گجرات(جی پی آئی )مرکزی مجلس شوریٰ کے رکن ونگران باب المدینہ مشاورت حاجی محمد امین عطار ی نے کہا ہے کہ اولاد ماں باپ کے جگر کا ٹکڑا ور آنکھوں کا نور ہوتی ہے ۔زمانہ جاہلیت میں کفار اپنی ہی اولاد کو قتل کردیتے تھے۔ بیٹیوں کو زندہ درگور کردینا ان کیلئے کوئی معیوب عمل نہ تھا ۔ان خیالات کااظہار انہوںنے دعوت اسلامی کے عالمی مدنی مرکز فیضان مدینہ میں بیان کرتے ہوئے کیا۔ انہوںنے کہا کہ افسوس آج بھی علم دین سے دور ی کے باعث بہت سے نادان لوگ بیٹیوں کی پیدائش پر رنجیدہ ہوجاتے ہیں اور بعض تو اپنی بیوی کو محض بیٹی کی پیدائش پر طلاق دینے سے بھی دریغ نہیں کرتے ۔یادرکھیں کہ اللہ عزوجل تمام کائنات کا خالق ومالک ہے اس کے اختیار میں ہے جسے چاہے بیٹی دے اور جسے چاہے بیٹے سے نوازدے ۔بہت سے لوگوں کو اولاد کی نعمت نہیں دیجاتی اس میں اللہ عزوجل کی حکمت ہے ۔اللہ عزوجل ماں کے مقابلے میں ستر درجے زیادہ محبت کرتا ہے ۔اپنے بندوں کو وہی نعمتیں دیتا ہے جو ان کے حق میں بہتر ہوتی ہیں ۔بیٹا ملے یا بیٹی یا بے اولاد رہیں ہر حال اور ہر صورت میںاللہ عزوجل کا شکر ادا کرتے رہیں ۔آزمائشوں پر صبر سے کام لیں زبان پر شکوہ وشکایت عظیم ثواب سے محروم کرواسکتی ہے۔ انہوںنے کہا کہ بیٹیاں اللہ عزوجل کی رحمت ہیں الحمدللہ عزوجل اسلام نے انہیں عظمت بخشی ہے ۔اسلام ہی وہ واحد دین کامل ہے جس نے عورت کو حقیقی معنوں میں تحفظ فراہم کیا ہے۔رکن شوریٰ نے کہا کہ بیٹی کی پیدائش پر فرشتے اہلخانہ کو سلام کرتے ہیں ۔جب خاتون جنت بی بی فاطمة الزہرہ رضی اللہ تعالیٰ عنہ تشریف لاتی تومدینہ کے تاجدار ۖ قیام فرماتے ۔ شفقت کے ساتھ ہاتھوںکو بوسہ دیتے اور اپنی نشست پر بٹھاتے ۔مسلمانوں کو چاہئے کہ جب بھی کوئی عمدہ شے گھر والوںکیلئے لائیں تو بیٹیوں کو دینے میں پہل کریں ۔اہلخانہ پر خرچ کرنے والے کو اللہ عزوجل کی راہ میں صدقہ کرنے والوںکی طرح ثواب ملتا ہے ۔بیٹیوں کو ہرگز برا نہ سمجھیں یہ تو محبت کرنے والیاںہوتی ہیں ۔جو بیٹیوں کی پیدائش پر خوش ہو،اسے ایذانہ دے وہ اللہ عزوجل کے حکم سے جنت میں داخل ہوگا اور یہ بیٹیاں اسے جہنم میں جانے سے روک دیں گی ۔ بیٹیوں کی پرورش کی ذمہ داری نبھانے والے کی اللہ عزوجل مدد فرماتا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) عالمی تنظیم اہلسنت خواتین کا عظیم الشان اجتماع جلالپور صوبتیاں میں منعقد ہوا، بارش کے باوجود ہزاروں خواتین اسلام نے شرکت کی جبکہ اجتماع کی سرپرستی حضرت پیر محمد افضل قادری امیر عالمی تنظیم اہلسنت وچیئرمین سنی مجلس عمل نے کی۔ عالمی تنظیم اہلسنت شعبہ خواتین کی مرکزی رہنماء محترمہ ر۔ ک۔ قادری، محترمہ شازیہ قادری اور ملک بھر سے آئی ہوئی دیگر نامور خواتین اسکالر نے خطابات کئے۔ اس موقع پر خطابات میں زور دیا گیا کہ خوتین اپنے آپ اور خاندان کو اللہ کے راہ پر لگائیں، نیکی اور تقویٰ کے فروغ کیلئے سرگرم ہوجائیں تاکہ رضاء خداوندی نصیب ہو۔ انہوں نے اس بات پر زور دیا کہ جس طرح دنیا کی تکلیفوں سے نجات کیلئے جستجو کی جاتی ہے اسی طرح اپنے آپ اور اپنی اولاد کو جہنم کی سختیوں سے بچانے کیلئے کردار ادا کرنا ہوگا۔ نیز علم دین کے حصول پر زور دیا جائے کیونکہ اس سے ہی خالق کائنات کی معرفت حاصل ہوتی ہے اور اسی سے ہی سعادات دارین کا حصول ممکن ہے۔ عالمات وخواتین اسکالرز نے مزید کہا کہ کمال ایمان کیلئے محبت رسول لازم ہے لہذا محبت رسول اور اطاعت رسول کے جذبوں کو عام کیا جائے۔ اس موقع پر حکومت وقت سے مطالبہ کیا گیا کہ پاکستان میں موجود مسلمانوں کے رہن سہن اور آخرت دونوں کو بہتر کرنے کیلئے اقدامات اٹھائے جائیں، صرف دنیاوی زندگی پر توجہ دینا اور اخروی زندگی کو بھول جانا، تعلیمات اسلامی کے منافی ہے۔ آخر میں ملک وملت کیلئے رقت آمیز اجتماعی دعا کرائی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )پی ٹی آئی یوتھ ونگ ضلع گجرات کے راہنما فیضان خالد بٹ کی بیٹی کی وفات پر نوازش علی شیخ ایڈووکیٹ نے انسے اظہار تعزیت کیا۔ پاکستان تحریک انصاف کے سینئر راہنما ممبر صوبائی کونسل پنجاب نوازش علی شیخ ایڈووکیٹ ،نائب صدر تحصیل کھاریاںسید حسن رضا شاہ گیلانی،صدر پی ٹی آئی لالہ موسیٰ سہیل نواز خان، طاہر رفیق بٹ آف شاہ سر مست،آفس انچارج غلام عباس بھٹہ نے پی ٹی آئی یو تھ ونگ ضلع گجرات کے راہنما فیضان خالد بٹ کی بیٹی کی وفات پر گہرے دکھ اورافسوس کا اظہار کرتے ہوئے دعا کی کہ اللہ تعالیٰ فیضان خالد بٹ اور انکے اہلخانہ کو غم اور دکھ کی اس گھڑی میں صبر جمیل عطا کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )ڈی سی او لیاقت علی چٹھہ نے کہا ہے کہ وزیر اعلی پنجاب کے وژن کے مطابق بھٹہ جات پر کام کرنیوالے مزدوروں کے بچوں کو زیور تعلیم سے آراستہ کرنے کے لئے رواں مالی سال کے دوران ضلع کے مختلف علاقہ جات میں قائم 50بھٹہ جات پر غیر رسمی تعلیمی ادارے قائم کئے جائیں گے ان میں سے 11غیر رسمی سکولوں میں تدریس کا آغاز بھی کر دیا گیا ہے۔ انہوں نے بتایا کہ حکومت پنجاب لیبر ڈیپارٹمنٹ کے اس پروگرام کے تحت صوبے کے گجرات سمیت صوبے کے چار اضلاع میں اس نوعیت کے ادارے قائم کرنے کا منصوبہ ہے جس کے لئے 196ملین روپے مختص کئے گئے ہیں۔ انہوں نے بتایا کہ غیر رسمی تعلیم کے یہ ادارے ایسے بھٹہ جات پر بنائے جائیں گے جہاں کام کرنیوالے مزدوروں کے 5سے 14سال تک عمر کے بچوں کی تعداد کم از کم 35ہوگی لیبر ڈیپارٹمنٹ نے اس مقصد کے لئے 25بھٹہ جات کی نشاندہی بھی کرلی ہے جہاں یہ سکول قائم ہوسکتے ہیں۔ ڈی سی او نے بتایا کہ ابتک شادیوال، چک سادہ، جلالپور جٹاں، بھمبر روڈ کے علاقوں میں 11سکول قائم ہو چکے ہیں جبکہ اب دور دراز دیہات میں واقع بھٹہ جات پر ان سکولوں کے قیام کے لئے کام جاری ہے۔ انہوں نے بتایا کہ حکومت پنجاب کے اس پروگرام کے تحت ان غیر رسمی سکولوں کے لئے ضروری عمارت اور وہاں بجلی ، پانی سمیت تمام سہولیات بھٹہ جات کے مالکان فراہم کریں گے جبکہ وہاں تدریس کے لئے سٹاف حکومت پنجاب فراہم کرے گی ان سکولوں میں طلبہ کو پرائمری تک تعلیم دی جائے گی جبکہ پرائمری تعلیم مکمل کرنیوالے بچوں کو قریبی سرکاری سکولوں میں داخل کرایا جائے گا۔ ڈی سی او لیاقت علی چٹھہ نے اس عزم کا اظہار کیا کہ وزیر اعلی پنجاب کے وژن کے مطابق بھٹہ جات پر کام کرنیوالے مزدوروں کے بچوں کو تعلیم دینے کے اس منصبوبے کے انتہائی مثبت نتائج مرتب ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )نواحی موضع رندھیر میں نیز ہ بازی کے مقابلے ہوئے جس میں پنجاب بھر سے نیزہ بازو ں نے بھرپور شرکت کی اختتامی تقریب کے مہمان خصوصی ڈی سی او لیاقت علی چٹھہ اور ایم پی اے میاں طارق محمود،ایم پی اے چوہدری محمد اشرف دیونہ جبکہ مہمانان گرامی مسلم لیگ ن کے راہنما چوہدری تنویر گوندل، چوہدری ظہور الہی، چوہدری طالب حسین مہسی اور چوہدری یاسر وڑائچ تھے جنہوںنے نمایاں کارکردگی کا مظاہر ہ کرنیوالے نیزہ بازوں میں انعامات تقسیم کئے۔ جشن رندھیر نیزہ بازی کے نام سے مقابلوں میں شریک گھڑ سواروں نے نیزہ بازی کے فن کا بھرپور مظاہر ہ کیا جسے دیکھنے کے لئے بڑی تعداد میں شائقین موجود تھے اور انہوں نے گھڑسواروں کی مہارت کی بھرپور داد دی۔ اس دوران شرکاء ڈھول کی تھاپ پر بھنگڑے بھی ڈالتے رہے۔اس موقع پر اظہار خیال کرتے ہوئے ڈی سی او لیاقت علی چٹھہ نے مقابلوں میں شریک گھڑ سواروں کی مہارت کو زبردست سراہا اور کہا کہ نیزہ بازی کے یہ مقابلے جہاں پنجاب کے روایتی کلچر کے عکاس ہیں وہیں ان سے صحت مندانہ سرگرمیوں کو فروغ ملے گا نیز بہتر نسل کے جانوروں کی افزائش کی بھی حوصلہ افزائی ہوگی۔ انہوںنے کہا کہ حکومت پنجاب صوبے میں کھیلوں کے فروغ کے لئے بھرپور وسائل فراہم کررہی ہے اور حکومتی سطح پر پنجاب یوتھ سپورٹس فیسٹول کا انعقاد اسی سلسلے کی کڑی ہے جس کے تحت دیہات سے یونین کونسل ، تحصیل اور ضلع کی سطح پر مقابلوں کے لئے رجسٹریشن کا آغاز کر دیا گیا ہے اور پنجاب یوتھ سپورٹس فیسٹول 2015کا جلد باقاعدہ آغا زکر دیا جائے گا۔ ایم پی اے میاںمحمد طارق نے مقابلوں میں شرکت کے لئے آنیوالے گھڑسواروں اور شائقین کا شکریہ ادا کیا اور جشن رندھیر کے منتظمین کو بھی زبردست خراج تحسین پیش کیا۔ انہوں نے کہا کہ وزیر اعلی پنجاب میں شہبازشریف کی حکومت جہاں تمام شعبہ ہائے زندگی میں بہتری کے لئے کوشاں ہے وہیں کھیلوں کے فروغ کے لئے بھی عملی اقدامات انکی اس شعبہ کی طرف توجہ کا مظہر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )ایڈمنسٹریٹر ٹی ایم اے عرفان علی کاٹھیا نے حالیہ بارشوں پانی کے نکاس کا جائزہ لینے کے لئے شہر کے مختلف علاقوں جیل چوک، کچہری چوک، چوک نوابزادگان، ڈسپوزل اسٹیشنز شاہین چوک، رتی، رامتلائی چوک، بوکن موڑ کا دورہ کیا ، ٹی ایم او محمود اقبال گوندل، چیف آفیسر عظمت فرید اور دیگر افسران بھی اس موقع پر انکے ہمراہ تھے۔ اس موقع پر بات چیت کرتے ہوئے انہوں نے کہا کہ ڈی سی او لیاقت علی چٹھہ کی ہدایات کے مطابق شہر سے پانی کا نکاس یقینی بنانے کے لئے تمام ڈسپوزل اسٹیشن ورکنگ پوزیشن میں ہیں اور انہیں بلا تعطل چلایا جا رہا ہے اسی طرح سینی ٹیشن برانچ کے افسران و عملہ کو بھی الرٹ کر دیا گیا ہے اور وہ فیلڈ میں موجود ہیں۔ انہوںنے سینی ٹیشن سٹاف کو ہدایت کی کہ تمام علاقوں سے پانی کا نکاس یقینی بنانے کے لئے سخت محنت کی جائے اور تمام وسائل موثر طریقے سے بروئے کار لائے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )اسسٹنٹ کمشنر میاں اقبال مظہر نے کرپشن کے الزام میں کنجاہ سرکل کے سابق پٹواری محمد اشرف کو ملازمت سے برطرف کر دیا ہے۔ مذکورہ اہلکار پر ایک خاتون کی جائیداد کا غلط انتقال کرنے کا الزام تھا جو دوران انکوائری درست ثابت ہوا جس پر اے سی گجرات نے سخت نوٹس لیتے ہوئے اسے ملازمت سے فارغ کر دیا۔ دریں اثنا ء اسسٹنٹ کمشنر نے واضع کیا ہے کہ کرپٹ اہلکار اپنا قبلہ درست کرلیں ایسے عناصر سے کسی بھی قسم کی کوئی رعایت نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) ممتاز عالم دین ابوبکر چشتی مورخہ 6 مارچ 2015 کو صبح6بجے اپنی اہلخانہ اور ساتھیوں کے ہمراہ عمرہ کی سعادت حاصل کرنے کے بعد گھر پہنچ رہے ہیں۔دوست اخباب اور اہلیان علاقہ انکا شاندار استقبال کرینگے۔اسکے بعد ممتاز عالم دین قاری ریاض نقشبندی اپنی ڈیوٹی سے فارغ ہوررہے ہیں انہوں نے 27 سال اس ملک و قوم کی خدمت کی ہے اور اپنے فرائض نہات احسن طریقے سے انجام دئیے ہیں وہمورخہ 11 مارچ 2015 کو اپنے اہلخانہ اور دیگر ساتھیوں کے ہمراہ عمرہ کی سعادت حاصل کرنے جارہے ہیں وہاں وہ ملک و قوم کیساتھ ساتھ تمام دوست احباب کیلئے دعائے خیر کرینگے انکی واپسی29 -03-2015 کو ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )گجرات جی پی ا وکے چیف پوسٹ ماسٹر شاہد اقبال ٹھٹھہ نے بتایاہے کہ پاکستان پوسٹ لیٹر رائٹنگ کے ختم ہوتے ہوئے رحجان کو زندہ کرنے کیلئے ہر سال سکولوں کے طلباوطالبات کے درمیان مقابلہ منعقد کرواتا ہے ۔ یونیورسل پوسٹل یونین کے تحت کامیاب طلباء میں سرٹیفکیٹ اور دیگر تحائف بھی تقسیم کیے جاتے ہیں۔ شاہد اقبال نے بتایا کہ اس سال بھی مقابلہ خطوط نویسی کیلئے جو موضوع کا انتخاب کیا گیا ہے وہ ہے:” ہم کیسی دنیا میں رہنا پسند کریں گے؟”انہوں نے مزید کہا کہ تمام سکولوں کے سربراہان سے گزارش ہے کہ اس مقابلہ میں بھرپور شرکت کریں اور پندرہ سال کی عمر تک کے بچوں کو اس مقابلہ میں شرکت کروائیں اور اس سلسلہ میں مزید معلومات کیلئے ایڈمن برانچ گجرات جی پی او میں سید محمد عامر صدیقی سے رابطہ کیا جاسکتا ہے۔ مقابلہ میں شرکت کیلئے آخری تاریخ 31مارچ 2015ء مقرر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی )پندرہ روز گزرنے کے بعدبھی آئی ایل ایم کالج کے لیکچرر عمیرعزیز کی ڈکیتی کاسراغ نہ مل سکا ۔ ایف آئی آردرج ہونے کے باوجود پولیس نے وقوعہ کوماننے سے انکارکردیاہے۔تفتیشی افسرنے مدعی سے ڈکیتی کاثبوت مانگ لیا۔آئی ایل ایم کالج گجرات کے لیکچرر عمیر عزیز 13 فروری کولالہ موسیٰ جانے کیلئے وین میںسوارہونے کیلئے پیدل ویگن سٹینڈکی جانب جارہے تھے کہ جی ٹی روڈپر کالٹیکس پمپ کے قریب دون امعلوم افرادان سے ہینڈبیگ چھین کرفرارہوگئے۔بیگ میںان کالیپ ٹاپ مالیتی 28 ہزاررو پے، دو موبائل فون مالیتی 26 ہزارروپے اورنقدی مبلغ 36 ہزارروپے موجود تھے۔ عمیر عزیز نے وقوعہ کے فوراًبعد ایف آئی آردرج کروادی۔اب مقدمہ کے تفتیشی افسرمختاراے ایس آئی نے سائل کوکہاہے کہ یہ وقوعہ ہواہی نہیں ہے اس کاکوئی ثبوت دیں پھرمیں باقی تفتیش کروں گا۔لیکچرر عمیرعزیز پولیس کے رویے سے سخت پریشان ہیں۔انہوںنے ڈی پی اوگجرات سے معاملے کانوٹس لینے کامطالبہ کیاہے۔
۔۔۔۔۔۔
