گجرات ( جی پی آئی ) آفاق فائونڈیشن کے زیر اہتمام ہونیوالے مقابلہ حسن نعت میں دی ایجوکیٹرز بارہ دری کیمپس کے طالب علم نے پہلی پوزیشن حاصل کر لی ‘ تفصیلات کے مطابق آفاق فائونڈیشن کے زی راہتمام مقامی ہوٹل میں مقابلہ حسن نعت منعقد ہوا جس میں مختلف سکولوں کے طلباء و طالبات نے شرکت کی ۔ دی ایجوکیٹرز بارہ دری کیمپس کے ہونہار طالب علم اسد علی کلاس دہم نے سکینڈری الیول کے مقابلہ حسن نعت میں اول پوزیشن حاصل کر لی ‘ جس پر انہیں انعام دیا گیا ۔ ایڈمنسٹریٹر دی ایجوکیٹرز بارہ دری کیمپس شہزاد شفیق نے کہا ہے کہ ہم نے بچوں کی بہترین تعلیم و تربیت کا سلسلہ شروع کر رکھا ہے ‘ اور ہم نصبی سر گرمیوں میں ہمارے سکول کے طلباء و طالبات بھرپور انداز میں حصہ لیتے ہیں ۔ اور ہم اس معیار کو بر قرار رکھیں گے ‘ اور طلباء کی بہترین تعلیم و تربیت کا بندوبست کیا جاتا رہے گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) سٹیزن فرنٹ ضلع گجرات کے وفد نے ناروے کے سفیر مسٹر لائف لارسن سے میاں عمران مسعود کی طرف سے دیئے کئے استقبالیہ میں ملاقات کی ۔ اس موقع پر فسٹ سیکرٹری ناروے ایمبسی مس ہماء لطیف سابق تحصیل ناظم میاں ہارون مسعود بھی موجود تھے ‘ وفد کی قیادت ضلعی صدر سٹیزن فرنٹ چوہدری علی ابرار جوڑا نے کی ‘ وفد میں افتخار بھٹہ ‘ ڈاکٹر رزاق احمد غفاری ‘ نثار الدین ساجد راٹھور ‘ ملک طارق ودیگر بھی تھے ‘ اس موقع پر سابق وزیر تعلیم میاں عمران مسعود اپنے خطاب میں کہا ہے کہ سٹیزن فرنٹ ضلع گجرات کی متحرک تنظیم ہے ‘ جس کے تمام ممبران بغیر کسی لالچ کے اور کسی سیاسی وابستگی کے کام کر رہے ہیں ۔ اور معاشرتی مسئلہ نشاندہی میں اس تنظیم کی کارکردگی قابل تحسین ہیں ‘ چوہدری علی ابرار جوڑا نے ناروے کے سفیر مسٹر لائف لارسن کو سٹیزن فرنٹ کی کارکردگی اور منشور کے بارے میں آگاہ کیا ۔ ناروے کے سفیر سٹیزن فرنٹ کی کارکردگی کو بے حد سراہا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) پاکستان اور ناروے کے تعلقات بہترین ہیں ‘ اور پاکستانی ناروے کے ہر شعبہ ہائے زندگی میں اپنا کردار ادا کر رہے ہیں ‘ ان خیالات کا اظہار ناروے کے سفیر مسٹر لائف لارسن نے گزشتہ روز سابقہ وزیر تعلیم میاں عمران مسعود کی طرف سے میاں اکبر ہائوس میں منعقدہ استقبالیہ کے دوران کیا ۔ انہوں نے کہا ہے کہ 35ہزار سے زائد پاکستانی ناروے کے شہری ہیں ‘ اور پاکستانیوں کی دوسری تیسری نسلیں ناروے میں پروان چڑھ رہی ہیں ‘ ہم پاکستانیوں کے شکر گزار کہ انہوں نے ناروے میں اپنے شہری بھجوائیں پاکستانی ناروے کی سوسائٹی کا حصہ ہیں ‘ اور ناروے کے کلچر کو پروان چڑھ رہے ہیں ‘ سیاست میں بھی پاکستانی اہم کردار ادا کر رہے ہیں ‘ ڈپٹی سپیکر آف ناروے پارلیمنٹ اور سابقہ وزیر بھی رہے ہیں ‘ اس وقت بھی کئی پاکستانی ناروے پارلیمنٹ کا حصہ ہیں ‘ اور ہم پاکستان اور ناروے کے تعلقات میں بہتری چاہتے ہیں ‘ دہشت گردی اور سکیورٹی کے معاملات میں پاکستان کے ساتھ تعاون کیا جار ہا ہے ‘ سابق وزیر تعلیم میاں عمران مسعود نے کہا ہے کہ ہم ناروے کے سفیر مسٹر لائف لارسن کو خوش آمدید کہتے ہیں اس وقت اس تقریب میں گجرات کے تمام مکتبہ فکر سے تعلق رکھنے والے افراد شریک ہیں ‘ ناروے اور پاکستان کے درمیان ہمیشہ سے ہی بہترین تعلقات رہے ہیں ‘ پاکستانی ناروے کی ترقی میں اہم کردار ادا کر رہے ہیں ‘ میاں اکبر ہائوس گجرات کی عوام کی خدمت کا مرکز ہے ‘ اس کے دروازے ہمیشہ عوام کیلئے کھلے رہتے ہیں ‘ دہشت گردی کے خاتمہ کیلئے نیشنل ایکشن پلان میں بھی ناروے اور یورپین یونین ہمارے ساتھ تعاون کر رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) ناروے کے سفیر مسٹر لائف لارسن کی آمد کے موقع پر میاں اکبر ہائوس میں تقریب کے دوران دی کیتھڈل سکول کی ہونہارطالبات نے ملی نغمات پیش کئے ‘ اور خوبصورت انداز میں قومی ترانہ پیش کر کے حاضرین کے دل موہ لئے ۔ پرنسپل مسٹر جیکب پال عدنان نے ناروے کے سفیر کو گلدستہ پیش کیا۔ بچیوں نے پھول برسائے ناروے کے سفیر نے سکول کی بچیوں کی کارکردگی کو بے حد سراہا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) گجرات فرینڈز لائنز کلب کی جنرل باڈی کا اجلاس آج شام چھ بجے صدر عمر اقبال کی رہائشگاہ پر منعقد ہوگا ‘ جس میں اہم امور پر تبادلہ خیال کیا جائے گا ۔ اور کلب پراجیکٹ فائل کئے جائیں گے ۔ تمام ممبران وقت مقررہ پر شریک ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) گجرات میں گزشتہ روز ہونے والی ہلکی بارش نے موسم کو تبدیل کر دیا ۔ موسم ٹھنڈا ہو گیا ۔ اور لوگوں نے دوبارہ گرم کپڑے پہن لئے ۔ دوسری طرف ٹی ایم اے کی ناقص کارکردگی کی وجہ سے شہر بھر میں بارش کا پانی کھڑا ہو گیا ۔ خصوصاً چوک شہنشاہ ولایت میں کئی کئی فٹ پانی کی وجہ سے شہریوں شدید مشکلات کا سامنا کرنا پڑا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) گلوبل پریس انٹرنیشنل کے زیر اہتمام ماہانہ محفل میلاد النبی ۖ منعقد ہوئی ۔ جس کی صدارت سرپرست اعلیٰ متحد علماء مشائخ بورڈ حکیم جواد الرحمن نظامی سیفی نے کی ۔ تلاوت قرآن پاک کا شرف قاری کرامت علی نے حاصل کیا ۔ جبکہ خصوصی خطاب خطیب جامع مسجد شہنشاہ ولایت قاری شعیب احمد جلالی نے کیا ۔ نعت رسول مقبول ۖقاری محسن رضا قادری ‘ مظہر عزیز قادری ودیگر نے پیش کی ۔ مہمان خصوصی سابقہ نائب ناظم مہر مشتاق احمد اور رانا ثاقب مشرف تھے ۔ اس موقع پر عامر محمود قادری ‘ ڈاکٹر رزاق احمد غفاری نے مہمانوں کا استقبال کیا ۔ ملکی ترقی و سلامتی کیلئے خصوصی دعائیں کی کئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی )انسپکٹر جنرل جیل خانہ جات میاں فاروق نذیر نے سالانہ انسپکشن کے سلسلہ میں ڈسٹرکٹ جیل گجرات کا دورہ کیا ۔ڈسٹرکٹ جیل آمد پر سپرنٹنڈنٹ جیل امیتاز احمد بھلی نے انسپکٹر جنرل جیل خانہ جات کا استقبال کیا جبکہ ننھے بچوں نے انہیں پھولوں کا گلدستہ پیش کیا۔ ڈسٹرکٹ جیل کے چاک و چوبند دستے نے جیل آمد پر انہیں سلامی دی۔ سپرنٹنڈنٹ جیل امتیاز احمد بھلی نے آئی جی کو ڈسٹرکٹ جیل میں قیدیوں کے تعداد،انہیں فراہم کی جانیوالی سہولیات اور سکیورٹی انتظامات سے آگاہ کیا۔ آئی جی جیل خانہ جات نے جیل میں سکیورٹی انتظامات اور دیگر اقدامات پر اطمینان کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) ڈی سی او لیاقت علی چٹھہ نے کہا ہے کہ ضلع کے تمام بنیادی مراکز صحت میں ڈاکٹرز کی تعیناتی کے لئے واک ان انٹرویو پالیسی کے تحت بھرتیوں کا عمل شروع کر دیا گیا ہے جبکہ اس مقصد کے لئے آسامیاں بھی مشتہر کی جا رہی ہیں۔ ان خیالات کا اظہار انہوںنے محکمہ صحت سے متعلق اجلاس سے خطاب کرتے ہوئے کیا۔ ڈی سی او نے کہا کہ ضلع کے کل 90بنیادی مراکز صحت ہیں ان میں سے 76مراکز میں اس وقت ڈاکٹرز کام کر رہے ہیں جبکہ ان میڈیکل افسران میں سے 40نے حال ہی میں محکمہ کو جائن کیا ہے۔ انہوںنے کہا کہ ضلع کے باقی 14مراکز صحت میں بھی ڈاکٹرز کی تعیناتی کا عمل جلد مکمل ہو جائے گا واک ان انٹرویو کے تحت جو بھی امیدوار درخواست دے گا محکمہ صحت کے افسران اسکے انٹرویو کے بعد تعیناتی کی سفارش کر سکیں گے اور اہل امیدواروں کو ان خالی آسامیوں پر تعیناتی تک یہ عمل جاری رہے گا ۔ ڈی سی او نے بتایا کہ میڈیکل افسران کے علاوہ 10ویکسینیٹرز کی بھرتی بھی کی جائے گی۔ ڈی سی او لیاقت علی چٹھہ نے ای ڈی او ہیلتھ ڈاکٹر اعجاز حیدر کو ہدایت کی کہ خالی آسامیوں پر میرٹ پر اہل ڈاکٹرز کی بھرتی یقینی بنائی جائے۔ انہوں نے ہدایت کی کہ محکمہ صحت حکومتی پالیسی کے تحت ملازمین کو کنٹریکٹ سے ریگولر کرنے کا عمل بھی جلد مکمل کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٍگجرات ( جی پی آئی ) عالمی مبلغ اسلام امیر عالمی وحدت اسلامیہ حضرت علامہ مولانا پیر مفتی محمد انصر القادری خطیب اعظم انگلینڈ ویورپ کی والدہ محترمہ کے درجات کی بلندی کے لیے قل شریف کی محفل پاک ان کے آبائی گائوں موضع ککہ کولو میں انعقاد پذیر ہوئی ، محفل پاک کی صدارت فخر السادات شیخ الحدیث والتسفیسر صاحبزادہ پیر سید مراتب علی شاہ سجادہ نشین آستانہ عالیہ سہلو کے شریف نے کی ، نقابت کے فرائض حضرت علامہ مولانا سید عقیل شاہ اور محمد عمران چشتی نے بڑے احسن طریقے سے سرانجام دیئے ، تلاوت قرآن پاک کاشرف استاد القراء نجم القرا ء قاری فقیر محمد مسعودی آف سیالکوٹ اور فخر القراء قاری محمد جنید باہونے حاصل کیا ، جبکہ ملک کے ممتاز ثناء خواں احمد رضا جماعتی ، سید افتخار شاہ ، سید امین شاہ ، یاسر مدنی اور عابد نے ہدیہ نعت پیش کیا ۔تلاوت شریف ونعت کے بعد خطیب اہلنست صاحبزادہ پیر محمد افضل قادری آف نیک آباد مراڑیاں شریف ، مفتی محمد انصر القادری ، حضرت علامہ صاحبزادہ ، پیر محمد آصف ہزاروی ، پیر سید فیض الامین آف مونیاں شریف ، مفتی شفات احمد ، صاحبزادہ پیر سید تصور حسین شاہ ، صاحبزادہ غلام رسول اویسی اور حضرت علامہ تنویر احمد سیالوی نے خطاب فرمایا ۔، جبکہ ختم شریف کے بعد صاحبزادہ پیر سید مراتب علی شاہ ، مفتی شقات احمد اور سید شبر حسین شاہ نے خصوصی دعائیں کیں ، محفل پاک میں پیر رضخوان منصورآوانی زیب سجادہ آستانہ عالیہ مہمندہ شریف وآوان شریف مفتی حسنات احمد آف علی پور ، چوہدری نثار احمد نوشاہی ، سید قمر شاہ ، حضرت پیر سید صدیق عمر کیرانوالہ شریف ، صاحبزادہ حکیم مفتاح الحق ،حافظ محمد ایوب صراف ، سید امجد علی شاہ ، حاجی ملک وقار احمد ، حاجی محمد اقبال ، محمد عدیل قادری ، ڈاکٹر رزاق غفاری ، علامہ قاری طیب القادری ، ڈکٹر محمد شعیب ، عامر چوہدری ، حافظ ظہیر چشتی ، محمد عمران شاہد چشتی ، محمد افضل قادری ، محمد شہزاد ، قاری محمد افضل ، حافظ منور ، شاہد محمود قادری ودیگرسینکڑوں فرزندان اسلام نے شرکت کی آخر میں تمام شرکاء کو لنگر شریف بھی کھلایا گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) اسلامی تعلیمات پر عمل پیرا ہونے سے ہی نجات ممکن ہے’ ویلیٹائن ڈے اور دوسری خرافات معاشرتی برائیاں پھیلا رہی ہیں ‘ ان خیالات کا اظہار ممتاز ماہر تعلیم ایڈمنسٹریٹر دی ایجوکیٹرز بار ہ دری کیمپس شہزاد شفیق نقشبندی یوم حجاب کے موقع پر دی ایجوکیٹرز بارہ دری کیمپس میں منعقدہ محفل سے خطاب کرتے ہوئے کیا ۔ انہوں نے کہا کہ جو لوگ یورپ کی تقلید میں اپنی عاقبت کو خراب کر رہے ہیں انہیں چاہیے کہ وہ اسلام کی تعلیمات پر عمل کریں ‘ کہیں پر بھی ویلیٹائن ڈے کی کوئی گنجائش نہیں کیونکہ اسلام حیاء سکھاتا ہے ‘ اور حیاء کے بغیر معاشرہ ترقی نہیں کر سکتا ‘ انہوں نے کہا کہ حکومت ویلیٹائن ڈے کے خلاف اقدامات قابل تحسین ہیں ‘ ان پر عمل پیرا ہونا چاہیے ‘ انہوں نے کہا کہ دی ایجوکیٹرز بارہ دری کیمپس کی طرف سے لوگوں میں عاشق رسول ۖ پیدا کرنے کیلئے خصوصی پمفلٹز ‘ پلے کارڈز اور فلیکس پرنٹر کرائے گئے ہیں اور یہ فری تقسیم کئے جا رہے ہیں ۔ انہوں نے کہا کہ ہمیں چاہیے کہ اسلام کی تعلیمات پر عمل کریں اور تعلیمات کے فروغ کیلئے اقدامات کریں’ اس موقع پر ملکی ترقی و سلامتی کیلئے خصوصی دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سابق وزیراعلیٰ پنجاب اور سابقہ ڈپٹی وزیراعظم پاکستان چوہدری پرویز الٰہی نے گجرات کی معروف سماجی شخصیت سید عبدالحّی صدیقی ریٹائر ڈڈپٹی چیف پوسٹماسٹر جی پی او گجرات کے انتقال پر انکی رہائشگاہ محلہ مسلم آباد جاکر انکے بیٹوںسید محمد عامر صدیقی ،سید محمد عمران صدیقی ،سید محمد کامران صدیقی ،سید محمد کاشان صدیقی،حافظ سیدمحمد ذیشان صدیقی سے اظہارِ تعزیت کیااور مرحوم کی روح کے ایصال ثواب کیلئے فاتحہ خوانی کی گئی اور مرحوم کیلئے دعائے مغفرت بھی کی گئی چوہدری پرویز الٰہی نے کہا سید عبدالحّی صدیقی مرحوم خوش اخلاق ،ملنسار ،خدمت خلق کا جذبہ رکھنے والے تھے مرحوم کی سماجی خدمات کبھی بھولا نہیں جاسکتا اس موقع پر اہل محلہ کی کثیر تعداد اپنے محبوب قائد کو ملنے کیلئے جمع ہوگئی اور انہوں نے اپنے مسائل سے انکو آگاہ کیا جس پر چوہدری پرویز الہی نے علاقہ کے مسائل کے حل کروانے کے لیے بھرپور تعاون کی یقین دہانی کروائی اس موقع پر اصغر تیل والا سابق ناظم گجرات اور جاوید سراج چوہدری اور دیگر معززین علاقہ بھی موجود تھے
