والی گھمگول شریف پیر سید حبیب اللہ شاہ سجادہ نشین آستانہ عالیہ گھمگول شریف کا گجرات
گجرات (جی پی آئی) والی گھمگول شریف پیر سید حبیب اللہ شاہ سجادہ نشین آستانہ عالیہ گھمگول شریف کا گجرات پہنچنے پر شاندار استقبال ، پل چناب پر پیر سید حبیب اللہ شاہ کا چوہدری افتخار احمد ملہی کی سربراہی میں استقبال کیا گیا ، اور شاندار استقبالیہ ریلیف کا انعقاد کیا گیا ، ریلی کے شرکاء پل چناب سے عید گاہ تک جلوس کی شکل میں آئے ، ریلی میں سینکڑوں موٹر سائیکل سوار اور کاڑیوں والے شامل تھے ، جگہ جگہ ریلی کے شرکاء پر پھولوں کی پتیاں نچھارو کی گئیں ، اور شرکائے قافلہ اللہ ہو کا ورد کرتے ہوئے عید گاہ پہنچے جہاں پر بہت بڑی محفل میلاد النبی ۖ منعقد ہوئی ، جس میں خصوصی شرکت ، صاحبزادہ پیر رضوان منصور آوانی زیب سجادہ نشین آستانہ عالیہ مہمدہ شریف و آوان شریف نے کی ، اس موقع پر مناظر اسلام مفتی محمد اقبال چشتی نے خصوصی خطاب کیا ، نقابت کے فرائض افتخار رضوی نے سرانجام دئیے ، اس موقع پر ملک کی اہم مذہبی شخصیات نے کثیر تعداد میں شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایجوکیٹرز بارہ دری کیمپس میں ٹیکنالوجی فار ایجوکیشن کے تحت ایکٹو الیکٹرانک بورڈ
گجرات (جی پی آئی) دی ایجوکیٹرز بارہ دری کیمپس میں ٹیکنالوجی فار ایجوکیشن کے تحت ایکٹو الیکٹرانک بورڈ کے استعمال کے سلسلہ میں ٹیچرز اور بچوں کی دو روزہ تربیتی ورکشاپ دی ایجوکیٹرز بارہ دری کیمپس میں شروع ہو گئی ، مس عنبرین اور مس مریم اسلام آباد یہ ٹریننگ دے رہی ہیں جس کا مقصد بچوں کو ایکٹو الیکٹرانک بورڈ کے استعمال کے حوالہ سے بتایا ہے تا کہ وہ آسانی سے اس سے مستفید ہو سکیں ، اس موقع پر ایڈمنسٹریٹر دی ایجوکیٹرز بارہ دری کیمپس شہزاد شفیق نقشبندی نے کہا کہ ہم نے ہمیشہ بچوں کی تعلیم و تربیت کے حوالہ سے کام کیا ہے اور جدید ٹیکنالوجی کے ذریعے بچوں کو تربیت دی ہے ، اور ایکٹو بورڈ کے آنے سے طلباء و طالبات کو سہولت ملے گی اس سلسلہ میں والدین بھی بھرپور تعاون کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زیب سجادہ نشین آستانہ عالیہ مہمدہ شریف و آوان شریف صاحبزادہ پیر رضوان منصور آوانی
گجرات (جی پی آئی) زیب سجادہ نشین آستانہ عالیہ مہمدہ شریف و آوان شریف صاحبزادہ پیر رضوان منصور آوانی نے سجادہ نشین آستانہ عالیہ گھمگول شریف پیر سید حبیب اللہ شاہ سے ملاقات کی اور انہوں نے جامع مسجد عید گاہ میں ہونے والی محفل میں خصوصی شرکت کی ، اس موقع پر اہم شخصیات بھی موجود تھیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان ریلوے کے ہیڈ ٹی سی آر چوہدری عنصر علی کی ہمشیرہ محترمہ گزشتہ روز رضائے الٰہی سے انتقال کر گئیں
گجرات (جی پی آئی) پاکستان ریلوے کے ہیڈ ٹی سی آر چوہدری عنصر علی کی ہمشیرہ محترمہ گزشتہ روز رضائے الٰہی سے انتقال کر گئیں ، مرحومہ کو سینکڑوں سوگواروں کی موجودگی میں موضع عالم گڑھ میں سپرد خاک کر دیا گیا ، مرحومہ کی نماز جنازہ صاحبزادہ پیر رضوان منصور آوانی نے پڑھائی ، اس موقع پر ہر مکتبہ فکر سے تعلق رکھنے والے افراد کی کثیر تعداد نے شرکت کی ، مرحومہ کے ایصال ثواب کیلئے ختم قل کی محفل آج ان کے آبائی گائوں موضع عالم گڑھ میں ہو گی ، خصوصی خطاب علامہ شاہد چشتی کرینگے جبکہ ممتاز ثناء خوانِ رسول ہدیہ نعت پیش کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز روحانی شخصیت صاحبزادہ قاضی منصور الحق آوانی سجادہ نشین آستانہ عالیہ مہمدہ شریف
گجرات (جی پی آئی) ممتاز روحانی شخصیت صاحبزادہ قاضی منصور الحق آوانی سجادہ نشین آستانہ عالیہ مہمدہ شریف و آوان شریف کی والدہ محترمہ کے ایصال ثواب کیلئے سالانہ برسی کی محفل ان کی رہائشگاہ گلشن محبوب مہمدہ میں منعقد ہوئی ،جس میں خصوصی شرکت سجادہ نشین آستانہ عالیہ غوث یگانہ چھالے شریف پیر سید انتصار الحسن شاہ ، سجادہ نشین آستانہ عالیہ ڈھینڈ شریف پیر سید زاہد حسین شاہ ترمذی نے کی ، اس موقع پر منعقدہ محفل کی نگرانی صاحبزادہ قاضی رضوان منصور آوانی نے کی ، محفل میں ممتاز شخصیات کی کثیر تعداد نے شرکت کی ،ممتاز ثناء خوانِ رسول عارف شاہد گوندل ، حافظ محمد صدیق ، سید دلدار شاہ ، حافظ غلام حسین آف لوراں و دیگر نے ہدیہ نعت بحضور سرور کائنات ۖ پیش کیا ، اس موقع پر ملک کی ترقی و سلامتی کیلئے خصوصی دعائیں کی گئیں ۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع گجرات کے مایہ ناز تعلیمی ادارے دی ایجوکیٹرز بارہ دری کیمپس ہائی گجرات کی شاندار کارکردگی
گجرات (جی پی آئی) ضلع گجرات کے مایہ ناز تعلیمی ادارے دی ایجوکیٹرز بارہ دری کیمپس ہائی گجرات کی شاندار کارکردگی ، پاکستان سائنس کمیشن کے زیر اہتمام ہونے والے پاکستان سائنس کونٹیسٹ 2014میں دی ایجوکیٹرز بارہ دری کیمپس ہائی سکول گجرات کے طلبہ نے نمایاں پوزیشنیں حاصل کر لیں ، تفصیلات کے مطابق کلاس ہفتم کے طالب علم احتشام علی نے پاکستان میں پانچویں اور ضلع میں پہلی پوزیشن حاصل کر لی انہیں پاکستان سائنس کمیشن کی طرف سے USBفلیش ڈرائیو 4GB، رسٹ واچ ، سرٹیفکیٹ ملا ، کلاس پنجم کے طالبعلم خذیفہ حسن نے پاکستان میں ہفتم اور ڈسٹرکٹ میں اول پوزیشن حاصل کی ، انہیں رسٹ واچ ، سرٹیفکیٹ ملا ، کلاس ششم کے اسد اللہ نواز نے ڈسٹرکٹ میں اول پوزیشن حاصل کی انہیں رسٹ واچ ، USB، سرٹیفکیٹ ملا ، کلاس ہفتم کی جویریہ عرفان نے ڈسٹرکٹ میں سوئم پوزیشن حاصل کی انہیں رسٹ واچ ، USB، سند کلاس ہفتم کی عائشہ افتخار نے پاکستان میں نہم اور ڈسٹرکٹ میں دوم پوزیشن حاصل کی ، انہیں رسٹ واچ ، USB، سرٹیفکیٹ ملا ، اس شاندار کارکردگی پر ضلع کی ممتاز شخصیات نے پرنسپل شہزاد شفیق اور ان کی ٹیم کو مبارک باد پیش کی ہے اور امید ظاہر کی ہے کہ یہ ادارہ پاکستان لیول پر تعلیمی خدمات سرانجام دے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موضع عالم گڑھ میں ممتاز علمی شخصیت حکیم محمد اشرف نمبردار نے عظیم الشان لائبریری قائم کی ہے
گجرات (جی پی آئی) موضع عالم گڑھ میں ممتاز علمی شخصیت حکیم محمد اشرف نمبردار نے عظیم الشان لائبریری قائم کی ہے جس میں ہزاروں کی تعداد میں کتب جن میں تاریخی ، ادبی ، مذہبی کتب شامل ہیں ، مہیا کی گئیں ہیں ، یہ کتب علم کے متلاشوں کیلئے بہت کارآمد ثابت ہو رہی ہیں ،اور کئی طلباء اس لائبریری سے مستفید ہو کر PHDکی ڈگری حاصل کر چکے ہیں ، حکیم محمد اشرف نمبردار نے اپنی مدد آپ کے تحت یہ لائبریری شروع کی تا کہ نوجوان نسل کو سہولیات فراہم کی جا سکیں ، اہم علمی و مذہبی شخصیات اس لائبریری کا دورہ کر چکی ہیں اگر حکومت حکیم محمد اشرف نمبردار کو وسائل فراہم کرے تو یہ ذخیرہ صدیوں تک محفوظ کیا جا سکتا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ سٹی گجرات کے صدر شیخ عرفان پرویز ، ڈاکٹر رزاق احمد غفاری ، رانا مشرف علی نازگجرات (جی پی آئی) سٹیزن فرنٹ سٹی گجرات کے صدر شیخ عرفان پرویز ، ڈاکٹر رزاق احمد غفاری ، رانا مشرف علی ناز ودیگر نے مشترکہ تعزیتی بیان میں پاکستان ریلوے کے ہیڈ ٹی سی آر چوہدری عنصر علی کی ہمشیرہ محترمہ کی وفات پر گہرے رنج وغم کا اظہار کیا ہے اور دعا کی ہے کہ اللہ تعالیٰ مرحومہ کو جنت الفردوس میں اعلیٰ جگہ اور لواحقین کو صبر جمیل عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق کونسلر ڈاکٹر نذیر احمد نے اپنے بیان میں ڈی ایس پی ٹریفک میاں سہیل فاضل سے مطالبہ کیا ہے
گجرات (جی پی آئی) سابق کونسلر ڈاکٹر نذیر احمد نے اپنے بیان میں ڈی ایس پی ٹریفک میاں سہیل فاضل سے مطالبہ کیا ہے کہ گوہر پلازہ کے سامنے چنگ چی رکشہ والوں نے مستقل سٹینڈ بنا رکھا ہے ، اور یہاں پر چوبیس گھنٹے رکشہ والے کھڑے رہتے ہیں جس سے گزرنے والوں کو مشکلات کا سامنا کرنا پڑتا ہے خصوصاً وہ طالبات جو کہ کالج اور سکول جاتی ہیں کو یہ اوباش رکشہ ڈرائیورز تنگ کرتے ہیں ، ضلعی انتظامیہ سے اپیل کی جاتی ہے کہ فوری طور پر ایسے اقدامات کیے جائیں جس سے طالبات اور شہریوں کا ان رکشہ والوں سے چھڑکارا ممکن ہو سکے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گلوبل پریس انٹرنیشنل GPIمیں ماہانہ محفل گیارہویں شریف منعقد ہوئی ، جس میں خصوصی خطاب علامہ محمد دین راجووری نے کیا
گجرات (جی پی آئی) گلوبل پریس انٹرنیشنل GPIمیں ماہانہ محفل گیارہویں شریف منعقد ہوئی ، جس میں خصوصی خطاب علامہ محمد دین راجووری نے کیا ، جبکہ نعت رسول مقبول ۖ ممتاز ثناء خوانِ رسول مظہر عزیز قادری نے پیش کی ، اس موقع پر چوہدری خالق محمود ، عامر چوہدری ، ڈاکٹر رزاق احمد غفاری ، یاسر وریاء ، فیاض غفاری ، کلیم اللہ غفاری و دیگر شریک ہوئے ، ملک کی ترقی و سلامتی کیلئے خصوصی دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممبر اسلامی نظریاتی کونسل و چیف آرگنائزر JUPپیر سید سعید احمد شاہ گجراتی کی رہائشگاہ پر ایم پی اے و JUPکے مرکزی راہنما پیر سید محفوظ مشہدی
گجرات (جی پی آئی) ممبر اسلامی نظریاتی کونسل و چیف آرگنائزر JUPپیر سید سعید احمد شاہ گجراتی کی رہائشگاہ پر ایم پی اے و JUPکے مرکزی راہنما پیر سید محفوظ مشہدی ، سردار محمد خاں لغاری و دیگر اہم شخصیات آئیں اس موقع پر میڈیا کی کثیر تعداد بھی موجود تھی ، علمائے کرام جن میں علامہ عنصر محمود انجم ، علامہ ارشد نقشبندی ، قاری عمران فاروقی ، قاری عابد جلالی ، محمد ریاض جلالی ، قاری حنیف جلالی ، قاری اعجاز جلالی ، قاری محمد منیر رضا قادری ، مولانا ریاض و دیگر موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تاریخ کے بدترین دور سے گزر رہا ہے ، یورپی گماشتوں نے پاکستان کو اپنی سیاست کیلئے میدان جنگ بنا دیا ہے
گجرات (جی پی آئی) پاکستان تاریخ کے بدترین دور سے گزر رہا ہے ، یورپی گماشتوں نے پاکستان کو اپنی سیاست کیلئے میدان جنگ بنا دیا ہے ، اور کوئی بھی پاکستان کا خیر خواہ نہیں ، دو اسلامی ممالک ایران اور سعودی عرب کی آپس کی جنگوں کی وجہ سے مسلمانوں کو نقصان ہو رہا ہے ، ان خیالات کا اظہار ممبر صوبائی اسمبلی پیر محفوظ مشہدی نے گزشتہ روز پیر سید سعید احمد شاہ گجراتی کی رہائشگاہ پر منعقدہ پریس کانفرنس کے دوران کیا ، انہوں نے کہا کہ موجودہ دور اس بات کا متقاضی ہے کہ اہلسنت ایک پلیٹ فارم پر جمع ہو جائیں اور دہشت گردی جیسے واقعات کا ڈٹ کر مقابلہ کیا جائے اور جو لوگ ملک میں بدامنی پھیلانا چاہتے ہیں کے مقاصد کو ناکام بنایا جائے اہلسنت پاکستان کو بنانے والے ہیں اور اہلسنت ہی پاکستان کو بچائیں گے ، اولیاء اہلسنت کی کوششوں سے پاکستان معرض وجود میں آیا تھا ، JUPتمام اہلسنت کی جماعتوں پر مشتمل جماعت ہے ، اور یہ جماعت اہلسنت کو ایک پلیٹ فارم پر لانا چاہتی ہے ، ملی یکجہتی کونسل کے زیر اہتمام کل میریٹ ہوٹل میں اہم تقریب منعقد ہو گی ، جس میں ملی یکجہتی کونسل کی تمام جماعتوں کے نمائندگان شریک ہونگے اور یکم مئی کو گوجرانوالہ میں عظیم الشان تنظیمی کنونشن منعقد ہو گا ، جس کے سلسلہ میں میں تمام ڈویژن کا دورہ کر رہا ہوں اور اہلسنت کی تمام جماعتوں و راہنمائوں کو اس کنونشن میں شرکت کی دعوت دی جائے گی ، اس موقع پر ممبر اسلامی نظریاتی کونسل پیر سید سعید احمد شاہ گجراتی نے کہا کہ ہم دہشت گردی اور لاقانونیت کی مذمت کرتے ہیں ، اہلسنت نے ہمیشہ امن کی بات کی ہے، اس موقع پر دیگر اہم شخصیات بھی موجود تھیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹی صدر مسلم لیگ ن محمد حنیف حیدری نے گزشتہ روز اپنے ایک بیان میں کہا کہ ن لیگ گجرات (جی پی آئی) سٹی صدر مسلم لیگ ن محمد حنیف حیدری نے گزشتہ روز اپنے ایک بیان میں کہا کہ ن لیگ اور ا ن کے حواریوںکی غلط پالیسیو ںکی وجہ سے عوام کا کوئی پرسان حال نہ ہے لوگوں کو سہولیات دینے کی بجائے الٹاان سے سہولیات چھینی جارہی ہیں اوران کو بے یارو مدد گارچھوڑ دیا گیا ہے اور جھوٹے وعدوں کے علاوہ کوئی کام نہ ہے کوئی بھی ادارہ حکومت کے کنٹرول میںنہ ہے اور آج چوہدری پرویز الٰہی کے دور کو یاد کررہے ہیں جنہوں نے گجراتیوں کو یونیورسٹی آف گجرات کا جوتحفہ دیا ہے وہ قابل تحسین ہے اس کے علاوہ پورے پنجاب میںبے شمار یونیورسٹیاںاور ترقیاتی کام جو کبھی نہ بھولنے والے ہیںاور یوں کہہ لیا جائے کہ کوئی بھی ادارہ حکومت کے کنٹرول میں نہ ہے ماسوائے ایک ادارہ جو چوہدری پرویز الٰہی کی ذاتی کوششوں سے بنا 1122ہے جسے ایک غریب آدمی بھی ایک کال کرے تو اس کی کال پر وہ فوری اپنی خدمات پیش کردیتے ہیں اور کسی سفارش کے بغیر چند منٹوں میں عوام کی مدد کیلئے پہنچ جاتے ہیں قابل تحسین ہے یہ وہ کام جو پاکستان کے بننے سے آج تک کوئی بھی سیاسی لیڈرنہ کرسکا جو کہ چوہدری پرویزالٰہی نے کردکھایا اور ان تمام کاموں کی وجہ ضلع گجرات کے وہ لوگ ہیں جنہوں نے چوہدری پرویز الٰہی کو کامیاب کرکے اس منزل تک پہنچایا جہاں تک پہنچنا عام آدمی کے بس کی بات نہ ہے خواہشات بہت سے لوگ کرتے ہیںلیکن اللہ تعالیٰ کی ذات پاک کی چوہدری برادران پر خاص کرم نوازی ہے جنہوں نے پوری قوم کا بیڑا اٹھایا ہوا ہے اور وہ لوگ بھی قابل تحسین ہیںجو ایک عام آدمی کی کال پر بے بس اور مجبو رلوگوںکی مدد کو پہنچتے ہیں اور جو ثواب چوہدری پرویزالٰہی کو اس ادارہ سے مل رہا ہے جب تک یہ ادارہ قائم ہے ان کو ملتا رہے گا اس کے علاوہ ان ووٹروں کو بھی ان کا ثواب ملے گا جنہوں نے ان کو کامیاب کروا کر اس منزل تک پہنچایا کام کرنے کے تو سب دعوے کرتے ہیںمگر زیادہ تر لوگ جھوٹے وعدے صرف ووٹ حاصل کرنے کیلئے کرتے ہیں اور دوبارہ عوام کو آنے والے الیکشن تک یاد نہیںرکھتے جس طرح کی موجودہ حکومت ہے جعل سازی کے ذریعے ریٹرننگ آفیسرز کے ذریعے کامیاب تو ہوگئے مگر یہ لوگ عوام کے مینڈیٹ کی توہین کررہے ہیں لوٹ مار کرپشن جعل سازی ان کا وطیرہ بن چکا ہے اور تمام ادارے ان کے کنٹرول سے باہر ہوچکے ہیں ان کے انہی کرتوتوں کی وجہ سے اس حکومت کا کسی ٹائم بھی تختہ الٹ جائیگا اور عوام ق لیگ کی حکومت کو دوبارہ برسر اقتدار لائینگے تاکہ پاکستان دوبارہ ترقی کی راہ پر گامزن ہوسکیں۔
Related Posts
