مرکز صدر گجرات شرقی میں واقع گورنمنٹ مڈل ماڈل سکول ملحقہ ایلیمنٹری کالج کے طلبہ میں ضلع
گجرات (جی پی آئی) مرکز صدر گجرات شرقی میں واقع گورنمنٹ مڈل ماڈل سکول ملحقہ ایلیمنٹری کالج کے طلبہ میں ضلع میں پہلی تینوں پوزیشنیں حاصل کر لیں سکول کا شاندار رزلٹ آنے پر بڑی تعداد نے سکول کے ہیڈ ماسٹر زاہد سلیم صدیقی اسسٹنٹ ایجوکیشن مرکز صدر شرقی محمد اقبال منہاس کو ڈھیروں مبارک باد دی سکول کے ہونہار طالب علم حمزہ عباس نے 500میں سے 465، قاسم علی نے 436اور زین العابدین نے 461نمبر لیکر گجرات میں پہلی تین پوزیشنیں حاصل کر لیں ، سکول کے مجموعی طور پر 226طلبہ امتحان میں شریک تھے ، جن میں 8طلبہ نے 90فی صد سے زائد 105طلبہ نے 80فی صدر سے زائد 88طلبہ نے 70فی صد سے زائد اور 20طلبہ نے 60فی صد سے زائد نمبر حاصل کیے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی ڈسٹرکٹ ایجوکیشن آفیسر تحصیل گجرات چوہدری محمد اورنگزیب کے صاحبزادے منہاج اورنگزیب
گجرات (جی پی آئی)ڈپٹی ڈسٹرکٹ ایجوکیشن آفیسر تحصیل گجرات چوہدری محمد اورنگزیب کے صاحبزادے منہاج اورنگزیب نے جماعت ہشتم میں 437نمبر لیکر ضلع گجرات میں نمایاں پوزیشن حاصل کی ،منہاج اورنگزیب کڈز گلیکسی سکول میں زیر تعلیم ہیں ان کی شاندار کامیابی پر اسسٹنٹ ایجوکیشن آفیسر مرکز صدر شرقی محمد اقبال منہاس اسسٹنٹ ایجوکیشن آفیسر مرکز صدر غربی علامہ ساجد محمود قادری نے مبارک باد دی ہے چوہدری منہاج اورنگزیب نے بتایا کہ دل لگا کر پڑھتا ہوں انشاء اللہ نویں اور دسویں کے امتحانات میں بورڈ میں پوزیشن حاصل کروں گا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز شخصیات نے چیئرمین زکوة و عشر کمیٹی چوہدری تنویر گوندل کو چیئرمین زکوةٰ کمیٹی مقرر ہونے پر مبارک باد
گجرات (جی پی آئی) ممتاز شخصیات نے چیئرمین زکوة و عشر کمیٹی چوہدری تنویر گوندل کو چیئرمین زکوةٰ کمیٹی مقرر ہونے پر مبارک باد پیش کی ، وہ ان کے دفتر میں گئے اور انہیں مبارک باد پیش کی ، مبارک باد پیش کرنے والوں میں ممبر صوبائی اسمبلی نوابزادہ حیدر مہدی ، چوہدری ارشد فتہ بھنڈ ، چوہدری رضا علی دیونہ ، چوہدری محمد آصف، چوہدری فیصل ممتاز ، الطاف حسین ڈوگہ و دیگر شامل ہیں ، اس موقع پر ممتاز شخصیات نے امید ظاہر کی کہ چوہدری تنویر گوندل بھرپور طریقہ سے کام کرتے ہوئے عوام کے مسائل حل کرینگے اور عوام کو سہولیات فراہم کرینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی چیئرمین زکوة و عشر کمیٹی چوہدری تنویر گوندل نے اپنے عہدے کا چارج سنبھال لیا
گجرات (جی پی آئی)ضلعی چیئرمین زکوة و عشر کمیٹی چوہدری تنویر گوندل نے اپنے عہدے کا چارج سنبھال لیا ، گزشتہ روز انہوں نے اپنے دفتر میں مختلف سرکاری افسران سے فرداًفرداً میٹنگ کی اور زکوةٰ و عشر کمیٹی کے نظام کو بہتر بنانے کے سلسلہ میں ہدایات جاری کیں انہوں نے نئی کمیٹیوں کی تشکیل کے حوالہ سے بھی اقدامات کا جائزہ لیا ، انہوں نے مقامی عوامی نمائندگان سے بھی ملاقات کے دوران کمیٹیوں کی تشکیل کے حوالہ سے ان سے گفتگو کی اور انہیں تعاون کی اپیل کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی چیئرمین زکوة و عشر کمیٹی چوہدری تنویر گوندل نے 8لاکھ 75ہزار روپے کے وظائف کے
گجرات (جی پی آئی) ضلعی چیئرمین زکوة و عشر کمیٹی چوہدری تنویر گوندل نے 8لاکھ 75ہزار روپے کے وظائف کے چیک ووکیشنل ٹریننگ انسٹی ٹیوٹ گجرات کے طلباء و طالبات میں تقسیم کیے ، اس سلسلہ میں ووکیشنل ٹریننگ انسٹی ٹیوٹ گجرات میں خصوصی تقریب منعقد ہوئی ، جس میں خصوصی طور پر چیئرمین ڈسٹرکٹ زکوةٰ کمیٹی چوہدری تنویر گوندل نے شرکت کی ان کے ہمراہ ممبر ڈسٹرکٹ زکوة کمیٹی چوہدری فراز ، ڈسٹرکٹ زکوة آفیسر طاہر ندیم بھی تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ووکیشنل ٹریننگ انسٹی ٹیوٹ سے سے فارغ التحصیل ہونے والے بچوں کو روزگار کی فراہمی میں معاونت دی جائے گی
گجرات (جی پی آئی) ووکیشنل ٹریننگ انسٹی ٹیوٹ سے سے فارغ التحصیل ہونے والے بچوں کو روزگار کی فراہمی میں معاونت دی جائے گی اور بچوں کو ہر ممکن سہولیات فراہم کی جائیں گی ، ان خیالات کا اظہار ڈسٹرکٹ چیئرمین زکوة و عشر کمیٹی چوہدری تنویر گوندل نے گزشتہ روز ووکیشنل انسٹی ٹیوٹ گجرات میں چیک تقسیم کرنے کی تقریب سے خطاب کرتے ہوئے کیا انہوں نے کہا کہ مجھے خوشی ہوئی ہے کہ اس ادارہ میں بچوں کو باعزت روزگار کی فراہمی کے سلسلہ میں اقدامات ہو رہے ہیں اور ہم اس ادارہ کے بچوں کو فنڈز فراہم کرینگے جس سے ادارہ مضبوط ہو گا ، یہ بچے تعلیم حاصل کر کے باعزت روزگار کما سکیں گے ، گجرات میں موجود انڈسٹری کیلئے تربیت یافتہ افراد کی ضرورت ہے اور اس سلسلہ میں ہم بچوں کو مکمل سپورٹ فراہم کرینگے جس سے یہ بچے باعزت روزگار کما سکیں گے انہوں نے کہا کہ میں ایسے اداروں کیلئے بھرپور طریقہ سے فنڈز کی فراہمی کی کوشش کروں گا تا کہ ووکیشنل ٹریننگ انسٹی ٹیوٹ کے بچے باعزت روزگار کے ساتھ ساتھ معاشرہ میں بلند مقام بھی حاصل کر سکیں ، چوہدری فراز نے خطاب کرتے ہوئے کہا کہ وزیراعلیٰ پنجاب میاں شہباز شریف کے ویژن کے مطابق نوجوان نسل کی بہتری کیلئے اقدامات کیے جا رہے ہیں ، جس سے طلباء کو سہولیات ملیں گی ، فیض احمد پرنسپل ووکیشنل انسٹی ٹیوٹ نے کہا کہ وزیراعلیٰ پنجاب میاں شہباز شریف نے 1999میں VTIگجرات کے قیام کی منظوری دی مگر بلڈنگ نہ ہونے کی وجہ سے یہ ادارہ قائم نہ ہو سکا ، بلآخر 2003میں چیئرمین زکوةٰ کمیٹی ڈاکٹر اعجاز بشیر نے VTIقائم کیا اور بلڈنگ فراہم کی اس وقت اس ادارہ سے ہزاروں طلباء فارغ التحصیل ہو چکے ہیں ، الیکٹریکل انجینئرنگ ، کمپیوٹر ، بیوٹیشن ، میڈیکل ، پلمبرینگ ، الیکٹریشن ، کٹنگ و دیگر شعبوں میں بچوں کو تربیت دی جا رہی ہے اگر اس ادارہ کو بلڈنگ فراہم کی جائے تو یہ ادارہ مزید بہتر طریقہ سے کام کر سکتا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راجہ جاوید انور اور چوہدری یاسر امین مرل نے اسد اسحاق ڈی ایس پی کرائمز لاہور کے اعزاز
گجرات (جی پی آئی) راجہ جاوید انور اور چوہدری یاسر امین مرل نے اسد اسحاق ڈی ایس پی کرائمز لاہور کے اعزاز میں پر تکلف ظہرانہ دیا ، یہ ظہرانہ ڈی ایس پی اسد اسحاق کی پرموشن کی خوشی میں دیا گیا ، مقامی ریسٹورنٹ میں منعقد ہونے والے اس ظہرانہ میں ممتاز شخصیات نے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت پنجاب کی یونیورسل پرائمری اینڈ سیکنڈری ایجوکیشن پروگرام کے تحت ضلع گجرات میں داخلوں کا آغاز کر دیا گیا ہے
گجرات (جی پی آئی) حکومت پنجاب کی یونیورسل پرائمری اینڈ سیکنڈری ایجوکیشن پروگرام کے تحت ضلع گجرات میں داخلوں کا آغاز کر دیا گیا ہے ۔مہم کو کامیاب بنانے کے لئے دیہات کی سطح پر 1300کمیٹیاں قائم کر دی گئی ہیں ۔ڈی سی او لیاقت علی چٹھہ نے گزشتہ روز گورنمنٹ ہائی سکول بہاری کالونی گورنمنٹ ہائی سکول پنجن کسانہ اور تعلیم السلام ہائی سکول میں داخلہ مہم کا افتتاح کیا ۔ ای ڈی او ایجوکیشن طاہر کاشف اور دیگر افسران بھی اس موقع پران کے ہمراہ تھے ۔ اس موقع پر بات چیت کرتے ہوئے ڈی سی او لیاقت علی چھٹہ نے کہا کہ حالیہ مہم کے دوران ضلع گجرات کے پانچ سے سولہ سال تک کے 83ہزار بچوں کو سکولوں میں داخلہ کا حدف مقرر کیا گیا ہے ۔ جس کے حصول کے لئے ناصرف محکمہ تعلیم کو پوری طرح متحرک کر دیا گیا اس کے ساتھ شہریوں سے بھی بھر معاونت حاصل کی جارہی ہے ۔ انہوں نے بتایا کہ زیادہ سے زیادہ بچوں کاسکولوں میں داخلہ یقینی بنانے کے لئے 1300کے قریب کمیٹیاں جن میں شامل معززین سکول نہ جانے والے بچوں کا داخلہ یقینی بنانے کے لئے اپنا اثرورسوخ استعمال کریں ۔انہوں نے کہا کہ تعلیم یافتہ نئی نسل پاکستان کاروشن مستقبل ہے ۔اس مقصد کے لئے ہر شخص کو اپنا انفرادی اور اجتماعی کرادار بھر پور طریقے سے ادا کر نا ہوگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈائریکٹر جنرل پبلک ریلیشنز پنجاب نے ڈسٹرکٹ انفارمیشن آفیسر گوجرانوالہ سید وقار نقوی کو ڈسٹرکٹ انفارمیشن آفس گجرات
گجرات(جی پی آئی) ڈائریکٹر جنرل پبلک ریلیشنز پنجاب نے ڈسٹرکٹ انفارمیشن آفیسر گوجرانوالہ سید وقار نقوی کو ڈسٹرکٹ انفارمیشن آفس گجرات کا اضافی چارج سونپ دیا ہے ۔ سید وقار نقوی قبل ازیں 2012سے فروری 2014تک بطور ڈسٹرکٹ انفارمیشن آفیسر گجرات خدمات سرانجام دے چکے ہیں انہیں حال ہی میں ڈسٹرکٹ انفارمیشن آفس گجرات سے ڈویژنل انفارمیشن آفس گوجرانوالہ ٹرانسفر کیاگیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیئرمین بلاول بھٹو زرداری کو دھمکی آمیز خط کی پر زور مذمت ، ظہور احمد رہنما پیپلز پارٹی جرمنی
گجرات(جی پی آئی) رہنما PPP جرمنی ظہور احمدنے جرمنی میں ہونے والے پارٹی کے اجلاس میں کہا ہے کہ پاکستان پیپلز پارٹی کے سر پرست اعلیٰ بلاول بھٹو زرداری کو دھمکی آمیز خط کی سخت الفاظ میں مذمت کرتے ہوئے پیپلز پارٹی جرمنی کے عہدیدران نے پنجاب حکومت اور نواز شریف کو باور کروایا کہ وہ مبینہ کالعدم تنظیم لشکر جھنگوی کی پشت پناہی ختم کریں اور ان کے خلاف فوری کاروائی کا آغاز کریں انہوں نے حمزہ شریف کو یاد دلایا کہ بھٹو خاندان نے بہت سی قربانیاں دی ہیں جبکہ ان کے گھر کی بلی بھی نہیں مری،انہوں نے کہا حمزہ شریف میڈیا پر آنے سے پہلے ابو سے پوچھ لیا کریں کہ قربانی دینے والوں اور دہشتگردوں کا نشانہ بننے والوں پر کیا گزرتی ہے جبکہ شریف خاندان برا وقت آنے پر ملک چھوڑ کے خود ساختہ جلا وطنی اختیار کرتے ہوئے جدہ کے محلوں میں جا بسے تھے۔انہوں نے مطالبہ کیا کہ پاکستان کی تمام جمہوری قوتوں کو مل کر دہشت گردی کا مقابلہ کرنا چاہئے ،شہید بے نظیر کے بیٹے کے خلاف ایسی کسی دھمکی کو برداشت نہیں کیا جائے گاانہوں نے یاد دلایا کہ لشکر جھنگوی ،القائدہ اور نواز لیگ ایک ہی کشتی کے سوار ہیں ۔ مشترکہ بیان دینے والوں میں پی پی پی جرمنی کے صدر سید سجاد حسین نقوی، سینئر نائب صدر چوہدری رشید احمد ، جنرل سیکرٹری طارق محمود اعوان ، ڈپٹی سیکرٹری قاضی پرویز اختر ،فئنانس سیکرٹری عامر شہزاد، پی ار او میاں مبین اختر ، انفارمیشن سیکرٹری ظہور احمد ، ڈپٹی سیکرٹری چوہدری اعجاز احمد ، کوآرڈینیٹر صارم زیدی، پی پی پی جرمنی شعبہ خواتین کی صدر نزہت ہارون ، پی وائے او کے صدر انجینئر روحل منیر ، پیپلز بزنس کے صدر چوہدری طارق محمود وڑائچ شامل ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ بی ڈویژن کے ایس ایچ او کی اقلیتی لیڈر کو گریبان پکڑ کر تھانہ سے باہر نکال دیا
گجرات (جی پی آئی) تھانہ بی ڈویژن کے ایس ایچ او کی اقلیتی لیڈر کو گریبان پکڑ کر تھانہ سے باہر نکال دیا اور سنگین نتائج کی دھمکیاں دیں اقلیتی راہنما نے ڈی پی او کو ایس ایچ او کے خلاف درخواست دے دی گذشتہ روز اقلیتی رہنما مستری جلال جاوید مسیح کسی سلسلہ میں تھانہ بی ڈویژن گئے تو وہاں پر موجود ایس ایچ او خاور نعیم نے کسی بات پر انہیں بے عزت کرنے کے بعد گریبان پکڑ کر گندی گالیاں دے کر انہیں تھانہ سے باہر نکال دیا تھانہ میں موجود صابر رضا مغل وغیرہ نے ایس ایچ او کی منت سماجت کر کے ان کی جان چھڑا دی مستری جلال جاوید نے ڈی پی او گجرات کو ایس ایچ او کے خلاف کارروائی کے لیے درخواست دے دی ہے ڈی پی او نے درخواست پر ڈی ایس پی سٹی کو انکوائری آفیسر مقرر کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوشل سیکیورٹی گجرات کے زیر اہتمام گذشتہ روز معذور کارکن کو امدادی چیک دینے کی تقریب منعقد ہوئی
گجرات (جی پی آئی) سوشل سیکیورٹی گجرات کے زیر اہتمام گذشتہ روز معذور کارکن کو امدادی چیک دینے کی تقریب منعقد ہوئی تقریب کے موقع پر ڈائریکٹر سوشل سیکیورٹی برجیس قدر علی ڈپٹی ڈائریکٹر رفعت جمیل اعوان نے معذور کارکن تنصر اللہ کو 82 ہزار روپے کا امدادی چیک دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں شارٹ سرکٹ سے گھر میں آگ بھڑک اٹھی گذشتہ روز النبی کالونی میں غلام غوث کے گھر اچانک شارٹ سرکٹ
گجرات ( جی پی آئی) گجرات میں شارٹ سرکٹ سے گھر میں آگ بھڑک اٹھی گذشتہ روز النبی کالونی میں غلام غوث کے گھر اچانک شارٹ سرکٹ سے آگ لگ گئی جس سے لاکھوں روپے مالیت کا نقصان ہوا ریسکیو 1122 فائر بریگیڈ نے موقع پر پہنچ کر آگ پر قابو پا لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلوے روڈ کے ممتاز تاجر راہنماء ملک عبداللہ (عبدا للہ میڈیکل سٹور) کی صاحبزادی کی تقریب رخصتی
گجرات(جی پی آئی)ریلوے روڈ کے ممتاز تاجر راہنماء ملک عبداللہ (عبدا للہ میڈیکل سٹور) کی صاحبزادی کی تقریب رخصتی اور بھائی کی دعوت ولیمہ میں شہر بھر کی اہم شخصیات نے بھرپور شرکت کی تقریب بشیر میرج ہال میں ہوئی ملک عبدا للہ ، ملک اقبال، ملک نذیر احمد، ملک منیر احمد، ملک بشیر احمد ، ملک صغیر احمد نے مہمانوں کا استقبال کیا تقریب میں ریلوے روڈ کی تاجر برادری نے بھی کثیر تعداد میں شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی کے عہدہ پر ترقی پانے والے چار انسپکٹرو ںراجہ فخر بشیر، اسد اسحاق،عارف وڑائچ اور راجہ حسیب کو گزشتہ روز
گجرات(جی پی آئی)ڈی ایس پی کے عہدہ پر ترقی پانے والے چار انسپکٹرو ںراجہ فخر بشیر، اسد اسحاق،عارف وڑائچ اور راجہ حسیب کو گزشتہ روز ڈی پی او گجرات رائے اعجاز احمد نے ڈی پی او آفس میں ڈی ایس پی کے بیج لگائے اور انہیں مبارکباد پیش کی بعد ازاں حکومت پنجاب نے ڈی ایس پی راجہ فخر بشیر کو ڈی ایس پی لاہور اینٹی لائبری، عارف وڑائچ کو ایس ڈی پی او بادامی باغ لاہور، اسداسحاق کو ڈی ایس پی ٹریفک لاہور جبکہ راجہ حسیب کو ڈی ایس پی سپیشل برانچ سیالکوٹ تعینات کیا گیا ہے تمام نئے ڈی ایس پی نے اپنے اپنے عہدوں کا چارج سنبھال کر کام شروع کردیا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگی راہنماء چوہدری اکرم گجرآف ادووال کی اہلیہ اور چوہدری اکرام گجر کی والدہ محترمہ کا ختم
گجرات(نمائندہ خصوصی) مسلم لیگی راہنماء چوہدری اکرم گجرآف ادووال کی اہلیہ اور چوہدری اکرام گجر کی والدہ محترمہ کا ختم چہلم 3اپریل بروز جمعرات دن11بجے انکی رہائش گاہ ادووال میں پڑھا جائے گا دوست احباب سے شرکت کی استدعا کی گئی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تھانہ صد ر لالہ موسیٰ کے گائوں وہند میں 14 نامعلوم مسلح افراد نے گن پوائنٹ پر قیصر محمود کے گھر داخل ہوکر
گجرات(جی پی آئی) تھانہ صد ر لالہ موسیٰ کے گائوں وہند میں 14 نامعلوم مسلح افراد نے گن پوائنٹ پر قیصر محمود کے گھر داخل ہوکر اہلخانہ کو یرغمال بناکر10تولے طلائی زیورات اور ہزاروں روپے کی نقدی لوٹ لی اور فرار ہوگئے تھانہ صدر لالہ موسیٰ مصروف تفتیش ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ پولیس نے اقدام قتل کا ملزم گرفتا کرکے اس کے قبضہ سے ناجائز اسلحہ برآمد کرلیا ہے
گجرات(جی پی آئی)کنجاہ پولیس نے اقدام قتل کا ملزم گرفتا کرکے اس کے قبضہ سے ناجائز اسلحہ برآمد کرلیا ہے گزشتہ روز تھانہ کنجاہ کے ایس ایچ او شاہد تنویر نے اقدام قتل کا ملزم گرفتار کرلیا ہے ۔
Related Posts
