آستانہ عالیہ غوثیہ فضلیہ کھیپڑانوالہ شریف کے مدرس قاری شفقت اللہ قادری عمرہ کی سعادت حاصل کرنے کے بعد واپس پہنچ گئے
گجرات (جی پی آئی) آستانہ عالیہ غوثیہ فضلیہ کھیپڑانوالہ شریف کے مدرس قاری شفقت اللہ قادری عمرہ کی سعادت حاصل کرنے کے بعد واپس پہنچ گئے ، سجادہ نشین آستانہ عالیہ غوثیہ فضلیہ کھیپڑانوالہ شریف صاحبزادہ پیر سید محمود الحسن شاہ بخاری قادری الحسنی والحسینی نے اپنے سنگیوں کے ہمراہ انہیں مبارک باد پیش کی اور ان کی صحت یابی کیلئے خصوصی دعا کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آستانہ عالیہ غوثیہ فضلیہ کھیپڑانوالہ شریف میں ماہانہ محفل گیارہویں شریف منعقد ہوئی
گجرات (جی پی آئی) آستانہ عالیہ غوثیہ فضلیہ کھیپڑانوالہ شریف میں ماہانہ محفل گیارہویں شریف منعقد ہوئی ، جس کی صدارت سجادہ نشین آستانہ عالیہ غوثیہ فضلیہ کھیپڑانوالہ شریف صاحبزادہ پیر سید محمود الحسن شاہ بخاری قادری الحسنی والحسینی نے کی خصوصی خطاب علامہ مظفر حسین خطیب جامع مسجد کھیپڑانوالہ شریف نے کیا ، اس موقع پر ممتاز ثناء خوانِ رسول قاری شفقت اللہ قادری ، حبیب اللہ چغتائی ، محمد احسان قادری، مظہر اقبال قادری ، صابر حسین ، امانت حسین ، حافظ وقاص ، قاری محمد آصف چشتی ، محمد ایوب قادری نے ہدیہ نعت پیش کیا ، اس موقع پر خصوصی طور پر پیر سید فیض الحسن بخاری کی صحت یابی کیلئے خصوصی دعا کی گئی جو کہ سی ایم ایچ کھاریاں میں زیر علاج ہیں ، اس موقع پر ممتاز شخصیات کی کثیر تعداد موجود تھی ، تمام شرکاء کو بٹھا کر لنگر کھلایا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز روحانی شخصیت مفتی محمد انور نعیمی کا دوسرا سالانہ عرس مبارک 24مارچ بروز اتوار بعد نماز عشاء جامع مسجد بلال محلہ خالدہ آباد سرگودھا روڈ گجرات میں منعقد ہو رہا ہے
گجرات (جی پی آئی) ممتاز روحانی شخصیت مفتی محمد انور نعیمی کا دوسرا سالانہ عرس مبارک 24مارچ بروز اتوار بعد نماز عشاء جامع مسجد بلال محلہ خالدہ آباد سرگودھا روڈ گجرات میں منعقد ہو رہا ہے ، عرس مبارک کی تقریبات کی صدارت صاحبزادہ پیر حکیم جواد الرحمن نظامی کرینگے ، جبکہ زیر سرپرستی محمد فاروق انور نعیمی سیفی اور زیر قیادت مفتی مشتاق احمد منعقد ہو رہا ہے ، خصوصی خطاب علامہ شاہد حسین گردیزی آف سانگلہ اور مولانا محمد اشرف نقشبندی کرینگے ، ممتاز ثناء خوانِ رسول عارف شاہد گوندل ، صوفی غلام مصطفی سیفی ، غلام عباس مدنی ہدیہ نعت پیش کرینگے ، علماء و مشائخ کی کثیر تعداد کی شرکت متوقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بارہ دری کیمپس ہائیر سکینڈری سکول میں ماہانہ محفل گیارہویں شریف منعقدس ہوئی
گجرات (جی پی آئی) بارہ دری کیمپس ہائیر سکینڈری سکول میں ماہانہ محفل گیارہویں شریف منعقدس ہوئی جس کی صدارت صاحبزادہ شہزاد شفیق نقشبندی نے کی ، اس موقع پر ممتاز شخصیات کی کثیر تعداد نے شرکت کی ، ملک کی ترقی و سلامتی کیلئے خصوصی دعا کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز روحانی شخصیت حکیم جوادالرحمن نظامی سیفی کو عمرہ کی سعادت حاصل کرنے پر مبارک باد پیش کرنے والوں کا تانتا بندھا رہا
گجرات (جی پی آئی) ممتاز روحانی شخصیت حکیم جوادالرحمن نظامی سیفی کو عمرہ کی سعادت حاصل کرنے پر مبارک باد پیش کرنے والوں کا تانتا بندھا رہا ، صدر پنجاب نعت کونسل شیخ عرفان پرویز ، سرپرست اعلیٰ سیٹھ ظہیر عباس صراف ، علی سیفی و دیگر مبارک باد پیش کرنے کیلئے آستانہ نظامیہ سیفیہ پہنچے اور صاحبزادہ حکیم جواد الرحمن نظامی سیفی کو عمرہ کی سعادت حاصل کرنے پر مبارک باد پیش کی ، پھولوں کے گلدستے پیش کیے ، صاحبزادہ حکیم جواد الرحمن نظامی سیفی نے تمام دوستوں کا شکریہ ادا کیا ہے جنہوں نے انہیں مبارک باد پیش کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری نجیب اللہ ، عمران اللہ آف گورالہ اور شیخ عمر اعجاز کی ن لیگ کے مرکزی قائدین سے ملاقاتیں
گجرات (جی پی آئی) پاکستان مسلم لیگ ن کے سیکرٹریٹ ماڈل ٹائون لاہور میں گزشتہ روز آل پاکستان کنونشن منعقد ہوا ، جس میں پاکستان بھر سے پاکستان مسلم لیگ ن کے ٹکٹ حاصل کرنے والے خواہش مند افراد نے بھرپور شرکت کی اس موقع پر پاکستان مسلم لیگ ن حلقہ این اے 105سے امیدوار چوہدری نجیب اللہ آف گورالہ ، پاکستان مسلم لیگ حلقہ پی پی 110سے امیدوار چوہدری عمران اللہ گورالہ ، پاکستان مسلم لیگ حلقہ پی پی 112سے امیدوار شیخ عمر اعجاز نے کنونشن میں شرکت کی اور اس موقع پر پاکستان مسلم لیگ ن کے مرکزی قائدین سابق صوبائی وزیر رانا ثناء اللہ ، سابق ایم این اے میاں مرغوب حسین ،سابق ایم پی اے وسیم قادرسے الگ الگ ملاقاتیں کیں اور ضلع گجرات کی سیاسی صورتحال پر تبادلہ خیال کیا مسلم لیگ کے مرکزی راہنمائوں نے تمام امیدواروں سے کہا کہ وہ آئندہ عام انتخابات میں بھرپور طریقہ سے حصہ لیں اور پارٹی منشور اور پارٹی کی پانچ سالہ کارکردگی عوام تک پہنچائے تا کہ عوام آئندہ عام انتخابات میں مسلم لیگ ن کے انتخابی نشان شیر پر مہر لگا کر امیدواروں کو کامیاب بنائیں ، مرکزی قائدین نے گورالہ برادران اور شیخ عمر اعجاز کی پارٹی خدمات کو سراہا اور بھرپور تعاون کا یقین دلایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محلہ نور پور میں دستکاری سکول میں قمر عامر چوہدری بچیوں میں بیگ اور کارڈ تقسیم کر رہی ہیں
گجرات (جی پی آئی) محلہ نور پور شرقی میں چوہدری شجاعت حسین کے پروگرام ایک ہنر ایک نگر کے تحت آہن این جی دستکاری سکول میں سابقہ ایم پی اے قمر عامر چوہدری نے طلباء میں بیگ اور سکول کارڈ تقسیم کیے ،اس موقع پر طلباء اور ان کے اہلخانہ نے بھرپور شرکت کی جن میں سیدہ بانو ، نبیلہ یاسمین ، پروین اختر ، نسرین اختر ، کاوش ناز ، شہناز سلطانہ ، شکیلہ سہیل اور دیگر خواتین نے شرکت کی اس پروگرام میں پاکستان مسلم لیگ یوتھ ونگ کے عہدیداروں جن میں یوتھ ونگ سٹی سینئر نائب صدر چوہدری مدثر محمود ، یوتھ ونگ سٹی سینئر نائب صدر ملک عماد شبیر اور دیگر یوتھ ونگ کے عہدیداروںنے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ہائوس لاہور میں ہونے والی فائرنگ کی پر زور مذمت کرتے ہیں
گجرات (جی پی آئی) پاکستان مسلم لیگ ہائوس لاہور میں ہونے والی فائرنگ کی پر زور مذمت کرتے ہیں ، الیکشن انائونس ہوتے ہی ہمارے قائدین کے گھر پر فائرنگ کرنے والے کسی کے مخلص دوست نہیں ہو سکتے ، یہ لوگ فائرنگ کر کے کیا ثابت کرنا چاہتے ہیں ، ان خیالات کا اظہار پاکستان مسلم لیگ ق کے ممتاز تاجر راہنما چوہدری ہمایوں اقبال اور پاکستان مسلم لیگ یوتھ پنجاب کے جنرل سیکرٹری چوہدری ذوالفقار پپن ،یوتھ ونگ ضلعی نائب صدر احسان بھٹی ،یوتھ ونگ سٹی صدر چوہدری نصیر سندھو ، یوتھ ونگ سٹی سینئر نائب صدر چوہدری مدثر محمود ، یوتھ ونگ سٹی سینئر نائب صدر ملک عماد شبیر ،یوتھ ونگ سٹی سینئر نائب صدر چوہدری عامر صدیق وریاء ، یوتھ ونگ سٹی سینئر نائب صدر خان دلاور و دیگر یوتھ ونگ سٹی کے عہدیداروں نے پاکستان مسلم لیگ ق ہائوس لاہور پر ہونے والی فائرنگ کی پر زور الفاظ میں مذمت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
23مارچ سے جماعت اسلامی گجرات کے ضلعی سکٹریٹ میں سادہ پروقار تقریب منعقد ہوئی
گجرات(جی پی آئی)23مارچ سے جماعت اسلامی گجرات کے ضلعی سکٹریٹ میں سادہ پروقار تقریب منعقد ہوئی جس کی صدارت ڈاکٹر احسان اللہ شاہ امید وار حلقہ PP-112نے کی اور تقریب میں چوہدری انصر محمود ایڈووکیٹ امید وار حلقہNA-105 ، ڈاکٹر طارق سلیم امید وار حلقہPP-111گجرات سٹی،میاں شبیر احمد خاور ضلعی جنرل سیکریٹری،چوہدری انور وڑائچ نائب امیر ضلع، چوہدری بہادرخاں،چوہدری محمد عالم،تنویر اختراور محمد اقبال غنی سمیت دیگر کارکنوں نے شرکت کی۔جماعت اسلامی کے سیکٹریٹ پر قومی پرچم لہرانے کی تقریب ہوئی۔چوہدری محمد انور وڑائچ نے ملک کی سلامتی کے لئے دعا کروائی۔ تقریب سے خطاب کرتے ہوئے جماعت اسلامی کے رہنماوں نے قراردادپاکستان کے مقاصد اور برصغیر کے مسلمانوں کی قائداعظم کی قیادت میں عظیم جدوجہد کو خراج تحسین پیش کیا اور جدوجہد کے شہداکو شاندار الفاظ میں خراج تحسین پیش کیا گیا۔مقرین نے کہا وطن عزیز آج جن مشکل حالات سے گزر رہا ہے اس میں برسراقتدارآنے والی جماعتوں اور حکمرانوں پر براہ راست ذمہ داری عاد ہوتی ہے۔آج کے حالات تقاضہ کرتے ہے کہ ہم اپنی منزل کیطرف پیش قدمی کرنے کے لئے ایسی قیادت کا انتخاب کریں جو اسلام اور نظریہ پاکستان سے مخلص اور وفادار ہو ۔جو موجودہ دور کے چیلینز کاسامنا کرنے کی صلاحیت رکھتی ہواور جس کا دامن کرپشن سے پاک ہواور پاکستان کے دشمنوں کی انکھوں میں انکھیں ڈال کر بات کر سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن ہی صحیح معنوں میں عوامی سیاسی جماعت ہے: میاں وسیم صراف
گجرات (جی پی آئی)پاکستان مسلم لیگ ن ہی صحیح معنوں میں عوامی سیاسی جماعت ہے اور میاں برادران ہی ملک وقوم کے بہی خواہ اور نجات دہندہ ہیں حلقہ پی پی 110سے چوہدری رضا علی متہ بھاری اکثریت سے کامیاب ہونگے وہ حلقہ سے منافقانہ سیاست ظالمانہ نظام و عوام کے استحصال کے خاتمہ کیلئے سرگرم عمل ہیں حلقہ پی پی 110کے عوام اور ن لیگی کارکنان چوہدری رضا علی وڑائچ کی قیادت پر غیر متزلزل یقین رکھتے ہیںچوہدری رضا علی وڑائچ نے ایم پی اے نہ ہوتے ہوئے بھی حلقہ کے محروم طبقوں کیلئے کروڑوں روپے کے ترقیاتی منصوبے مکمل دے جو کہ انکی تمام دوستی کا منہ بولتا ثبوت ہیں ان خیالا ت کا اظہار پاکستان مسلم لیگ ن تحصیل گجرات کے فنانس سیکرٹری میاں وسیم صراف آف شادیوال نے اپنے ایک اخباری بیان میں کیا انہوں نے مزید کہاکہ عوا م اب ملک لوٹنے والوں کے جھانسے میں بالکل نہیں آئینگے بلکہ جرات مند ‘با کردار اور عوام کا درد رکھنے والے ن لیگی امیدواروں کو ووٹ کی طاقت سے کامیاب کرائینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں ٹریفک حادثات کے دوران تین افراد جاں بحق
گجرات (جی پی آئی)گجرات میں ٹریفک حادثات کے دوران تین افراد جاں بحق ‘پولیس نے الگ الگ مقدمات درج کرلئے ہیں بتایا گیا ہے کہ مکیانہ کا رہائشی گل دید خان عرفان میرج ہال جلالپورجٹاں کے قریب تیزرفتار ٹریکٹر ٹرالی کی زد میں آکر ہلاک ہوگیا جبکہ کڑیانوالہ کے رہائشی نوریز احمد ولد انیس محمود سمرالہ کو تیز رفتار ٹرالی نے ٹکر ماردی جس کے نتیجہ میں زخموں کی تاب نہ لاتے ہوئے جبکہ تیسرے واقعہ میں کھاریا ں کے گائوں منڈیر کے قریب تیز رفتار ہائی ایس نے محمد عاشق کو ٹکر مار کر ہلا ک کردیا پولیس نے الگ الگ مقدمات درج کرکے تفتیش شروع کرد ی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
40877طلبہ کو سکول میں داخلے کا ہدف حاصل کرنے کے لئے تمام وسائل بروئے کار لائے جائیں گے :ڈی سی او
گجرات (جی پی آئی)ڈی سی او نوازش علی نے کہا ہے کہ ضلع بھر میں چار سے نو سال عمر تک کے 40877طلبہ کو سکول میں داخلے کا ہدف حاصل کرنے کے لئے تمام وسائل بروئے کار لائے جائیں گے جبکہ پانچویں اور آٹھویں کا امتحان دینے والے 81503طلبہ کا چھٹی اور نویں کلاس میں داخلہ یقینی بنانے کے لئے اساتذہ کرام اپنا بھر پور کردار ادا کریں ،ان خیالات کا اظہار انہوں نے یونیورسل پرائمری اینڈ سکینڈری ایجوکیشن پروگرام کی افتتاحی تقریب سے خطاب کر تے ہوئے کیا۔ ای ڈی او ایجوکیشن کاشف طاہر نے بھی اظہار خیال کیا۔ اے ڈی سی سمیر احمد سید، ڈی او سی شجاع قطب بھٹی، اسسٹنٹ کمشنرز بلال جوئیہ، چوہدری ضیغم، ڈی او زنانہ عابدہ بانو، قاضی ایوب، پرنسپل میونسپل ماڈ ل ہائی گرلز ہائی سکول ثمینہ مفتی، ڈی ای اوز، اے ای اوز اور سرکاری سکولوں کے سربراہان بھی اس موقع پر موجود تھے۔ ڈی سی او نے کہا کہ ملک کی ترقی تعلیم کے بغیر ناممکن ہے اس لئے ہمیں محض خانہ پر ی تک محدود نہیںرہنا بلکہ اہداف کے حصول کے لئے عملی اقدامات کر نا ہوں گے اس مقصد کے لئے سماجی تنظیموں، معززین علاقہ کی خدمات حاصل کی جائیں جبکہ ضلعی انتظامیہ بھی محکمہ تعلیم کی بھرپور سپورٹ کرے گی۔ انہوں نے کہا کہ سکولوں میں داخلے کے اہداف کے حصول کے ساتھ طلبہ کو تعلیم سے وابستہ رکھنااور ڈراپ آوٹ کم سے کم سطح پر لے کر آنا بھی ہماری ذمہ داری ہے ، اس سلسلے میں اساتذہ کرام کا کردار بڑا اہم ہے وہ ایسے والدین کو قائل کریں جو کسی وجہ سے اپنے بچوں کو پڑھائی سے ہٹانا چاہتے ہیں۔ نوازش علی نے محکمہ تعلیم کے افسران کو ہدایت کی کہ ایسے تما م طلبہ جنہوں نے پنجم اوور ہشتم کے امتحانات دیے ہیں کوشش کی جائے کہ ان تمام طلبہ کا ششم اور نہم میں داخلہ ہواور وہ اپنی تعلیم کا سلسلہ جاری رکھیں۔ انہوں نے کہا کہ یوم پاکستان کے موقع پر ہمیں عہد کرنا ہوگا کہ ہم ملک میں تعلیم کو فروغ دے کر وطن عزیز کو اسلاف کے خوابوں کی عملی تعبیر بنائیں گے۔انہوں نے ہدایت کی ضلع گجرات کو تعلیمی لحاظ سے ایک بار پھر ٹاپ پر پہنچانے کے لئے تما م افسران اور اساتذہ کرام بھر پور محنت کریں۔ قبل ازیں ای ڈی او ایجوکیشن کاشف محمود نے بتایا کہ محکمہ تعلیم کے سروے کے مطابق ضلع میں چار سے نو سال کے 20888لڑکے اور 20999لڑکیاں ابھی سکول نہیں جارہے جنکے داخلے کے لئے خصوصی مہم چلائی جائے گی۔ انہوں نے بتایا کہ گذشتہ برس محکمہ تعلیم گجرات نے بچوں کے داخلوں کا 97فیصد ہدف حاصل کیا تھا جبکہ باقی بچے خصوصی بچے تھے ، کچھ کم عمر اور باقی نقل مکانی کر گئے تھے ۔انہوں نے اس عزم کا اظہار کیا کہ ڈی سی او نوازش علی کی راہنمائی میں اہداف کے حصول کے لئے تما م تر توانائیاں اور وسائل بروئے کار لائے جائیں گے۔ اس موقع پر ڈی سی او نے ننھے طلبہ کے داخلہ فارم پر دستخط کر کے مہم کا آغاز کیا ۔جبکہ کمسن طلبہ نے ٹیبلو اور ملی نغمے پیش کر کے حاضرین کے دل جیت لئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسٹیٹ لائف انشورنش کارپوریشن کے چیئر مین نے سپریم کورٹ کے احکامات کی دھجیاں اڑا دیں
گجرات (جی پی آئی)اسٹیٹ لائف انشورنش کارپوریشن کے چیئر مین نے سپریم کورٹ کے احکامات کی دھجیاں اڑا دیں اسپشلٹمنٹ ڈویژن کی طرف سے بحال کئے جانیوالے نوٹیفکیشن کے تحت برطرف شدہ ایریا مینجرز کو بحال نہیںکیا جارہا بتایا گیا ہے کہ سپریم کورٹ آف پاکستان نے واضح احکامات جاری کئے ہیںکہ کسی بھی آفیسرکو ریٹائرڈ منٹ کے بعد دوبارہ کنٹریکٹ پر بھرتی کرنا یا کنٹریکٹ کو دوبارہ بڑھانا خلاف قانون ہے مگر چیئر مین اسٹیٹ لائف انشورنشن شاہد عزیز صدیقی کی عمر 68سال ہونے کے باوجود بھی متعدد بار کنٹریکٹ پر بھرتی کیا گیا جو کہ سپریم کورٹ کے احکامات کی خلاف کھلم کھلا خلاف ورزی کے ذمرہ میں آتا ہے جبکہ اسٹیبلشمنٹ ڈویژن کی کیبنٹ سب کمیٹی نے چیئر مین اسٹیٹ لائف شاہد عزیز صدیقی اور عبدالحفیظ شیخ ڈائریکٹر ایڈمن کو برطرف بحالی ملازمین کے قانون کی شق نمبر18کی خلاف ورزی اور احکامات نہ ماننے پر شوکاز نوٹس جاری کردیئے ہیںیاد رہے کہ اسٹیبلشمنٹ ڈویژن نے 17مئی 2012کو اسٹیٹ لائف انشورنش کے بد طرف شدہ ایریا مینجر ز کو بحالی کا باقاعدہ طورپر نوٹی فکیشن بھی جاری کیا ہے مگر اسٹیٹ لائف کے چیئر مین نے آج تک ان ملازمین کی بحالی نہیں ہونے دی جبکہ بحالی آرڈرز میں لکھا ہوا ہے کہ ان افسروں کو تین دن کے اندر اندر بحال کیا جائے اور ان کو ون سٹپ پرموشن اور تین سال کی تنخواہوں کے علاوہ تمام مراعات بھی دی جائیں ‘علاوہ ازیں منسٹری آف کامرس نے بھی ان برطرف شدہ آفیسرز کی بحالی کیلئے چیئر مین اسٹیٹ لائف کوتحریری طور آرڈرز جاری کئے ہیں مگراس کے باوجود بھی چیئر مین اسٹیٹ لائف انشورنش لعل و لعت سے کام لے رہے ہیںدوسری طرف برطرف شدہ آفیسر زبحال نہ ہونے کی وجہ سے سخت تشویش میں مبتلا ہیں انہوں نے چیف جسٹس آف سپریم کورٹ سے فوری نوٹس لینے اور بحالی کا مطالبہ کیا ہے
۔۔۔۔۔۔۔۔۔۔۔
سرکاری سکولوں میں تعلیم کی بہتر سہولیات کی فراہمی کے لئے ضلع بھر ہائی سکولوں کے سربراہان کو سولر لیمپ تقسیم کئے گئے
گجرات (جی پی آئی)سرکاری سکولوں میں تعلیم کی بہتر سہولیات کی فراہمی کے لئے ضلع بھر ہائی سکولوں کے سربراہان کو سولر لیمپ تقسیم کئے گئے ۔ تقریب کے مہمان خصوصی ڈی سی او نوازش علی اور ای ڈی او کاشف محمود طاہر تھے۔ میونسپل ماڈل ہائی سکول میں منعقدہ تقریب میں جن سربراہان ادارہ نے سولر لیمپ حاصل کئے ان میں یاسین جنید بٹ، زاہد نسیم ، یوسف وڑائچ، جمال حسین، سید حسنین حیدر، طارق عتیق، ساجد زمان، شوکت رئوف، مستظہر حسین، چوہدری اورنگزیب، مسز ثمینہ مفتی، مس میمونہ، مس صوبیہ، مس طاہرہ، مس مسرت، سعدیہ وحید، صداقت سلطانہ، نعیہ اختر، منزہ اخلاق، جمیلہ اسرار، گلشن شمع اور عطیہ ملک شامل ہیں۔ اس موقع پر ڈی ای او سیکنڈری امجد رحیم سڈل نے بتایا کہ سربراہان ادارہ کو سولر لیمپس کی فراہمی کا مقصد ان کو سہولیات فراہم کرناہے تاکہ انکی کارکردگی مزید بہتر بنائی جاسکے۔
