عظیم روحانی بزرگ غوث یگانہ پیر سید نصیب اللہ شاہ رحمتہ اللہ علیہ کے آستانہ پر عظیم الشان شہادت حضرت علی علیہ السلام کانفرنس کا انعقاد کیا گیا
گجرات (جی پی آئی ) عظیم روحانی بزرگ غوث یگانہ پیر سید نصیب اللہ شاہ رحمتہ اللہ علیہ کے آستانہ پر عظیم الشان شہادت حضرت علی علیہ السلام کانفرنس کا انعقاد کیا گیا ۔ جس میں ملک بھر سے عقیدت مندوں نے کثیر تعداد میں شرکت کی ‘ اس عظیم الشان کانفرنس کی صدارت سجادہ نشین آستانہ عالیہ غوث یگانہ پیر سید انتصار الحسن شاہ سروری قادری نے کی ‘ اس موقع پر تلاوت قرآن کا شرف قاری محسن رضا قادری نے حاصل کیا ‘ نعت رسول مقبول صلی اللہ علیہ وآلہ وسلم حافظ غلام عباس اور عدنان رضا قادری نے پیش کی ‘ خصوصی خطاب مقرر شیریں بیاں پیر سید ولایت حسین شاہ آستانہ عالیہ سیالکوٹ شریف نے کیا ۔ اور حضرت علی علیہ السلام کی سیرت پیر روشنی ڈالی ‘ غوث یگانہ ویلفیئر فائونڈیشن کے رضا کاران نے خدمت کے فرائض سرانجام دیئے ‘ افطاری کا بہترین انتظام کیا گیا ‘ ملک کی ترقی و سلامتی کیلئے خصوصی دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حضرت علی رضی اللہ تعالیٰ عنہ کے یوم شہادت کے سلسلہ میں دربار سائیں کرم الٰہی المعروف کانواں والی سرکار پر عظیم الشان محفل شہادت کا انعقاد کیا گیا
گجرات ( جی پی آئی ) حضرت علی رضی اللہ تعالیٰ عنہ کے یوم شہادت کے سلسلہ میں دربار سائیں کرم الٰہی المعروف کانواں والی سرکار پر عظیم الشان محفل شہادت کا انعقاد کیا گیا ‘ جس کی صدارت گدی نشین آستانہ عالیہ سائیں اختر حسین نے کی ‘ خصوصی خطاب علامہ محمد شاہد چشتی خطیب اعظم پاکستان نے کیا ۔ ملک کی ترقی و سلامتی کیلئے دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامع مسجد غوثیہ صدیقیہ جلالپورجٹاں میں شہادت حضرت علی رضی اللہ تعالیٰ عنہ کے سلسلہ
گجرات ( جی پی آئی ) جامع مسجد غوثیہ صدیقیہ جلالپورجٹاں میں شہادت حضرت علی رضی اللہ تعالیٰ عنہ کے سلسلہ میں عظیم الشان محفل کا انعقاد کیا گیا ‘ جس کی صدارت مناظر اہل سنت حضرت مولانا محمد حنیف جلالپوری نے کی ‘ ممتاز قاری قرآن قاری محسن رضا قادری نے خوبصورت آواز میں قرآن پاک کی تلاوت اور نعت رسول مقبول صلی اللہ علیہ وآلہ وسلم پیش کرنا کا شرف حاصل کیا ۔ اس موقع پر راجہ مجاہد اقبال جرال’راجہ منیر فیروز جرال ‘ قاری عبدالرحمن ہاشمی ‘ راجہ علی رضا ‘ خالد حسین وڑائچ ‘ صاحبزادہ طہٰ حسین نعیمی ‘ صاحبزادہ احمد حنیف جلالپوری ودیگر نے شرکت کی ۔ ملک کی ترقی و سلامتی کیلئے دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آستانہ عالیہ غوث زماں ڈھینڈا شریف میں عظیم الشان شہادت کانفرنس کا اہتمام کیا گیا
گجرات ( جی پی آئی ) آستانہ عالیہ غوث زماں ڈھینڈا شریف میں عظیم الشان شہادت کانفرنس کا اہتمام کیا گیا جس میں مقررین نے خلیفہ چہارم داماد رسول صلی اللہ علیہ وآلہ وسلم حضرت علی رضی اللہ تعالیٰ عنہ کی شہادت کے حوالہ سے خصوصی خطاب کیا’ کانفرنس کی صدارت پیر سید زاہد حسین شاہ ترمذی سجادہ نشین آستانہ عالیہ غوث زماں ڈھینڈا شریف نے کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبائی وزیر برائے وویمن ڈویلپمنٹ حمیدہ وحید الدین نے کہا ہے
گجرات(جی پی آئی ) صوبائی وزیر برائے وویمن ڈویلپمنٹ حمیدہ وحید الدین نے کہا ہے کہ وزیر اعلی پنجاب کے ویژن کے مطابق صوبے بھر کے رمضان بازاروں میں آخری روزے تک عوام کو سستے داموں اشیائے خورد و ونوش کی فراہمی یقینی بنائی جائے گی۔ ان خیالات کا اظہار انہوں نے رمضان بازار سرائے عالمگیر، کوٹلہ ارب علی خان اور ٹانڈہ کے معائنہ کے موقع پر کیا۔مسلم لیگ کے راہنما ملک جمیل اعوان، اسسٹنٹ کمشنر شعیب نسوانہ اور دیگر افسران بھی اس موقع پر انکے ہمراہ تھے۔ صوبائی وزیر نے رمضان بازاروں میں لگائے جانیوالے سٹالز کا معائنہ کیا اور وہاں فروخت کے لئے رکھی گئی اشیاء کے معیار کا جائزہ لیا۔ صوبائی وزیر نے رمضان بازاروں میں آٹے اور چینی کے سٹالز پر جاکر وزن چیک کیااور ہدایت کی کہ صارف کے حقوق کا ہر صورت تحفظ یقینی بنایا جائے۔ صوبائی وزیر برائے ویمن ڈویلپمنٹ حمیدہ وحید الدین نے افسران کو ہدایت کی کہ وہ عوام کو ریلیف فراہم کرنے کے منصوبے کو کامیاب بنانے کے لئے پوری طرح چوکس رہیں ۔ انہوں نے ہدایت کی کہ رمضان بازاروںمیں تمام سٹالز پر ریٹ کارڈز نمایا ں طور پر آویزاں کئے جائیں اور شکایات رجسٹرڈ میں درج شکایات کا فوری ازالہ یقینی بنایا جائے۔ انہوںنے رمضا ن بازاروں میں خریداری کے لئے موجود مرد و خواتین سے فراہم کی جانے والی سہولیات اور مسائل کے حوالے سے تفصیلات بھی حاصل کیں اور رمضان بازاروں کے انتظامات کو سراہا۔ اس سے قبل اے سی شعیب نسوانہ نے صوبائی وزیر کو بریفنگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ق کی رکن صوبائی اسمبلی خدیجہ عمر فاروقی حافظ آباد
گجرات (جی پی آئی )پاکستان مسلم لیگ ق کی رکن صوبائی اسمبلی خدیجہ عمر فاروقی حافظ آباد میں نجی جیل کے انکشاف اور 100افراد کی بازیابی کے واقعہ پر پنجاب اسمبلی میں تحریک التوائے کار جمع کروائی ہے اور کہا ہے کہ یہ قانون نافذ کرنے والے اداروں کی ناکامی ہے۔انہوںنے پنجاب حکومت کی گڈ گورننس پر شدید تنقید کرتے ہوئے کہ کہ جس حکومت کو سینٹرل پنجاب کے ضلع میں قائم نجی جیل کا علم نہیں ہوسکا وہ دہشت گردی کے خلاف اپنا انتظامی کردار کیسے ادا کرسکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او لیاقت علی چٹھہ نے ڈی پی او رائے اعجاز احمد کے ہمراہ سبزی و فروٹ منڈی جلالپور جٹاں کا دورہ
گجرات(جی پی آئی ) ڈی سی او لیاقت علی چٹھہ نے ڈی پی او رائے اعجاز احمد کے ہمراہ سبزی و فروٹ منڈی جلالپور جٹاں کا دورہ کیا اور وہاں سبزیوں اور پھلوں کی نیلامی کے عمل کا جائزہ لیا۔ دونوں افسران نے منڈی کے مختلف حصوں کا بھی دورہ کیا اور فروخت کے لئے لائی گئی اشیاء کے معیار کا جائزہ لیا۔ اس موقع پر ڈی سی او نے سیکرٹری مارکیٹ کمیٹی کو ہدایت کی کہ منڈی میں لائی جانے والی تمام اشیاء کی نیلامی یقینی بنائی جائے اور ذخیرہ اندوزوں اور ناجائز منافع خوروں کے مذموم عزائم ناکام بنادیے جائیں۔ انہوںنے واضع کیا کہ پانچ بوری سے زائد سٹاک رکھنے والے آڑھتیوں کے خلاف ذخیرہ اندوزی کا مقدمہ درج کرایا جائے گا اور ان سے ہرگز کوئی رعایت نہ ہوگی۔
۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جمعیة علماء اسلام ضلع گجرات کے سر پرست پیر طریقت مولانا مفتی جمیل الرحمن نے درس قرآن
گجرات (جی پی آئی ) جمعیة علماء اسلام ضلع گجرات کے سر پرست پیر طریقت مولانا مفتی جمیل الرحمن نے درس قرآن دیتے ہوئے کہا کہ رمضان اور قرآن دیتے ہوئے کہا کہ رمضان اور قرآن ملت اسلامیہ کی عظمتوں امین ہیں جب تک امت مسلمہ نے قرآن کو امام بنائے رکھا دنیاوی و دینی ترقی کی منازل طے کرتی رہی قرآن مجید میں اللہ تعالیٰ مسلمانوں کی سر بلندی کا وعدہ کیا ہے مگر اس کے لئے مسلمانوں کا مومن ہونا شرط قرار دیا ہے آج حکمرانوں کو غلط پالیسیوں اور میڈیا کی بد اخلاقی کی وجہ سے ملت اسلامیہ دین سے دور ہوتی جا رہی ہے رمضا ن اور قرآن عظمت ملت کے پاسبان ہیں حضور اکرم نے جبرائیل کی دعا پر لبیک کہتے ہوئے رمضان کو پالنے والے اور اپنی مغفرت نہ کر ا سکنے والے کو ہلاک ہو جائے کہا ہے آج مسلمانوں کو قرآن و سنت اور علماء امت سے رشتہ توڑنے کی سر توڑ کوششیں جاری ہیں امت مسلمہ کو بیداری کا مظاہرہ کرنا ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز صنعت کار فونڈرز گروپ کے راہنما حاجی ملک ذوالفقار احمد اعوان چیف ایگزیکٹو گولڈن سٹار فین نے کہا ہے
گجرات (جی پی آئی ) ممتاز صنعت کار فونڈرز گروپ کے راہنما حاجی ملک ذوالفقار احمد اعوان چیف ایگزیکٹو گولڈن سٹار فین نے کہا ہے کہ بجلی اور گیس کی اندھی لوڈ شیڈنگ نے زندگی مفلوج کر کے رکھ دی ہے صنعت و حرفت کا پہیہ جام ہو گیا ہے مزدور اور محنت کش دو وقت کی روٹی کو ترس گئے ہیں حکومت کی غیر حقیقت پسندانہ پالیسیوں نے پوری قوم کی زندگی اجیرن کر دی ہے امن و امان کی صورت حال بد سے بد تر ہو چکی ہے حکمران طبقہ عوام کو بھول چکا ہے بجلی و گیس کی سپلائی نہ ہونے کے برابر ہونے کے باوجود بلوں اور ٹیکسوں کی بھر مار ہے حکمران توانائی بحران پر قابو پانے امان و امان کی صورت حال بہتر بنانے کے تمام دعوئوں میں بری طرح ناکام ہو چکے ہیں حکمران اپنے چہیتوں کو نوازنے اور اپنے اخراجات پورے کرنے کیلئے قومی اثاثوں کی اونے پونے داموں میں نیلامی کر رہے ہیں کوئی ملک و قوم کا خیر خواہ حکمران ایسی پالیسی نہیں اپنا سکتا حکمران عوام دشمن پالیسیاں ترک کر دیں اور توانائی بحران فوری حل کرنے کیلئے اقدامات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مجلس احرار اسلام ضلع گجرات کے راہنمائوں مولانا ضیاء اللہ ہاشمی مولانا احسان اللہ اشرفی مولانا عابد المعبود محمد کاظم
گجرات (جی پی آئی )مجلس احرار اسلام ضلع گجرات کے راہنمائوں مولانا ضیاء اللہ ہاشمی مولانا احسان اللہ اشرفی مولانا عابد المعبود محمد کاظم اشرف احراری اور دیگر نے مشترکہ بیان میں کہا ہے کہ حکومت امریکی جنگ سے خود کو علیحدہ کرے امریکی غلامی سے چھٹکارا حاصل کئے بغیر چارہ نہیں ہے ہمارے ملک کے بیشتر مسائل سرماریہ داری نظام اور پرائی جنگ کا شاخسانہ ہیں حکومت آپریشن کے نتیجہ میں بے گھر ہونے والے عوام کے مسائل حل کر کے آپریشن ختم کر کے گھر ہونے والوں کی واپسی کا بندوبست کیا جائے فلسطین میں خون کی ندیاں بہہ رہی ہیں پاکستانی حکومت سمیت دیگر مسلم ممالک اپنے کردار سے گریزاں ہیں جو مسلم امہ کی بد ترین بے حسی اور غیرت ایمانی کے خلاف ہے پوری قوم گناہوں سے توبہ کر ے اور امت مسلمہ پر ہونے والے مظالم کے خلاف احتجاج کرے تا کہ حکمران بیداری کا ثبوت دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہزاد خان ایڈووکیٹ ،ندیم خان ایڈووکیٹ ،محسن خان ،عامر خان اور مسعود خان کے والد محترم
گجرات (جی پی آئی ) شہزاد خان ایڈووکیٹ ،ندیم خان ایڈووکیٹ ،محسن خان ،عامر خان اور مسعود خان کے والد محترم یعقوب خان ایڈووکیٹ کا نماز جنازہ قبرستان شاہ خالق میں پڑھا گیا ۔ نمازِجنازہ علامہ قاری محمد طارق نے پڑھائی۔ نماز ِ جنازہ میں ممتاز سیاسی و سماجی شخصیات اور وکلاء برادری نے کثیر تعداد میں شرکت کی ۔شرکت کرنے والوں میں چو ھدری یوسف محمود ترہینگی،چوھدری اخترمحمود ترہینگی ،مرزا فخر سلیم ،مرزا جمشید أف احمد فین،لالہ عبد الرحمن ریاض فین ، راجہ محمد حنیف ایڈووکیٹ چوھدری نثار احمد ایڈووکیٹ،شہزاد افضل میر ایڈووکیٹ ،چوھدری طارق جاوید وڑائچ ایڈووکیٹ،ندیم شہزاد کوکب ایڈووکیٹ، مرزا ندیم اختر ایڈووکیٹ ، اورنگ زیب مرل ایڈووکیٹ،چوھدری بدرالسلام ایڈووکیٹ،قاضی ظفر اللہ خان ایڈووکیٹ ،ملک امتیاز حسین ایڈووکیٹ،محمد یوسف ایڈووکیٹ ،سید علی ایوب ایڈووکیٹ،عمران خان ایڈووکیٹ ،محمد ادریس ایڈووکیٹ ،چوھدری یاسر برکت ایڈووکیٹ،دینار احمد خاور ایڈووکیٹ ،شیخ خالد دائود ایڈووکیٹ ،نیئر فرید ایڈووکیٹ،کاشف اعجاز ایڈووکیٹ ،حافظ سجاد احمد ،کبیر احمد میر ،چوھدری الیاس رتی ،مقبول بٹ ،حکیم ثناء اللہ ،حسنین شاہ عرف پپو شاہ ،مرزا ارشد بیگ ، مرزا قیوم بیگ ،مرزا مقصود بیگ ،ملک زبیر ،اکرم پال ،حکیم منیر ،حکیم نوید ودیگر موجود تھے ۔
