ڈی سی او لیاقت علی چٹھہ نے کہا ہے کہ گجرات بائی پاس پر ٹریفک کا نظام بہتر بنانے کے لئے شاہین چوک میں فلائی اوور بنایا جائے گا
گجرات(جی پی آئی)ڈی سی او لیاقت علی چٹھہ نے کہا ہے کہ گجرات بائی پاس پر ٹریفک کا نظام بہتر بنانے کے لئے شاہین چوک میں فلائی اوور بنایا جائے گا جبکہ شہباز پور کے قریب دریائے چناب پر نیا پل تعمیر کے جائے گا جس سے گجرات کے مکینوں کو سیالکوٹ ائر پورٹ تک رسائی آسان ہو جائے گی۔ وزیر اعلی پنجاب میاں شہباز شریف کی منظوری کے بعد نیسپاک کی اعلی سطحی ٹیم نے جنرل منیجر محمد دائود کی زیر قیادت گذشتہ روز گجرات کا دورہ کر کے دونوں منصوبہ جات کا جائزہ لیا ہے۔ اس موقع پراے ڈی سی فاروق رشید سندھو، ممبران صوبائی اسمبلی حاجی عمران ظفر، میجرریٹارئرڈمعین نواز، نوابزداہ حیدر مہدی، چوہدری رضا علی وڑائچ ، ای ڈی او فنانس چوہدری محمد اصغرو دیگر افسران بھی موجود تھے۔ ڈی سی او لیاقت علی چٹھہ نے بتایا کہ گجرات کے عوامی نمائندگان کی نشاندہی پر وزیر اعلی پنجاب نے دونوں میگا پراجیکٹس کی منظوری دے دی ہے اور ان منصوبوں کا جائزہ لینے کے لئے نیسپاک کی ٹیم کو گجرات بھجوایا۔ ڈی سی او نے بتایا کہ شاہین چوک فلائی اوور اور دریائے چناب پر نئے پل کی تعمیر کے لئے تخمینہ جات کی تیاری کے لئے متعلقہ محکمہ جات کو ہدایات جاری کر دی گئی ہیں جبکہ نیسپاک بطور کنسلٹنٹ فرائض سرانجام دے گا۔ انہوں نے کہا کہ شاہین چوک فلائی اوور کی تعمیر سے اس علاقہ میں ٹریفک کا مسئلہ حل ہوجائے گا اسی طرح شہباز پور پل کی تعمیر سے سیالکوٹ اور سیالکوٹ ایئر پورٹ تک رسائی آسان تر ہو جائے گی۔ممبران صوبائی اسمبلی حاجی عمران ظفر، میجرریٹارئرڈمعین نواز، نوابزداہ حیدر مہدی، چوہدری رضا علی وڑائچ نے اظہار خیال کرتے ہوئے کہا کہ وزیر اعلی پنجاب میاں شہباز شریف گجرات کی ترقی کے لئے خصوصی دلچسپی لے رہے ہیں اور ضلع کی ترقی کے لئے دل کھول کر فنڈز فراہم کر رہے ہیں۔ انہوںنے کہا کہ دونوں منصوبہ جات کی تکمیل سے گجرات کے شہریوں کو آسانیاں میسر ہوں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے علاقہ محلہ کالو پور ہ میں ممتاز صنعتکار حاجی احسن( ثناء اللہ فونڈری) کے گھر دوران افطاری ڈکیتی کی دلیرانہ واردات ‘ڈاکو لاکھو ں روپے کی نقدی
گجرات ( جی پی آئی) گجرات کے علاقہ محلہ کالو پور ہ میں ممتاز صنعتکار حاجی احسن( ثناء اللہ فونڈری) کے گھر دوران افطاری ڈکیتی کی دلیرانہ واردات ‘ڈاکو لاکھو ں روپے کی نقدی و طلائی زیورات موبائل فون لوٹ کر فرار ہوگئے ‘معززین علاقہ کا شدید احتجاج ‘بتایا گیا ہے کہ گزشتہ روز محلہ کالو پورہ کے رہائشی ممتا ز صنعتکار حاجی احسن اپنے گھر میں اپنے اہل خانہ کے ہمراہ افطاری کررہے تھے کہ پانچ نا معلوم مسلح ڈاکو گھر میںد اخل ہوگئے اور اسلحہ کے نوک پر اہل خانہ کو یرغمال بنا کر زدکوب کرنا شروع کردیا اور حاجی احسن کو زدکوب کرنے کے بعد اہل خانہ کو رسیوں سے باندھ کر خواتین سے طلائی چوڑیاں اور بالیاں اتروا لیں اور الماریوں میں موجوددو لاکھ روپے کی نقدی ‘چالیس تولے زیورات ‘پانچ موبائل لوٹ کر فرار ہوگئے مسلح افراد جاتی دفعہ اپنا پسٹل بھی چھوڑ گئے ‘تھانہ لاری اڈا پولیس موقع پر پہنچ گئی اور تفتیش شروع کردی ماہ رمضان میں سر شام علاقہ کی معزز شخصیت کے گھر دلیرانہ واردات پر علاقے کے معززین کی کثیر تعداد موقع پر پہنچ گئی اور شدید غم و غصہ کا اظہار کیا تھانہ لاری اڈا پولیس نے نا معلوم افراد کیخلاف مقدمہ درج کرکے تفتیش شروع کردی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رمضان المبارک کے دوران سحری و افطاری کے اوقات میں لوڈ شیڈنگ عوام کے ساتھ ظلم ہے
گجرات ( جی پی آئی ) رمضان المبارک کے دوران سحری و افطاری کے اوقات میں لوڈ شیڈنگ عوام کے ساتھ ظلم ہے ان خیالات کا اظہار ممتاز سماجی شخصیت رانا مشرف علی ناز نے کیا ۔ انہوں نے کہا ہے کہ حکومت کو چاہیے کہ اپنے وعوئوں کی پاس داری کرے اور لوڈ شیڈنگ کا خاتمہ کریں اور لوڈ شیڈنگ کی وجہ سے عوام کو بے پناہ مشکلات کا سامنا کرنا پڑ رہا ہے ‘ بے تحاشہ لوڈ شیڈنگ نے حکومت کے تمام دعوئوں کی قلعی کھول دی ہے ‘ اور لوڈ شیڈنگ کا یہ سلسلہ جاری رہے تو عوام احتجاج کرنے پر مجبور ہو جائیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جی پی آئی کا تعزیتی اجلاس ڈاکٹر رزاق احمد غفاری کی صدارت میں منعقد ہوا
گجرات ( جی پی آئی ) جی پی آئی کا تعزیتی اجلاس ڈاکٹر رزاق احمد غفاری کی صدارت میں منعقد ہوا ‘ جس میں ممتاز صحافی ملک عمران شفیق کی والدہ محترمہ کی وفات پر گہرے رنج و غم کا اظہار کیا گیا اور مرحومہ کے ایصال ثواب کیلئے فاتحہ خوانی کی گئی ‘ اجلاس میں عامر چوہدری ‘ یاسر وریا’ عرفان احمد بٹ ودیگر نے شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز سماجی شخصیت رانا مشرف علی ناز نے ملک عمران شریف کی والدہ کی وفات پر گہرے رنج و غم کا اظہار کیا
گجرات ( جی پی آئی ) ممتاز سماجی شخصیت رانا مشرف علی ناز نے ملک عمران شریف کی والدہ کی وفات پر گہرے رنج و غم کا اظہار کیا ہے اور مرحومہ کی مغفرت کیلئے دعا کی ہے ‘ کہ اللہ تعالیٰ مرحومہ جنت الفردوس میں اعلیٰ مقام عطا فرمائے ۔ اور لواحقین کو صبر جمیل عطا کرے ۔ آمین ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرینڈ سٹی گجرات کے صدر شیخ عرفان پرویز ملک عمران شریف کی والدہ کی وفات
گجرات ( جی پی آئی ) سٹیزن فرینڈ سٹی گجرات کے صدر شیخ عرفان پرویز ملک عمران شریف کی والدہ کی وفات پر گہرے رنج و غم کا اظہار کیا ہے اور مرحومہ کی مغفرت کیلئے دعا کی ہے ‘ کہ اللہ تعالیٰ مرحومہ جنت الفردوس میں اعلیٰ مقام عطا فرمائے ۔ اور لواحقین کو صبر جمیل عطا کرے ۔ آمین ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زکوة وعشر کمیٹی واڈ نمبر 26 محلہ خالد آباد یونین کونسل 46 کے زیر اہتمام تقریب تقسیم راشن منعقد ہوئی
گجرات(جی پی آئی )زکوة وعشر کمیٹی واڈ نمبر26محلہ خالد آباد یونین کونسل46 کے زیر اہتمام تقریب تقسیم راشن منعقد ہوئی جس میں چئیرمین زکوة وعشر کمیٹی محمد علی مغل وائس چئیرمین مرزا محمد اکمل اور سابق چئیرمین زکوة وعشر کمیٹی عبدالحمید نے مستحق افراد میں آٹا اور راشن تقسیم کیا۔تقریب سے حطاب کرتے ہوئے محمد علی مغلچئیرمین زکوة وعشر کمیٹی نے کہا کہ مستحق افراد کی مدد کرنا ہم سب مسلمانوں کا مذہبی فریضہ ہیتمام مخیر حضرات کو مستحق افراد کی مدد کرنی چاہیے کیونکہ ایسا کرنے سے ہی معاشرے میں توازن آئے گا انھوں نے بتایا کے ہمیں جو فنڈز کی رقم چیک کی صورت میں آئی تھی وہ اللہ کے فضل سے ہم نے اپنی واڈ میں احسن طریقے سے تقسیم کر دی تھی۔راشن کی تقسیم کو آئندہ ہر رمضان میں یقینی بنایا جائے گا تاکہ ہماری وارڈ میں موجود مستحق اور سفید پوش افراد مستفید ہو سکیں۔تقریب کے احتتام پرسابق چئیرمین زکوة وعشر کمیٹی عبدالحمید نے دعاے خیر کروائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
واحد ٹرسٹ ہسپتال جی ٹی روڈ گجرات میں فری جنرل و آرتھو سرجری اور میڈیکل کیمپ کا اہتمام زیر نگرانی ڈاکٹر عبدالستار کے کیا گیا ہے
گجرات(جی پی آئی ) واحد ٹرسٹ ہسپتال جی ٹی روڈ گجرات میں فری جنرل و آرتھو سرجری اور میڈیکل کیمپ کا اہتمام زیر نگرانی ڈاکٹر عبدالستار کے کیا گیا ہے جو19جولائی تک جاری کیمپ میں کیمپ میں تمام قسم کے آپریشن فری کیے جا رہے ہیں اس کے علاوہ غریب اور زکوة کے مستحق افراد کو تمام ادوایات بھی فری مہیا کیں جا رہیں ہیں۔ڈاکٹر عبدالستارایڈمن ہسپتال نے میڈیا سے گفتگو کرتے ہوئیبتایا کے ابھی تک سیکڑوں افراد کا فری میڈیکل معائنہ کیا جا چکا ہے اس کے علاوہ سرجن ڈاکٹر راحیل افتخار اور آرتھو پیڈک سرجن ڈاکٹر سجاد رسول روزانہ پابند کیے گے افراد کا آپریشن کر رہے ہیں انھوں نیکہا کہ ہم پاک فین و واحد ٹرسٹ ہسپتال کے ڈاریکٹر کے مشکور ہیں جو کیمپ کو کامیاب بنانے میں مکمل تعاون کر رہے ہیں۔ انھوں نے بتایا کہ کیمپ میں تمام ضروری ٹیسٹ،الٹرا ساونڈ،ایکس۔رے اور ادوایات کی سہولیات فری مہیا کی جا رہی ہیں عوام کو چاہیے کہ وہ اس سہولت سے فائدہ اٹھاہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یونین کونسل46کے علاقے محلہ خالد آباد،سردار پورہ،رحمان پورہ اور محلہ عثمان پورہ کے مکینوں کا TMAکے خلاف احتجاج
گجرات(جی پی آئی ) یونین کونسل46کے علاقے محلہ خالد آباد،سردار پورہ،رحمان پورہ اور محلہ عثمان پورہ کے مکینوں کا TMAکے خلاف احتجاج تفصیل کے مطابق مذکورہ علاقوں کے مکین TMAکے آفسران سے کئی بار درخواست کر چکے ہیں کہ ان کے علاقے میں سیورج ملا پانی مجبورا پینا پڑ رہا ہے جس سے موزی امراض جنم لے رہے ہیں گندے پانی کی وجہ سے بچے آے روز بیمار پڑ جاتے ہیںکوئی شنوائی نہ ہونے پر اہل علاقہ نے TMAعملہ کے خلاف احتجاج کرتے ہوئے DCO سے اپیل کی ہے کہ وہ ذمہ داران کے خلاف ایکشن لیتے ہوئے ان کا مسلہ حل کروائیں۔
