گجرات (جی پی آئی) آستانہ عالیہ غوثیہ فضلیہ کھیپڑانوالہ شریف میں عید الاضحی جوش و خروش کیساتھ منائی گئی۔ نماز عید کے بعد سجادہ نشین آستانہ عالیہ غوثیہ فضلیہ کھیپڑانوالہ شریف صاحبزادہ پیر سید محمود الحسن بخاری قادری نے ملکی ترقی و سلامتی کیلئے دعائیں کیں۔ سعودی عرب میں شہید ہونے والے عازمین حج کی درجات بلندی کیلئے بھی خصوصی دعائیں کی گئیں۔ بعد ازاں آستانہ عالیہ کی طرف سے مستحقین میں قربانی کا گوشت صاحبزادہ پیر سید محمود الحسن بخاری قادری نے اپنے دست مبارک سے تقسیم کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( پ ر) ڈی پی او گجرات رائے ضمیر الحق آج گجرات پریس کلب میں اظہار خیال کرینگے تقریب سہ پہر 2بجے شروع ہو گی جسکی صدارت صدر پریس کلب عبدالستار مرزا کرینگے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) صدر پاکستان مسلم لیگ ق سٹی گجرات محمد حنیف حیدری نے مغل کالونی میں ماسٹر سلیم مسیح کی رہاشگاہ پر مسلم لیگ کی حمایت میں منعقدہ میٹنگ سے خطاب کرتے ہوئے کہ ن لیگی ایم این اے اور ایم پی اے حکومت میں ہوتے ہوئے بھی کام نہیں کروا سکے تو بلدیاتی الیکشن میں بلند و بانگ دعوے کرنے والے حکومتی امیدوار خاک کام کریں گے ۔ علاقہ کی تعمیر و ترقی مسلم لیگ ق کے قائدین کا عوام سے محبت کا ثبوت ہے۔ پہلے بھی اہلیان علاقہ کی خدمت کی اور انشاء اللہ آئندہ بھی خلق خدا کی بے لوث خدمت کا مشن جاری رکھیں گے۔ آج مغل کالونی میں عوام کا جوش و جذبہ اس بات کی دلیل ہے کہ اہلیان علاقہ نے الیکشن سے قبل ہی فیصلہ مسلم لیگ ق کے نامزد امیدوار چیئر مین کاشف رضا حیدری اور وائس چیئر مین قاسم جبار اور ان کے تمام پینل کے حق میں دے دیا ہے۔ عوام بلدیاتی الیکشن میں وفاداریاں تبدیل کرنے والوں کو عبرتناک شکست دیں گے، کیونکہ مسلم لیگ ق کا منشور واضع ہے ۔ ہم سیاست کو عبادت سمجھتے ہیں۔ انہوں نے مزید کہا کہ وہ لوگ جو عوامی خدمت گار ہونے کے دعویدار ہیں وہ آج تک یونین کونسل میں صفائی تک کا نظام ٹھیک نہیں کروا سکے ترقیاتی کام کرواناان کے بس کی بات نہیں۔ ق لیگ کے حمایت یافتہ امیدواروں کو عوام سیاسی میدان میں شکست فاش دیں گے اور فتح پاکستان مسلم لیگ ق کی ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) حکومت پنجاب کی ہدایات کے مطابق انتظامیہ نے لاپتہ حاجیوںکے بارے معلومات کے لئے ڈی سی او آفس میں ہیلپ ڈیسک قائم کر دیا ہے جبکہ آئی آفیسر دانش مرزا کو ہیلپ ڈیسک کا فوکل پرسن مقرر کیا گیا ہے۔ انتظامیہ نے شہریوںکو ہدایت کی ہے کہ اگر کسی کا عزیز سانحہ منیٰ کے بعد لاپتہ ہے تو وہ فون نمبر 053-9260016اور موبائل فون نمبر 03100406547پر اطلاع دے سکتے ہیں انتظامیہ اسکے بارے معلومات حاصل کرکے کال کرنیوالے کو فون کرکے اطلاع دی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) مسلم لیگ ن کے ممبر پنجاب اسمبلی چوہدری محمد اشرف دیونہ نے کہا ہے کہ عام انتخابات مقررہ وقت پرہوں گے ۔حکومت جانے کا خواب دیکھنے والوں کوآئندہ بھی مایوسی ہوگی۔عمران خان کے دھرنے نے ان کے لئے مشکلات پیدا کیں۔ درحقیقت دھرنادینے والوں نے12اکتوبر 1999سے بھی بڑی سازش کی کہ ابھی حکومت نے سانس بھی نہیں لیا تھا کہ یہ لانگ مارچ کی شکل میں چڑھ دوڑے اور حکومت کا دھڑن تختہ کرنے کی سازش کرتے ہوئے لوگوں کے کاروبار بند کرائے ،چین کے وزیراعظم کادورہ موخر کروایا اورملک کو معاشی اور سیاسی طور پر کمزور کرنے کی کوشش کی۔ 126دن تک ملک و قوم کا وقت ضائع کرنے والے گھر وں کو لوٹ چکے اور میاں محمد نوازشریف کی قیادت میں حکومت آج بھی قائم و دائم ہے آج ساری قوم مبارک باد کی مستحق ہے ،قائدین سرخرو ہوئے ہیں اور ان پر بے بنیاد الزامات لگانے والوں کو ناکامی کا سامنا کرنا پڑ اہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ کے صدر وسابق وزیراعظم چودھری شجاعت حسین، سینئرمرکزی رہنما و سابق نائب وزیراعظم چودھری پرویزالٰہی سے یہاں ان کی رہائش گاہ پر گلف کے مشہور بزنس مین منیر ریوان اور عرفان کھوکھر چیئرمین ایل پی جی پاکستان نے وفد کے ہمراہ ملاقات کی اور عید کی مبارکباد پیش کی۔ اس موقع پر شافع حسین اور سالک حسین بھی موجود تھے۔ چودھری پرویزالٰہی نے وفد سے گفتگو کرتے ہوئے کہا کہ ہمارے دور میں پنجاب اور مڈل ایسٹ میں باہمی تعاون کے سمجھوتے ہو رہے تھے، ملک ترقی کر رہا تھا جس کی زندہ مثال لاہور میں 60منزلہ النہیان شاپنگ سنٹر کی تعمیر کا معاہدہ تھا اس منصوبے پر کام بھی شروع ہو چکا تھا اور اس کی تکمیل سے لاکھوں افراد کو روزگار کے مواقع میسر آنا تھے لیکن موجودہ حکمرانوں کی نااہلی اور ناقص پالیسیوں کی وجہ سے بیرونی سرمایہ کاروں نے خصوصاً پنجاب میں سرمایہ کاری نہیں کی۔ منیر ریوان نے چودھری شجاعت حسین اور چودھری پرویزالٰہی کو گلف کے دورہ کی دعوت دی اور ان کے دور کی ترقی کو سراہا۔#
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) پاکستان مسلم لیگ لاہور کے صدر و سابق ایم این اے میاں منیر نے میڈیا میں آنے والی خبروں کی سختی سے تردید کرتے ہوئے کہا ہے کہ وہ پاکستان مسلم لیگ چھوڑ کر پی ٹی آئی یا کسی اور پارٹی میں شامل نہیں ہو رہے۔ انہوں نے کہا کہ این اے 122 میں صرف پاکستان تحریک انصاف کے امیدوار عبدالعلیم خان کی حمایت کا اعلان کیا ہے۔#
