گجرات (جی پی آئی) ممتاز مذہبی شخصیت قاری کرامت علی نقشبندی نے کہا ہے کہ آزاد کشمیر اولیاء کرام کی دھرتی ہے اور یہاں سے ہمیشہ اسلام کا پرچم لے کر آنیوالے کامیاب ہوتے ہیں۔ وہ گزشتہ روز موضع پیر خانہ کوٹلی آزاد کشمیر میں محفل سے خطاب کر رہے تھے ۔ انہوں نے کہا کہ ہم پیشوائے اہلسنت صاحبزادہ پیر ڈاکٹر فضیل ایاز قاسمی کو آزاد کشمیر آمد پر خوش آمدید کہتے ہیں۔ ان کی خدمات تبلیغ دین کیلئے ہمیشہ نمایاں رہی ہیں۔ انہوں نے دنیا بھر میں اسلام کی تبلیغ اور اشاعت کے سلسلہ میں کام کیا ہے۔ جس طرح بزرگان موہڑہ شریف نے طریقت کے فیض کو بانٹا یہ ایک مثال ہے۔ دنیا بھر میں آج بھی ہر طرف فیضان موہڑہ شریف کی وجہ سے لوگ اسلام کی جانب راغب ہو رہے ہیں۔ جس طرح فیضان موہڑہ شریف کی وجہ سے ہر طرف محبت و امن کا درس دیا جا رہا ہے ۔ یہ بات ہم سب کیلئے باعث فخر ہے۔ اور 13 مارچ کو اہلیان کشمیر و الی موہڑہ شریف ڈاکٹر فضیل ایاز قاسمی کا پر تپاک استقبال کریں گے ۔ اس سلسلہ میں تمام تر انتظامات مکمل کر لئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) دارِ ارقم سکولز مصطفی کیمپس کی تعلیم کیلئے کاوشیں قابل تحسین ہیں۔ ان خیالات کا اظہار سابق و زیر تعلیم میاں عمران مسعود نے سکول کی تقریب تقسیم انعامات کے موقع پر خطاب کرتے ہوئے کیا۔ انہوں نے کہا کہ تعلیم کے فروغ کیلئے ہر ممکن حد تک کوشش کرنی چاہئے کیونکہ آج کے بچے کل کے حکمران ہیں اگر ان بچوں کی بہترین تعلیم و تربیت نہ کی جائے تو ملک ترقی نہیں کر سکتا۔ وہ گزشتہ روز دارِ ارقم سکول مصطفی کیمپس کی تقریب تقسیم انعامات کے موقع پر خطاب کر رہے تھے۔ جس کی صدارت ڈائریکٹر دار ارقم سکولز مصطفی کیمپس سید عتیق الرحمن نے کی۔ جبکہ دیگر مہمانوں میں چوہدری اختر جاوید ‘ ملک ایاز’ جاوید احمد HBL’ میاں زاہد نذیر و دیگر تھے۔ اس موقع پرمیاں عمران مسعود نے شاندار کارکردگی کا مظاہرہ کرنے والے بچوں میں انعامات تقسیم کئے اور سکول انتظامیہ کی کارکردگی کو بے حد سراہا۔ میاں عمران مسعود نے کہا کہ بچوں کو تعلیم کے ساتھ ساتھ بہتر تربیت دینے کی ضرورت ہے اور ٹیچرز بچے کیلئے نمونہ ہوتے ہیں۔ اساتذہ کو چاہئے کہ وہ بچوں کو بہتر انداز میں گائیڈ کریں ان میں ڈسلپن اور سپورٹس مین سپرٹ پیدا کریں۔ تعلیمی سرگرمیوں کے ساتھ ساتھ ہم نصابی سرگرمیاں بھی ضروری ہیں۔ بچہ تو ماں کی گود سے لیکر قبر کی دیواروں تک تعلیم حاصل کرتا ہے۔ ہر کام میں سیکھنے کا عمل جاری رہتا ہے۔ دار ارقم سکولز بلا شبہ ایک معیاری تعلیمی ادارہ ہے جس میں دینی تعلیم بھی دی جاتی ہے۔ سید عتیق الرحمن اور ان کے ساتھیوں کی کاوشیں قابل تحسین ہیں۔ وہ دن رات بچوں کی تعلیم و تربیت کیلئے کوشاں رہتے ہیں۔ ڈائریکٹر سید عتیق الرحمن نے کہا کہ کوالٹی ایجوکیشن ہماری اولین ترجیح ہے اور ہم بچوں کی بہتر راہنمائی کا سلسلہ جاری رکھے ہوئے ہیں۔ اور ہم نصابی سرگرمیوں کو بھی ترجیح دیتے ہیں۔ اس موقع پر بچوں نے مختلف خاکے پیش کئے۔ اساتذہ کو انعامات دئیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) جی پی آئی کا تعزیتی اجلاس منعقد ہوا جس میں شاہدولہ پرنٹنگ پریس کے چیف ایگزیکٹو ظفر اقبال کے والد محترم چوہدری برکت علی کی وفات پر گہرے رنج و غم کا اظہار کیا گیا۔ قاری کرامت علی نقشبندی نے اجتماعی دعا کرائی۔ صدارت ڈاکٹر رزاق احمد غفاری نے کی جبکہ ذوالفقار علی باجوہ’ عامر چوہدری’ یاسر وریا’ عمران کمبوہ’ و دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) دی ایجوکیٹرز بارہ دری کیمپس میں داخلوں کا سلسلہ جاری ہے اور والدین داخلوں کیلئے رابطے کر رہے ہیں۔ ڈائریکٹر دی ایجوکیٹرز بارہ دری کیمپس شہزاد شفیق شرقپوری نے کہا ہے کہ ہم نے میرٹ کی پالیسی کو اپنایا ہوا ہے اور میرٹ پر ہی داخلے یقینی بنائے جائیں گے۔ حق داروں کو انکا حق دیا جائے گا۔ بچوں کی تعلیمی تربیت کے سلسلہ میں کسی قسم کی سفارش قبول نہیں کی جائے گی۔ انہوں نے کہا کہ ہم تعلیم کے فروغ کیلئے کوشاں ہیں اور بچوں کو زیور تعلیم سے آراستہ کرنے کیلئے ہر ممکن اقدامات کئے جائیں گے۔ اس سلسلہ میں ٹیچرز ٹریننگ کو بھی لازمی بنایا گیا ہے اور ٹیچرز کی ٹریننگ کے سلسلہ میں سیشن جاری ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات( جی پی آئی) سنگت ڈویلپمنٹ فا و نڈیشن اورفافن کے اشتراک سے کمیونٹی انٹر فیس میٹنگ منعقد کروائی گئی جسِ میں میڈم نزہت ضلعی صدرپاکستان مسلم لیگ (ن)، ر خسانہ الہی ضلعی کوآرڈینیٹر پاکستان مسلم لیگ(ق)، ربیعہ شاہین ضلعی صدر (پی ٹی آئی) نے شرکت کی۔ رخسانہ الہی ( ضلعی کوآرڈینیٹر پاکستان مسلم لیگ(ق) اظہارِ خیال کرتے ہوئے کہا انتخابی عمل میں انتخابی اصطلاحات انتہائی نا گزیر ہیں ۔ ووٹر رجسٹریشن کے حوالے سے بات کرتے ہوئے اُنھوں نے کہا کہ ان کی پارٹی ووٹر رجسٹریشن کے حوالے سے کافی متحرک ہے اس بات سے اتفاق کیا کہ شناختی کارڈ بننے کے ساتھ ہی ووٹ رجسٹریشن بھی ہو جانی چاہیے۔ میڈم ربیعہ ضلعی صدر (پی ٹی آئی)نے اظہارِ خیال کرتے ہوئے کہ کہنے کو تو الیکشن کمشن آزاد ہے مگر وہ اتنا آزاد بھی نہیں ہے ابھی بھی الیکشن کمشن پر سیاسی اثرات ہیں۔ جسِ کی وجہ سے بہت سے انتخابی مسائل پیدا ہوتے ہیں ۔ سلیم قاسم (ایڈووکیٹ ) نے حلقہ بندی پر بات کرتے ہوئے کہا حلقہ بندی اُس وقت تک ٹھیک نہیں ہو سکتی جب تک مردم شماری نہیں ہو جاتی ۔ اور مردم شما ری کے بعد ووٹر لسٹیں دوبارہ بنیں گی ۔ پھر مسئلہ حل ہوگا۔ اس کے علاوہ شہناز رفیق ڈسٹرکٹ کو آرڈینیٹر نے کہا پاکستان میں شہریوں کے تحرک برائے جمہوری حکمرانی کا پروگرام (CADGP کا مقصد ر محروم طبقات غریب ، مذہبی اقلییتں ، خواتین اور نوجوانوں کی نمائندگی کرنا ہے ۔ جواب دہی اور شفافیت کو فروغ دینے کا ساتھ ساتھ توجہ حقوق کے حامل اور ذمہ دار ان عہدیداروں کے درمیان نئے تعلقات بنانے اور موجودہ تعلقات کو مضبوط بنانا ہے تاکہ شہریوں کی آواز کو انتظامی ، ریگولیٹری اور قانون سازی میں اصطلاحات کے لئے ذریعہ بنا کر انتخابی ، قانون سازی اور مقامی گورننس میں بہتری لائی جاسکے۔ اس میں فوکس کیا گیا کہ ان محروم طبقات جن میں اقلیتیں بھی شامل ہیں کی ووٹ رجسٹرشن پر خصوصی توجہ دی جائے ۔ اور اس سلسلے میں سیاسی جماعتوں کا کردار بڑا اہم ہونا چاہے ۔ تا کہ وہ بھی اپنا حقِ رائے دہی استعمال کر کے گورننس کو بہتر بنانے میں اہم کردار ادا کر سکیں ۔ افتخار بھٹہ ممبر ڈسٹرکٹ گورننس سپورٹ گروپ نے کہا سیاسی جماعتوں کو چاہیے کی اپنے آپ کو یونین کونسل کی سطح پر منظم کریں اور لوگوں میں خاص طور پر خواتین میں ووٹ کی اہمیت کے بارے میں شعور اُجاگر کریں ۔ اور الیکشن سے پہلے اپنے اپنے حلقوں میں ووٹرز کی ٹریننگ کروائیں ۔ تا کہ خواتین انتخابی عمل میں حصہ لے کر گورننس کو فروغ دیں ۔ اس انٹر فیس میٹنگ میں خرم صد یق ا یڈووکیٹ ، ڈاکڑ شکیل، رزاق غفاری عنصر پروین ، نسیم رفیق، سعید ملک، فرح دیبا، خرم شہزاد، عنبرین کنول ڈسٹرکٹ کوآرڈینیٹر سنگت ڈویلمپنٹ نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات( جی پی آئی) سیاسی وسماجی شخصیت ملک محمدامان اللہ اوراعمرہ شریف کی سعادت حاصل کرنے کے بعدسعود ی عرب سے واپس ا پنے گائوںپہنچ گئے ہیں۔جس پرپاکستان علماء کونسل پنجاب کے جنرل سیکرٹری مولاناشبیرا حمدعثمانی،عالمی شہرت یافتہ نعت خواں طاہربلال چشتی، سیف اللہ خالدچشتی،ملک عارف صدیقی،محمدقاسم،قاری عامرشہزاداورملک محمدعمرریاض سمیت معتددمذہبی شخصیا ت نے انہیںعمرہ کی ادا ئیگی پرمبارکباد پیش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات( جی پی آئی) ڈی سی او لیاقت علی چٹھہ نے کہا ہے کہ ضلعی انتظامیہ اور اسکے تمام محکمے شہریوں کو ڈینگی کے خطرات سے محفوظ رکھنے کے لئے پوری طرح الرٹ ہیں، ماضی کی طرح آئندہ بھی ضلع کو اس خطرناک مرض سے محفوظ رکھنے کے لئے تمام وسائل برئوے کار لائے جائیں گے۔ا ن خیالات کا اظہار انہوںنے ضلعی انتظامیہ، محکمہ صحت اور ٹی ایم اے گجرات کے زیر اہتمام شہریوںمیں ڈینگی کے حوالے سے شعور اجاگر کرنے کے لئے آگاہی واک کے شرکاء سے خطاب کرتے ہوئے کیا، ای ڈی او ہیلتھ ڈاکٹر طاہر بشیر نے بھی اظہار خیال کیا ۔ اس سے قبل ریلی کے شرکاء نے ڈی سی او لیاقت علی چٹھہ، ایڈمنسٹریٹر ٹی ایم اے عرفان علی کاٹھیا ، ایم پی اے حاجی عمران ظفر کی قیادت میں ٹی ایم اے گجرات سے ضلع کونسل تک مارچ کیا، اے سی گجرات نورالعین، ٹی ایم او خرم محمود، صدر مرکزی انجمن تاجران جاوید بٹ، پرنسپل میونسپل ماڈل سکول رخسانہ کثیر، مختلف سرکاری محکموں کے افسران، ملازمین، ضلعی صارف کونسل کے ممبران، سول سوسائٹی کے ارکان اور طلبہ و طالبات نے کثیر تعداد میں شرکت کی ۔ شرکاء نے کتبے اور بینرز اٹھا رکھے تھے جن پر ڈینگی کے حوالے سے معلومات درج تھیں۔ڈی سی او لیاقت علی چٹھہ نے بہترین واک کے انعقاد پر اے سی گجرات اور پرنسپل میونسپل ماڈل سکول اور انکی ٹیم کو سراہا۔ انہوںنے کہا ڈینگی سے بچائو ممکن ہے اس مقصد کے لئے شہریوںکو انتظامیہ اور سرکاری محکموںکی کاوشوں میں ساتھ دینا ہوگا۔انہوں نے کہا کہ شہری اپنے گھروںمیں گملوں ، فریج کے باکس اور واٹر کولر میں صاف پانی جمع نہ ہونے دیں اسی طرح اپنے گھر اور محلوںکو صاف رکھیں، خالی پلاٹس میں پانی اور کوڑا جمع نہ ہونے دیا جائے۔ ڈی سی او لیاقت علی چٹھہ نے کہاکہ رواںسیزن گجرات میں ڈینگی کے حوالے سے نہایت حساس ہے سرکاری محکمے اینٹی ڈینگی سرویلنس بہتر بنائیں، ٹائر شاپس ، کباڑ خانوں، بڑی فیکٹریوںکی چیکنگ بہتر بنائی جائے ۔ انہوںنے واضع کیا کہ ڈینگی کے فروغ کا باعث بننے والوںسے ہر گز کوئی رعایت نہیںہوگی اور ایسے عناصر کے خلاف فوجدار ی مقدمات چلائے جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات( جی پی آئی) اے سی گجرات نورالعین نے عطائی ڈاکٹروںکے خلاف کریک ڈائون کے دوران دولت نگر کے علاقہ میں 2عطائی ڈاکٹروں کے کلینک اور ایک میڈیکل سٹور سیل کر دیے ہیں۔ ڈی سی او لیاقت علی چٹھہ کی ہدایت پر کاروائی کے دوران اے سی گجرات نے محکمہ صحت کی ٹیم کے ہمراہ دولت نگر کے علاقہ میں چیکنگ کی جہاںبشیر ہومیو پیتھک سٹو ر میں عطائی ڈاکٹر علی رضا ایلوپیتھک ادویات فروخت کرتے پکڑ ا گیا، دوسری کاروائی کے دوران خلیل میڈیکل سٹور سے جعلی ادویات برآمد ہوئیں جبکہ فاطمہ کلینک پر عطائی لیڈی ڈاکٹر جعلی اور بغیر وارنٹی ادویات فروخت کررہی تھی جس پر تینوںکلینک اور میڈیکل سٹورز کو سیل کر دیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات( جی پی آئی) اے سی کھاریاں کی ہدایت پر ڈرگ انسپکٹر جاوید احمد کا ملکہ میں میڈیکل سٹورز اور کلینک پر چھاپہ ۔ڈینٹل سرجن کی دوکان غیر قانونی چلانے پر سیل کر دی گئی ۔تفصیل کے مطابق اسسٹنٹ کمشنر مظہر اقبال کی ہدایت پر ڈرگ انسپکٹر کھاریاں جاوید احمد نے ملکہ میں تمام میڈیکل سٹورز اور کلینک کو چیک کیا اور تمام میڈیکل سٹورز پر ادویات اور لائسنس وغیرہ معیاری پائی گئیں ،جبکہ یاسر ڈینٹل سرجن کو غیر قانونی پریکٹس کرنے اور ایکسپائر ادویات رکھنے پر سیل کر دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات( جی پی آئی)پاکستان ڈپلومہ انجینئر فیڈریشن ضلع گجرات کے عہدیداروں کا قیام عمل میں آگیا یہ فیصلہ گزشتہ روز ایک اہم اجلاس میں کیا گیا جس کی صدارت مرکزی صدر سرفراز چٹھہ اور ڈویژنل صدر خالد مہر اور ملک منور اعوان نے کی جس میں باقاعدہ طور پر عہدیداروں کا انتخاب عمل میں کیا گیا صدر عمران چٹھہ ، سینئر نائب صدر عبد الوحید پبلک ہیلتھ انجینئر ، نائب صدر چوہدری اعجا زاحمد محکمہ انہار، جنرل سیکرٹری آصف راٹھور ہائی وے، فنانس سیکرٹری ملک غلام شبیر ہائی وے، پریس سیکرٹری امجد علی بلڈنگ ڈیپارٹمنٹ جبکہ ڈسٹرکٹ کوارڈینٹر سید اکرام شاہ ایس ڈی او ٹی ایم اے گجرات ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات( جی پی آئی)پاکستان ڈپلومہ انجینئر فیڈریشن گجرات نے گزشتہ روز حکومت پنجاب کے خلاف احتجاجی مظاہرہ کیا اور نعرے بازی جس میں سب انجینئرز اور ڈرافسٹمین نے کثیر تعداد میں اس موقع پر سب انجینئرز اور ڈرافسٹمین نے حکومت پنجاب سے مطالبہ کرتے ہوئے کہاہے کہ حکومت پنجاب سب انجینئرز اور ڈرافسٹمین کے گریڈ بڑھائے نہیں جارہے جس کی وجہ سے ان میں تشویش کی لہرپائی جاتی ہے مظاہرین نے خطاب کرتے ہوئے کہاکہ ہمارے مطالبات منظور نہ ہوئے تو ہر بدھ کو قلم چھوڑ ہڑتال کی جائے گی اور دفتر کی تالا بندی بھی کی جائے گی احتجاجی مظاہرہ میں ٹی ایم اے ، گجرات پبلک ہیلتھ، ہائی وے، محکمہ بلڈنگ، پروفشنل ہائی وے، ڈسٹرکٹ پبلک ہیلتھ ، لوکل گورنمنٹ ، محکمہ انہار، ٹی ایم اے سمیت دیگر سرکاری دفاتر کے سب انجینئرز اور ڈرافسٹمین نے کثیر تعداد میں شرکت کی اس موقع پر مرکزی صدر سرفراز چٹھہ، ڈویژنل صدر خالد مہر ، ملک منور اعوان نے بھی خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی)احسان الحق کی اہلیہ کی وفات پر تحصیل کھاریاں و گردونواح کے معززین کا اظہار ِ تعزیت۔ تفصیلات کے مطابق سابق صدر کھاریاں پریس کلب احسان الحق کی اہلیہ کی وفات پر ایم این اے چودھری عابد رضا کوٹلہ کے بائی چوہدری آصف رضا کوٹلہ، حاجی محمداسلم خان، چیئرمین چودھری اسفند یار علی، راجہ ریاض احمدراسخ، چوہدری محمدانور چوہان، محمدصفدر مرزا، میاں محمدصفدر، طلحہ ابراہیم، چوہدری عنایت انقلابی، تنویر حسین سپین، فاروق نوشاہی بھلوال، ڈاکٹر ظہور مہندی، چوہدری انور چوہان، فیصل شفیع ، چوہدری محمدافضل سیدہ، چودھری طارق عزیز، عبدالرحمن بٹ، عبدالمنان بٹ، رئیس بٹ، مرزاطارق محمود، شاہد جاوید، ذوالفقار بٹ کوٹلہ، ڈاکٹر ارشد محمود، جبار علی ساگر، خالد پرویز دادو برسالہ، عنصر فاروق، ڈاکٹر محمدشریف گلیانہ، ڈاکٹر اعجاز احمد، مرزا عاصم سلیم، مرزا کاشف سلیم، عرفان اکبر، عامر مشتاق شانی، مرزا عبدالرئوف زاہد، سیّد قاسم شاہ، عظیم بٹ لالہ موسیٰ، رحمت کھوکھر، ثاقب زرگر، حاجی جاوید اقبال کونسلر، حاجی جاوید مرزا، طاہر رشید صدیقی، میاں محمد صفدر (ناروے ٹائمز)، طلحہ ابراہیم، سیاسی ، سماجی و دیگر مکاتب ِ فکر کی شخصیات نے کھاریاں آفس میں مرحومہ کے ایصال ِ ثواب کیلئے فاتحہ خوانی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی) الحاج حاجی محمداشرف خلیفہ مجاز موہری شریف چیئرمین بزم ِ نقشبنداوسلو ناروے گزشتہ روز انتقال کر گئے ان کا نماز ِجنازہ جماعت اہلسنت ناروے میں پڑھا گیا۔ تفصیلات کے مطابق حافظ محمدعاد ل ناروے آف مہمند چک کے والد الحاج حاجی محمداشرف خلیفہ مجاز موہری شریف چیئرمین بزم ِ نقشبنداوسلو ناروے گزشتہ روز ناروے میں انتقال کر گئے ۔ ان کا نماز ِ جنازہ جماعت اہلسنت ناروے میں پڑھا گیا۔جس میں پاکستان کمیونٹی سے تعلق رکھنے والوں نے شرکت کی۔ اُن کا جسد ِ خاکی آج لاہور پہنچے گا بعدازاں کھاریاں کے نواحی گائوں مہمند چک میں نماز ِ ظہر میں نماز ِ جنازہ پڑھا جائے گا اور مقامی قبرستان میں سپرد ِ خاک کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی)احسان الحق کی اہلیہ جو کہ گزشتہ دنوں انتقال کر گئی تھیں آج دن 2بجے اُنکے آبائی گائوں بانٹھ نزد سلطان آباد ایریا گیٹ گجرات میں ختم ِ دسواں کی اجتماعی دُعا ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی) تحصیل انتظامیہ کھاریاں کے زیراہتمام آج صبح10 بجے T.M.A ہال کھاریاں سے ڈینگی کے خلاف واک کی جائے گی جو کہ گلیانہ روڈ چوک جی ٹی روڈ پر اختتام پذیر ہوگی اس ملک میں سرکاری افسران، سیاسی سماجی شخصیات تاجر برادری، وکلاء محکمہ صحت کے افسران اورعملہ کے ساتھ ساتھ شہری بھی شامل ہوں گے اے سی کھاریاں میاں اقبال مظہر کی قیادت میں انتظامات مکمل کر لئے گئے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی) کھاریاں کی وارڈ نمبر3 میں انشاء اللہ مسلم لیگ(ن) بھاری اکثریت سے کامیاب ہوگی عوام اپنی فلاح و بہبود اور تعمیر و ترقی کے لئے صحیح فیصلہ کریں گے اور مسلم لیگ(ن) کے امیدوار کو ہی ووٹ دیں گے ان خیالات کا اظہار راہنما مسلم لیگ(ن) حاجی محمد اسلم خاں کونسلر نے کیا۔ انہوں نے کہا کہ کھاریاں شہر کی تعمیر و ترقی موجودہ دور میں ایم این اے چوہدری عابد رضا کوٹلہ اور M.P.A چوہدری شبیر احمد کوٹلہ تاریخی خدمات سرانجام دے رہے ہیں کھاریاں شہر کے لئے جلد لیڈایز اینڈ چلڈرن پارک کا افتتاح ہوگا جو کہ کوٹلہ برادران کی طرف سے بڑا تحفہ ہے۔ نوجوانوں کو سپورٹس اسٹیڈیم بھی دیں گے عوام باشعور ہیں اور وہ بخوبی جانتے ہیں کہ مسلم لیگ(ن) ہی ان کی تعمیر و ترقی کی ضامن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی) ممتاز سیاسی سماجی شخصیت چوہدری فرخ مجید نے گذشتہ شب چھپر ہائوس میں عوامی اکٹھ سے خطاب کرتے ہوئے کہا کہ جس طرح بلدیاتی الیکشن میں شہریوں نے عزت دی۔ امید ہے کہ اسی طرح اب وارڈ نمبر3 کے ضمنی الیکشن میں بھی عزت دیں گے۔ PTI لوگ ہی آپ کی حقیقی معنوں میں خدمت کر سکتے ہیں سلطان احمد چھپر کو پہلے سے زیادہ لیڈ سے کامیاب بنائیں انشاء اللہ یہ ٹیم خدمت میں کوئی کسر باقی نہ چھوڑے گی۔ راہنما پی ٹی آئی چوہدری ناصر احمد چھپر نے کہا کہ سابقہ غلطیوں پر معافی مانگتا ہوں وارڈ نمبر3 کی مائوں، بہنوں، بیٹیوں نوجوانوں اور بزرگوں نے پہلے بھی عزت دی اب بھی عزت دیں گے۔ سابقہ کوتاہیوں کو نظر انداز کر کے ہمارے بزرگ چوہدری سلطان احمد چھپر کو کامیاب بنائیں پہلے بھی ہم تابعدار تھے آئندہ بھی تابعداری ہی کریں گے اپنے خطاب میں کونسلر چوہدری ثاقب بشیر نے کہا کہ قانون کی غلط تشریح آڑے آئی اب نیا دور ہے آپ محبتیں دیں ہم خدمت کریں گے کونسلر چوہدری اسفند اصغر نے کہا کہ بے لوث خدمت خون میں شامل ہے وارڈ نمبر3کے عوام پھر محبتوں کا مقروض بنائیں گے اور ہم خدمت کر کے قرضہ اتاریں گے۔ میاں جمیل اصغر نے کہا کہ پہلے کی طرح یوتھ اب بھی کلیدی کردار ادا کرے گی۔ ملک نعیم نے کہا کہ مسلم لیگ(ن) والے جھوٹے ہیں ان و عبرتناک شکست دیں اور چوہدری سلطان احمد چھپر کو اب تاریخی لیڈ سے کامیاب بنائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی)کھاریاں شہر کی وارڈ نمبر3 میں PTI نے بھی اپنا کھلاڑی میدان میں اتار دیا گذشتہ شب چھپر میں وارڈکے معززین کے بڑے اکٹھ میں راہنما چوہدری ناصر احمد چھپر نے اعلان کر دیا۔ چوہدری سلطان احمد چھپر کو نامزد کر دیا گیا۔ اس موقع پر PTIکھاریاں کے تمام منتخب کونسلرز اور راہنمائوں نے بھی شرکت کی اس موقع پر چوہدری ناصر احمد چھپر، چوہدری فرخ مجید، چوہدری ثاقب بشیر ایڈووکیٹ کونسلر، چوہدری اسفند اصغر کونسلر، حاجی گل بخشالوی، میاں جمیل اصغر راہنماPTI یوتھ ونگ اور ملک نعیم صدر انجمن تاجران جی ٹی روڈ کھاریاں نے بھی خطاب کیا اور ناصر احمد چھپر کے فیصلے کی بھرپور طریقہ سے تائید کی اور چوہدری سلطان احمد چھپر کی کامیابی کو یقینی بنانے کا عزم کیا اس موقع پر نمایاں شرکت کرنے والوں میں محمد منیر سیٹھی، بائو عاشق کباڑیہ، چوہدری اصغر ٹوپہ، چوہدری وقاص مجید کونسلر، چوہدری فرحان احمد، چوہدری فضل کریم چھپر، ملک ناصر بشیر، حمزہ شفیق، ملک ثاقب محمود اعوان، اظہر حسین، لال خاں گوندل کونسلر، مرزا فاروق، چوہدری نصیر احمد گوندل، ذاکر حسین، وقار چوہدری، وقاص احمد مصطفائی، چوہدری علی حسن، ذکی احمد اور وارڈ نمبر3کے سینکڑوںووٹر بھی شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی) حضرت پیر سید بابا ولی شاہ لمے شریف کے سالانہ عرس کی دو روزہ تقریبات آج مورخہ 10مارچ سے شروع ہوں گی۔ جمعرات صبح تقریبات شروع ہوں گی شام کے وقت محفل شبینہ ہوگی جمعہ مورخہ11 مارچ کی صبح سجادہ نشین پیر سید صابر حسین شاہ مزار کو غسل دیں گے دن بھر مریدین مزار پر حاضری دیں گے چادریں اور ڈالیاں چڑھائیں گے ڈھول کی تھاپ پر دھمالیں بھی ڈالیں گے جمعتہ المبارک بعد از نمازِ جمعہ ختم شریف ہوگا اور لنگر تقسیم کیا جائے گا رات کے وقت محفل سماع ہوگی اور دو روزہ تقریبات اختتام پذیر ہو جائیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں( جی پی آئی) کھاریاں کے عوامی تجارتی حلقوں نے DCO گجرات لیاقت علی چٹھہ سے مطالبہ کیا ہے کہ گجرات کی طرح کھاریاں میں بھی گدا گروں کے خلاف کارروائی کریں کھاریاں میں سینکڑوں کی تعداد میں بچے، بوڑھے، نوجوان، خواتین اور خوبرو دوشیزائیں گداگری کی آڑ میں فحاشی پھیلا رہی ہیں ان کے خلاف کارروائی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد( جی پی آئی)دہشت گردی کے خلاف عسکری اور سیاسی قیادت ایک پیج پر ہے، نوازشریف پاکستان کو امن کا گہوارہ بنانا چاہتے ہیں۔کنٹینر پر چڑھ کر قوم کے126 دن ضائع کردیے گئے مگر نوازشریف نے ہمت نہیں ہاری ملک ترقی کا سفر جاری رکھا،وعدہ ہے الیکشن کے بعدکارڈیالوجی ہسپتال کے ہر شعبہ کو مکمل کرکے آونگا،22 مارچ کو شیر پر مہر لگا کر میاں نوازشریف کے ہاتھ مضبوط کریں۔ان خیالات کا اظہار سینئر رہنماء مسلم لیگ (ن)حمزہ شہباز شریف نے ہیڈخانکی میں پی ٹی آئی چھوڑ کر مسلم لیگ(ن)میں شمولیت اختیار کرنے والے عدنان سرور چیمہ اور جوہر سرور چیمہ کی رہائش گاہ پر بڑے اجتماع اور صحافیوں سے گفتگو کرتے ہوئے کیا۔عدنان سرور چیمہ نے اپنے ساتھیوں سمیت مسلم لیگ(ن)میں شمولیت کا اعلان کیا۔حمزہ شہباز نے کہا کہ اقتصادی راہداری منصوبہ سے پاکستان کا چائینہ سمیت وسط ایشیاء ریاستوں،مڈل ایسٹ اوریورپ کے ساتھ تجارت کے نئے راستے استوار ہونگے گلگت بلتستان سے لیکر پنجاب بلوچستان آپ کو نیا پاکستان نظر آئے گا ۔چائینہ کے اشتراک سے لاہور کراچی موٹروئے بن رہی ہے بجلی پیدا کرنے کے کارخانے لگ رہے ہیں ڈھائی سال گزر گئے باقی 2018تک ملک سے اندھیروں کا خاتمہ ہو جائے گا۔65 سال سے الیکشن ہارتے اور جیتتے آئیں ہیں اب میں نوازشریف کے سنگ پاکستان کے جیتنے کی باری ہے، فیتہ کاٹنے پر یقین نہیں رکھتا عملی کام پر مطمع نظر ہے ،انہوں نے کہا وزیرآباد ضمنی الیکشن سے پاکستان کی تقدیر بدلنے جا رہی ہے ساہیوال میں دور سے ہی بجلی پیدا کرنے والے کارخانہ کی چمنیاں دیکھ کر قوم کو یقین ہو چلا ہے کہ لوڈشیڈنگ کا جن بوتل میں بند ہوجائے گا۔ اس موقع پر امیدوار جسٹس(ر)افتخار احمد چیمہ نے کہا کہ 42 سال تک تحصیل وزیرآباد کے سیاہ سفید کے مالک رہنے والوں نے عوام کیلئے کچھ نہیں کیا اب اپنا نابالغ بیٹا متعارف کروادیا ہے۔تقریب سے عدنان سرور چیمہ، حافظ مشتاق کوکب،عبداللہ وڑائچ نے بھی خطاب کیا جبکہ اس موقع پر مشیر وزیراعلیٰ پنجاب منشاء اللہ بٹ،شوکت منظور چیمہ،اکمل سیف چٹھہ،توفیق بٹ،ضلعی صدر مستنصر علی گوندل،اعجاز پرویا،شاہنواز چیمہ سمیت ضلع کی اعلیٰ قیادت موجود تھی۔بعدازاں حمزہ شہباز شریف عادل بخش چٹھہ کی رہائش گاہ منچر چٹھہ اور سابق ٹائون ناظم نوازش علی چیمہ کے گائوں وڈاہ پنڈ بھی گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد( جی پی آئی)پاکستان مسلم لیگ (ن) کے مرکزی رہنما و ممبر قومی اسمبلی حمزہ شہباز نے کہا ہے کہ ترقی وخوشحالی کے مخالف ، ٹانگیںکھینچنے کی سیاست کرنے والے اورمیٹروبس واورنج لائن ٹرین جیسے جدید منصوبوںکے مٹھی بھر مخالفین کی منفی سیاست کو پاکستان کے باشعور عوام ہمیشہ کے لئے دفن کردیں گےـقوم نے 126دن دھرنے والوںکا انجام دیکھ لیا انہیںآئندہ بھی پذیرائی نہیںملے گی ـدھاندلی کے بے بنیادالزامات کو جوڈیشل کمیشن نے چھان بین کرکے پاکستان کے عوام کے مینڈیٹ کو سچ ثابت کردیاـحمزہ شہباز نے کہاکہ دہشت گردوںکی کمر توڑنے ، کراچی اورملک بھر کا امن بحال کرنے اور پاکستان کوصحیح معنوںمیںترقی و خوشحالی کی راہ پر گامزن کرنے کیلئے وزیراعظم محمدنوازشریف کی قیادت میںکشتیاںجلا کر کودچکے ہیںـافواج پاکستان کے پیچھے سیاسی قیادت سیسہ پلائی ہوئی دیوار کی طرح کھڑی ہے اور انشاء اللہ نیک نیتی کے باعث کامیابی قدم چوم رہی ہےـحمزہ شہباز نے آج یہاں علی پورچٹھہ این اے 101میںمسلم لیگ (ن) کے ورکرز کنونشن سے خطاب کرتے ہوئے کہا کہ قوموں کو جنگیںنہیںناامیدی ہراتی ہے ، 2013کے الیکشن کے بعدموجودہ قومی قیادت نے ناامیدی کے کینسر کو اپنے ترقی کے ویژن کے ساتھ بدل کر رکھ دیا ہے جس کے باعث چین جیسا ترقی یافتہ ہمسایہ ملک پاکستانی قیادت پر اعتماد کرتے ہوئے 46ارب ڈالر کی سرمایہ کرنے جارہا ہے ـانہوںنے کہا کہ اقتصادی راہ داری پر سب کو ساتھ لے کر چلنا اور باہمی مشاورت وزیراعظم محمدنوازشریف کی بہت بڑی کامیابی ہے اسی طرح تیل کی قیمتوں میںکمی کا پاکستانی عوام کو بلاواسطہ طور پر فائدہ پہنچایا جارہا ہے اور لاہوراوراسلام آباد میںمیٹروبس کے بعدملتان میںجلدیہ منصوبہ کام شروع کردے گا اورلاہورسے کراچی موٹروے بھی قومی ترقی میںسنگ میل ثابت ہوگاـانہوںنے کہا کہ منفی اوردھرنے کی سیاست کرنے کا وقت گزر چکا ہے ،آج وقت سیاسی ہار اور جیت کا نہیںملکی سا لمیت کا ہے اورحالیہ بلدیاتی الیکشن میں عوام نے پاکستان مسلم لیگ (ن) کو کامیابی دلا کر اپنے جس بھرپور اعتماد کا اظہار کیا ہے اس پر اب عملی کارکردگی کا مظاہرہ کیا جائے گااور میگامنصوبوںکے ساتھ ساتھ لوگوںکے مقامی مسائل کے حل کے لئے بلدیاتی نظام کو مضبوط بنائیںگےـحمزہ شہبازنے کہا کہ 22مارچ کو این اے 101کے ضمنی الیکشن میںپاکستان مسلم لیگ (ن) کے امیداور جسٹس (ر) افتخار احمدچیمہ کو عوام دوبارہ بھاری مینڈیٹ دیں گے ـاس موقع پر این اے 101سے مسلم لیگ (ن) کے امیدوار افتخار احمدچیمہ ، ممبران صوبائی اسمبلی چوہدری اکمل سیف چٹھہ اورشوکت منظور چیمہ ، سابق ایم پی اے کنونشن کے میزبان چوہدری نوازش علی چیمہ نے خطاب کرتے ہوئے کہا کہ این اے 101کا علاقہ ہمیشہ وزیراعظم محمدنوازشریف اوروزیراعلی محمدشہباز شریف کے متوالوںکا گڑھ رہا ہے اور انشاء اللہ22تاریخ کاسورج شیرکی کامیابی لے کر طلوع ہوگاـ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد( جی پی آئی)ایس ڈی او گیپکو سب ڈویثرن نمبر1 وزیرآباد وحید اللہ خان کی پریس ریلیز کا مطابق نئی لائنوں کی تنصیب کیلئے مورخہ12 مارچ اور19 مارچ کو مردیکی فیڈر صبح8 بجے سے لیکر3 بجے تک بجلی کی سپلائی بند رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیرآباد( جی پی آئی)صدر وزیرآبادچیمبرآف ایجوکیشن حاجی محمداشفاق وڑائچ نے کہا ہے کہ وزیرآبادچیمبرآف ایجوکیشن اپنے قیام سے ہی نجی اداروںکی بہتری کے لئے خدمات سرانجام دے رہاہے نجی اداروںکااتحادوقت کی اہم ضرورت ہے۔وہ شنواری ہوٹل میںایگزیکٹوکونسل کی سالانہ میٹنگ سے خطاب کررہے تھے۔جسمیںسابقہ کارکردگی کاجائزہ لینے کے علاوہ نئے سیشن کے لئے عہدیداران کاچنائو بھی عمل میںآیا۔اس موقع پرمحمدفیاض،محمداکرم پہلوان،زاہد محمود،جمشید چٹھہ،محمدعمران بھٹی،عرفان یوسف،قیصرانوربٹ،سجاد مدنی،صابر حسین بٹ،محمداکبربشیر ہنجرائ،محمدشہزاد،رانادلشاداحمد،روحیل باٹھ سمیت متعددذمہ داران موجودتھے۔انہوںنے کہا کہ فروغ تعلیم میںنجی اداروںکااہم کردارہے تعلیم کے شعبہ کونظرانداز کیا جارہا ہے۔سرکاری تعلیمی اداروںکے طلاب ء کوریلیف دیکرپرائیویٹ سیکٹرپوبوجھ بڑھا یا جارہا ہے۔انہوںنے کہا کہ پرائیویٹ سیکٹر60فیصدتعلیم کابوجھ اٹھارہا ہے۔لاکھوںلوگوںکوروزگارمہیاکررہا ہے۔مگرمختلف ٹیکسوںکے جال میںجکڑکرمسائل پیداکئے جاہے ہیں۔اس موقع پر فیصلہ ہواکہ نجی تعلیمی اداروںکے درمیان ٹیچرٹریننگ،سپورٹس،مقابلہ حسن قرات،مقابلہ نعت خوانی اوردیگرتقریبات منعقد کی جائیںگی۔اس موقع پرماہر تعلیم محسن وزیرآبادوزیرآبادپروفیسرغلام میراںبخش کی وفات پرگہرے صدمہ کااظہارکرتے ہوئے مرحوم کے لئے دعائے مغفرت کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور( جی پی آئی)کنوینئیر ورلڈ مینارٹیز الائنس جے سالک نے کہا ہے کہ سپریم کورٹ آف پاکستان نے5 اگست 2015 کو اقلیتوں کے انتخاب کے حوالے سے ایک اہم فیصلہ دیا تھا لیکن تاحال پارلیمنٹ میں اس پر کوئی غور و فکر نہیںکیا گیا۔ انہوں نے کہا کہ بلدیاتی انتخابات میں ووٹ لینے کے لئے مسلم لیگ ن کی اسلام آباد کی قیادت نے امیدوار چئیرمین کے ہمراہ وعدہ کیا تھا کہ اقلیتوں کے حقوق کے حوالے سے انکے پانچ اہم مطالبات پر غور کیا جائے گا لیکن اب مئیرز بھی بن چکے ہیں، ملک میں اقلیتوں کے حقوق بحال کئے جائیں کیوں کہ کرسیاں کوئی چیز نہیں ہوتیں صاحب کردار ہونا بڑی بات ہے، میں نے دوران وزارت بھی اپنی کرسی کی پرواہ کئے بغیر ہمیشہ غریبوں کے حقوق کی بات کی، یو ٹیوب کا لنک کلک کرکے دیکھا جا سکتا ہے کہ وزارت ختم ہونے کے بعد میں جس قدر پرجوش تھا اسی قدر جوش میں نے دوران وزارت (1996)بھی دکھایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیالکوٹ( جی پی آئی) ڈی پی او سیالکوٹ رائے اعجاز احمد نے کہا ہے کہ بچوں کی تخلیقی صلاحیتوں کو اجاگر کرنے سے ان شخصیت میں خودی اعتمادی پیداہوتی ہے جوان کو مستقبل کے چیلنجیز سے نمٹنے اور پیچیدہ مسائل کو حل کرنے کے قابل بناتی ہے ۔ یہ بات انہوں نے پنجاب گروپ آف کالجز سیالکوٹ کے سالانہ کلچر فیسٹیول کی تقریب میں بطور مہمان خصوصی خطاب کر تے ہوئے کہی ۔انہوں نے پنجاب گروپ آف کالجز کے محنتی سٹاف اورڈائریکٹر پنجاب گروپ آف کالجز سیالکوٹ اکمل اے رحمن کی خدمات کوسراہا۔ ڈائریکٹر پنجاب گروپ آف کالجز سیالکوٹ اکمل اے رحمن نے تقریب سے خطاب کرتے ہوئے کہاکہ بچوں کو نصابی تعلیم کے علاوہ فنون لطیفہ اور سائنس کے عملی تجربات سے سیکھنے کی جستجو پیدا ہوتی ہے ۔ انہوں نے کہاکہ تخلیقی صلاحیتوں کے حامل افراد معاشرے کی سماجی ، ثقافتی، سیاسی اور معاشی ترقی کے ضامن ہوتے ہیں اسلئے ایسے افراد کو معاشرے میں خاص مقام حاصل ہوتا ہے ۔انہوں نے کہا کہ اللہ کے فضل سے پنجاب گروپ آف کالجزسے فارغ التحصیل طلبہ و طالبات کی کثیر تعداد ملک و قوم کی خدمت کر رہی ہے ۔انہوں نے کہا کہ ہمارا ماٹو تعلیم تعلیم کے ساتھ طلبہ و طالبات کو معاشرے کا مفید شہری بنانا ہے۔ بعدازاں مہمان خصوصی ڈی پی او سیالکوٹ رائے اعجاز احمد ،ڈی ایس پی سٹی مقصود احمد لون کو تحائف دیئے گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور( جی پی آئی) پاکستان مسلم لیگ ق کے رہنما و مسلم لیگ یوتھ ونگ کے مرکزی صدر سید بلال مصطفی شیرازی نے کہا ہے کہ نیب قومی ادارہ ہے جو لوٹی ہوئی دولت کی برآمدگی اور کرپشن کی روک تھا م کیلئے سرگرم عمل میں ۔انہوںنے کہا کہ اہم عہدوں پر فائز حکومتی شخصیات کونیب سمیت قومی اداروں کے خلاف بیان باز ی زیب نہیں دیتی ۔حال ہی میں نیب کے لاہور میں منعقدہ سیمینار میں حکومتی شخصیات اس ادارے کی تعریفیں کرتے نہیں تھکتے تھے اور پورے لاہور میں نیب کے بینرز آویزاں تھے ۔انہوںنے کہا کہ حکومتی شخصیات کو نیب کے خلاف بیانات دینے کی بجائے قومی احتساب بیور و میں بہتر ی کیلئے اقدامات کرنے چاہیئں تاکہ قومی ادارے مضبوط اور فعال ہوں۔سید بلال شیرازی نے کہا کہ نیب کو کام سے روکنے کیلئے اس کے اوپر ایک اور ادارہ بنانے کے اقدامات غیر آئینی اور اختیارات سے تجاوز ہوگا انہوںنے کہا کہ نیب کی جانب سے چند وفاقی وزراء کے خلاف کارروائی کی اجازت طلب کرنااور نیب کی جانب سے بڑے پراجیکٹس جن میں میٹروبس سروس بھی شامل ہے کا ریکارڈ چیک کرنے پر حکومتی شخصیات پریشانی میں مبتلا ہیں اور وہ اس ادارے کو اپنے کام سے روکنے کیلئے ہر ہتھکنڈے استعمال کررہی ہیں۔ انہوں نے کہا کہ بطور ادارہ نیب کی خودمختاری برقرار رہنی چاہئے۔نیب ایک اچھا ادارہ ہے اسے مضبوط کرنا چاہئے لیکن حکومت کی جانب سے اس ادارے کے اوپر ادارہ بنانے کا کوئی جواز نہیںہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور ( جی پی آئی) شیعہ علما کونسل پنجاب اور اسلامی تحریک کے صوبائی صدر علامہ سبطین حیدر سبزواری نے شہید ڈاکٹر محمد علی نقوی کی یاد میں منعقدہ نشست سے خطاب میں کہا ہے کہ تحریک جعفریہ کے شہید رہنما بنیادی افراد میں سے تھے، جنہوںنے پاکستان میں نظام ولایت فقیہہ اور قیادت کا بھر پور ساتھ دیا۔ انہوںنے کہا کہ ڈاکٹر محمد علی نقوی امامیہ اسٹوڈنٹس آرگنائزیشن، امامیہ آرگنائزیشن اور تحریک جعفریہ کے بنیاد ی ارکان میں سے تھے، جنہوں نے تشیع کے حقوق کے لئے اپنی خدمات پیش کیں۔ انہوں نے کہا کہ ڈاکٹر محمدعلی نقوی عالم دین نہیں تھے مگر ان کی خدمات اور تحرک کے باعث علما ان کے قدر دان تھے۔شہید دینی گھرانے سے تعلق رکھتے تھے۔ ان کے والد مولانا امیر حسین شاہ اپنے وقت کے معروف عالم دین تھے۔امام خمینی کی قیادت میں جب انقلاب اسلامی ایران رونماہوا تو پاکستان میں ولی فقیہہ کا ساتھ دینے والے اور ان کی حمایت کرنے والے ابتدائی افراد میں سے تھے۔ ان کا کہنا تھاکہ شہیدڈاکٹر محمدعلی نقوی نہ صرف شیعہ تنظیموں بلکہ دوسرے مسالک کے رہنماوں سے بھی رابطے میں رہتے تھے۔ اور ان کے پروگراموں میں بھی شریک ہوتے تھے، وہ رائیونڈ میں تبلیغی اجتماع میں بھی جاتے تھے۔21۔ سال بعد بھی دینی اور تنظیمی حلقے ان کا احترام کرتے ہیں، دنیا میں ان کا نام زندہ ہے اور آئندہ بھی زندہ ہی رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل آباد( جی پی آئی)تحفظ خواتین بل میں غیر اسلامی اور غیر شرعی شقوںکو پنجاب اسمبلی اور اسلامی نظریاتی کونسل میں لانے کا فیصلہ ۔ انٹرنیشنل ختم نبوت موومنٹ پاکستان کے امیر مولانا محمد الیاس چنیوٹی ایم ۔پی ۔اے ،انٹرنیشنل ختم نبوت موومنٹ پاکستان کے سیکرٹری جنرل ، ممبر اسلامی نظریاتی کونسل صاحبزادہ زاہد محمود قاسمی کے درمیان بیت قاسمی فیصل آباد ملاقات جس میں ملک کی سیاسی و مذہبی صورتحال پر تبادلہ خیال کیا گیا اور دونوں رہنمائوں نے اتفاق کیا ہے کہ تحفظ ناموس رسالتۖ اور تحفظ ختم نبوت ۖکے سلسلہ میں پاکستان کا جو قانون ہے اس میں کسی قسم کی ترمیم ہرگز نہیں ہونے دیں گے ماہرین شریعت اور قانون سے مشاورت کے بعد کونسل میں اس کو زیر بحث لائیں گے اس کی بعض شقوں پر جو دینی قوتوں کو جو تحفظات ہیں اس پر ڈرافٹ تیار کرکے پنجاب اسمبلی اور اسلامی نظریاتی کونسل میں زیر بحث لا کربعض شقوں پر ترامیم لانے میں اپنا کردار ادا کریں گے ان دونوں رہنمائوں نے اعلان کیا ہے کہ اپریل میں انٹرنیشنل ختم نبوت موومنٹ پاکستان کے زیر اہتماختم نبوت کا نفرنس ایوان اقبال لاہور میں منقعد ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نارووال( جی پی آئی)والدین کی خدمت انسان کو ولی بنا دیتی ہے ۔ماں کے قدموں تلے جنت جبکہ باپ جنت کا دروازہ ہے ۔رسول کریم ۖ نے ماں کی خدمت کرنے والے سیدنا خواجہ اویس قرنی رضی اللہ عنہ کو امت کی مغفرت کی دعا کا حکم فرمایا ۔ہمیں والدین کی خدمت اور احترام سے معاشرہ میں بہتری لانی ہے ۔ ماں کے انتقال پر اولاد کو یتیم نہیں کہا جا تا بلکہ والد فوت ہو جائے تو اولاد کو یتیم کہا جاتا ہے ۔تمام انسانوں کی یتیمی عیب ہے جبکہ رسول رحمت ۖ کی یتیمی آپ کی کمال صفت ہے ۔ نبی کریم ۖ نے فرمایا جو یتیم کے سر پر ہاتھ رکھے اللہ تعالیٰ اُس کے درجات بلند کر کے مغفرت فرما دیتا ہے ۔ نبی کریم ۖ والد کی جدائی میں آہ و زاری فرماتے ۔ ہمیں اپنے والدین کو نعمت خدا وندی تصور کر کے خدمت کے جذبے سے ہر آن سرشار رہنا چاہیے ۔ والد کی رضا اللہ تعالیٰ کی خوشنودی کا باعث ہے۔ ان خیالات کا اظہار قائد تحریک اویسیہ پاکستان علامہ پیر محمد تبسم بشیر اویسی نے چوہدری محمد شاہد پولیس مین کے والد چوہدری محمد عارف کے ایصال ثواب کیلئے منعقدہ محفل پاک سے خطاب کرتے ہوئے کیا ۔ انہوں نے کہا کہ آج والدین کی نا فرمانی سے معاشرے میں بگاڑ آ رہا ہے ۔گستاخ اولاد دنیا و آخرت میں نا کامی کا منہ دیکھتی ہے ۔وقت کا تقاضا ہے کہ ہم اسلامی تعلیمات پر عمل پیرا ہو جائیں ۔ نیک اولاد والدین کیلئے صدقۂ جاریہ ہے ۔نفاذِ نظام مصطفےٰ ۖ ہو جائے تو گستاخیٔ والدین اور گناہ کے ارتکاب میں بھی کمی ہو جائے گی۔ اس موقعہ پر چوہدری محمد یعقوب اویسی ایڈووکیٹ ضلعی صدر تحریک اویسیہ پاکستان نارووال ، قاری محمد ارشد اویسی ضلعی ناظم تحریک اویسیہ پاکستان نارووال اور دیگر نے بھی خطاب و ہدیہ نعت پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور ( جی پی آئی) جمعیت علما پاکستان کے مرکزی صدر پیر اعجا زاحمد ہاشمی نے پنجاب اسمبلی اور خیبر پختونخواہ کی صوبائی اسمبلیوںکے تحفظ نسواں بل پر اسلامی نظریاتی کونسل کے فیصلوں کو سراہتے ہوئے مطالبہ کیا ہے کہ پارلیمنٹ کسی بھی قانون سازی سے پہلے تمام مکاتب فکر کے علما پر مشتمل اس آئینی ادارے سے سفارشات کو ضروری قراردیا جائے، تاکہ کوئی قانون سازی شریعت سے متصادم ہو اور نہ تنازعات کو جنم دے سکے۔سیکرٹری جنرل شاہ اویس نورانی سے گفتگو میں پیر اعجاز ہاشمی نے کہا کہ اسلامی نظریاتی کونسل کو بے اختیار کرنے اور اس میںنامزدگیاںسیاسی رشوت کے طور پر استعمال کرنے کی روش سے آئینی ادارہ بھی بے اثر ہوکر رہ گیا ہے۔قانون ساز اسمبلی کی منظور کردہ قراردادمقاصد آئین کا حصہ ہے،جس میں حاکمیت اعلیٰ اللہ تعالیٰ کی تسلیم کی گئی ہے اور واضح کیاگیا ہے کہ کوئی بھی قانون سازی قرآن و سنت سے متصادم نہیں کی جائے گی۔جس کے لئے شرعی امور کے ماہرین پر مشتمل اسلامی نظریاتی کونسل تشکیل دی گئی تھی ۔ اس کے ارکان کو رکن قومی اسمبلی اور چیرمین کو چیرمین سینیٹ کے برابر مراعات دی جاتی ہیں تو اگر ان کی سفارشات نہیں ماننی تو قوم کا پیسہ ان پر ضائع کیوں کیا جارہا ہے۔مذہبی جماعتوں کو کونسل کے اختیارات میں اضافے اور سفارشات کی لازمی پابندی کے لئے جدوجہد کرنی چاہیے، ورنہ یہ آئینی ادارہ بے مقصد ہو کر رہ جائے گا۔اس طرف پارلیمنٹ اور خود مذہبی جماعتوں کو بھی توجہ دینا ہوگی۔ان کا کہنا تھاکہ اسلامی نظریاتی کونسل میں باکردار ار شرعی امور کے ماہر علما کو نامزدکیا جائے۔ ایسے لوگوں کو نہ لیا جائے جو سیاسی رشوت کے طور پر آئے ہوں یا ان کا کردار مشکوک ہو۔ اس طرف بھی توجہ دینے کی ضرورت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور( جی پی آئی)امن ،محبت اور رواداری کی بات کرنے پرقاتلانہ حملے ہورہے ہیں۔وزیر داخلہ بتائیں دارالخلافہ میں مولانا عبد الحمید صابری پر قاتلانہ حملہ کس کی ناکامی ہے۔انتہاپسندی ،دہشت گردی اور فرقہ وارانہ تشدد کے خاتمے کیلئے جدوجہد جاری رکھیں ۔ 48گھنٹوں میں مولانا عبد الحمید صابری پر قاتلانہ حملہ کرنے والوں کو گرفتار نہ کیا گیا تو 11مارچ بروز جمعة المبارک کو ملک بھر میں ”یوم مذمت ” منائیں گے۔اسلام نے عورتوں کو جو حقوق دئیے ہیں وہ کسی اور نے نہیں دئیے ۔حکومت پنجاب تحفظ حقوق نسواں بل کی بعض شقوں پر تحفظات دور کرے۔یہ بات پاکستان علماء کونسل اسلام آباد کے زیر اہتمام ہونے والے علماء کنونشن سے خطاب کرتے ہوئے مختلف مکاتب فکر کے علماء نے کہی۔کنونشن کی صدارت پاکستان علماء کونسل کے مرکزی چیئرمین حافظ محمد طاہر محمود اشرفی نے کی۔ اس موقع پر مولانا فیروزالدین ہزاروی، مولانا ایوب صفدر ،مولانا عبد الحمید صابری،مولانا طاہر عقیل،مولانا نعمان حاشر،قاری حفیظ الرحمن،حافظ محمد ثاقب،مولانا محمد شہباز ودیگر نے بھی خطاب کیا۔کنونشن میں ایک قرار داد کے ذریعے مولانا عبد الحمید صابری پر گزشتہ روز ہونے والے قاتلانہ حملے کی شدید مذمت کرتے ہوئے کہا گیا کہ مولانا عبد الحمید صابری کی سیکورٹی کا فوری طور پر انتظام کیا جائے۔کنونشن سے خطاب کرتے ہوئے حافظ محمد طاہر محمود اشرفی نے کہا کہ پاکستان علماء کونسل انتہاپسندی ،دہشتگردی اور فرقہ وارانہ تشدد کے خاتمے کیلئے جدوجہد کررہی ہے۔ امن ،محبت اور ررواداری کی بات کرنے والوں پر گولیاں برسائی جارہی ہیں لیکن حکومتی ذمہ داروں کو کوئی پرواہ نہیں ہے۔ انہوں نے کہا ایک پلاننگ کے تحت پاکستان کو شام اور عراق بنانے کی کوششیں کی جارہی ہیں لیکن حکومت کی خاموشی سمجھ سے بالاتر ہے۔نہ وزارت داخلہ شام میں قتل عام کیلئے جانے والوں کو روک پارہی ہے اور نہ ہی حکومت یہاں گولیاں برسانے والوں کو روک پارہی ہے۔پاکستان علماء کونسل نے ہمیشہ بین المذاہب بین المسالک رواداری کی بات کی ہے اور انتہاپسندی ،دہشتگردی اور فرقہ واریت کیخلاف صف اول میں کھڑے ہوکر اپنا کردار اداکیا ہے اور ہم ملک میں امن ،سلامتی اور استحکام کیلئے اپنا کردار اداکرتے رہیں گے۔انہوں نے کہا کہ پاکستان علماء کونسل کے کارکن کسی دہشتگرد قوت سے خوفزدہ نہیں ہیں ۔پاکستان ہمارے بزرگوں نے بنایا تھا اور پاکستان کا تحفظ اور دفاع بھی ہم کریں گے۔تحفظ حقوق نسواں بل کا ذکر کرتے ہوئے انہوں نے کہا کہ اسلام عورتوں پر تشدد کرنے والوں کو سزا دینے کا حکم دیتا ہے لیکن ہم چاہتے ہیں عورتوں پر تشدد کے خاتمے کے ساتھ ساتھ مردوں پر بھی تشدد ختم ہو۔عورتوں پر تشدد اور جہیز کی رسم کے خاتمے کیلئے حکومت سے ہر سطح پر تعاون کرنے کیلئے تیار ہیں۔انہوں نے کہا کہ عورتوں کو تعلیم سے روکنے والے اسلام اور پاکستان کے دوست نہیں ہوسکتے۔پاکستان علماء کونسل کے وائس چیئرمین مولانا ایوب صفدر نے کہا کہ وزیر داخلہ بتائیں کہ دارالخلافہ میں ہونے والے حملے کے مجرم کب پکڑے جائیں گے۔انہوں نے کہا محراب ومنبر نے انتہاپسندی اور دہشتگردی کیخلاف اپنا بھر پورکردار اداکیا ہے اور آئندہ بھی اداکرے گا۔انہوں نے کہا کہ 13مارچ کو لاہور میں علماء کنونشن میں ملک کی موجودہ صورتحال ،مولانا عبد الحمید صابری پر حملہ کی صورتحال پر غور وفکر کے بعد آئندہ کے لائحہ عمل کا اعلان کیا جائے گا ۔پاکستان علماء کونسل اسلام کے صدر مولانا عبد الحمید صابری نے کہا کہ اسلام اور پاکستان کے استحکام کیلئے اپنی جدوجہد جاری رکھیں گے۔پاکستان علماء کونسل نے بین المسالک بین المذاہب ہم آہنگی کیلئے ماضی میں بھی اپنا کردار اداکیا ہے آئنہ بھی اداکرے گی۔ہماری جدوجہد روز روشن کی طرح واضح ہے اور ہمیں ہماری جدوجہد سے کوئی نہیں روک سکتا۔مولانا فیروزالدین ہزاروی نے کہا کہ پاکستاعلماء کونسل نے محراب ومنبر کے وارثوں کو پورے ملک کے اندر متحدکرنے کا جو عزم کیا ہے ملک بھر علماء ،آئمہ ،مدرسین اور خطباء اس کے ساتھ ہیں ۔مولانا عبد الحمید صابری کے مجروموں کی گرفتاری حکومت کیلئے ایک امتحان ہے ۔ہم دعا کرتے ہیں کہ وزیر داخلہ کسی دن علماء کو قتل کرنے والوں اور مولانا عبد الحمید صابری پر حملہ کرنے والے مجرموں کی گرفتاری پر بھی پریس کانفرنس کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور ( جی پی آئی)وفاق المدارس الشیعہ پاکستان نے حقوق نسواںبل کی غیر اسلامی شقوں کو مسترد کرتے ہوئے مطالبہ کیا ہے کہ نظر ثانی اور رہنمائی کے لئے تمام مسالک کے جیدعلما پر مشتمل اسلا می نظریاتی کونسل کو بھجوایا جائے ۔یہ مطالبہ مرکزی صدر آیت اللہ حافظ سید ریاض حسین نجفی کی زیر صدارت اجلاس میں بل کے مندرجات پر غور کے بعد کیا گیا ،جس میں علامہ نیازحسین نقوی، علامہ محمد افضل حیدری، علامہ شاہد حسین نقوی اور دیگر علما نے شرکت کی۔ اجلاس میں قراردیا گیا کہ بعض حکومتی اقدامات ملک کو سیکولرازم کی طرف دھکیل رہے ہیں۔ جس کے باعث عوام میں تشویش بڑھ رہی ہے۔اجلاس میں کہا گیا کہ غیر آئینی طور پرمنظور کردہ تحفظ نسواں بل پر حکومت غیر ضروری اصرار کی بجائے اسے اسلامی نظریاتی کونسل کو بھیجے جو انہی امور کے جائزے کا معتبر آئینی ادارہ ہے اور ضرورت پڑے تو وفاقی شرعی عدالت سے بھی رجوع کیا جائے ۔یہ بھی واضح کیا گیا کہ پاکستان اسلام کے نام پر قائم ہوا تھا اگر اندرونی اور بیرونی عوامل اور محرکات کی وجہ سے بدقسمتی سے مکمل اسلام نافذ نہیں ہو سکتا تو رہی سہی اسلامی اقدار کو ختم نہ کیا جائے ۔اس سے معاشرے میں بگاڑ پیدا ہونے کا خدشہ ہے ، جس کی علما اورعوام قطعی اجازت نہیں دیں گے۔اجلاس میں محسوس کیا گیاکہ این جی اوز اور مغربی میڈیا اسلامی تشخص کو مسخ کرنے کے مشترکہ ایجنڈا پر عمل پیرا ہیں ۔ موجودہ اور سابقہ تمام حکومتیں ، ان اسلام دشمن عناصر کی ہمنوا رہی ہیں یا ان کی سرگرمیوں سے چشم پوشی کرتی رہیں ۔وفاق المدارس الشیعہ کے اجلاس میں کہا گیا کہ پاکستانی معاشرے کی بدنامی کا باعث بننے والی فلم پر خاتون فلم ساز کو آسکرایوارڈ کا ملنا لمحۂ فکریہ ہے جبکہ انتہا پسندی اور دہشت گردی کے خلاف بنائی گئی پاکستانی فلم سازوں کی فلموں کو کوئی ایوارڈ نہ ملنا بہت سے خدشات کی تصدیق کرتا ہے ۔اجلاس میںافواج پاکستان سمیت تمام مقتدر قوتوں پر زوردیا گیا کہ نعمت خداداد پاکستان کے اسلامی تشخص کی ترویج ، بقا اور دفاع کو دہشت گردی کے خاتمہ سے بھی زیادہ اہمیت دیںاور راست اقدامات اٹھائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات( جی پی آئی)ڈسٹرکٹ مجسٹریٹ سوات نے دفعہ 144ضابطہ فوجداری کے تحت ضلع سوات کے حدود میں ادنیٰ معدنیات کی غیر قانونی کان کنی اور اس کی نقل و حمل پر فوری طور پر پابندی عائد کی ہے ۔اس حکم کا اطلاق ان لیز ہولڈرز پر بھی ہوگا جو لیز میں دیئے گئے شرائط کی خلاف ورزی کر ے گا۔حکم کی خلاف ورزی کرنے والو ں کے خلاف تعزیرات پاکستان کے دفعہ 188کے تحت کارروائی کی جائے گی۔یہ حکم عرصہ (60)دن کے لئے نافذالعمل رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات( جی پی آئی)بے نظیر انکم سپورٹ پروگرام کی کوارڈینیٹر نسیم اختر نے کہاہے کہ بعض فسادی عناصر بے نظیر انکم سپورٹ پروگرام کے نام سے جعلی سروے کرکے عوام کو بے وقوف بنارہے ہیں جس سے بے نظیر انکم سپورٹ پرگرام کا کوئی تعلق نہیں ،عوام غیر متعلقہ افراد کو اپنے شناختی کے نقول دینے سے گریز کریں ان خیالات کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ گزشتہ چند روز سے ہمیں اطلاعات مل رہے ہیں جس کے تحت مختلف علاقوں میں فراڈی افراد جعلی سروے کرکے عوام سے شناختی کارڈ کے نقول جمع کررہے ہیں جس کے خلاف ہم نے قانونی کا رروائی پر غور شروع کیا ہے اور بہت جلد یہ جعل ساز قانون کے کٹہرے میں ہونگے تاہم عوام سے اخباری بیان کے ذریعے اپیل کرتے ہیں کہ وہ ان جعل سازوں کو اپنے شناختی کارڈ کے نقول نہ دے جب تک بے نظیر انکم سپورٹ پروگرام کے جانب سے سروے کا اعلان نہ ہوا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سوات( جی پی آئی)عوامی نیشنل پارٹی سعودی عرب کے ڈپٹی جنرل سیکرٹری رستم خان نے کہاہے کہ تبدیلی نعروں سے نہیں اتی صوبائی حکومت عالمی یوم خواتین پر کوئی ایک تقریب بھی منعقد نہ کراسکی جو کہ صوبائی حکومت کی نااہلی کا منہ بولتا ثبوت ہے ،عوامی نیشنل پارٹی نے خواتین کے تحفظ اور خودمختاری کیلئے ہمیشہ سے جدوجہد کی ہے ،مشکل حالات کے باوجود ہماری صوبائی حکومت نے صوبے میں مختلف تقاریب منعقد کرنے کے ساتھ ترقیاتی کاموں کا سلسلہ بھی جاری رکھا ان خیالات کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ عام انتخابات سے پہلے پاکستان تحریک انصاف کے چئیر مین نے بڑے بڑے دعوئے کئے اور خواتین کے حقوق کے بارے میں بلند و بانگ دعوئے کئے لیکن اپنے حکومت میں عالم یوم خواتین پر کوئی قابل ذکر تقریب تک منعقد نہ کرسکے جو صوبائی حکومت کی کارکردگی کا منہ بولتا ثبوت ہے۔
