گجرات پریس کلب کے نمائندہ وفد نے صدر وسیم اشرف بٹ کی سربراہی میں ایس ای واپڈا ریاض احمد سے ملاقات کی
گجرات (جی پی آئی) گجرات پریس کلب کے نمائندہ وفد نے صدر وسیم اشرف بٹ کی سربراہی میں ایس ای واپڈا ریاض احمد سے ملاقات کی ،اور صحافی کالونی میں بجلی کے ٹرانسفارمر کی تنصیب اور کنکشن کی فراہمی جیسے مسائل کے حوالہ سے تفصیلی گفتگو کی وفد میں جنرل سیکرٹری محمود اختر محمود اور سیکرٹری اطلاعات ڈاکٹر رزاق احمد غفاری شامل تھے ، اس موقع پر صدر پریس کلب نے ایس ای گیپکو کو بتایا کہ چونکہ صحافی کالونی میں صحافی حضرات نے اپنے رہائشگاہوں کی تعمیر کا کام شروع کر دیا ہے اس لیے وہاں پر بجلی کی فراہمی کی فوری ضرورت ہے اور فوری طو ر پر ٹرانسفارمر مہیاکیے جائیں ایس ای واپڈا نے وفد کو یقین دلایا کہ انشاء اللہ جلد از جلد یہ مسائل حل کر لیے جائیں گے اس حوالہ سے انہوں نے ایکسیئن گیپکو کو بھی ہدایات جاری کیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈوب گئیں ، اہل علاقہ شدید مشکلات سے دوچار ہو گئے
گجرات (جی پی آئی) TMAگجرات کی نااہلی اور غفلت کی وجہ سے ریلوے لائنیں گندے پانی میں ڈوب گئیں ، اہل علاقہ شدید مشکلات سے دوچار ہو گئے ، تفصیلات کے مطابق یونین کونسل 45,46,47کا پانی ریلوے اسٹیشن کے ساتھ تعمیر ہونے والے گندے نالے میں ڈالا جاتا ہے مگر صفائی کے مناسب انتظامات نہ ہونے کی وجہ سے گندا نالا بلاک ہو گیا ہے جس سے پانی ریلوے لائنوں پر آ گیا ہے ، جس سے ٹرینوں کی آمدوفت بھی معطل ہو سکتی ہے اور کوئی سنگین واقعہ بھی رونما ہو سکتا ہے ، عوامی حلقوں کی فوری اپیل پر ایکشن لیتے ہوئے ٹی ایم اے نے کام شروع کر دیا ہے ، گزشتہ روز چیف سینٹری انسپکٹر چوہدری ارشاد اور سینٹری انسپکٹر غلام مرتضیٰ غفاری کی سربراہی میں سینٹری ملازمین نے بھاری مشینری کے ہمراہ کام شروع کیا اس موقع پر گفتگو کرتے ہوئے چیف سینٹری انسپکٹر چوہدری ارشاد نے کہا کہ لوگ اپنا کوڑا کرکٹ ٹی ایم اے کی طرف سے بنائے جانے والے خصوصی کوڑا دانوں میں پھنکنے کی بجائے اردگرد اور نالوں میں پھنکتے ہیں جس سے یہ مسائل پیدا ہوتے ہیں ، عوام سے تعاون کی اپیل کی جاتی ہے ، اسٹیشن ماسٹر غضنفر علی نے کہا کہ عوام کو ریلیف فراہم کرنے کیلئے ہم کوشاں ہیں ، ٹی ایم اے حکام کو چاہیے کہ وہ روزانہ کی بنیاد پر صفائی کے انتظامات کریں تا کہ اس طرح کے مسائل سے بچا جا سکے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریلوے اسٹیشن گجرات میں بے پناہ مسائل ہیں جنہیں حل کرنے کیلئے وسائل کی کمی ہے ان خیالات کا اظہار
گجرات (جی پی آئی) ریلوے اسٹیشن گجرات میں بے پناہ مسائل ہیں جنہیں حل کرنے کیلئے وسائل کی کمی ہے ان خیالات کا اظہار اسٹیشن ماسٹر غضنفر علی نے صحافیوں سے گفتگو کرتے ہوئے کیا ، انہوں نے کہا کہ اس وقت ہمارے پاس عملہ بھی ناکافی ہے جس کی وجہ سے صفائی کے انتظامات بہتر نہیں ہو سکتے اتنے بڑے ریلوے اسٹیشن پر صرف ایک صفائی والا ہے ، یوپی ایس یا متبادل انتظام نہ ہونے کی وجہ سے بجلی کی بندش کی صورت میں لوگوں کو مشکلات کا سامنا کرنا پڑتا ہے ، سیکورٹی کے انتظامات بھی ناکافی ہیں ، ہم نے ان مسائل کے حل کیلئے کئی دفعہ اعلیٰ حکام سے رابطہ کیا ہے لیکن تاحال کوئی کاروائی نہیں ہو رہی ، عوامی نمائندگان اس سلسلہ میں اپنا کردار ادا کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ناجائز تجاوزات کی وجہ سے کئی کلومیٹر ریلوے لائن مٹی میں دب گئی ، کچھ عرصہ قبل ریلوے کی طرف سے کاروائی کرتے ہوئے
گجرات (جی پی آئی) ناجائز تجاوزات کی وجہ سے کئی کلومیٹر ریلوے لائن مٹی میں دب گئی ، کچھ عرصہ قبل ریلوے کی طرف سے کاروائی کرتے ہوئے خصوصی طور پر تاریں لگائی گئیں ، جس سے تجاوزات کا کچھ خاتمہ ہوا لیکن ریلوے لائن کو باہر نکالنے کے سلسلہ میں کوئی کاروائی عمل میں نہیں لائی گئی ، قیمتی سرمایہ لوہا مٹی کے اندر ہی خراب ہو رہا ہے ، جبکہ موقع پر معلوم ہوا ہے کہ ریلوے لائن کے ارد گرد لکڑ والوں نے ناجائز طور پر کارخانے بنائے ہوئے ہیں اور اپنا سامان بھی ریلوے کی حدود میں رکھتے ہیں ، ڈی سی او گجرات اور محکمہ ریلوے کے افسران اس سلسلہ میں ایکشن لیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ سٹی گجرات کے صدر شیخ عرفان پرویز ، جنرل سیکرٹری خاور بشیر بٹ نے مشترکہ بیان
گجرات (جی پی آئی) سٹیزن فرنٹ سٹی گجرات کے صدر شیخ عرفان پرویز ، جنرل سیکرٹری خاور بشیر بٹ نے مشترکہ بیان میں عامر چوہدری کے خالو کی وفا ت پر گہرے رنج و غم کا اظہار کیا ہے اور دعا کی ہے کہ اللہ تعالیٰ مرحوم کو جنت الفردوس میں اعلیٰ جگہ اور لواحقین کو صبر جمیل عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ ہائی وے کی غفلت کی وجہ سے سروس موڑ ناکہ پر روڈ خراب پڑی ہے جس سے مشکلات کا سامنا کرنا پڑ رہا ہے
گجرات (جی پی آئی) محکمہ ہائی وے کی غفلت کی وجہ سے سروس موڑ ناکہ پر روڈ خراب پڑی ہے جس سے مشکلات کا سامنا کرنا پڑ رہا ہے اور اکثر حادثات رونما ہوتے ہیں پولیس ملازمین بھی پریشان ہیں ، حکام سے مطالبہ کیا جاتا ہے کہ فوری طور پر اس سلسلہ میں ایکشن لیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی و سیاسی شخصیت صدر پنجاب نعت کونسل شیخ عرفان پرویز اور ممتاز کاروباری شخصیت سید مزمل حسین شاہ گزشتہ روز جیٹ میڈیکل سٹور پر گئے
گجرات (جی پی آئی) ممتاز سماجی و سیاسی شخصیت صدر پنجاب نعت کونسل شیخ عرفان پرویز اور ممتاز کاروباری شخصیت سید مزمل حسین شاہ گزشتہ روز جیٹ میڈیکل سٹور پر گئے اور نئی دکان کے آغاز پر چیف ایگزیکٹو جیٹ میڈیکل سٹور عامر جاوید چوہدری کو مبارک باد پیش کی ، اور نیک تمنائوں کا اظہار کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اعوان شریف کی ممتاز شخصیت قاری محمود احمد اعوانی نے گزشتہ روز جیٹ میڈیکل سٹور کا دورہ کیا
گجرات (جی پی آئی) اعوان شریف کی ممتاز شخصیت قاری محمود احمد اعوانی نے گزشتہ روز جیٹ میڈیکل سٹور کا دورہ کیا اور ممتاز کاروباری شخصیت عامر جاوید چوہدری آف جیٹ میڈیکل سٹور سے ملاقات کی اور ان کے کاروبار کی ترقی اور بہتری کیلئے دعائیں کیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت سائیں اختر محمود اور مہر ارشد محمود عرف مٹھو کے والد محترم ، سینئر صحافی عامر چوہدری کے خالو جان
گجرات (جی پی آئی) ممتاز سماجی شخصیت سائیں اختر محمود اور مہر ارشد محمود عرف مٹھو کے والد محترم ، سینئر صحافی عامر چوہدری کے خالو جان ، مہر محمد شفیع کو سینکڑوں سوگواروں کی موجودگی میں ان کے آبائی قبرستان جمالپور روڈ گجرات میں سپرد خاک کر دیا گیا ، نماز جنازہ میں ہر مکتبہ فکر سے تعلق رکھنے والے سینکڑوں افراد نے شرکت کی ، مرحوم کے درجات کی بلندی کیلئے ختم قل 20فروری 2014ء بروز جمعرات صبح دس بجے جامع مسجد نور مدینہ نزد اقبال چوک محلہ مسلم آباد گجرات میں پڑھا جائیگا ، اجتماعی دعا میں شرکت فرما کر ثواب دارین حاصل کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ ضلع گجرات کا ماہانہ اجلاس 21فروری 2014ء بروز جمعتہ المبارک 3بجے دوپہر مدنی بلڈرز قمر سیالوی روڈ گجرات پر ضلعی صدر چوہدری علی ابرار جوڑا کی زیر صدارت منعقد ہو گا
گجرات (جی پی آئی) سٹیزن فرنٹ ضلع گجرات کا ماہانہ اجلاس 21فروری 2014ء بروز جمعتہ المبارک 3بجے دوپہر مدنی بلڈرز قمر سیالوی روڈ گجرات پر ضلعی صدر چوہدری علی ابرار جوڑا کی زیر صدارت منعقد ہو گا ، اجلاس میں سمیعہ نورین شہید کو دینے والے شان گجرات ایوارڈ کی رپورٹ پیش کی جائے گی ، جبکہ یوم یکجہتی کشمیر پر ہونے والی تقریب کی رپورٹ چیئرمین سٹیزن فرنٹ تھنکرز فورم افتخار الدین بھٹہ پیش کرینگے ، اس کے علاوہ ممبر سازی کے حوالے سے بھی اظہار خیال کیا جائیگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی میںآج ٹی وی اور وقت ٹی وی کے دفاتر پر حملوں کے خلاف گجرات پریس کلب
گجرات(جی پی آئی)کراچی میںآج ٹی وی اور وقت ٹی وی کے دفاتر پر حملوں کے خلاف گجرات پریس کلب کے زیر اہتمام آج مورخہ 19فروری بروز بدھ دن ایک بجے گجرات کی صحافی برادری گجرات پریس کلب کے باہر احتجاج کرے گی تمام ممبران پریس کلب احتجاج میں اپنی شرکت کو بروقت یقینی بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب یوتھ سپورٹس فیسٹول 2014 کے تحت ڈویژنل لیول پر کر کٹ ہارڈ بال کے فائنل میچ میں ضلع گجرات
گجرات(جی پی آئی)پنجاب یوتھ سپورٹس فیسٹول 2014 کے تحت ڈویژنل لیول پر کر کٹ ہارڈ بال کے فائنل میچ میں ضلع گجرات کی ٹیم گوجرانوالہ کو شکست دے کر ڈویژنل چیمپئین کا ٹائٹل جیت لیا ۔ اس سے قبل سیالکوٹ کے ساتھ دوبارہ کھیلے گئے سیمی فائنل میں بھی گجرات کی ٹیم نے شاندار کھیل کامظاہرہ کرتے ہوئے کامیابی حاصل کی تھی ۔ ظہور الٰہی سٹیڈیم میں ہونے والے اس میچ میں شائقین کی بڑی تعداد نے شرکت کی ۔ سب سے پہلے گجرات اور سیالکوٹ کی ٹیموں کے درمیان سیمی فائنل دوبارہ کھیلا گیا ۔ جس میں گجرات نے پہلے کھیلتے ہوئے 84سکور کئے جبکہ سیالکوٹ کی پوری ٹیم 74رنز بنا کر آئوٹ ہوگئی ۔ فائنل میچ کا ٹاس گوجرنوالہ کی ٹیم نے جیتا اورمقررہ اوورز میں 108سکور بنائے گجرات کی ٹیم نے مقررہ ہدف پانچ وکٹوں کے نقصان پر پورا کر لیا ۔ اعلیٰ کارکردگی پر گجرات ٹیم کے بیٹسمین عمران بٹ کو مین آف دی میچ کا اعزازدیا گیا ۔جبکہ کپتان ندیم بٹ نے ڈویژنل چیمپئین کی ٹرافی وصول کی ۔ دریں اثناء ڈی سی اوآصف بلال لودھی ،گجرات کی سیاسی وسماجی شخصیات اور سرکاری افسران نے ڈویژنل چیمپئین بننے پر گجرات کے کپتان ندیم بٹ اور پوری ٹیم کو مبارکباد دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انسانیت کی خدمت ایک کار عظیم ہے اور اس میں بڑھ چڑھ کر حصہ لینا کار ثواب ہے
گجرات(جی پی آئی)انسانیت کی خدمت ایک کار عظیم ہے اور اس میں بڑھ چڑھ کر حصہ لینا کار ثواب ہے ۔ میرے نزدیک دنیا میں سب سے برھ کر وہ انسان عظیم ہے جو دکھوں اور پریشانیوں میں مبتلا خلق خدا کی سب سے بڑھ کر مدد کرتا ہے ۔ انسانیت کی بے لوث خدمت ہی اصل فلاح و بہبود ہے ۔ ڈاکٹر میڈیکل تعلیم کا صحیح استعمال کرتے ہوئے معاشرہ میں انقلابی تبدیلیاں لا سکتے ہیں ۔ رفاہ عامہ اگر ہر شخص کے پیش نظر ہو تو کوئی بھی معاشرہ صحیح معنوں میں ترقی کے فوائد سے فیض یاب ہو سکتا ہے ۔ معیاری صحت و تندرستی ہر شخص کابنیادی حق ہے ۔ معاشرہ میں موجود عورتوں کی صحت پر توجہ دینا بہت اہم ہے ۔ دنیا کے تمام مذاہب میں فلاح عامہ کے منصوبوں پر انتہائی زور دیا گیا ہے ۔ تمام لوگوں کے لیے بہت ضروری ہے کہ وہ اپنے اپنے معاشروں میں فلاح و بہبود کے سفیرو ں کے طور پر کام کریں۔ انسانیت کی خدمت کے لیے محنت، قربانی اور کشادہ دلی کے جذبات سے معمور ہونا ضروری ہے ۔ ان خیالات کا اظہار برطانیہ کے مشہور ڈاکٹر مڈ لینڈ انٹرنیشنل ایڈ ٹرسٹ برطانیہ کے سر پرست اعلیٰ ڈاکٹر اے آرگیٹ ریڈ نے یونیورسٹی آف گجرات کے نواز شریف میڈیکل کالج کے زیر اہتمام ایک استقبالیہ تقریب سے خطاب کرتے ہوئے کیا ۔ وال سال کونسل برطانیہ کے میئر عزت مآب محمد نذیر نے اس استقبالیہ تقریب کے شرکاء سے خطاب کرتے ہوئے کہا کہ تعلیم کا فروغ کسی بھی معاشرہ کی ترقی میں اہم کردار ادا کرتا ہے ۔ اس کے ساتھ ساتھ اداروں کو چلانے کے لیے مل کر کام کرنا اور ٹیم ورک سب سے زیادہ سود مند ہے ۔ تعلیم ہمیں علم سے آشنا کرتی ہے اور علم ایک بہت بڑی طاقت ہے اور جب علم زمانہ کی ضرورتوں کے عین مطابق ہو جائے تو یہ ایک بہت بڑی طاقت بن جاتا ہے اس سے کسی بھی معاشرہ کی کایا پلٹ جاتی ہے ۔ اس لیے دور حاضر میں تعلیم کا حصول ہماری اولین ترجیح ہونا چاہیے۔ آج کی گلوبل دنیا میں ہم ٹیم ورک کے بغیر کچھ بھی نہیں کر سکتے۔ ٹیم ورک سے اداروں اور انکے کاموں میں نکھار پیدا ہوتا ہے ۔ میئر محمد نذیرنے اس بات کا یقین دلایا کہ وہ یونیورسٹی آف گجرات اور برمنگھم یونیورسٹی کے درمیان اشتراک و اتحاد پیدا کرنے کے لیے اپنی وسیع تر کوششوںکوبروئے کار لائیں گے ۔ یونیورسٹی آف گجرات کے وائس چانسلر پروفیسر ڈاکٹر محمد نظام الدین نے تقریب کے مہمانان گرامی اور شرکاء کو خوش آمدید کہتے ہوئے کہا کہ بیش بہا دنیاوی ترقی کی بدولت اب مروجہ تعلیم کے تصورات تیزی سے بدل رہے ہیں ۔ کچھ لوگوں کا خیال ہے کہ 2020 تک تعلیم حاصل کرنے کے لیے کلاس روم کی ضرورت نہیں رہے گی ۔ علم ہمیشہ لوگوں سے وسیع تر رابطے اور مباحثہ کے ذریعے ترقی کرتا ہے ۔ آج کی گلوبل دنیا میں ہم تنہائی کی سطح پر زندگی بسر نہیں کر سکتے ۔ ہمیں تمام اقوام کے ساتھ مل جل کر ترقی کی نئی راہیں دریافت کرنا ہونگی۔ یونیورسٹی آف گجرات نے مختلف بین الاقوامی یونیورسٹیوں اور اداروں کے ساتھ اشتراک سے ہی مختصر عرصہ میں ترقی کی کئی منازل طے کی ہیں۔ اشتراک علم کی حدوں کو وسیع کرنے میں معاون کا کردار ادا کرتا ہے ۔ موجودہ تناظر میں پاکستان کی ترقی کے لیے ٹیکنیکل اور پیشہ وارانہ تعلیم ضروری ہے ۔ پاکستان میں صحت عامہ کی بہتری کے لیے بین الشعبہ جاتی ٹیمیوں کی تشکیل اہم ہے ۔ میڈیکل کالجوں میں تکنیکی مہارت یافتہ لوگ پیدا کرنے کے لیے الائیڈ ہیلتھ پروگرام شروع کیے جانے چاہئیں۔ گجرات کی معروف سماجی شخصیت اور یو او جی سنڈیکیٹ کے ممبر ڈاکٹر اعجاز بشیر نے کہا کہ سماجی و فلاحی منصوبہ جات معاشرہ کی ترقی اور لوگوں کی حالت بہتر بنانے میں اہم کردار ادا کرتے ہیں ۔ ڈاکٹر نظام الدین کی علمی کوششوں کی بدولت اس علاقہ میں ایک تعلیمی انقلاب نے جنم لیا ہے ۔ تعلیم کے ذریعے پیدا کردہ شعور و آگہی ہمیں معاشرہ کے پسے ہوئے طبقوں کے دکھ درد کو سمجھنے اور انہیں حل کرنے میں مدد دیتا ہے ۔ برطانیہ سے تعلق رکھنے والے مشہور پلاسٹ سرجن ڈاکٹر محمد ریاض نے کہا کہ ڈاکٹر اعجاز بشیر نے گجرات میں کٹے ہوئے ہونٹ و تالو کا ہسپتال قائم کر کے اہم کارنامہ سر انجام دیا ہے ۔ صرف رضا کارانہ منصوبہ جات نہیں بلکہ اس کے ساتھ ساتھ ہمیں ان منصوبوں کو چلانے کے لیے اعلیٰ مہارت یافتہ اور تکنیکی صلاحیتوں سے لیس لوگوں کی بھی ضرورت ہے جو ڈاکٹروں کے شانہ بشانہ دکھی انسانیت اور مریضوں کی خدمت کر سکیں ۔ برطانیہ سے تعلق رکھنے والی ایک معروف سماجی شخصیت علی شبیر نے کہا کہ زندگی میں اعلیٰ مقاصد رکھنا اور ان مقاصد کی روشنی میں معاشرہ کی فلاح و بہبود کے لیے کام کرنا ہی اصل خدمت ہے ۔ میرا تمام طالب علموں کو مشورہ ہے کہ زندگی میں ہمیشہ اعلیٰ مقاصد کے حصول کے لیے نبرد آزما رہیں۔ نواز شریف میڈیکل کالج کے پرنسپل ڈاکٹر سجاد حسین نے تمام مہمانوں کا شکریہ ادا کرتے ہوئے کہا کہ فلاح انسانیت ایک جذبہ اولیٰ ہے ۔ حضرت علی کے قول کے مطابق اﷲ تعالیٰ دکھی لوگوں کے دل میں بستا ہے ۔ اس لیے دکھی انسانیت کی خدمت سے بڑ ھ کر کوئی خدمت نہیں۔ ہمارے آج کے تمام مہمانان گرامی دکھی انسانیت کا درد رکھنے والی ہستیاں ہیں اور مجھے امید ہے کہ ان کی شخصیتیں اور کارنامے ہمارے لیے مشعل راہ ثابت ہونگی۔ NSMC کے ڈائریکٹر ڈاکٹر سید طلعت اقبال نے تقریب کی نظامت کے فرائض سر انجام دیتے ہوئے کہا کہ اندھیروں میں چراغ جلانا ایک بہت بڑی انسانی خدمت ہے ۔ انسان کو ایک دوسرے کے دکھ درد بٹانے کے لیے پیدا کیا گیا ہے ۔ دنیا میں عظمت انہی لوگوں کے سر کا تاج بنتی ہے جنہوں نے ہمیشہ سسکتی ہوئی پریشانیوں میں مبتلا انسانیت کی بے لوث خدمت کی ۔ اس تقریب میں رجسٹرار UOG ڈاکٹر طاہر عقیل، خواجہ محمد اسلم ، ڈاکٹر نکولس ہارٹ، ڈاکٹر کاٹا میگی، ڈاکٹر ساجد، شیخ عبدالرشید ، ڈاکٹر فوزیہ مقصود ، ڈاکٹر مدثر اقبال کے علاوہ NSMC کے اساتذہ و انتظامیہ ، UOG کے اساتذہ اور سول سوسائٹی کے نمائندہ اراکین نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ بار کلرکس ایسوسی ایشن گجرات کے سابقہ امیدوار سیکرٹری شاہد بشیر کمبوہ نے اپنے بیان میں کہاہے
گجرات(جی پی آئی)ڈسٹرکٹ بار کلرکس ایسوسی ایشن گجرات کے سابقہ امیدوار سیکرٹری شاہد بشیر کمبوہ نے اپنے بیان میں کہاہے کہ DCOگجرات ایڈمنسٹریٹر TMAگجرات اور DSPٹریفک گجرات سے مطالبہ کیاہے کہ الشیخ فروٹ چاٹ کچہری چوک تا سیشن کورٹ تک ناجائز تجاوزات کا خاتمہ کروائے اور ذمہ داران کے خلاف قانونی کاروائی کریں۔ ناجائز تجاوزات کی وجہ سے ایڈووکیٹ صاحبان اور کلرک صاحبان کو گزرنے میں بڑی مشکل کا سامنا کرنا پڑتاہے جس کی وجہ سے ٹائم ضائع ہونے کے ساتھ ساتھ ذہنی پریشانی کا بھی سامنا کرنا پڑتاہے اورسائیلین کو بھی گزرنے میں کافی مشکلات سے دوچار ہونا پڑتاہے ناجائز تجاوزات بھی ٹریفک معطل ہونے کی ایک بڑی وجہ ہے لہذا ناجائز تجاوزات کا خاتمہ کیاجائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کے راہنما یوسی59کے صدر ٹکٹ ہولڈر امیدوار برائے چیئرمین چوہدری افتخار احمد وڑائچ وائس چیئرمین راجہ اعجاز احمد آف فتوپورہ نے اپنے بیان
گجرات(جی پی آئی)پاکستان مسلم لیگ ن کے راہنما یوسی59کے صدر ٹکٹ ہولڈر امیدوار برائے چیئرمین چوہدری افتخار احمد وڑائچ وائس چیئرمین راجہ اعجاز احمد آف فتوپورہ نے اپنے بیان میں کہا ہے کہ گیارہ مئی کے الیکشن میں عوام نے ملکی کی تقدیر بدلنے کیلئے درست تدابیر اختیار کیں اور مسلم لیگ ن کو بھاری اکثریت کیساتھ منتخب کر لیا جس کے نتیجہ میں آج میاں نواز شریف اور انکی باہمت ٹیم گلگت ہلتستاں سے لیکر بلوچستان تک ہر پاکستانی کی زندگی میں بہتری لانے کیلئے سخت محنت کر رہی ہے اور وہ دن دور نہیں جب توانائی کا بحران ختم ہو جائیگا مہنگائی قابو میں آجائے گی اور ملی تجارت میں خاطر خواہ اضافہ ہو گا انہوں نے کہا کہ میاں برادران پاکستان کے سچے پاسبان ہیں دہشتگردی کے خاتمہ کیلئے دن رات ایک کرے ہوئے ہیں ان کی کاوشوں سے ملک امن کا گہوارہ بنے گا انہوں نے کہا کہ این اے105مسلم لیگ ن کا گڑھ ہے حاجی ناصر محمود اور چوہدری مبشر حسین کی قیادت میں رفاحی اور سماجی کاموں میں ہر وقت مصروف ہیں اور ان کے شانہ بشانہ عوامی فلاح و بہبود اور مسائل کے حل کیلئے اپنی قربانیاں پیش کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ق کے راہنما جنرل سیکرٹری یوتھ ونگ ملک فیاض اکرم نے اپنے بیان میں کہا ہے
گجرات(جی پی آئی)پاکستان مسلم لیگ ق کے راہنما جنرل سیکرٹری یوتھ ونگ ملک فیاض اکرم نے اپنے بیان میں کہا ہے کہ مسلم لیگ ق ملک گیر عوامی اور سیاسی قوت ہے جس کی جڑیں عوام میں بہت گہرائی تک ہیں پاکستان مسلم لیگ ق کے مرکزی قائدین کے روشن کردار اور شاندار قومی کارناموں سے ملک کی عوام بہت اچھی طرح واقف ہے اور اسی لیے ہر گزرتے دن کیساتھ مسلم لیگ ق میں جو ق در جوق شمولیت اختیار کر رہے ہیں انہوں نے کہا کہ چوہدری برادران حقیقی معنوں میں ملک و قوم کے خیرخواہ اور ہمدرد قائدین ہیں جنہوں نے ہر دور میں عوامی امنگوں کی بھرپور طریقے سے ترجمانی کر کے دکھائی ہے اور کٹھن وقت میں مسلم لیگ ق کے جوانوں میں ہر قربانی پیش کرنے میں سب سے سبقت لی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی اوگجرات رائے اعجاز احمد کی لالہ موسیٰ میں کھلی کچہری کھلی کچہری میں لالہ موسیٰ سرکل کے تمام نمبرداران اورمصالحتی کمیٹیوں کے ممبران نے شرکت کی
گجرات(جی پی آئی)ڈی پی اوگجرات رائے اعجاز احمد کی لالہ موسیٰ میں کھلی کچہری کھلی کچہری میں لالہ موسیٰ سرکل کے تمام نمبرداران اورمصالحتی کمیٹیوں کے ممبران نے شرکت کی اس کے علاوہ سائلین کی بھی بڑی تعدادموجود تھی ۔تفصیلات کے مطابق DPOگجرات رائے اعجاز احمد نے عوام الناس کی سہولت کے لئے لالہ موسیٰ میں کھلی کچہری لگائی ۔اس موقع پر DSPلالہ موسیٰ ملک منظور اور تمام SHO,sسرکل لالہ موسیٰ موجود تھے ۔تقریب کا آغاز کلام پاک کی تلاوت سے کیاگیا۔اس کے بعد DPOگجرات نے کھلی کچہری کے شرکاء سے خطاب کر تے ہو ئے کہاکہ تھانہ میں FIRکا اندراج بلاشبہ ایک انتہائی مشکل کام ہے لیکن میں آپ سب کو یہ یقین دلاتا ہوں کہFIRکا اندراج آپ کا حق ہے اور جو بھی SHOیا کوئی دیگر افسر اس میں رکاوٹ بنا تو اس کو معطل کر دیا جائے گا ۔کیونکہ FIRکا اندراج نہ ہونا چوروں اور ڈکیتوں کو فائدہ دینے کے مترادف ہے ۔انہوں نے کہا کہ کرائم کنٹرول کے لئے ٹھیکری پہرہ انتہائی اہمیت کا حامل ہے ۔لہذا تمام نمبر داران اپنے اپنے دیہات میں ٹھیکری پہرہ لگوائیں ۔انہوں نے مصالحتی کمیٹیوں کو فعال بنانے کی ضرورت پر زور دیا اور کہا کہ مصالحتی کمیٹیو ں کے ممبران اپنے ڈیروں کی بجائے تھانہ میں بیٹھ کر فریقین کے مابین مصالحت کروائیں۔ DPOگجرات نے شرکاء سے کہا کہ وہ کرپٹ افسران کی نشاندہی کریں انشاء اللہ اس پر کارروائی کروں گا ۔کھلی کچہری میں تمام افسران نے اپنے اپنے پرسنل موبائل نمبرز شرکاء کو بتائے تاکہ انہیں اپنے مسائل کے متعلق افسران سے رابطہ کرنے میں کسی دشواری کا سامنا نہ کرنا پڑے ۔کھلی کچہری میںسائلین نے DPOگجرات کو اپنے مسائل کے متعلق درخوستیں بھی دیں جو DPOگجرات نے موقع پر متعلقہ افسرا ن کو احکامات جاری کر دیے ۔اس موقع پر بہت سے لوگوں نے پولیس کی بہتری کے لئے اپنی تجاویز بھی دیں جو DPOگجرات رائے اعجاز احمد نے یقین دلایا کہ وہ ان تجاویز کا خیر مقدم کرتے ہیں اور جہاں تک ممکن ہوا ان تجاویز کو عملی جامہ پہنایا جائے گا ۔
Related Posts
