چوہدری صحبت علی مرحوم کی سیاسی خدمات آنے والی نسلوں کیلئے مشعل راہ ہیں : راجہ فاروق حیدر
بھمبر (جی پی آئی)مسلم لیگ ن آزادکشمیر کے صدر و اپوزیشن لیڈرراجہ فاروق حیدرنے کہاکہ چوہدری صحبت علی مرحوم کی سیاسی خدمات آنے والی نسلوں کیلئے مشعل راہ ہیں مظلوم کی حمایت اور ظلم کو للکارنا چوہدری صحبت علی کی سیاست کا مرکز و محور رہا ہے ہم نے چوہدری صحبت علی نیقبیلوں برادریوں کے درمیان نفرتوں کو ختم کر کے محبت روادری اوروضع داری کی جو شمع روشن کی اس کو جاری و ساری رکھا جائیگا ان خیالات کا اظہار آزاد حکومت کے سابق سینئر وزیر سینئر سیاستدان چوہدری صحبت علی کی وفات پرگزشتہ روز زمیندارہ ہاس بھمبرمیں مرحوم کے بیٹوںمیجرجنرل اکرام الحق اور سابق سپیکر اسمبلی چوہدری انوار الحق سے اظہارتعزیت کرتے ہوئے کیا انہوں نے کہاکہ چوہدری صحبت علی مرحوم نے آزاد کشمیر کے اندر وضع داری اور رواداری کی سیاست کو فروغ دیا اور کرپشن کی سیاست کا خاتمہ کیا چوہدری صحبت علی مظلوم کے ساتھی تھے چوہدری صحبت علی سیاست میں رواداری کے بانی تھے نفرتوں کا خاتمہ کر کے محبتوں کا درس دیا اور بالخصوص غیر مراعات یافتہ طبقے کو اپنے حقوق کا شعور دیا آج ہم سب کو اور سارے آزا کشمیر کو سوگوار کر گئے ان کے خاندان کے غم میں برابر کے شریک ہیں چوہدری صحبت علی نے ایک طویل زندگی محکوم اور مظلوم لوگوں کی خدمت میں گزاری وہ انتہائی شفیق اور خداد داد صلاحیتوں کے مالک تھے آج ہم ایک عظیم ہستی سے محروم ہو گئے ہیں اور غیر مراعات یافتہ طبقات کے حقوق کی جنگ لڑی چوہدری صحبت علی نے مختلف قبائل میں نفرتوں کا خاتمہ کیا اور بھائی چارے کی فضا پیدا کی اس موقع پر سابق وزیر چوہدری رخسار احمد ،مسلم لیگ ن کے مرکزی سیکرٹری مالیات چوہدری محمد سعید ،مسلم لیگ ن کے مرکزی رابطہ سیکرٹری ملک ذوالفقار ،ضلعی جنرل سیکرٹری چوہدری جمیل سلطان ،سابق ایڈمنسٹریٹر بلدیہ مرزا محمداجمل جرال،تحصیل صدر راجہ اظہر اقبال،چوہدری محمدرفیق تھوتھالوی ،راجہ انصرمحمود بڑھنگ ،راجہ غلام ربانی ،ارشد محمود،راجہ نصیر احمد موجو،چوہدری ساجد بھی ہمراہ تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
اسکائوٹ ایسو سی ایشن ریلی کے تحت سرورکونین صلی عیلہ اللہ والہ وسلم جیسی تقاریب قوم و ملک کے لیے نیک شگون ہیں
بھمبر(جی پی آئی)آزاد کشمیر اسکائوٹ ایسو سی ایشن ریلی کے تحت سرورکونینصلی عیلہ اللہ والہ وسلم جیسی تقاریب قوم و ملک کے لیے نیک شگون ہیں نئی نسل کو اسلام کے سنہری اصولوں سے روشناس کرانا ہر فرد کی اولین ذمہ داری ہے ان خیالات کا اظہار آزاد کشمیر سکول ٹیچر ز آرگنائزیشن کے مرکزی رہنما راجہ مشتاق احمد خان نے خواجہ محمد صادق ڈار،سیکرٹری تعلیم سکولز ،راجہ منیر احمد خان ناظم اعلی تعلیمات سکولز مردانہ مظفرآباد ، راجہ عبدالوحید فطرت سیکرٹری پرویشنل اسکائوٹ ایسو سی ایشن، عبدالصمد چشتی ڈپٹی سیکرٹری ، چوہدری کرامت حسین ،ناظم تعلیم سکولز میرپو ر ،چوہدری محمد اشرف ڈسٹرکٹ ایجوکیشن آفیسر مردانہ بھمبر اور راجہ عابد حسین ڈسٹرکٹ اسکائوٹ سیکر ٹری کو کامیاب اسکائوٹ ریلی پر مبارکباد دی ہے اور اس توقع کا اظہار کیا ہے آئندہ بھی ایسی سرگرمیاں کے اقدامات کر کے قوم کے نونہالوں کا مستقبل کوتابناک بنایا جاتا رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری صحبت علی کے انتقال پر مرزا مشتاق احمد جرال اور مرزا عبدالشکور جرال کا اظہار تعزیت
بھمبر( جی پی آئی)سابق سنیئر وزیر چوہدری صحبت علی کے انتقال پر ضلع بھمبر کے گائوں جبی کی سماجی شخصیت مرزا مشتاق احمد جرال اور ماہر مضمون مرزا عبدالشکور جرال نے ان کے لواحقین سے اظہار تعزیت کیا ہے اور کہا ہے کہ بزرگ سیاست دان کی خدمات کو ہمیشہ یاد رکھا جائے گا اور ان کی کمی سے پیدا ہونے والا خلا کبھی پورا نہ ہو گا ایسی شخصیات صدیوں بعد پیدا ہوتی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
کمشنر میرپور ڈویژن راجہ امجد پرویز انتہائی ایماندار اور فرض شناس آفیسر ہیں : راجہ عزیزالرحمان ناز
بھمبر (جی پی آئی)کمشنر میرپور ڈویژن راجہ امجد پرویز انتہائی ایماندار اور فرض شناس آفیسر ہیں ان خیالات کااظہار کشمیر پریس کلب بھمبر کے سابق صدر راجہ عزیزالرحمان ناز نے کیاا نہوں نے کہاکہ موصوف انتہائی باصلاحیت ،دیانتدار اور ذمہ دار آفیسر ہے موصوف ہمیشہ میرٹ اور قانون کی عمل داری کو یقینی بنایاعام اور غریب لوگوں کو بھرپور ریلیف فراہم کیا موصوف نے میرپور ڈویژن کے کمشنر اور ایم ڈی اے کے ڈی جی کا چارج سنبھالنے کے بعد ان میں اصلاحات کا آغاز کیا جس سے عام لوگوں کو بھرپور ریلیف ملا جس سے کرپٹ مافیا کے مفادات کو نقصان پہنچا ہے اور موصوف کیخلاف بیان بازی شروع کر دی جس کی ہم بھرپور مذمذمت کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد علی مرتضی کا قتل انتہائی افسوس ناک واقعہ ہے :مشتاق احمد کاشر
بھمبر(جی پی آئی)محمد علی مرتضی کا قتل انتہائی افسوس ناک واقعہ ہے پر امن خطہ کے حالات خراب کرنے کی سازش ہے واقعہ کی جوڈیشل انکوائری کروا کر اصل حقائق منظرعام پر لائے جائیں ان خیالات کااظہار کشمیر فریڈم موومنٹ سٹی بھمبرکے صدر مشتاق احمد کاشر نے کیاا نہوں نے کہاکہ ایک سوچی سمجھی سازش کے تحت آزادکشمیر کے حالات خراب کرکے تحریک آزادی کشمیر سے توجہ ہٹانے کی کوشش کی جارہی ہے انہوں نے کہاکہ ریاست جموں وکشمیر کے اندر ہر جانب انسانی حقوق کی پامالی جاری ہے کشمیریوں کو بھیڑ بکریوں کی طرح قتل کیا جا رہا ہے کشمیریوں کے اوپر وحشیانہ تشدد کیا جا رہا ہے کھوئی رٹہ میں محمد علی مرتضی کا اغوا ،وحشیانہ تشدد اور قتل انسانیت کی تذلیل ہے جس سے پوری ریاست کے اندر سخت تشویش پائی جاتی ہے انہوں نے کہاکہ واقعہ کی جوڈیشل انکوائری کروا کر اصل حقائق اور واقعات کو سامنے لایا جائے اور ذمہ داران کیخلاف سخت کارروائی عمل میں لائی جائے۔
Related Posts
