گجرات (جی پی آئی) سویٹس اینڈ بیکرز ایسوسی ایشن کے صدر و چیف ایگز یکٹو قند فشاں میرج ہالز میاں محمد سلیم نے اپنے ایک وضاحتی بیان میں کہاکہ ضلعی انتظامیہ کی طرف سے ہمارے میرج ہال پر جو چھاپہ مارا گیا اس میں تمام معاملات ٹھیک پائے گئے اور صفائی کا معیار بھی درست تھا لیکن ایک ورکر کی طرف سے گلے میں ہیلتھ کارڈ نہ ہونے کی وجہ سے ہمارے منیجر کے خلاف بوگس مقدمہ درج کیا گیا ہے جو قابل مذمت ہے میاں محمد سلیم نے کہاکہ اس سلسلہ میں ہم قانونی چارہ جوئی کرنے کا حق محفوظ رکھتے ہیں انہوں نے کہاکہ ضلعی انتظامیہ کی فوج ظفر موج گجرات میں کاروباری طبقہ کو حراساں کررہی ہے چیکنگ پر کوئی اعتراض نہ ہے مگر طریقہ کار انتہائی غلط ہے جس سے ہمارے کاروباری ساکھ متاثر ہوئی ہے جس کی ہم بھر پور مذمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) چوہدری معین مقصود جوڑا کے چچا چوہدری وسیم جوڑا ، چوہدری نعیم جوڑا، چوہدری فہیم جوڑا، ذیشان جوڑا اور چوہدری اشفاق کے والد چوہدری محمود اختر جوڑاجو گزشتہ روز انتقال کرگئے مرحوم کی نماز جنازہ میں میں علاقہ بھر کی اہم سیاسی سماجی وکاروباری شخصیات ، سابقہ بلدیاتی نمائندوں کے علاوہ جوڑا فیملی کے سرکردہ راہنمائوں نے کثیر تعداد میں شرکت کی مرحوم کے ایصال ثواب کے لیے ختم قل آج بروز منگل صبح 10بجے جامع مسجد شاہ ولائیت میں پڑھا جائے گا۔ دوست احباب سے شرکت کی استدعا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) سرگودھا روڈ کی سینکڑوں خواتین نے واپڈا کی جانب سے زائد بل بھیجنے پر واپڈا آفس سرگودھا روڈ کے باہر بجلی کے بل اٹھا کر شدید احتجاج کرتے ہوئے واپڈا افسران کے خلاف زبردست نعرے بازی کی خواتین نے بلوں کو آگ لگا کر بل نہ جمع کرانے کی دھمکی بھی دی مظاہرہ کرنے والی خواتین نے بتایا کہ واپڈا گجرات نے اس بار بجلی کے بلوں میں کئی گنا اضافہ کرکے بجلی کے بل ارسال کیے ہیں جو کہ واپڈا صارفین کو جمع کرانے میں انتہائی مشکلات کا سامنا کرنا پڑ رہا ہے خواتین نے کہاکہ کہ اگر ہمارے بجلی کے بل درست نہ کئے گے تو واپڈا آفس کا گھیرائو کیا جائے گا ۔خواتین کا احتجاج مظاہرہ دیکھ کر واپڈا ملازمین روپوش ہوگئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی) قائد اعطم محمد علی جناح کے قریبی ساتھی اور قرارداد الحاق پاکستان کے بانی آزاد کشمیر حکومت کے سنیئر وزیر اور متحدہ ریاست جموں کشمیرکے پہلے مسلمان گورنر چوہدری خوشی محمد ناظر کے فرزندقائد حریت چوہدری حمید اللہ خان کی 58ویں برسی انتہائی عقیدت و احترام کے ساتھ پیپلز پارٹی کے ممتاز راہنما اور سابق کواڈینیٹر وزیراعظم آزاد کشمیر چوہدری مسعود احمد گجر کے آفس واقع بھمبر روڈ گجرات میںمنائی گئی ۔برسی کی تقریب سے خطاب کرتے ہو ئے چوہدری مسعود گجر نے کہا کہ 19 جولائی 1947سرینگر میں غازی ملت سردار ابراہیم خان کی رہائش گاہ پر مسلمانان ریاست جموں کشمیر نے اپنا مستقبل پاکستان کے ساتھ وابستہ کر لیا تھا جو کہ ان کی سیاسی بالغ نظری اور دانش مندی کا واضع ثبوت ہے آج مقبوضہ جموں کشمیر میں اگر پاکستانی جھنڈوں کی بہار ہے تو صرف اسی تحریک الحاق پاکستان کا تسلسل ہے ،پاکستان کشمیریوں کی آخری پناہ گاہ ہے کشمیری پاکستان کے بلا تنخواہ سپاہی ہیں کشمیریوں کے لیے پاکستان مکہ اور مدینہ کے بعد ایک پاک دھرتی کا درجہ رکھتا ہے ہم پاکستانی افواج کے شانہ بشانہ ہیں اور پاکستان مین مقیم 20لاکھ سے زائد کشمیری افواج پاکستان کی پشت پرکھرے ہیں،بعدازاں چوہدری مسعود گجر کی قیادت میںگجرات میں مدفون چوہدری حمید اللہ مرحوم کی قبر پر فاتحہ خوانی بھی کی گئی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی) میاں نواز شریف ویژن آف پاکستان پر کام کر رہے ہیں جو دوسری سیاسی جماعتوں میں گنجائش نہ ہونے کی وجہ سے واضح اکثریت نہ حاصل کر سکے ان خیالات کا اظہار ملک کی معروف کاروباری ‘ سماجی شخصیت چوہدری احمد سعید نے یونین کونسل 1 کے بزرگ راہنما سید فرزند علی شاہ کی قیادت میں ملنے والے وفد جس میں آغا شیراز ملک ‘ ظہیر عامر ملک’ سید اعتزاز حیدر شامل تھے۔ اڑھائی گھنٹے کی تفصیلی ملاقات میں گفتگو میں کیا۔ انہوں نے کہا کہ سیاسی جماعتوں کو چاہئے کہ وہ ملکی معاملات میں بڑھ چڑھ کر حصہ لے ، نہیں تو ماضی کا حصہ بن جائے گی۔ ملکی سلامتی میں کردار اداروں کا بھی ہے۔ جس کو خسارے سے موجودہ گورنمنٹ بچا کر رکھ رہی ہے۔ یہی میاں برادران کی کامیابی ہے گجرات میں بلدیاتی الیکشن کے حوالہ سے انہوں نے کہا کہ ٹکٹ تقسیم کرنے والے ممبران میرٹ کو ملحوظ خاطر رکھیں۔ گجرات میں ”ن ” لیگ کلین چٹ ہے۔ کلکین سویپ ہو گا۔ لہٰذا اہل امیدوار اور بے داغ افراد کا تعین دراصل کامیابی ہو گی۔ مزید کہا کہ گجرات کے عوام شعور زدہ ہے۔ ڈیرہ ازم کی سیاست کو پسند نہیں کرتے جو مسترد ہو بھی چکی لیکن پھر بھی کچھ نادان لوگ اس کا آجب ھی طبل بجا رہے۔ ماضی سے سبق نہ سیکھنے والے ہمیشہ ماضی میں ہی رہیں گے۔ ن لیگ علاوہ دیگر جماعتوں کے پاس امیدوار تو دور بھی بات کی بات تائید و تجوید کنندہ بھی نہیں ہے۔ یہی وجہ بلکہ ماضی سے کچھ سبق حاصل نہیں کیا۔ جبکہ آخر میں سید فرزند شاہ نے یو سی نمبر 1 سے چیئرمین کے امیدوار کیلئے ملک ظہیر عامر کو تجوید کیا جس پر چوہدری احمد سعید نے کہا کہ میں ملک ظہیر عامر کی بطور چیئرمین یو سی تائید کرتا ہوں اور اپنی صحت کے مطابق الیکشن مہم میں بھی حصہ لونگا۔ ملک ظہیر عامر جیسے شریف الفنس شخصیت کو BD الیکشن کا حصہ ضرور بننا چاہئے۔ وفد کے اعزاز میں چوہدری احمد سعید کی جانب سے پر تکلف ظہرانہ بھی دیا گیا۔
