرنا میں خواتین ، بچوں کی کثیر تعداد نے بھی شرکت کی ، اور بلوچستان میں امن و امان کی ناقص صورتحال اور ہزارہ برادری کے افراد کے سانحہ پر احتجاج ریکارڈ کروایا ، احتجاجی مظاہرہ میں تنویر رضوی ، علی رضا شاہ ، رانا مشرف علی ناز ، چوہدری ضیغم، مظہر زیدی ، سید ضمیر حسین شاہ ، عدیل کاظمی اور دیگر راہنما بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
شیعہ ایکشن کمیٹی کے زیر اہتمام آج احتجاجی مظاہرہ و دھرنا دیا جائیگا
گجرات (جی پی آئی) شیعہ ایکشن کمیٹی کے زیر اہتمام آج دن 2بجے احتجاجی مظاہرہ و دھرنا دیا جائیگا ، جس میں ملت جعفریہ کی تمام تنظیموں کے عہدیداران و ممبران شرکت کرینگے ، اور سانحہ بلوچستان پر احتجاج ریکارڈ کروایا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کے راہنما رانا مشرف علی ناز نے کہا ہے کہ سانحہ بلوچستان انتہائی افسوسناک ہے
گجرات (جی پی آئی) پاکستان مسلم لیگ ن کے راہنما رانا مشرف علی ناز نے کہا ہے کہ سانحہ بلوچستان انتہائی افسوسناک ہے ، اور ایسے ظاہر ہوتا ہے کہ وفاقی حکومت جان بوجھ کر خاموشی اختیار کیے ہوئے ہے اور قانون نافذ کرنے والے ادارے بلوچستان میں امن و امان قائم کرنے اور عوام کو تحفظ فراہم کرنے میں بری طرح ناکام ہو چکے ہیں ، گورنر راج کے باوجود ایک بار پھر بلوچستان میں درجنوں افراد کو شہید کر دیا جانا لمحہ فکریہ ہے ، اور اس سے بڑا لمحہ فکریہ یہ ہے کہ اتحادی حکومت سمیت کسی بھی بڑی سیاسی جماعت اور دینی جماعت نے اس سانحہ پر اس رد عمل کا مظاہرہ نہیں کیا جو کہ انسانیت کے ناطے کیا جانا چاہیے تھا ، ہم سب مسلمان ہیں اور ہمارے نبی اکرم ۖ کا فرمانِ عالی شان ہے کہ جس نے ایک انسان کو قتل کیا اس نے پوری انسانیت کو قتل کیا ، تو یہ کس منہ سے اپنے آپ کو مسلمان کہلوانے کا دعویٰ کرتے ہیں ، اور قتل عام بھی کرتے ہیں ، قانون نافذ کرنے والے اداروں کی خاموشی کی وجہ سے پاکستان دنیا بھر میں تماشہ بن کر رہ گیا ہے ہم امن پسند قوم ہیں اور چند شر پسند عناصر کی وجہ سے ملک کا امن تباہ ہو چکا ہے ، دہشتگردی اور ٹارگٹ کلنگ کی بھرپور مذمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کے راہنما طارق سلامت صراف نے کہا ہے کہ ہزارہ کمیونٹی کے ساتھ بھرپور اظہار یکجہتی کرتے ہیں
گجرات (جی پی آئی)پاکستان مسلم لیگ ن کے راہنما طارق سلامت صراف نے کہا ہے کہ ہزارہ کمیونٹی کے ساتھ بھرپور اظہار یکجہتی کرتے ہیں اور دہشت گردی کے تمام واقعات کی بھی مذمت کرتے ہیں ، حکمران اتحاد نہ صرف بلوچستان بلکہ سندھ میں بھی امن و امان قائم کرنے میں بری طرح ناکام ہو چکا ہے اگر سپریم کورٹ کے فیصلوں پر عمل کر لیا جاتا تو آج امن و امان قائم ہو چکا ہوتا ، سیاست دان اور قانون نافذ کرنے والے ادارے اپنی ذمہ داریاں احسن طریقہ سے سرانجام نہیں دے رہے ، جس کی وجہ سے ملک بھر میں انسانیت کا قتل عام جاری ہے جو کہ انتہائی افسوسناک اور قابل مذمت ہے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
آرائیں موومنٹ کے ایک وفد نے چوہدری ندیم طفیل کی قیادت میں مہر ندیم کی وفات پر اظہار تعزیت کیا
گجرات (جی پی آئی) آرائیں موومنٹ کے ایک وفد نے چوہدری ندیم طفیل کی قیادت میں معروف سیاسی وسماجی رہنما مہر نوید اقبال پپل کے بھائی مہر ندیم کی وفات پر ان کی رہائش گاہ پر جاکر اظہار تعزیت کیا فاتحہ خوانی کی اور دعا کی کہ اللہ تعالیٰ مرحوم کو جنت الفردوس میں اعلیٰ جگہ عطا فرمائے ۔اس موقع پر مرحوم کے صاحبزادے مہر زین ندیم بھی موجود تھے ۔وفد میں چئیرمین شعبہ خدمت آرائیں موومنٹ ضلع گجرات عامر چوہدری ،آرائیںموومنٹ کے سٹی گجرات کے جنرل سیکرٹری مہر مشتاق احمد، نائب صدر مہر عارف محمود رانا اور سیکرٹری اطلاعات مہر راحیل رئوف بھی شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وارسن ہومیوپیتھک فارمیسی کے زیر اہتمام گجرات میں ڈرگ ریگولیٹری اٹھارٹی کی تشکیل
گجرات (جی پی آئی) وارسن ہومیوپیتھک فارمیسی کے زیر اہتمام گجرات میں ڈرگ ریگولیٹری اٹھارٹی کی تشکیل ، اسکی افادیت اور ہومیوپیتھک ڈاکٹرز کے فرائض کے حوالے سے ایک اعلیٰ سطح پر نیشنل ہومیوپیتھک سیمینار کا اہتمام کیا گیا۔ پروگرام کے آرگنائزر گجرات کمیونٹی کے ڈاکٹر امتیاز حیدر اور ڈاکٹر ہاشمی تھے۔ اس موقع پر ڈاکٹر محمود واثق، وارسن ہومیوفارمیسی کے چیف ایگزیکٹو ڈاکٹر انوار الہی، گجرات کے ڈاکٹر ماجد اور ڈاکٹر ماس نے ڈرگ ایکٹ کے مختلف پہلوئوں پر اپنے خیالات کا اظہار کیا۔جبکہ گجرات کے ہومیوڈاکٹرز کی کثیر تعدا دنے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔
سانحہ کوئٹہ کے ذمہ دار ملکی سلامتی کے ساتھ کھیل رہے ہیں:ڈاکٹر طارق سلیم
گجرات (جی پی آئی) سانحہ کوئٹہ کے ذمہ دار ملکی سلامتی کے ساتھ کھیل رہے ہیں ۔اس دلخراش سانحہ پر ہر شخص کا دل زخمی اور افسردہ ہے۔مجرموں کو گرفتار کر کے عبرتناک سزائیں دی جائیں ۔ان خیالات کا اظہار جماعت اسلامی پنجاب کے ڈپٹی سیکرٹری جنرل ڈاکٹر طارق سلیم نے کیا۔انہوں نے کہا متاثرہ خاندانوں کی امداد اور زخمیوں کی دیکھ بھال حکومت کی ذمہ داری ہے۔ ڈاکٹر طارق سلیم نے کہا غیر ملکی طاقتیں جان بوجھ کر بلوچستان کے حالات خراب کر رہی ہیں۔اور جن افراد کی سرپرستی کر کے غیر ملکی ایجنٹ یہ کام کر وا رہے ہیںانہیں بے نقاب کرنا،ملکی سلامتی اور تحفظ کے لیے ناگزیر ہے۔ڈاکٹر طارق سلیم نے کہا اہلِ تشیع کمیونٹی نے جس حوصلے تدبر سے ان حادثات کو برداشت کیا ہے وہ ان کے محب وطن ہونے کا ثبوت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونیورسٹی آف گجرات میں BHMS کلاسز کے اجراء کے لئے قائم کمیٹی کا اجلاس گجرات یونیورسٹی میں منعقد ہوا
گجرات (جی پی آئی) یونیورسٹی آف گجرات میں BHMS کلاسز کے اجراء کے لئے قائم کمیٹی کا اجلاس گجرات یونیورسٹی میں منعقد ہوا جس کی صدارت پرنسپل نواز شریف میڈیکل کالج پروفیسر ڈاکٹر سجاد حسین نے کی۔ جبکہ میٹنگ میں وائس پرنسپل نواز شریف میڈیکل کالج پروفیسر ڈاکٹر جنید سرفراز خان، ڈائریکٹر (سی اے) ڈاکٹر سید طلعت اقبال، ڈائریکٹر سڈی پروفیسر فہیم، اسسٹنٹ پروفیسر ڈاکٹر ساجد محمود، اسسٹنٹ پروفیسر ڈاکٹر عبدالرئوف،ڈاکٹر اشفاق، ہومیوپیتھک ڈاکٹر ماس اور ہومیوپیتھک ڈاکٹر لیاقت علی مہر شریک ہوئے۔ ہومیوپیتھک کمیونٹی کی نمائندگی کرتے ہوئے ڈاکٹر مہر نے کمیٹی کو BHMS فیکلٹی قائم کرنے کے لئے سفارشات پیش کیں۔ ڈاکٹر ماس نے کمیٹی میں اٹھائے گئے سوالات پر دستاویزی ثبوت کے ساتھ معلومات فراہم کیں۔ جس پر چیرمین کمیٹی سرجن ڈاکٹر سجاد حسین نے ڈاکٹر ماس کو کہا کہ وہ کمپیوٹر پر انٹرنیشنل اور نیشنل لیول پر ہومیوپیتھی کے تناظر پر تفصیلی بریفنگ دیں۔ کمیٹی کا اگلا اجلاس مارچ 2013ء میںمتواقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جماعت اسلامی بنگلہ دیش کے رہنمائوں کو حب الوطنی کی جو سزا دی جارہی ہے: ڈاکٹر سید احسان اللہ
گجرات (جی پی آئی) جماعت اسلامی بنگلہ دیش کے رہنمائوں کو حب الوطنی کی جو سزا دی جارہی ہے وہ عالمی ضمیر کو جھنجوڑنے کے لیے کافی ہے۔1971میں متحدہ پاکستان کے ساتھ وفاداری کرنے والے 70،80سالہ بزرگوں کو جرم بے گناہی میں جیلوں میں ڈال کر بدترین انتقام کا نشانہ بنایا جارہا ہے۔ ان خیالات کا اظہار جماعت اسلامی ضلع گجرات کے امیر ڈاکٹر سید احسان اللہ ،جنرل سیکرٹری میاں شبیر احمد خاور نے کیا۔انہوں نے کہا جُرم بے گناہی میں قید ان محب وطن رہنمائوں کے حق میں آواز بلند کرنے والوں پر بدترین تشدد قابل مذمت ہے۔بنگلہ دیش حکومت سیاسی مخالفین کو کچلنے کا جو پروگرام لے کر چل رہی ہے وہ قابلِ مذمت ہے۔انسانی حقوق کی تنظیموں کو اس مسلہ پر خالصتاً انسانی بنیادوں پر آواز بلند کرنی چاہیے ۔ اور وہاں ظلم بربریت کا بازار گرم کرنے والوں کو دنیا کی نظروں میں بے نقاب کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
)مجلس وحدت مسلمین نے سانحہ کوئٹہ پر دوسرے روز بھی احتجاجی دھرنا جاری رکھا
گجرات(جی پی آئی)مجلس وحدت مسلمین نے سانحہ کوئٹہ پر دوسرے روز بھی احتجاجی دھرنا جاری رکھا جی ٹی روڈ اور ہریہ والا چوک بلاک کردی گئی گزشتہ روز گجرات میں مجلس وحدت مسلمین کے زیر اہتمام دوسرے روز بھی سانحہ کوئٹہ کیخلاف دھرنا دیا گیا ‘دھرنے کی قیادت علامہ تنویر رضوی نے کی احتجاجی دھرنے کے موقع پرہریہ والا چوک اور جی ٹی روڈ کو مکمل طور پر بند کردیاگیا ‘راولپنڈی اورلاہور جانیوالا ٹریفک کو متبادل راستوں سے گزارا گیاد ھرنے میں خواتین اور بچوں کی کثیر تعداد نے شرکت کی ‘علامہ تنویر رضوی نے اس موقع پر خطاب کرتے ہوئے کہا کہ دہشتگردوں کو فوری طورپرکیفر کردار تک پہنچایا جائے ۔ہزارہ کمیونٹی کی ٹارگٹ کلنگ ملک توڑنے کی سازش ہے انہوں نے کہاکہ حکمران اپنے پانچ سال پورے کرنے کی خوشی منارہے ہیں لیکن عوام کے دکھ درد کا حکمرانوں کا کوئی خیال نہیںہے ۔ہزارہ کمیونٹی کی ٹارگٹ کلنگ بند کی جائے دہشتگردوں کو انجام تک پہنچایا جائے ۔ہمارا پر امن احتجاج دہشتگردوں کی گرفتاری تک جاری رہے گا اس موقع شیعہ علماء کونسل کے رہنمائوں نے بھی خطاب کیا ا س موقع پر مظاہرین نے احتجاجی بینرز بھی اٹھا رکھے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
تھانہ ککرالی کے علاقہ میں معمولی تنازعہ پر سالے نے فائرنگ کرکے بہنوئی کو مار ڈالا پولیس نے مقدمہ درج کرلیا ہے
گجرات(جی پی آئی) تھانہ ککرالی کے علاقہ میں معمولی تنازعہ پر سالے نے فائرنگ کرکے بہنوئی کو مار ڈالا پولیس نے مقدمہ درج کرلیا ہے بتایا گیا ہے کہ ککرالی کا رہائشی مقتول نعیم ولد محمد شفیع اپنی روٹھی ہوئی بیوی کو منانے کیلئے گیا تو طیش میںآکر اس کے سالے علی عباس نے فائرنگ کرکے اسے موت کے گھاٹ اتاردیا ککرالی پولیس نے مقتول کے والد محمد شفیع کی رپورٹ پر ملزم کے خلاف مقدمہ درج کرکے نعش پوسٹ مارٹم کے بعد ورثاء کے حوالے کردی پولیس مصروف تفتیش ہے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
جرات و گردونواح میں شدید دھندکے باعث تمام کاروباری زندگی متاثر رہا دھند کے باعث سردی کی شدت میں اضافہ ہوگیا
گجرات(جی پی آئی)گجرات و گردونواح میں شدید دھندکے باعث تمام کاروباری زندگی متاثر رہا دھند کے باعث سردی کی شدت میں اضافہ ہوگیا سردی میں اضافہ کے بعد ایک بار پھر شہریوں نے گرم کپڑے پہننا شروع کردیئے خشک میوہ جات اور انڈوںکی قیمتو ں میں اضافہ ہوگیا دھند اور شدید سردی کے باعث سرکاری محکموںمیںملازمین کی حاضری انتہائی کم رہی ۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
ونیورسٹی آف گجرات میں مادری زبانوں کے عالمی دن کے موقع پر دو روزہ قومی کانفرنس بعنوان
گجرات(جی پی آئی) یونیورسٹی آف گجرات میں مادری زبانوں کے عالمی دن کے موقع پر دو روزہ قومی کانفرنس بعنوان ۔معاشی و سماجی ترقی میں پاکستانی زبانوں کا کردار اور پاکستانی زبانوں میں تراجم کے مسائل:پس منظر و پیش منظر”21اور 22فروری بروز جمعرات اور جمعہ ویڈیو کانفرنس ہال میں منعقد ہو گی۔صدارت VCڈاکٹر محمد نظام الدین کرین گے ۔کانفرنس میں ڈاکٹر انوار حسین صدیقی،فخر زمان ، ڈاکٹر واحد بخش بزدار ، ڈاکٹر ارشد محمود ناشاد ،راحت سعید ، ڈاکٹر بدرالدین اجن،ڈاکٹر اسماعیل گوہر ، ڈاکٹر امجد علی بھٹی ، پاکستانی زبانوں کے کردار کے حوالے سے مقالات پیش کریں گے جبکہ تراجم کے مسائل پر جنرل (ر) محمد اصغر ریکٹرNUST، مسعود اشعر، توحید احمد،جولین کامیو،ڈاکٹر سعادت سعید، اجمل کمال ، الطاف احمد قریشی ، ڈاکٹر مرزا حامد بیگ ، ڈاکٹر صغریٰ صدف، ڈاکٹر انعام الحق ، ڈاکٹر بدرالدین اجن و ڈاکٹر رضی عابدی مقالات پڑھیں گے۔
Related Posts
