گجرات (جی پی آئی) ایڈمنسٹریٹر /ڈی سی او لیاقت علی چٹھہ نے ضلع کی حدود میں دفعہ 144 نافذ کرتے ہوئے سٹرکوں کے اطراف بنے گرین بیلٹس کو نقصان پہنچانے پر پابندی عائد کر دی ہے۔ انہوںنے اسسٹنٹ کمشنرز ، پولیس اور دیگر متعلقہ افسران کو ہدایت کی ہے کہ اس حکم پر سختی سے عمل درآمد یقینی بنایا جائے اور خلاف ورزی کے مرتکب عناصر کے خلاف قانون کے مطابق سخت کاروائی یقینی بنائی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اے سی گجرات میاں اقبال مظہر نے گرین بیلٹ کو نقصان پہنچانے پر افتخار احمد ولد تاجدین سکنہ لہڑی اور اسکے دو نامعلوم ملازمین، زائد ریٹس وصول کرنے پر 2گرانفروشوں کے خلاف تھانہ رحمانیہ میں مقدمہ درج کر ادیا ہے۔ ڈی سی او لیاقت علی چٹھہ کی ہدایت پر کاروائی کے اے سی میاں اقبال مظہر اور انکی ٹیم نے رحمانیہ پل کے قریب چیکنگ کی جہاں ملزم نے گرین بیلٹ کو نقصان پہنچا کر راستہ بنایا تھا جس پر ملزم اور اسکے نامعلوم ملازمین کے خلاف مقدمہ درج کر لیا گیا۔ جلالپور جٹاں میں چیکنگ کے دوران اے سی گجرات نے گوشت مہنگے داموں فروخت کرنے پر بلا ل اسلم، اور بلال احمد کے خلاف مقدمات درج کر ادیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ضلعی انتظامیہ ، محکمہ صحت اور ٹی ایم اے کی ٹیم نے اشیائے خورد و نوش کی تیاری کے دوران حفظان صحت کے اصولوں کو مدنظر نہ رکھنے پر الحرمین بیکری اور کارخانہ کو سیل کر دیا ہے جبکہ بیکری اور کارخانہ کے مالک اور مینجر کو موقع سے گرفتار کرکے انکے خلاف مقدمہ درج کر ادیا گیا ہے۔ پنجاب فوڈ اتھارٹی اور ڈی سی او گجرات لیاقت علی چٹھہ کی ہدایت پر جاری کریک ڈائون کے دوران اے سی میاں اقبال مظہر کی زیر قیادت محکمہ صحت ، ٹی ایم اے کے افسران و اہلکاران پر مشتمل ٹیم نے سرگودھا روڈ پر واقع الحرمین بیکرز اور کارخانہ کی اچانک چیکنگ کی ۔دوران چیکنگ الحرمیں بیکرز کے کچن میں صفائی کا انتظام نہایت ناقص تھا، فریزر ٹوٹے ہوئے تھے، گندا پانی اور کوڑا بھی موجود تھا جبکہ زائد المعیاد مسالحہ جات بھی برآمد ہوئے جس پر فوری ایکشن لیتے ہوئے بیکری اور کارخانہ کو سیل کر دیا گیا، بیکری کے مالک مختار احمد، مینجر محسن خان کو موقع سے گرفتار کرکے تھانہ سول لائنز کے حوالے کر دیا گیا جہاں انکے خلاف مقدمہ درج کر لیا گیا ہے۔ ڈی سی او لیاقت علی چٹھہ نے کامیاب کاروائی پر اے سی گجرات اور انکی ٹیم کو سراہا ہے اور واضع کیا ہے کہ ایسے عناصر کے خلاف بلا تفریق کریک ڈائون جاری رہے گا اور ان سے کوئی رعایت نہیں ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) قائد ملت جعفریہ پاکستان علامہ سید ساجد علی نقوی نے کہا ہے کہ وزیر اعظم کفر کے جن فتوئوں کو بند کر نے کی اب بات کرتے ہیں اگر یہ پہلے ہی قانون کے مطابق روک لئے جاتے تو ملک میں خود کش بمبار بنانے کی فیکٹریاں نہ بنتی۔اگر حکومت نے بیلنس پالیسی کے تحت کی جانے والی اہل تشیع کے گرفتار رہنمائوں کو رہا نہ کیا توپھر ہم عدالت جائیں گے ۔عزادرای امام حسین کے لئے کسی بھی روٹ پر پرمٹ کی ضرورت نہیں ۔جمہوری حکومت ہو یا ڈکٹیٹرکی حکومت عزاداری کے جلوسوں سے ایک انچ پیچھے ہٹنا ممکن نہیں۔ان خیالات کا اظہار انہوں نے مسجد سلیمان فارسی شیر گڑھ میں قصبہ کی تاریخ کے بڑے عوامی جلسہ سے خطاب کرتے ہوئے کیا ۔قائد ملت جعفریہ پاکستان علامہ سید ساجد علی نقوی کا شیر گڑھ آمد پر تاریخی استقبال کیا گیا ۔مولانا سید اقبال حسین ،مولانا مسرور حسین شیرازی ،مولانا جان محمد ،ذوالفقار علی جاوید ،اور شوکت علی ڈھڈی سمیت ہزاروں افراد نے اس استقبالیہ جلوس میں شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سٹیزن فرنٹ ضلع گجرات کا ماہانہ اجلاس آج 30 اگست 2015ء بروز اتوار سہ پہر 4 بجے ضلعی نائب صدر مہر عامر علی کے آفس فاران الیکٹرونکس قمر سیالوی روڈ گجرات میں منعقد ہو گا۔ اجلاس کی صدارت سٹیزن فرنٹ ضلع گجرات کے صدر چوہدری علی ابرار جوڑا کرینگے۔ اجلاس میں تنظیمی کارکردگی کے حوالے سے گفتگو کی جائے گی ۔ 14 اگست کو ہونے والی تقریب کی رپورٹ پیش کی جائے گی۔ اعلیٰ تنظیمی کارکردگی کا مظاہرہ کرنے والے عہدیداران کو تعریفی سرٹیفکیٹ دیے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) اہالیان محلہ بخشو پورہ نے ڈی ایس پی سٹی سید غلام مصطفےٰ گیلانی کے رو برو پیش ہو کر بتایا کہ حاجی سرفراز احمد’ ولید علی اور قاسم اور علی رضا کے خلاف جو مقدمہ تھانہ اے ڈویژن میں درج ہوا ہے انکا اس مقدمہ سے دور کا بھی واسطہ نہیں ۔ یہ چاروں افراد بالکل بے گناہ ہیں۔ جنکی ہم طرح سے تسلی دینا چاہتے ہیں۔ اہل علاقہ نے ڈی ایس پی سٹی سید غلام مصطفےٰ گیلانی کو بتایا کہ حاجی سرفراز اور انکے دیگر افراد بھی اس وقوعہ میں شامل نہیں۔ یہ محض عداوت کی بناء پر انکو شامل کیاگیا ہے۔ محلہ بخشو پورہ کے سینکڑوں افراد نے انکی بے گناہی کی تسلی کرائی اہل علاقوں نے مطالبہ کیا کہ اس وقوعہ کی کھلے عام انکوائری کروائی جائے۔ ڈی ایس پی سٹی سید غلام مصطفےٰ گیلانی نے شرفاء کو یقین دلایا کہ بے گناہ افراد کو مقدمہ ہذٰا سے خارج کیا جائے گا۔ انصاف کیا جائے مقدمہ کی تفتیش میرٹ پر کی جا رہی ہے۔ اس موقع پر محمد جاوید پڈا’ چوہدری سلیم کمبوہ’ چوہدری شبیر پڈا’ سفیان احمد’ ذیشان گلزار’ وسیم خالد’ محمد اسلم بٹ’ مظہر حسین و دیگر افراد شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) گجرات میں توہین رسالت کے واقعہ کے خلاف گزشتہ روز جامع مسجد یا رسول اللہ ۖ علماء اہل سنت کا عظیم الشان ”ناموس رسالت کانفرنس” کا انعقاد کیا گیا۔ کانفرنس سے خطاب کرتے ہوئے علامہ محمد شاہد چشتی نے کہا کہ شان رسالت ۖ کے تحفظ کیلئے مسلمانوں کا بچہ بچہ قربان ہے اور گجرات میں اتنا بڑا واقعہ ہوا ہے انتظامیہ نے کوئی کردار ادا کیا ہے اور نہ ہی سارے ملزمان گرفتار کئے گئے ہیں۔ اہل سنت اس طرح کے واقعات کی شدید مذمت کرتے ہیں اس موقع پر علامہ عبدالرشید اویسی ‘علامہ پیر اکرم دیوانہ’ علامہ عبدالرحمن جماعتی’ ریاض منظور جیلانی’ پیر سید سلیمان شاہ’ ریاض احمد ‘ قاری امجد فاروق گیلانی’ خالد مصطفویٰ’ فیصل منیر قادری’ قاری عمران’ فاروق جلالی’ چوہدری فلک شیر وڑائچ’ صاحبزادہ عبدالمصطفیٰ نظامی سیالوی’ گلزار بٹ’ شبیر بٹ’ عبدالنبی سیالوی’ ڈاکٹر محمد آصف و دیگر نے شرکت کی۔ اس موقع پر اعلان کیا گیا کہ ہم پر امن احتجاج کیا ہے لیکن حکومت نے اگر ایکشن نہ لیا تو بھر پور احتجاج کیا جائے گا۔ یہ پروگرام سنی ایکشن کمیٹی اور پاسبان ناموس رسالت ۖ کے زیر اہتمام منعقد ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) ممبر اسلامی نظریاتی کونسل صاحبزادہ پیر سید سعید احمد شاہ گجراتی نے کہا ہے کہ یورپ میں اسلام کی تعلیمات پر تحقیقات ہو رہی ہیں اور یورپی قوانین میں اسلام کی بہت سی شقیں شامل ہیں۔ کیونکہ یورپی ممالک میں اسلام کی حقانیت کی وجہ سے لوگ اسلام قبول کر رہے ہیں ‘ وہ گزشتہ روز بیرون ملک وطن واپس کے بعد جامع مسجد شہنشاہ ولایت میں جمعتہ المبارک کے موقع پر خطاب کر رہے تھے۔ قبل ازیں ان کا شاندار استقبال کیا گیا۔ ان پر پھولوں کی پتیاں نچھاور کی گئیں اور ہار پہنائے گئے۔ پیر سید سعید احمد شاہ گجراتی نے کہا کہ پاکستان خوش قسمت ملک ہے جہاں مسلمان اپنی مرضی کے مطابق زندگی گزار رہے ہیں اور اسلامی تعلیمات کو فروغ دے رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) حال میں ہی گجرات ٹی ایم اے میں تعینات ہونے والے نئے ٹی او پی اینڈ سی محمد محفوظ اختر نے گجرات میں نوکری کرنے سے معذروی ظاہر کردی ہے انہوں نے نوکری کرنے کی بجائے ریٹائرمنٹ لینے کا فیصلہ کرلیا ہے انہوں نے بتایا کہ ٹی ایم اے گجرات پہلے ہی خسارے میں ہے اس حالات میں گجرات نوکری نہیں کر سکتا انہوں نے گجرات طارج لینے سے انکار کر دیا ہے اس طرح گجرات میں ٹی او اپی ینڈ سی کی سیٹ دوبارہ خالی ہو گئی ہے جس کی وجہ سے شہریوں کو اپنے نقشوں کے حصول کے لیے مشکلات کا سامنا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) محکمہ سول ڈیفنس گجرات کی نااہلی اور سستی کی وجہ سے جلال پور جٹاں میں جگہ جگہ غیر قانونی پیٹرول کی ایجنسیاں کھل گئیں ہیں اور شہریوں کو جعلی پیٹرول فروخت کر کے دونوں ہاتھوں سے لوٹا جارہا ہے اس سلسلہ میں ضلعی انتظامیہ بے بس نظر آرہی ہے جو ان کے خلاف کاروائی کرنے سے قاصر ہے ،سول ڈیفنس گجرات کے عملہ کی نااہلی کی وجہ سے جلالپور جٹاں میں اس وقت تقریبا 50سے زاہد غیر قانونی پیٹرول ایجنسیاں سرعام تیل فروخت کر رہی ہیں مگر ان کو ئی پوچھنے والا نہیں ہے ڈی سی او گجرات اور ڈی او سی گجرات فوری نوٹس لیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) گجرات میں تعینات ہونے والے نئے ڈسڑکٹ اینڈ سیشن جج سید ذوالفقار علی نے چارج سنبھال لیا ہے چارج سنبھالنے کے بعد ڈسڑکٹ اینڈ سیشن جج نے سول ججز سینئر ججزسے ملاقاتیں بھی کیں،جبکہ ججز نے ان کو پھولوں کے گلادستے بھی پیش کیے
