کراچی (اسٹاف رپورٹر) پاکستان کیلئے ضروری ہے کہ وہ امریکہ و دنیا پر یہ واضح کرے کہ سات لاکھ وحشی فوج کے ذریعے کشمیر میں انسانی حقوق کی خلاف ورزیوں کا مجرم و کشمیریوں کی نسل کشی میں مصروف بھارت کو اقوام متحدہ کی سلامتی کونسل کی مستقل رکنیت دلانے کا امریکی خواب کی تعبیر دنیا کے امن و محفوظ مستقبل کیلئے خطرناک ثابت ہوگی ۔ محب وطن روشن پاکستان پارٹی کے قائد و چیئرمین امیر پٹی نے پاکستان کی ذمہ داری و فریضہ ہے کہ وہ بھارت کے چہرے کو بے نقاب کرکے بھارتی وحشیانہ کردار کو امریکہ و دنیا کے سامنے لائے اور دنیا کو یہ باور کرائے کہ بھارت کےساتھ تعلقات بڑھانے کی خواہش میں اسکے کردار وکرتوتوں سے صرف نظر کرنا کسی طور سودمندنہیں اور دنیا بھارت سے تعلقات کے مفادات کے پس پردہ بھارتی بربریت و سفاکیت کا وہ روپ بھی دیکھے جس کی وجہ سے پاکستان دہشتگردی کے عذاب سے دوچار ہے ‘ کشمیر میں انسانیت سسک رہی ہے ‘ میانمار میں شیطان بھی شرمسار رہا اور سری لنکا طویل عرصہ عدم استحکام سے دوچار رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) پنجاب ‘ خیبر پختونخواہ ‘ بلوچستان ‘ سندھ اور گلگت بلتستان و آزاد کشمیر کے گلوں پر مشتمل گلدستے کے ہر گل کی اپنی انوکھی ‘ نرالی اور سحر انگیز مہک ہے جس کا اظہار اس کی زبان و ثقافت سے ہوتا ہے اس لئے قومی زبان اردو کے ساتھ صوبائی زبانوں کی ترویج بھی ضروری ہے جبکہ پاکستان اردو‘ سندھی ‘ پنجابی ‘ بلوچی ‘ پشتو اور کشمیری بولنے والوں کا ہی وطن نہیں بلکہ یہاں سرائیکی ‘ ہندکو اور دیگرزبانیں بولنے والوں کیساتھ گجراتی بولنے والوں کی بڑی تعداد بھی بستی ہے اور ہر زبان سے وابستہ افراد اپنی ایک منفرد ثقافت و تہذیب کے بھی حامل ہیں اسلئے تہذیبوں اور ثقافتوں کے تحفظ کیلئے ضروری ہے کہ تمام زبانوں کا تحفظ کیا جائے جس کی ذمہ داری حکومت سے زیادہ عوام کی ہے کہ وہ اپنی اپنی مادری زبان کا تحفظ کریں اور اسے اپنے اگلی نسلوں میں فروغ دیں ۔ گجراتی قومی موومنٹ کے سربراہ گجراتی سرکار امیر سولنگی عرف پٹی ولا المعروف سورٹھ ویر نے فرزند جونا گڑھ اقبال چاند کے ہمراہ گجراتی زبان و کلچر کے تحفظ کے حوالے سے میڈیا کانفرنس سے خطاب کرتے ہوئے کہا کہ گجراتی کلچر و زبان کے تحفظ کیلئے جی کیو ایم ملک گیر شعوری مہم کا آغاز کررہی ہے جس کا افتتاح عنقریب ”گجراتی بولو ‘ لکھو اور پڑھو “سیمینار کے ذریعے کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی ( اسٹاف رپورٹر) پنجاب انسٹیٹیوٹ آف کاڈیالوجی میں فارماسسٹ ایسوسی ایشن کے احتجاج کی کوریج کرنیوالے صحافیوں پر پولیس لاٹھی چارج کی مذمت کرتے ہوئے پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ ‘خان آف بدھوڑہ یحییٰ خانجی تنولی ‘ عمران چنگیزی دیگر نے کہا ہے کہ میڈیا ریاست کا چوتھا ستون ہے۔ اسکی آزادی کا خیال رکھنا حکومت کی ذمہ داری ہے مگر میڈیا کی آزادی کا ڈھنڈورا پیٹنے والے حکمران ہی میڈیا کا گلہ دبانے میں بھی مصروف ہے جو ان کے قول و فعل کا تضاد اور منافقت کا ثبوت اور میڈیا کو دبانے کیلئے پولیس کا استعمال غیر جمہوری طرز عمل ہے جس کی ہم پر زور مذمت کرتے اور صحافیوں پر تشدد کے ذمہ داران کے احتساب کا مطالبہ کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) پاکستان سولنگی اتحاد کے سینئر و بزرگ رہنما امیر سولنگی اور سردار اکرم سولنگی ‘ سردار شبیر سولنگی ‘ سردار راحیل سولنگی ‘ سردار خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی و دیگرنے ملک میں نظام صحت کی بدترین صورتحال پر اظہار افسوس کرتے ہوئے کہا ہے کہ طبی عملے و ادویات کی قلت و عدم دستیابی ‘ اقربا پروری ‘ میڈیکل عملے کی لاپرواہی و غیر ذمہ داری اور جعلی ادویات کی فراہمی وفروخت کے علاوہ صحت کیلئے مختص فنڈز کی خرد برد عام ہے اور حکمران طبقہ و متعلقہ اداروں کی کرپشن نے عوام سے علاج و صحت کی سہولت چھین لی ہے ۔ سولنگی رہنماوں نے مزید کہا کہ ریاست کی ذمہ داری ہے کہ وہ عوام کوہر ممکن طبی سہولتیں فراہم کرے اس لئے حکومت ملک بھر میں ہسپتالوں اور دیہی صحت مراکز کی حالت زار بہتر بنائے وہاں ڈاکٹروں اور طبی عملے کی تعیناتی اور مریضوں کو علاج معالجے اور ادویات کی فراہمی یقینی بنائے۔ کیونکہ یہ حکومت کی اہم ذمہ داری ہے۔ جو اسے پورا کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) نیکسٹ جنریشن پروٹیکشن فاونڈیشن کے آرگنائزروچیئرمین عمران چنگیزی اور ایم آر پی سربراہ امیر پٹی نے پانامہ لیکس پر تبصرہ کرتے ہوئے کہاہے کہ کرپشن ‘ ٹیکس چوری ‘ قومی سرمائے کی بیرون ملک منتقلی ‘ قومی اداروں کو خسارہ زدہ قرار دیکر کمیشن کی خاطر فروخت کرنا یا درپردہ اونے پونے خریدلینا پاکستانی سیاست کی پرانی روایت ہے اسلئے پانامہ لیکس عوام کیلئے انہونی بات نہیں البتہ اس میں آف شور کمپنیز کے حوالے وزیراعظم اور ان کے صاحبزادوں کا نام قوم کیلئے یقینا حیرت کا باعث ہے کیونکہ قوم شریف فیملی کو اپنے دعووں کے مطاق محب وطن اور عوام دوست ہی سمجھتی ہے مگر پانامہ لیکس نے قوم کے اس گمان کو ہی باطل نہیں کیا بلکہ ایسا سیاسی بھونچال بھی پیدا کیا ہے جو ملک وقوم کے معاشی و اقتصادی مستقبل کیلئے کسی طور سودمند نہیں ہے اسلئے قومی سرمایہ بیرون ملک منتقل کرنے والوں کے احتسا ب پر زور کی بجائے اس کی وطن واپسی کے اقدامات زیادہ بہتر ثابت ہوسکتے ہیں جس کیلئے پارلیمنٹ کے ذریعے ایسا آئینی پیکج تیار کرنا ناگزیر ہے جو ایک مخصوص مدت کے اندر سرمایہ وطن واپس لانے والوں کو ہر قسم کے احتسا ب‘ سرمائے کی ضبطگی اور واپس لائے گئے سرمائے پر ٹیکس کے نفاذ سے چھوٹ دے تاکہ بیرون ملک منتقل سرمائے کی واپسی سے ملک میں سرمایہ کاری سے قومی پیداوار میں اضافہ سے مہنگائی کابھی زور ٹوٹے اور عوام کیلئے روزگار کے مواقع بھی بڑھیں اور عوام کی معاشی خوشحالی و قومی ترقی کے امکانات روشن ہوسکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کراچی (اسٹاف رپورٹر) جونا گڑھ اسٹیٹ مسلم فیڈریشن کے چیف پیٹرن نوابزادہ غلام محمد خان اور الیکشن کمشنر امیر پٹی کے درمیان فیڈریشن کے انتخابات کے حوالے سے ہونے والی میٹنگ میں فیڈریشن میں شامل جونا گڑھ کے عوام و مختلف برادریوں پر مشتمل جماعتوں کے مسائل کے حل اور آئینی تحفظ کیلئے فیڈریشن کے بروقت و منصفانہ اور شفاف و غیر جانبدارانہ انتخابات کی ضرورت و اہمیت پر زور دیتے ہوئے یہ فیصلہ کیا گیا کہ فیڈریشن کے انتخابات کے انعقادکو منصفانہ و شفاف بنانے اور اس کا شیڈول طے کرنے کیلئے آراءو تجاویز کے حصول کیلئے عنقریب چیف پیٹرن نوابزادہ غلام محمد خان کی سربراہی اور الیکشن کمشنر امیر علی پٹی والاکی صدارت میں ایگزیکٹیو کمیٹی کا اجلاس بلایا جائے گا جس میں کمیٹی ممبران کو جماعتوں سے رابطے اور ان سے بھی تجاویز و آراءکے حصول کی ذمہ داری تفویض کی جائے گی تاکہ جونا گڑھ سے تعلق رکھنے والے عوام ‘ برادریوں اور جماعتوں کے تمام تحفظات کا خاتمہ ہواور ان کی آراءو تجاویز کے ذریعے جونا گڑھ اسٹیٹ مسلم فیڈریشن کے انتخابات کو غیر جانبدارانہ ‘ منصفانہ اور شفاف بنانے میں مددملنے کے ساتھ انتخابات میں ان کی بھرپور نمائندگی ہو اور ہر جماعت فیڈریشن کی قیادت کے انتخاب میں اپنا حق و کردار ادا کرسکے۔
