جامعہ غوثیہ فضلیہ کھیپڑانوالہ شریف کا رزلٹ سو فیصد رہا ، جامعہ غوثیہ فضلیہ کھیپڑانوالہ شریف میں قرآن پاک حفظ
گجرات (جی پی آئی) جامعہ غوثیہ فضلیہ کھیپڑانوالہ شریف کا رزلٹ سو فیصد رہا ، جامعہ غوثیہ فضلیہ کھیپڑانوالہ شریف میں قرآن پاک حفظ کروانے کے ساتھ ساتھ سکول کی تعلیم بھی دی جاتی ہے ، گزشتہ روز ان طلباء کا رزلٹ سنایا گیا ، جس کے مطابق رزلٹ سو فیصد رہا ، پرنسپل حافظ القاری شفقت اللہ قادری ، ٹیچر محمد ارشد چوہدری اور عمیر ارشد چوہدری نے پہلی دوسری اور تیسری پوزیشن حاصل کرنے والے طلباء کا اعلان کیا ، آٹھویں کلاس کے طالب علم محمد عبداللہ نے پہلی ، محمد نذر نے دوسری اور محمد توصیف نے تیسری پوزیشن حاصل کی ، جبکہ پانچویں کلاس کے طالب علم محمد علی حمزہ نے پہلی عتیق الرحمن نے دوسری اور فیاض رفیع نے تیسری پوزیشن حاصل کی جن میں پیر طریقت ، رہبر شریعت صاحبزادہ پیر سید محمود الحسن شاہ بخاری قادری الحسینی والحسنی نے اپنے دست مبارک سے ٹرافیاں ، شیلڈز اور قرآن پاک کے تحائف دئیے اس موقع پر طلباء کے والدین کی کثیر تعداد بھی موجود تھی ، قبل ازیں تقریب کا باقاعدہ آغاز تلاوت قرآن پاک سے حافظ علی حیدری نے کیا مظہر عزیز قادری اور مظہر اقبال قادری نے نعت شریف پڑھی ، جبکہ صاحبزادہ پیر سید محمود الحسن شاہ بخاری قادری ، صاحبزادہ پیر سید فیضان الحسن شاہ بخاری قادری ، حافظ القاری شفقت اللہ قادری ، سر محمدارشد چوہدری ، اور سر عمیر ارشد چوہدری نے خطاب کیا ، جس کے بعد صاحبزادہ پیر سید محمود الحسن شاہ بخاری قادری نے خصوصی دعا فرمائی ، آخر میں طلباء اور انکے والدین کو پر تکلف ریفریشمنٹ بھی کروائی گی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی ڈسٹرکٹ ایجوکیشن آفیسر تحصیل گجرات چوہدری محمد اورنگزیب کے صاحبزادے وہاج اورنگزیب کی جماعت ہشتم میں کامیابی
گجرات (جی پی آئی)ڈپٹی ڈسٹرکٹ ایجوکیشن آفیسر تحصیل گجرات چوہدری محمد اورنگزیب کے صاحبزادے وہاج اورنگزیب کی جماعت ہشتم میں کامیابی پر چوہدری ذکاء اللہ ، محمد اصغر قادری ، طاہر محمود ، محمد آصف ظہیر الحسن بابر اور دیگر ٹیچرز مبارک باد دیتے ہوئے کہا کہ وہاج اورنگزیب نے شاندار کامیابی حاصل کر کے سکول کی شہرت کو چار چاند لگانے کے ساتھ اپنے والد کا نام روشن کیا ہے انہوں نے کہا کہ انشاء اللہ وہاج اورنگزیب جماعت نہم اور دہم میں بھی شاندار کامیابی حاصل کریں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی ڈسٹرکٹ ایجوکیشن آفیسر گجرات چوہدری اورنگزیب نے غیر حاضری اور دیگر کوتاہیوں پر 8اساتذہ کو نوکری
گجرات (جی پی آئی)ڈپٹی ڈسٹرکٹ ایجوکیشن آفیسر گجرات چوہدری اورنگزیب نے غیر حاضری اور دیگر کوتاہیوں پر 8اساتذہ کو نوکری سے برخواست کر دیا ، برخواست کیے جانے والے ٹیچرز میں کوثر ناز گورنمنٹ پرائمری سکول امین آباد ، زہرا بتول گورنمنٹ ایلیمنٹری سکول عادووال ذوالفقار گورنمنٹ پرائمری سکول یاور یاں محمد اقبال گورنمنٹ پرائمری سکول کالرہ خاصہ ، صائمہ ناز گورنمنٹ سکول بیووالی اور سکندر گورنمنٹ پرائمری سکول چک کاہنہ شامل ہیں ، چوہدری اورنگزیب نے کہا ہے کہ 8ایگزیکٹو ڈسٹرکٹ آفیسر ایجوکیشن محمد طاہر کاشف ، ڈسٹرکٹ ایجوکیشن آفیسر محمد پرویز کی ہدایت پر متعلقہ اساتذہ کے خلاف کاروائی کی گئی ہے ، انہوں نے کہا کہ ان میں بعض کو نوکری کے نکالنے کے لیے شوکاز نوٹس جاری کیے گئے ہیں اور کچھ کو نوکری سے نکال دیا گیا ہے ، انہوں نے کہا کہ غیر حاضری قطعاً برداشت نہیں کی جائے گی ٹیچر برادری اپنا رویہ درست کرے وگرنہ انتہائی سخت ایکشن لیا جائیگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اولیاء کرام نے دنیا میں محبت اور پیار کے ذریعہ اسلام کو پروان چڑھایا اور برصغیر پاک و ہند میں اسلام اولیاء کرام کی کوششوں
گجرات (جی پی آئی) اولیاء کرام نے دنیا میں محبت اور پیار کے ذریعہ اسلام کو پروان چڑھایا اور برصغیر پاک و ہند میں اسلام اولیاء کرام کی کوششوں سے پھیلا ان خیالات کا اظہار ممتا زروحانی شخصیت صاحبزادہ حکیم جواد الرحمن نظامی سیفی نے گزشتہ روز رانا مشرف علی ناز کی رہائشگاہ پر سائیں بشیر احمد نوشاہی کے عرس مبارک کے سلسلہ میں منعقدہ عظیم الشان محفل میلاد النبی ۖ سے خطاب کرتے ہوئے کیا ، انہوں نے کہا کہ اولیاء کرام دنیا میں محبتوں کو پروان چڑھاتے رہے اور انہوں نے اپنی محنتوں سے اسلام کے پیغام کو عوام تک پہنچایا، رانا مشرف علی ناز نے اپنے پیر و مرشد کی یاد میں عظیم الشان محفل منعقد کر کے صدقہ جاریہ کیا ہے ، اللہ تعالیٰ نبی پاک ۖ کی یاد میں منعقد ہونے والی محافل کے بانیان کو خصوصی انعام وکرم سے نوازیں گے ، چیئرمین ضلعی زکوة کمیٹی چوہدری تنویر گوندل نے کہا کہ رانا مشرف کی ناز کی خدمات قابل تحسین ہیں ، وہ جس انداز میں لوگوں کو اکٹھا کرتے ہیں ، وہ انداز بہت ہی پیارا ہے ، اور ہمیں خوشی ہے کہ ہم ایک ولی کامل کی یاد میں منعقدہ محفل میں شریک ہوئے ہیں ، جاوید بٹ نے کہا کہ اولیاء کرام کی یاد میں محافل کا انعقاد خوش آئند ہے ، رانا مشرف علی ناز نے کہا کہ میں تمام دوست احباب کا شکر گزار ہوں جنہوں نے اس محفل میں شرکت کی اور محفل کی رونق کو دوبالا کیا ، انہوں نے کہا کہ میں جو کچھ ہوں اپنے پیر و مرشد کی دعائوں کے نتیجہ میں ہوں ، کیونکہ مجھ میں اپنے والد محترم کی محبت کے ساتھ ساتھ پیر و مرشد کا اثر بھی موجود ہے ، سائیں بشیر نے مجھے محبت اور قلندری سلسلہ سے آگاہ کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز روحانی شخصیت سائیں بشیر نوشاہی المعروف سائیں ککر کا سالانہ عرس مبارک عقیدت و احترام کے ساتھ منایا گیا
گجرات (جی پی آئی)ممتاز روحانی شخصیت سائیں بشیر نوشاہی المعروف سائیں ککر کا سالانہ عرس مبارک عقیدت و احترام کے ساتھ منایا گیا ، اس سلسلہ میں رانا مشرف علی ناز کی رہائشگاہ پر خصوصی تقریب منعقد ہوئی ، جس میں ممتاز سیاسی و سماجی مذہبی شخصیات کی کثیر تعداد نے شرکت کی ، ممتاز ثناء خوانِ رسول سید دلدار شاہ نے خصوصی نعت و منقبت پیش کی ، جبکہ لالہ یوسف نے بھی اپنے خیالات کا اظہار کیا ، صاحبزادہ حکیم جواد الرحمن نظامی سیفی نے قرآن و سنت کی روشنی میں ایصال ثواب کے بارے میں بتایا اور ملک کی ترقی و سلامتی کے لئے دعائیں کیں ، مہمانوں کا استقبال رانا مشرف علی ناز ، ان کے صاحبزادے رانا ثاقب رضا ، رانا ملازم حسین ، رانا ناظم حسین ، رانا قیصر عباس نے کیا اس موقع پر صدر مرکزی انجمن تاجران جاوید بٹ ، چیئرمین ضلعی زکوةٰ کمیٹی چوہدری تنویر گوندل ، صدر شیعہ علماء کونسل سید الطاف عباس کاظمی ، صدر سٹیزن فرنٹ سٹی گجرات شیخ عرفان پرویز ، طارق سلامت ، چوہدری توصیف عبداللہ ، لالہ یوسف ، وقار الحسن المعروف ہیرا ، سید فصیح عباس ، سید رضوان علی شاہ ، حمید اللہ بھٹی ، مہر فاروق خالد ، صہیب سرور و دیگر اہم شخصیات موجود تھیں ، محفل کے بعد رانا مشرف علی ناز کی سربراہی میں قافلہ ڈھول کی تھاپ پر سائیں بشیر کی رہائشگاہ پر پہنچے اور اس موقع پر عقیدت مندوں نے نوشاہی دھمال ڈالی اور قادری قلندری نعرے لگائے اور سائیں بشیر کی اولاد کے ہمراہ تمام افراد سائیں بشیر کے مزار پر گئے اور چادر چڑھائی ، رانا مشرف علی ناز نے اپنے دست مبارک سے لنگر تقسیم کیا اور ملک کی ترقی و سلامتی کیلئے خصوصی دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر سٹیزن فرنٹ سٹی گجرات شیخ عرفان پرویز نے رانا مشرف علی ناز کو شاندار محفل میلاد کے انعقاد
گجرات (جی پی آئی)صدر سٹیزن فرنٹ سٹی گجرات شیخ عرفان پرویز نے رانا مشرف علی ناز کو شاندار محفل میلاد کے انعقاد پر مبارک باد پیش کی ہے اور کہا ہے کہ اس طرح کی محافل کا انعقاد وقت کی اہم ضرورت ہے ، جس میں لوگوں کو نبی پاک ۖ کے دین سے آگاہی ملتی ہے ، جس طرح معززین نے اس محفل میں جوق در جوق شرکت کی ہے یہ اس بات کی غمازی کرتا ہے کہ مسلمانوں میں جوش و جذبہ موجود ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صدر پنجاب نعت کونسل شیخ عرفان پرویز ، رانا مشرف علی ناز ، طارق سلامت صراف نے مشترکہ بیان
گجرات (جی پی آئی)صدر پنجاب نعت کونسل شیخ عرفان پرویز ، رانا مشرف علی ناز ، طارق سلامت صراف نے مشترکہ بیان میں کہا ہے کہ شام میں صحابی رسول ۖ حضرت اویس کرنی کے مزار پر دھماکہ افسوسناک ہے ، کیونکہ صحابہ کرام اور اولیاء کرام کے آستانے محبتوں و پیار کے آستانے ہیں ، اور نبی پاک ۖ کے پیغام کو آگے پہنچانے میں صحابہ کرام و اولیاء کرام نے اہم کردار ادا کیا ۔
Related Posts
