گجرات (جی پی آئی) تحریک منہاج القرآن گجرات کے زیر اہتمام سالانہ 23 واں استقبال ربیع الاول شریف کا مشعل بردار جلوس پورے مذہبی جوش و خروش اور انتظام و انصرام کے ساتھ اور نماز مغرب جی ٹی ایس چوک سے شروع ہوا ۔ تلاوت قرآن مجید اور نعت مصطفی سے درود و سلام کی پر معطر فضائوں میں شروع ہوا۔ ہر زبان پر سیدی مرشدی یا نبی ۖ یا نبی ۖ اور درود و سلام جاری تھا۔ فضاء نعرہ تکبیر و رسالت سے گونجتی رہیں۔ سرکلر روڈ پر مختلف مقامات پر جلوس کی قیادت چوہدری ارشد جاوید ورائچ’ علامہ پروفیسر مظہر حسین قادری’ علامہ راجہ اعظم ‘ علامہ ساجد محمود قادری’ چوہدری غلام سرور وڑائچ’ مرزا طارق بیگ ضلعی امیر’ خاور بشیر بٹ’ چوہدری محمد اکرم سابق ضلعی امیر عمر شریف’ چوہدری امجد اقبال’ حاجی محمد ریاض’ صاحبزادہ پیر سید زوار حسین شاہ بخاری زیب آستانہ عالیہ کھیپڑانوالہ شریف ‘ چوہدری محسن سیال’ نعیم شریف صابری’ حاجی انجم رحمانی’ چوہدری رضوان ساہی’ چوہدری وارث جوڑا’ ڈاکٹر اعظم کھوکھر’ علامہ اصغر چشتی کے علاوہ دیگر قائدین بھی شامل تھے۔ ہزاروں کی تعداد میں عشاقان مصطفی سینوں پر اسم ”محمد ۖ ” سجائے اور لبوں پر درود و سلام کے زمزمے جاری جلوس میں شامل تھے۔ سرکلر روڈ مقررہ راستوں سے ہوتا ہوا واپس جی ٹی ایس چوک پر اختتام پذیر ہوا’ درود و سلام اور خصوصی دعا کے ساتھ اختتام پذیر ہوا۔ قوم و ملک کی سربلندی اور قیام امن کیلئے خصوصی دعا کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) علامہ پروفیسر مظہر حسین قادری ضلعی رہنما نے اس پرمسرت موقع پر اپنے بیان میں کہا ہے کہ ماہ میلاد النبی ۖ پوری انسانیت کیلئے یوم نجات ہے۔ ماہ میلاد رسول ۖ ربیع الاول مسرتوں’ محبتوں اور سعادتوں کی متاع گراں بہار لے کر جانے کا نام ہے۔ مشتاق روحیں ہمیشہ بے چین جذبوں کے ساتھ اس مطلع صبح ازل کی منتظر رہتی ہیں۔ اہل عشق’ محبت اشکوں سے وضو کر کے حریم دیدہ دل سجاتے ہیں۔ اس ماہ مقدس کی ہر گھڑی ہر لمحہ ہر دن اہل ایمان کیلئے بہار کا پیغام ہے۔ کائنات کی تاریخ کو ان مقدس لمحات پر ناز ہے۔ ماہ ربیع الاول کی ایک صبح سعادت کے دامن میں ہمارے پیارے نبی رحمتہ اللعالمین ہمارے لئے رحمتیں لے کر تشریف لائے۔ ظہور قدسی کی وہ ساعتیں جن میں عرب کا چاند وا دی مکہ میں طلوع ہوا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ممتاز مذہبی سکالر عالم دین صاحبزادہ پیر سید سعید احمد شاہ گجراتی ممبر اسلامی نظریاتی کونسل نے منہاج القران کے زیر اہتمام نکالا جانے والے مشعل بردار جلوس استقبال ربیع الاول شریف کا شاہ ولایت چوک (پرنس چوک) پر پرتپاک استقبال کیا ۔ گلپاشی کی گئی اور قائدین کے گلے میں گلاب کے پھولوں کے ہار ڈالے اس موقع پر کثیر تعداد میں عشاقان مصطفی ان کے ہمراہ تھے۔ استقبال ربیع الاول کے مشعل بردار جلوس میں سب سے بڑا جلوس چوہدری غلام سرور وڑائچ سٹی صدر صاحبزادہ سید زوار حسین شاہ زیب آستانہ عالیہ کھیپڑانوالہ شریف محمد اشرف’ سید نوید الحسن شاہ’ اپنے اپنے علاقوں سے جلوس کی قیادت کرتے ہوئے جلوس میں شامل ہوئے چوہدری غلام سرور وڑائچ’ علامہ ساجد محمود قادری نے جلوسوں کا وارم ویلکم کیا اور انہیں جلوس میں خوش آمدید کیا۔ جلوس میں موٹر سائیکل سواروں کی بہت بڑی تعداد موجود تھی اور پیدل پورے سرکلر روڈ کا چکر لگائی۔ جلوس واپس جی ٹی ایس چوک پر اختتام پذیر ہوا اور آخر میں حاضرین کیلئے لنگر کا وسیع اہتمام تھا۔ ضیافت میلاد حاجی ارشد جاوید وڑائچ ‘ حاجی ناصر عزیز مغل’ محمد شفیق مغل کی جانب سے دی گئی بڑے نظم کے ساتھ تمام شرکاء کو لنگر تقسیم کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سابق چیئرمین گجرات چوہدری محمد طفیل شہید کے چھوٹے بھائی اور چوہدری محمد علی اشفاق کے والد ِ محترم چوہدری محمد اشفاق رضائے الٰہی سے وفات پا گئے ہیں۔ ان کی نما زجنازہ آج 14دسمبر 2015ء بروز سوموار دوپہر 2 بجے قبرستان نور پور شاہ جہانگیر روڈ نزد سبزی منڈی گجرات میں ادا کی جائیگی۔ چوہدری محمد اشفاق کی وفات کا سنتے ہی ان کے عزیز و اقارب اور سینکڑوں دوست احباب ان کی رہائشگاہ اندرون کانیانوالی نزد مقبرہ پانڈی شاہ گجرات پہنچ گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) پاکستان پنچک سلت فیڈریشن اور ڈسٹرکٹ سپورٹس کمیٹی کے زیراہتمام دوسری نیشنل پنچک سلت چیپئین شپ اختتام پذیر ہو گئی۔ دو روزہ نیشنل پنچک سلت چیپئین شپ میں پاکستان واپڈا’ ریلوے’ HEC’ KPK’ پنجاب’ و دیگر محکموں کی ٹیموں کے علاوہ پاکستان کے مختلف اضلاع سے آئے ہوئے کھلاڑیوں نے شرکت کی۔ مہمان خصوصی ڈی سی او گجرات لیاقت علی چٹھہ ‘ ممبرصوبائی اسمبلی حاجی عمران ظفر ‘ چیئرمین ڈسٹرکٹ سپورٹس کمیٹی چوہدری ظہور الٰہی ‘ صدر گجرات ہومیو پیتھک کمیونٹی ڈاکٹر انجم نور دین تھے۔ مہمانوں کا استقبال فیڈریشن کے صدر عبدالحمید اور چیف آرگنائزر ڈاکٹر شکیل سرور اور مہر طارق محمود نے کیا۔ اس موقع پر مختلف ویٹس کے مقابلہ جات منعقد ہوئے ۔ مہمانوں اور کھلاڑیوں میں انعامات تقسیم کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) ڈی سی او گجرات لیاقت علی چٹھہ نے کہا ہے کہ ضلعی حکومت کھیلوں کے فروغ کیلئے دن رات کام کر رہی ہے اور کھلاڑی ہمارا قومی اثاثہ ہیں ۔ کھلاڑیوں کو ہر ممکن سہولیات کی فراہمی کیلئے اقدامات کئے جا رہے ہیں اور ہر روز کوئی نہ کوئی تقریب منقعد ہوتی ہے جس میں کھلاڑیوں کی حوصلہ افزائی کی جاتی ہے۔ ڈسٹرکٹ سپورٹس کمیٹی اور پنچک سلت فیڈریشن کے تمام اراکین مبارکباد کے مستحق ہیں۔ اور ہم ملکر عہد کرتے ہیں کہ اس طرح کی تقریبات کا انعقاد ہوتا رہے گا۔
