گجرات (جی پی آئی) زندگی میں کامیابی کیلئے تحقیق بے حد ضروری ہے۔ روز بروز ہونے والی ریسرچ سے استفادہ کرنے والے افراد ہی کامیاب ہوتے ہیں۔ ان خیالات کا اظہار ڈاکٹر وحید احمد ڈین سپورٹس ڈیپارٹمنٹ سرحد یونیورسٹی پشاور نے سپورٹس سائنسز سوسائٹی گجرات کے زیر اہتمام سرحد یونیورسٹی کے طلباء و طالبات میں انعامات تقسیم کرنے کی تقریب سے خطاب کرتے ہوئے کیا۔ انہوں نے کہا کہ سپورٹس ایک مشکل مضمون ہے۔ جس میں پریکٹیکل ریسرچ کام آتی ہے۔ روز بروز جو نئی تحقیقات ہو رہی ہیں اس کے بارے میں طلباء کو آگاہ کرنا چاہئے تاکہ وہ اس سے مستفید ہو سکیں۔ ڈسٹرکٹ سپورٹس آفیسر منڈی بہائوالدین چوہدری ناصر نے کہا کہ سپورٹس میں سب سے زیادہ اہمیت مینجمنٹ اور ریسرچ کی ہے۔ زندگی میں کامیابی کیلئے ہمیں چاہئے کہ اپنے کھلاڑیوں کو بہترین ٹریننگ دیں کیونکہ کسی بھی کھیل میں آدھے سے زیادہ کوچ کھیلتا ہے۔ کیونکہ کوچ کی اپنی ٹیم کی تمام کمی و بیشیوں کا ذمہ دار ہوتا ہے اس لئے کوچ کو اپنی تربیت مکمل کرنی چاہئے۔ فزیکل انسٹریکٹر پروفیسر طارق محمود زمیندارہ کالج نے کہا کہ کھلاڑیوں کو چاہئے کہ وہ اپنی تربیت کی جانب خصوصی توجہ دیں تاکہ وہ پاکستان کار وشن کر سکیں۔ صدر فزیکل ہیلتھ سائنس سوسائٹی شیخ ابرار سعید نے کہا کہ ہم کھلاڑیوں کی حوصلہ افزائی کیلئے ہر ممکن سہولیات فراہم کررہے ہیں۔ ان کی بہترین تربیت کا اہتمام کر رہے ہیں۔ ڈاکٹر شکیل سرور نے کہا کہ ہم چاہتے ہیں کہ ہمارے طلباء اپنے سٹوڈنٹس کی بہتر تربیت کرنے کے قابل ہو سکیں۔ اس لئے انہیں بہتر انداز میں تربیت دی جا رہی ہے۔ اس موقع پر تجمل وڑائچ محمد ارشد’ نے بھی خطاب کیا اور طلباء کو اسناد و شیلڈز دی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) 18ویں سالانہ محفل میلاد النبی ۖ ”انوار کی بارش” موضع باہووال میں منعقد ہوئی۔ جس کی صدارت صاحبزادہ پیر سید سجاد حسین شاہ نے کی۔ جبکہ خصوصی خطاب صاحبزادہ غلام بشیر نقشبندی آستانہ عالیہ بائولی شریف حضرت علامہ غلام ربانی تیمور منہاج القرآن لاہور’ صاحبزادہ پیر سید عتیق الرحمن شاہ نے کیا۔ تلاوت پاک کا شرف قاری غضنفر علی نعیمی نے حاصل کیا۔ نقابت کے فرائض سید عنایت حسین شاہ بخاری لاہور’ اور مولانا حبیب شہزاد آف شاہ پور نے حاصل کیا۔ نعت رسول مقبول ۖ سلمان رضا قادری ‘ سید عابد شاہ قادری ‘ سید عمران افگن رانیوال سیداں’ قاری محمد شفیع رزاقی انگلینڈ’ غلام عباس چیچیاں نے حاصل کیا۔ جبکہ محفل کے مہمان خصوصی ممبر قومی اسمبلی طاہر اقبال چوہدری وہاڑی’ نصر اقبال چوہدری وہاڑی’ چوہدری عبدالخالق دتیوال’ طاہر عباس وہاڑی’ خاور نذیر تھے۔ جبکہ یہ محفل برائے ایصال ثواب میراں یحییٰ ترمذی’ پیر سید جمال شاہ ترمذی’ پیر سید حیات شاہ ترمذی’ پیر سید غلام رسول شاہ ترمذی’ سید اصغر شاہ ترمذی منعقد ہوئی۔ سید فرخ سجاد آف انگلینڈ’ سید کاشف سجاد انگلینڈ اور میلاد کمیٹی باہووال کے ممبران نے وسیع و عریض انتظامات کئے ۔ ساری رات انوار و تجلیات کی بارش ہوتی رہی۔ عمرہ کی سعادت بذریعہ قرعہ اندازی محمد ساجد آف باہووال نے حاصل کی۔ جبکہ 10 دیگر انعامات بذریعہ قرعہ اندازی بھی دئیے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز سماجی شخصیت محمد نواز ‘ محمد ریاض کی والدہ محترمہ کے ایصال ثواب کیلئے ختم چہلم گذشتہ روز انکی رہائش گاہ واقع محلہ رحمان پورہ میں پڑھا گیا جس میں ممتاز عالم دین سید اظہر حسین شاہ نے والدین کے حقوق پر تفصیل سے روشنی ڈالی اور سید ثاقب علی شاہ’ سید سجاد شاہ ‘ حاجی محمد اسلم نے باحضور سرور کونین کی بارگاہ میں ہدیہ عقیدت پیش کیا ختم چہلم کی تقریب میںچوہدری بلال خان کھٹانہ آف چک پنڈی’ سید حضر زمان مہدی’ چوہدری انعام اللہ چیمہ’ شبیر حسین ملہی’ چوہدری نواز گوندل’ محمد امین’ محمد اعظم’ چوہدری ریاض احمد رائو آف سوہدرا’ چوہدری احسان چھینہ’ رانا رضوان’ محمد انور شیخ’ چوہدری مظہر ملہی’ رانا سیف اللہ’ سید شاہد شاہ’ ارشاد احمد’ محمد اعظم’ انیس الرحمان’ محمد عرفان’ محمد اسمائیل’ محمد رمضان’ شہزاد احمد’ حاجی محمد اسلم سمیت علاقہ بھر کی اہم شخصیات نے بھرپور شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) مسلم لیگ ق کے مرکزی راہنما چوہدری حسین الٰہی سابق تحصیل ناظم چوہدری سعادت نواز اجنالہ’ سابق ناظم ملک نعیم شامپور ماڑی کھوکھراں’مرزا عمران بیگ’ سمیت دیگر نے حاجی طارق بٹ آف نوید پٹرولیم کی وفات پرانکی رہائش گاہ پر جا کر انکے صاحبزادوںعمر بٹ’ بلال طارق’ فحراج طارق سے فاتحہ خوانی کی اور مرحوم کیلئے صبر وجمیل کی دعا کی اللہ پاک مرحوم کو جنت الفردوس میں اعلیٰ مقام دے اور لواحقین کو صبر جمیل عطا کرے۔اس موقع پر عدنان نسیم سیٹھی’ ریحان نسیم سیٹھی’ جاوید اقبال’ عامر بٹ ‘مظفر ڈارُ’ شازب بٹ’ رائف بٹ’ عادل بٹ’ سمیت دیگر بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان پیپلز پارٹی کے راہنما اور چوہدری احمد مختار کے دیرینہ ساتھی چوہدری خوشی محمد کمبوہ نے ایک بیان میں کہا ہے کہ چوہدری احمد مختار میرا لیڈر ہے جس کی وجہ سے گجرات میں پیپلز پارٹی زندہ جاوید ہے پیپلز پارٹی کیلئے کسی قربانی سے دریغ نہیں کرئونگا اور ہر وقت پارٹی کیلئے موجود ہونگا یہ بات گذشتہ روز انہوں نے چوہدری احمد مختار سے دورہ گجرات کے موقع پر ایک تقریب میں کہی انہوں نے کہا ہے کہ اب ان لوگوں کو اپنی صلاح کرنی چاہیے جو احمد مختار کے سامنے کچھ اور بعد میں کچھ ہوتے ہیں پیپلز پارٹی کو عوام کے دلوں سے ختم نہیں کیا جاسکتا لہٰذا اب پیپلز پارٹی کو قیمتی لیڈروں اور ورکروں کے سہارا کی ضرورت ہے چوہدری خوشی محمد کمبوہ نے کہا ہے کہ چوہدری احمد مختار نے واضح طور پر یہ کہہ دیا ہے کہ اب گجرات میں پیپلز پارٹی کے ورکروں اور جیالوں کیلئے زیادہ سے زیادہ وقت دونگا اور ایک بار پھر پیپلز پارٹی کو گجرات کا قلعہ بنانے کیلئے ہر ممکن کوشش کرئونگا چوہدری خوشی محمد کمبوہ نے سابق وفاقی وزیر چوہدری احمد مختار سے گجرات میں باقاعدہ طور پر پیپلز پارٹی کا آفس قائم کرنے کی بھی درخواست کی جو انہوں نے منظور کرلی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) انجمن تاجران سرکلر روڈ کے صدر ٹریڈونگ ق لیگ کے صدر عتیق الرشید بٹ نے ایک بیان میں کہا ہے کہ ریلوے روڈ کے تاجر رہنما اور صحافی رانا رضوان پر ٹی او آر طارق وڑائچ کی جانب سے جھوٹے مقدمہ کے اندراج پر شدید الفاظ میں مذمت کرتے ہوئے کہا ہے کہ ٹی ایم اے کا عملہ تجاوزات کے خاتمہ کی آڑ میں شریف شہریوں کو اور تاجروں کو تنگ کو بلاوجہ تنگ کرکے انکے خلاف جھوٹے مقدمے درج کرارہا ہے انہوں نے کہا ہے کہ رانا رضوان کو دوران کوریج ٹی ایم اے کے عملہ کے تشدد کی رپورٹنگ کرنے پر سزا دی گئی ہے جو کہ صحافی برادری کیلئے لمحہ فکریہ ہے انہوں نے ڈی پی او گجرات اور ایڈمنسٹریٹر بلدیہ سے پرزور مطالبہ کرتے ہوئے کہا ہے کہ صحافی اور تاجر رانا رضوان پر قائم مقدمہ فوری طور پر ختم کیا جائے انہوں نے مزید کہا ہے کہ صحافیوں کو سچ لکھنے سے کوئی نہیں روک سکتا ہے صحافی برادری کے خلاف اس طرح کے جھوٹے مقدمے کچھ نہیں بگاڑ سکتے ہیں ٹی او آر اور عملہ خوش کے ناخن لے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) تحصیل ہیڈ کوارٹرز ہسپتال سرائے عالمگیر کی تعمیر مکمل کر لی گئی ہے، 203ملین روپے لاگت سے مکمل ہونیوالے 60بستروں کے ہسپتال کا 31جنوری کو باقاعدہ افتتاح کر دیا جائے گا جس سے علاقہ کے لاکھوں مکینوں کو علاج معالجہ کی بہتر سہولیات دستیاب ہو سکیں گی۔ ان خیالات کا اظہار ڈی سی او لیاقت علی چٹھہ نے ہسپتال کے دورہ کے موقع پر بات چیت کرتے ہوئے کیا، اے ڈی سی عرفان علی کاٹھیا، ڈی او سی وقار خان، اے سی سرائے عالمگیر شعیب نسوانہ، ڈی او ہیلتھ ڈاکٹر عابد غوری، ڈی ڈی او ہیلتھ سرائے عالمگیر ، بلڈنگز ڈیپارٹمنٹ کے افسران بھی اس موقع پر موجود تھے۔ ڈی سی او نے بتایا کہ ہسپتال کی تین منزلہ عمارت کی تعمیر پر 192ملین روپے خرچ ہوئے ہیںجبکہ باقی فنڈز سے طبی آلات خرید ے جائیں گے، انہوںنے بلڈنگز اور ہیلتھ دیپارٹمنٹ کو ہدایت کی کہ نوتعمیر شدہ عمارت کی حوالگی کا عمل بلاتاخیر مکمل کی جائے ۔ انہوں نے بتایا کہ ہسپتال میں نئے ڈاکٹرز اور عملہ کی بھرتیوں کے لئے حکومت پنجاب نے 89نئی پوسٹو ں کی منظوری دے دی ہے ان میں سپشلسٹ ڈاکٹرز بھی شامل ہیں ، محکمہ صحت ڈاکٹروں اور عملہ کی بھرتیوںکے لئے فوری طورپر تشہیر کرائے ۔ انہوںنے بتایا کہ ڈینٹل، یونٹ، ایکسرے مشین، الٹرا سائونڈ مشین سمیت 20ملین روپے سے طبی آلات کی خریداری مکمل کی جا چکی ہے اور محکمہ صحت کے افسران کو ہدایت کی کہ ان آلات کی فوری تنصیب کا آغاز کیا جائے نیز آلات کی خریداری کے لئے مزید درکارفنڈز کے حوالے سے انہیں تفصیلات سے آگاہ کیا جائے وہ خود اس حوالے سے حکومت سے بات کریں گے۔ بعدازاں انہوں نے ہسپتال سے ملحق پاپولیشن ویلفیئر سنٹر کا بھی دورہ کیا اور وہاں فراہم کی جانیوالی سہولیات کا جائزہ لیا۔ اس سے قبل ڈی او ایچ اور بلڈنگز ڈیپارٹمنٹ کے افسران نے ڈی سی او کو بریفنگ دیتے ہوئے بتایا کہ ہسپتال کی مین بلڈنگ کی تعمیر مکمل ہو چکی ہے اس کے ساتھ 6رہائشگاہوں کی تعمیر بھی جاری ہے جبکہ مجموعی طور پر 18رہائشگاہیں تعمیر کی جائیں گی۔
