آج کے بچے کل کے حکمران ہیں ، بچوں کی بہترین تعلیم و تربیت کا اہتمام کرنا ہم سب کا فرض ہے
گجرات (جی پی آئی) آج کے بچے کل کے حکمران ہیں ، بچوں کی بہترین تعلیم و تربیت کا اہتمام کرنا ہم سب کا فرض ہے ، ان خیالات کا اظہار ممبر صوبائی اسمبلی حاجی عمران ظفر نے گزشتہ روز دی ایجوکیٹرز بارہ دری کیمپس میں منعقدہ تقریب تقسیم انعامات کے موقع پر کیا ، انہوں نے کہا کہ موجودہ حکومت فروغ تعلیم کے سلسلہ میں اقدامات کر رہی ہے اور خادم اعلیٰ پنجاب میاں شہباز شریف اور میاں نواز شریف نے فروغ تعلیم کے سلسلہ میں گراں قدر خدمات سرانجام دیں ہیں ، اور نوجوان نسل کو آگے بڑھنے کے مواقعے فراہم کیے ہیں ، اربوں روپے کے لیپ ٹاپس اور وظائف طلباء کو دئیے جا رہے ہیں ، گجرات میں نواز شریف میڈیکل کالج کی صورت میں بہت بڑا تحفہ دیا گیا ہے ، جس سے اس سال پچاس ڈاکٹرز فارغ التحصیل ہو رہے ہیں ، یہ سب میاں شہباز شریف کے ویژن کا نتیجہ ہے ، انہوں نے کہا کہ دی ایجوکیٹرز بارہ دری کیمپس میں جب بھی آتا ہوں کچھ نہ کچھ نیا نظر آتا ہے ، آج خصوصاً مجھے یہ دیکھ کر خوشی ہوئی ہے کہ حفاظ کرام فارغ التحصیل ہو رہے ہیں ، دین و دنیا کی تعلیم یکساں دی جا رہی ہے ، میں شہزاد شفیق کیلئے دعا گو ہوں ، ممتاز ماہر تعلیم صدارتی ایوارڈ یافتہ پروفیسر ڈاکٹر ڈاکٹر احمد حسین قریشی قلعداری نے کہا کہ مجھے میرے ہونہار شاگرد شہزاد شفیق پر فخر ہے کہ وہ جس انداز میں عوام کی خدمت کر رہا ہے ، اچھے لوگ ہی ہمیشہ عوام کی خدمت کرتے ہیں ، شہزاد شفیق کو اللہ تعالیٰ جزا دے گا میں شہزاد شفیق کیلئے دعا گو ہوں ، انہوںنے کہا کہ پاکستان کے حصول کے سلسلہ میں ہمارے بزرگوں نے جو قربانیاں دیں ، اس کے نتیجہ میں ملک میں ترقی ہو رہی ہے ، اور میں امید کرتا ہوں کہ یہ مشن جاری رہے گا ، مرزا نعیم چیف ایگزیکٹو FM105نے کہا کہ دی ایجوکیٹرز بارہ دری کیمپس بلاشبہ اپنے فرائض بہتر طریقہ سے سرانجام دے رہا ہے ، اور ہم دی ایجوکیٹرز بارہ دری کیمپس کے ایڈمنسٹریٹر شہزاد شفیق کو خراج تحسین پیش کرتے ہیں کہ وہ جس انداز میں عوام کو تعلیم کی دولت سے مستفید کر رہے ہیں ، اس سے عوام کو سہولت ملے گی انہوں نے کہا کہ تعلیم کے سلسلہ میں ہر شہری کو اپنا کردار احسن طریقہ سے سرانجام دینا چاہیے ، ایگزیکٹو ڈسٹرکٹ آفیسر کمیونٹی ڈویلپمنٹ چوہدری محمد نواز نے کہا کہ وہی ملک ترقی کرتا ہے جس میں نوجوان نسل پڑھی لکھی اور محنتی ہو اور آج ہمیں خوشی ہے کہ دی ایجوکیٹرز بارہ دری کیمپس اپنے فرائض سے آگاہ ہے اور عوام کی خدمت کیلئے کام ہو رہا ہے ، اس موقع پر مس شکیلہ چوہدری ای ڈی او لاء گوجرانولہ ، کیپٹن محمد ارشد و دیگر موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایجوکیٹرز بارہ دری کیمپس میں سالانہ تقریب تقسیم انعامات منعقد ہوئی
گجرات (جی پی آئی) دی ایجوکیٹرز بارہ دری کیمپس میں سالانہ تقریب تقسیم انعامات منعقد ہوئی ، جس میں سکینڈری سیکشن بوائز و شعبہ حفظ کے طلباء و طالبات میں انعامات تقسیم کیے گئے ، تقریب کی صدارت پروفیسر ڈاکٹر ڈاکٹر احمد حسین قریشی قلعداری نے کی ، جبکہ مہمان خصوصی ممبر صوبائی اسمبلی حاجی عمران ظفر تھے دیگر مہمانوں میں ای ڈی او کمیونٹی ڈویلپمنٹ چوہدری محمد نواز ، ڈسٹرکٹ اٹارنی گوجرانوالہ محترمہ شکیلہ چوہدری ، مرزا نعیم ایف ایم 105، اظہر قادری الائیڈ سکول پاہڑیانوالی ، ڈاکٹر محمد ارشد ، ممتاز صحافی بشارت لودھی ، بائو محمد شفیق و دیگر اہم شخصیات تھیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) نوجوان نسل کی بہترین تعلیم و تربیت ہم سب کا فرض ہے والدین کو بھی نوجوان نسل کی تعلیم و تربیت کے سلسلہ میں اساتذہ سے تعاون کرنا چاہیے تا کہ مستقبل میں یہی بچے قوم کا سرمایہ ثابت ہو سکیں ، ان خیالات کا اظہار ممتا ز صحافی چیف ایڈیٹر روزنامہ گجرات ٹائمز بشارت لودھی نے دی ایجوکیٹر بارہ دری کیمپس میں منعقدہ تقریب کے دوران خطاب کرتے ہوئے کیا ، انہوں نے کہا کہ ہمیں اپنے فرائض احسن طریقہ سے سرانجام دینے ہونگے ، تبھی ملک ترقی کر سکتا ہے ، جب تک ہم اپنے فرائض صحیح طریقہ سے سرانجام نہیں دینگے ، ترقی یافتہ ممالک کی صفوں میں کھڑا ہونا ناممکن ہے اور موجودہ حالات کے تقاضوں کے مطابق ہمیں بہترین پلاننگ کرنی ہو گی ، دی ایجوکیٹرز بارہ دری کیمپس کی کارکردگی بلاشبہ قابل تحسین ہے ، اور میں شہزاد شفیق نقشبندی کو ان کی کارکردگی پر خراج تحسین پیش کرتا ہوں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ سٹی گجرات کے نو منتخب عہدیداران کی تقریب حلف وفاداری گزشتہ روز منعقد ہوئی
گجرات (جی پی آئی) سٹیزن فرنٹ سٹی گجرات کے نو منتخب عہدیداران کی تقریب حلف وفاداری گزشتہ روز منعقد ہوئی جوڑا ہائوس میں ہونے والی اس شاندار تقریب میں چیئرمین سپریم کونسل چوہدری نجیب اشرف چیمہ نے نو منتخب عہدیداران سے حلف لیا ، حلف اٹھانے والوں میں شیخ عرفان پرویز ، محمد یعقوب سیٹھی ، ماسٹر محمد الیاس راجپوت ،حاجی مہر ممتاز احمد ، ملک طارق ، ڈاکٹر شیخ ثوبان شاہد ، شاہد ابرار جوڑا ، حسنین وقار جوڑا ، خاور بشیر بٹ ، میاں محمد ندیم ، محمد عارف عطاری ، عمر شریف قادری ، چوہدری وقاص عالم ، مرزا اکبر بیگ ، ڈاکٹر رزاق احمد غفاری ، شیخ محمد ادریس ، حافظ مرزا شفیق آرزو ، تنویر بھٹی ، محمد سلیم خاں، یاسر احمد وریاء شامل ہیں اس موقع پر سٹیزن فرنٹ ضلع گجرات ، تحصیل گجرات ، ممبران سپریم کونسل کی کثیر تعداد موجود تھی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز کاروباری شخصیت مہر سکندر آف کرم موٹرز اینڈ الیکٹرونکس تیس لاکھ کی ڈکیتی سے بال بال بچ گئے
گجرات (جی پی آئی) ممتاز کاروباری شخصیت مہر سکندر آف کرم موٹرز اینڈ الیکٹرونکس تیس لاکھ کی ڈکیتی سے بال بال بچ گئے ، مہر سکندر گزشتہ روز اپنے سیکورٹی گارڈکے ہمراہ تیس لاکھ روپے لیکر اپنے شوروم کی طرف آ رہے تھے کہ چنگڑ کالونی شادیوال روڈ کے قریب دو نامعلوم موٹر سائیکل سوار افراد نے ان سے رقم چھیننے کی کوشش کی لیکن سیکورٹی گارڈی نے حاضر دماغی سے کام لیتے ہوئے اپنے لائسنسی پسٹل سے ہوائی فائرنگ کر دی جس پر موٹر سائیکل سوار افراد بھاگ نکلے اور اس طرح مہر سکندر ڈکیتی سے محفوظ رہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمائندہ خصوصی سے ایک ملاقات میں اسسٹنٹ کمشنر ان لینڈریوینیو Enforcement Unit-06شہزاد غنی نے بتایا کہ ہم عنقریب ڈور ٹو ڈور سروے شروع کر رہے ہیں
گجرات (جی پی آئی) نمائندہ خصوصی سے ایک ملاقات میں اسسٹنٹ کمشنر ان لینڈریوینیو Enforcement Unit-06شہزاد غنی نے بتایا کہ ہم عنقریب ڈور ٹو ڈور سروے شروع کر رہے ہیں ، جس کا بنیادی مقصد یہ ہے کہ نئے لوگوں کو انکم ٹیکس نیٹ میں لایا جاسکے ، اس سلسلہ میں ہم یہ چاہتے ہیں کہ جو لوگ پہلے سے انکم ٹیکس گزار ہیں وہ اپنے انکم ٹیکس کارڈز کو اپنی دکان یا کاروباری مقام پر نمایاں جگہ پر آویزاں کریں تا کہ ان سے کسی قسم کی چھان بین نہ کی جائے ، اور کاروباری حضرات اور سروے ٹیم کے وقت کی بچت ممکن ہو سکے ، جو کاروباری حضرات انکم ٹیکس نمبر سرٹیفکیٹس نمایاں مقام پر آویزاں نہیں کریں گے ان کے خلاف انکم ٹیکس کی دفعہ 182کی زیر دفعہ 1,6کے تحت کاروائی عمل میں لائی جائے گی ، جس میں مبلغ 5ہزارو روپے جرمانہ عائد کیا جا سکے گا ، اس لیے تمام کاروباری اور تاجر حضرات جو کہ انکم ٹیکس کارڈز حاصل کر چکے ہیں سے درخواست ہے کہ ممکنہ جرمانہ یا کسی بھی قسم کی تادیبی کاروائی سے بچنے کیلئے محکمہ انکم ٹیکس کے عملہ سے ہر ممکن تعاون فرمائیں ، نمائندہ خصوصی کے ایک اور سوال کے جواب میں اسسٹنٹ کمشنران لینڈ ریوینیو شہزاد غنی نے کہا کہ ٹیکس گزاروں کو چاہیے کہ اپنے لیٹر ہیڈ پیڈز ، انکم ٹیکس ، سیلز ٹیکس انوائسز ، ایڈورٹائزمنٹ پیڈز ، انکم ٹیکس گوشوارے اور انکم ٹیکس ڈیپارٹمنٹ کے ساتھ خط و کتابت کے دوران اپنا انکم ٹیکس نمبر لکھنا مت بھولیں یہ نہ صرف اپکا قومی فریضہ ہے بلکہ ضرورت بھی ہے ، اسسٹنٹ کمشنر ان لینڈ ریوینیو نے مزید کہا کہ ہمیں دوران سروے تاجر تنظیموں اور کاروباری حضرات کے ہر ممکن تعاون کی اشد ضرورت رہے گی ، ہماری خواہش ہے کہ ٹیکس سروے کا یہ عمل کاروباری حضرات ، تاجر تنظیموں اور محکمہ انکم ٹیکس کے عملہ کے باہمی تعاون سے انتہائی خوش اصلوبی سے مکمل کیا جائے اس دوران مین ٹیکس وکلاء ، تاجر نمائندوں اور چیمبر آف کامرس سے مسلسل رابطہ میں رہونگا ، تا کہ کسی کو بھی کوئی دشواری یا شکایت نہ ہو ۔
Related Posts
