گجرات(جی پی آئی) تھانہ کلچر میں تبدیلی کے لئے تفتیشی افسران کو پولیس لائن گجرات میںایک روزہ ٹریننگ دی گئی مہمان خصوصی ایڈیشنل سیشن جج گجرات قاسم علی تھیتفصیلات کے مطابق DPOگجرات رائے اعجاز احمد کی ہدائیت پر تھانہ کلچر میں تبدیلی اور پولیس افسران کی صلاحیتوں کو نکھارنے کے لئے پولیس لائن میں تربیتی پروگرام شروع کیا گیا ہے۔اس تربیتی ورکشاپ کے مہمان خصوصی ایڈیشنل سیشن جج گجرات قاسم علی تھے ۔ٹریننگ دینے والوں میں SPانویسٹی گیشن محمد ریاض ،ریٹائرڈ SPمحمد افضل ورک ،DSPلیگل اختر محمود گوندل ،ڈسٹرکٹ پراسیکیوٹر نعیم نوشاہی ،وائس پریزیڈنٹ ڈسٹرکٹ بار گجرا ت مس سیدہ ساجدہ اور معروف سماجی شخصیت ڈاکٹر طارق سلیم تھے ۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اسٹنٹ کمشنر عابد حسین بھٹی کی سربراہی میں سرکاری محکموں اور گجرات پریس کلب کے نمائندوںپر مشتمل ایک خصوصی کمیٹی نے گذشتہ روز صحافی کالونی کا دورہ کیا اور وہاں بنیادی سہولتوں اور انفرا سٹرکچر کی صورتحال کا جائزہ لیا کمیٹی کے ارکان صدر گجرات پریس کلب ، وسیم اشرف بٹ، جنرل سیکرٹری محمود اختر محمود ، ڈسٹرکٹ آفیسر روڈ محمد ارشد، ڈسٹرکٹ آفیسر بلڈنگ ، ڈپٹی اسسٹنٹ ڈائریکٹر خالد قریشی ، ٹی ایم اے کے انجینئر اور دیگر اہلکار بھی اس موقع پر موجود تھے کمیٹی کے ارکان کی اکثریت نے واٹر سپلائی اور سیوریج کے نظام کا بھی بغور معائنہ کیا جبکہ ٹی ایم اے کی طرف سے تعمیر کی گئی سڑکوں کی صورتحال کا جائزہ لیا یاد رہے کہ متذکرہ کمیٹی ڈی سی او گجرات آصف بلال لودھی کی طرف سے قائم کی گئی تھی تاکہ صحافی کالونی کو ٹی ایم اے کے حوالے کیا جا سکے اسٹنٹ کمشنر گجرات عابد حسین بھٹی کالونی کے معاملات کا تفصیلی جائزہ رپورٹ ڈی سی او گجرات کو پیش کریں گے جس کے بعد متعلق محکموں کا ایک اور اجلاس ڈی سی او گجرات کی صدارت میں ہو گا جس میں کمیٹی کی رپورٹ پر کاروائی کی جائے گی جس کی روشنی میں آئندہ فیصلے کئے جائینگے۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حاجی ناصر محمود، طارق بلال ملک ، آفتاب احمد ایڈووکیٹ کی سربراہی میں ایم ڈی سوئی گیس لاہور سے ملاقات گجرات میں کم پریشر اور پاٹری انڈسٹری کے مسائل سے آگاہ کیا گیا
گجرات(جی پی آئی)صدر شاہین گروپ حاجی ناصر محمود ،صدر گجرات چیمبر طارق بلال ملک اور آفتاب احمد ایڈووکیٹ صدر آل پاکستان پاٹری مینو فیکچرز ایسویشن کی سربراہی میں ایک وفد نے ایم ڈی سوئی ناردن کمپنی لاہور سے ملاقات کی جس میں علی اکرم فاروقی، علی مرتضی، سلیم طاہر بھی ہمراہ تھے۔میٹنگ میں گجرات میں پاٹری انڈسٹری کو گیس کی بندش کے بارے میں وفد نے ایم ڈی کو آگاہ کیا اور بتایامحکمہ سوئی گیس کی طرف سے پاٹری سے وابستہ صنعتکاروں کو اضافی بل بھجوائے گئے ہیں اور کچھ صنعتکاروں کو پچیس پچیس لاکھ روپے اضافی ڈالکر بل بھجوائے گئے ہیں جو کہ محکمہ کی طرف سے نا انصافی ہے اس کا نوٹس لیا جائے حاجی ناصر محمود نے ایم ڈی سوئی گیس کو بتایا کہ جی ٹی روڈ ، سروس موڑ، پر گیس کا پریشر بہت کم ہے وہاں پر بارہ یا سولہ انچ قطر کا پائپ بچھایا جائے تاکہ گیس پریشر میں اضافہ ہوحاجی ناصر محمود نے ایم ڈی سوئی گیس سے مطالبہ کیا کہ سوئی گیس آفس میں عملہ بڑھایا جائے اور کسٹمرز سروس ڈیسک علیحدہ قائم کیا جائے تاکہ صارفین کے مسائل فوری طور پر حل ہوں ، حاجی ناصر محمود نے ایم ڈی سوئی گیس کو پاٹری اور گھریلو صارفین کے مسائل سے آگاہ کیا جس پر ایم ڈی سوئی گیس نے آر ایم سوئی گیس گجرات کو لاہور میں طلب کر لیا ہے۔صدر گجرات چیمبر طارق بلال ملک نے ایم ڈی سوئی گیس کو گجرات چیمبر کی دعوت بھی دی جو انہوں نے قبول کرلی۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)پاکستان مسلم لیگ ق کے رہنماء سابق امیدوار حلقہ پی پی110گجرات چوہدری عمران اللہ گورالہ نے کہا ہے کہ موجودہ حکومت عوام کو ہر قسم کا ریلیف دینے میں ناکام ہوچکی ہے، مہنگائی، بے روز گاری ، دہشتگردی عروج پر ہے اور دہشتگرد کھلے عام اپنی کاروائیاں کر کے چلے جاتے ہیں ، مگر ابھی تک حکومت عوام کو تحفظ فراہم کرنے میں مکمل طور پر ناکام ہو چکی ہے چوہدر ی عمران گورالہ نے سانحہ اسلام آباد پر افسوس کا اظہار کرتے ہوئے کہا کہ اسلام آباد کچہری کے واقعات کی بھر پور مذمت کی جاتی ہے اس سانحہ میںشہید ہونے والے افراد کے لواحقین کو معاوضہ دے چوہدری عمران گورالہ نے کہا کہ اسلام ہمیں امن ، محبت اور بھائی چارے کا درس دیتا ہے ۔ اسلام کسی کا خون بہانے کی اجازت نہیں دیتا اسلام آباد واقعہ کی تحقیات اعلیٰ سطح پر کی جائیں ۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سابق کونسلر ٹھیکیدارحاجی سرور کٹھانہ نے ایڈمنسٹریٹر ٹی ایم اے فاروق رشید کی طرف سے ٹینڈر منسو خ کرنے کے فیصلہ کوصحیح قرار دیا ہے اور کہا ہے کہ ایڈمنسٹریٹر نے حالات و اقعات کو مد نظر رکھتے ہوئے ٹینڈرز کی بولی منسوخ کی ہے وہ چاہتے ہیں کہ ٹھیکے میرٹ پر ملیں ۔انہوںنے کہا کہ اس فیصلہ پر ایڈمنسٹریٹر کو خراج تحسین پیش کرتے ہیں اور امید کرتے ہیں کہ وہ مکمل طور پر میرٹ پر فیصلہ کرینگے۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پرائیویٹ سیکٹر فروغ تعلیم میں اہم کردار ادا کر رہا ہے ، ان خیالات کا اظہار ممتاز ماہر تعلیم اسسٹنٹ ایجوکیشن آفیسر علامہ ساجد محمود نے گزشتہ روز دی پنجاب سکول آف سائنسز کے زیر اہتمام منعقدہ سالانہ تقریب تقسیم انعامات کے موقع پر کیا ، انہوں نے کہا کہ اگر پرائیویٹ سیکٹرز کی صحیح معنوں میں سرپرستی کی جائے تو شرح خواندگی میں اضافہ ہو سکتا ہے ، انہوں نے کہا کہ دی پنجاب سکول آف سائنسز کی کارکردگی قابل تحسین ہے اور سر احسان اللہ نے جس انداز میں طلباء کی راہنمائی کا فریضہ سرانجام دیا ہے وہ قابل تحسین ہے ، پرائیویٹ تعلیمی ادارے بلاشبہ اپنی کارکردگی کو بہتر بنا رہے ہیں ، ہم سر احسان اور ان کی ٹیم کی صلاحیتوں کو سراہتے ہیں ، مہمان خصوصی چوہدری ذیشان وڑائچ نے کہا کہ دی پنجاب سکول آف سائنسز کی کارکردگی قابل تحسین ہے ، ہمارے علاقہ میں یہ ادارہ اپنی کاوشوں سے مقام بنا رہا ہے ، اس موقع پر پرنسپل احسان اللہ نے کہا کہ میں نے تعلیم کو پیشہ نہیں مشن کے تحت اپنایا ہے اور میں اپنے طلباء کی صحیح راہنمائی کا فریضہ سرانجام دیتا رہوں گا ، اہل علاقہ کا تعاون اس سلسلہ میں اہم کردار ادا کرتا ہے ۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) دی پنجاب سکول آف سائنسز سٹاف گلہ میں سالانہ تقریب تقسیم انعامات منعقد ہوئی ، جس کے مہمان خصوصی علاقہ کے ممتاز سماجی شخصیت چوہدری ذیشان وڑائچ اور چوہدری عرفان کمبوہ تھے ، دیگر مہمانوں میں حاجی ظفر رحمانی ، ڈاکٹر نذیر احمد ، چوہدری محمد امین آف اسپین ، اویس ملک پنجاب پولیس تھے ، جبکہ مہمانوں کا استقبال سکول کے چیئرمین چوہدری محمد عنصر نے کیا ، خطبہ استقبالیہ پرنسپل سر احسان اللہ نے کیا اس موقع پر طلباء و طالبات میں مختلف ٹیبلو پیش کیے مہمانانِ گرامی نے طلباء میں انعامات تقسیم کیے اور بچوں کی کارکردگی کو بے حد سراہا ۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سوسائٹی فار ڈویلپمنٹ ایشوز کے زیر اہتمام راشن کی تقسیم سوسائٹی فار ڈویلپمنٹ ایشوز رجسٹر ڈ کے تحت محلہ جوگی پورہ جلالپور جٹاں میں گزشتہ روز ایڈز کے متاثرہ خاندانوں میں راشن فراہم کیا گیا ، سوسائٹی کی چیئرمین محترمہ نزہت یاسمین نے اس موقع پر اپنے خطاب میں ایڈز کے متاثرہ خاندانوں کی بیوہ اور غریب خواتین کو یقین دلایا کے سوسائٹی اس کا ر خیر مین متاثرہ خاندانوں کے شانہ بشانہ ہو گی ، انشاء اللہ آئندہ پہلے سے زیادہ خاندانوں میں راشن فراہم کیا جائیگا ، سوسائٹی کی پروگرام منیجر حفصہ سلطان نے خواتین کو ایڈز کے بارے میں بریفنگ دی اور مرض کے بارے اختتاطی تدابیر سے آگاہ کیا ، اس موقع پر پروگرام کوارڈی نیٹر نجم الاسلام نے بھی اپنے خیالات کا اظہار کیا ، شہر کی سماجی شخصیت ظہور حسین شاہ نے بھی خصوصی شرکت کی اور سوسائٹی کے کام کو سراہا اور دعا کی آئندہ بھی یہ کام جاری رہے گا ۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)سنیئر رہنماء مسلم لیگ ن صدر مرکزی انجمن تاجران جاوید بٹ نے کہا کہ تجارت کا پیشہ سنت رسول ہے تجارت میں ہمیشہ برکت ہوتی ہے اور کاروبار میں دن بدن اضافہ ہوتا ہے تاجر ملک کی ترقی میں اہم کردار ادا کرتے ہیں ہم سب ملکر اس ملک کو ترقی یافتہ ملک بنا سکتے ہیں رائل موٹرز سرگودھا روڈ کے افتتاح کے موقع پر تاجروں سے خطاب کر رہے تھے اس سے قبل انہوں نے رائل موٹرز سرگودھا روڈ نزد قمر ہسپتال کا افتتاح کیا رائل موٹرز کے چیف ایگزیکٹو مدثر نوید عرف عادل شہزاد نے مہمان خصوصی جاوید بٹ اور دیگر راستوں کا استقبال کیا مٹھائی اور جوس سے مہمانوں کی تواضع کی گئی دیگر شرکت کرنے والوں میں صدر مسلم لیگ ٹریڈ ونگ ضلع گجرات شفیق الرحمن بٹ سرپرست ملک ارشد محمود، ایڈیشنل جنرل سیکرٹری چوہدری قاسم، چیئر مین مہر محمد اسلم عرف مٹھو، سٹی صدر ٹریڈونگ خان جلال خان، پرانا لاری اڈا کے صدر محمد خالد بٹ ، چوہدری ناصر محمود، ارشاد احمد نذر راجپوت کے علاوہ دیگر تاجر برادری بھی شامل تھی۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)چوہدری تنویر حسین سٹی نائب صدر مسلم لیگ ن نے کہا ہے کہ محلہ فیض آباد میں گجرات کا سب سے مہنگا فلٹریشن پلانٹ ٹی ایم اے کی غفلت کی وجہ سے عرصہ دراز سے بند پڑا ہے ، علاقہ کے لوگ پینے کے صاف پانی کو ترس گئے ہیں پچھلے دو سال میں فیض آباد میں تقریباً10موتیں صرف ہیپاٹائٹس سے ہوئی ہیں لواحقین اپنے پیاروں کا خون کس کے ہاتھ پر تلاش کریں اس کا کون ذمہ دار ہے ارباب اختیار ، محکمے یا ہماری سیاسی قیادت،پبلک ہیلتھ والوں نے عرصہ دو سال سے فیض آباد کی گلیاں اکھاڑ کر رکھ دی گئی ہیں بچے ، بوڑھے ، عورتیں کئی دفعہ گر کر زخمی ہو چکی ہیں متعلقہ محکموں اور اپنی سیاسی قیادت کو کئی دفعہ اس بارے بتا چکے ہیں لیکن ان کا کو ئی پرسان حال نہیں پچھلے جنرل الیکشن میں مسلم لیگ ن کو یوسی 48میں گجرات میں سب سے زیادہ لیڈ دلانے والی یوسی سے کس بات کا بدلہ لیا جارہا ہے ۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیک آباد میں خواتین کا تاریخ ساز اجتماع 9مارچ کو ہوگا: حضرت پیر محمد افضل قادری کا اعلان
گجرات(جی پی آئی)مرکز اہلسنت نیک آباد (مراڑیاں شریف ) گجرات کے شعبہ خواتین قادریہ عالمیہ یونیورسٹی کا سالانہ جلسہ تقسیم اسناد او ر تنظیم اہلسنت شعبہ خواتین کا سالانہ دینی اجتماع مؤرخہ 9مارچ بروز اتوار 10بجے دن مرکز اہلسنت نیک آباد (مراڑیاں شریف) میں شروع ہورہا ہے، جس میں مختلف شعبہ جات سے فارغ ہونے والی 1533 طالبات کو اسناد جاری کی جائیں گی، جبکہ اجتماع میں ملک بھر سے ہزارہا خواتین قافلہ در قافلہ شرکت کر رہی ہیں۔ دینی اجتماع میں مسلم خواتین کو اسلامی زندگی گزارنے، بے راہروی کی روک تھام اور شاندار فکری وعملی تربیت کیلئے شاندار لائحہ عمل دیا جائیگا۔ قادریہ عالمیہ یونیورسٹی نیک آبا د کے چانسلر پیشوائے اہلسنت حضرت پیر محمد افضل قادری نے مسلمانوں سے اپیل کی ہے کہ وہ اپنی مائوں، بہنوں، بیویوں اور بیٹیوں کو اس دینی اجتماع میں باپردہ شریک ہونے کیلئے انتظامات کر کے ثواب دارین حاصل کریں، جبکہ تنظیم اہلسنت شعبہ خواتین کی نگران محترمہ ر۔ ک۔.قادری نے کہا ہے کہ یہ اجتماع تاریخی ہوگا۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سروس انڈسٹریز لمٹیڈ، گجرات میں پنجاب سوشل سکیورٹی، گجرات کی طرف سے معذور کارکنان کے لیے امدادی چیکس کی تقسیم
گجرات(جی پی آئی) فرحان عزیز خواجہ، کمشنر پنجاب ایمپلائز سوشل سکیورٹی انسٹی ٹیوشن، ہیڈ آفس، لاہور کی خصوصی ہدایات پر سروس انڈسٹریز لمٹیڈ، گجرات میں معذور کارکنان کو ادارہ پنجاب سوشل سکیورٹی کی جانب سے امدادی چیکس دینے کے لیے ایک پُر وقار تقریب کا اہتمام کیا گیا۔ جس میں مذکورہ کمپنی کے ریجنل مینیجر، جنرل مینیجر، اعلیٰ افسران، لیبر فیڈریشن کے عہدیداران اور برجیس قدر علی خان، ڈائریکٹر پنجاب سوشل سکیورٹی گجرات نے اپنے ساتھیوں اور ماتحت عملہ کے ساتھ بھر پور شرکت کی اور مستحق کارکنان میں امدادی رقوم کے چیکس بھی تقسیم کیے۔ اس موقع پر تمام حاضرین نے پنجاب سوشل سکیورٹی کی اس نیک کاوش کو سراہا۔
ْْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)ڈسٹرکٹ کوآرڈینیٹر مصالحتی کمیٹیز چوہدری عمر گجر نے ڈی پی او رائے اعجاز احمد کی طرف سے ضلع بھر میں کھلی کچہریوں کے انعقاد کو خوش آئند قرار دیا ہے اور کہا ہے کہ کھلی کچہریاں وقت کی ضرورت ہیں لوگوں کو انکی دہلیز پر انصاف فراہم کر کے ہی انصاف کے تقاضے پورے کیے جاسکتے ہیں، چوہدری عمر گجرنے کہا کہ ڈی پی او رائے اعجاز احمد عوام دوست پولیس آفیسر ہیں اور انہوں نے تھوڑے عرصہ میں گجرات پولیس کی کارکردگی کو بہتر بنایا ہے،اور تفتیشی تھانیداروں کی ٹریننگ ورکشاپ کا انعقاد ڈی پی او رائے اعجاز احمد کا احسن اقدام ہے اس سے فرسودہ تفتیش کا نظام ختم ہوگا اور تھانہ کلچر میں بھی بہتر آئے گی، انہوں نے کہا کہ ہم ڈی پی او رائے اعجاز احمد کے مشکور ہیں جنہوں نے دوبارہ ضلع بھر کی مصالحتی کمیٹیوں کے کنونیئرز کے ساتھ میٹنگز کی ہیں اور مصالحتی کمیٹیوں کے کردار کو ضلع میں امن و امان کی بحالی کے لئے دوبارہ متحرک کر دیا گیا ہے، انشاء اللہ ضلع گجرات کے امن کی بحالی میں ہم اپنا بھر پور کردار ادا کریں گے ۔
