ہر سال جیسے جیسے سولہ دسمبر قریب آتا ہے پاکستانی عوام میں پریشانی کی لہریں دوڈرنی شروع ہو جاتیں ہیں کچھ کہتے ہیں ہمارے سیاستدانوں کا قصور تھا کچھ کہتے ہیں فوج کا قصور تھا کچھ اس کو بین الاقوامی سازش قرار دیتے ہیں یہ باتیں صحیح ہیں مگر اصل چیز کی طرف عوام کا دھیان نہیں جاتا یا عوام کا دھیان اس طرف جانے نہیں دیا جاتا۔بات یہ ہے کہ بر صغیر ہند و پاک پر مسلمانوں نے ایک ہزار سال حکومت کی تھی اس کے طول و عرض میں مسلمانوں کی آبادی تھی کہیں کم اور کہیں زیادہ جو علاقعے مسلمانوں کے سمندر کے ملحق تھے ان میں غالب اکثریت مسلمانوں کی تھی یعنی موجودہ پاکستان اگر نقشے پر نظر ڈالی جائے تو پاکستان کے مغرب کی طرف براعظم افریقہ کے ملک مراکش raco) (ma اور مشرق کی طرف کاشغر تک مسلمانوں کی آبادی کا سمندر ہے۔
جس کو فلسفی شاعر علامہ اقبال نے شعر کی زبان اس طرح بیان کیا تھا” ایک ہوں مسلمان حرم کی پاسبانی کے لیے. . . نیل کے ساحل سے لیکر تا بخاکِ کاشغر۔ اسی ہی بات کو اپنی قوم اور لیڈر شپ کے سامنے بھارت کے لیڈ ر موہن داس کرشن چند گاندھی( مہاتما گاندھی) نے آزادی ہند کے موقعہ پر اس طرح رکھا تھا” مجھے پاکستان کے وجود میں آنے سے زیادہ خطرہ یہ ہے کہ کہیں پاکستان مسلمانوں کے سمندر سے نہ مل جائے” انہوں نے اسی سمندر کا خطرہ محسوس کیا تھا جس کا ہم نے ذکر کیا ہے اسی لیے تقیم کے وقت سے ہندو لیڈر شپ نے پاکستان کی راہ میں کانٹے بچھانے شروع کر دیے تھے جس میں کشمیر اور دوسری ریاستوں پر جبری قبضہ اثاثوں کی منصفانہ تقسیم وغیرہ۔ اسی ڈریکڑین پر عمل کرتے ہوئے بھارت نے ہمارے پڑوسی ملک افغانستان کے ساتھ روس کی مدد سے تعلقات قائم کیے۔
سرحد کے سرخ پوش لیڈر( سرحدی گاندھی) کی حمایت سے پختونستان کا مسئلہ کھڑاکیا تھا جو افغانستان سے روسی فوجوں کی شکست اورواپسی تک برقرار تھا اللہ بھلا کرے طالبان کہ انہوں پختونستان کے مسئلے کو دفن کر دیا اور ہماری مغربی سرحد محفوظ ہو گئی تھی اور ہم نے جو ایک لاکھ زیادہ فوج مغربی سرحد پر لگا رکھی ہے وہ ہماری مشرقی سرحد پر تھی اصل بات یہ ہے کہ بھارت نے پاکستان کو دل سے تسلیم نہیں کیا ہے وہ اپنی عوام کو یہ سبق ازبر کراتا رہتا ہے کہ مسلمانوں کی ایک قلیل تعداد نے باہر سے آکر ہمارے اُوپر حکومت کی اَب اکثریت کی وجہ سے ہمارا حق بنتا ہے کہ ہم مسلمانوں پر حکومت کریں اس نظریہ کے تحت یہ دو قوموں کی غلبہ پانے کی جنگ ہے جو شروع دن سے جاری ہے۔
اس کے لیے تین جنگیں ہو چکی ہیں بھارت اپنے مہاتما گاندی کے ڈریکٹیرین پر عمل کرتے ہوئے اکھنڈ بھارت پر کام کر رہا ہے جس نے مشرقی پاکستان میں حقوق اور قومیت کا زہر گھول کر مکتی باہنی بنوائی اور اپنی فوجوں کو داخل کر کے مشرقی پاکستان کو مغربی پاکستان سے کاٹ دیااور بنگلہ دیش بنا دیا اس کو اپنی طفیلی ریاست بھی بنا دیا اس تاریخی موقعہ پر اندرہ گاندھی نے کہا تھا کہ میں نے ایک ہزار سال کا بدلہ لے لیا ہے اور دو قومی نظریہ کو بحر ہند میں ڈبو دیا ہے یہ خیال اسی ڈیکٹرین کا پرتو ہے جہاںتک مشرقی پاکستان میں ظلم کی داستانوں کا ذکر ہے تو جب اختلاف پیدا کر دیے جاتے ہیں تو پھر ظلم جنم لیتا ہے جو ہمیں مشرقی پاکستان میں ظلم کی داستانوں کے طور پرنظر آتا ہے جو کچھ ہونا تھا وہ ہو گیا۔
اس پر آنسوں بہانے کے بجائے اپنے دشمن کے پھیلائے ہوئے زہر کو ختم کرنے کی کوشش کرنی چاہیے تاکہ پاکستان مذید کسی حادثے سے دو چار نہ ہو۔ بھارت تو اب بھی جماعت اسلامی جو بنگلہ دیش کی مخالف اور متحدہ پاکستان کی حامی اور اس کی تنظیم البدر اور الشمس نے پاکستانی فوج کی مدد کی تھی بنگلہ دیش حکومت کے زیرعتاب ہے اس کے لیڈر عبدالقادر ملا کو کل ہی پھانسی پر چڑھا دیا گیا ہے اور باقی لیڈوں پر مقدمات چل رہے ہیں۔
المیہ مشرقی پاکستان سے سبق سیکھتے ہوئے عوام میں موجود اختلافی معاملات کا ادراق کرنا چاہیے قائد اعظم بھی پہلے متحدہ ہندوستان کے قائل تھے علامہ اقبال بھی سارے جہان سے اچھا ہندوستان ہمارا کہا کرتے تھے مگر ہندئوں کی اکثریت اور حکمرانی کا خطرہ بھانپ لینے کے بعد اقبال نے دو قومی نظریہ پیش کیا اور قائد نے اس کو حقیقت کا روپ دیا اب پاکستان کی بقاء اسی دو قومی نظریہ کو مظبوط سے مظبوط کر کے ہی قائم رہ سکتی ہے حکمرانوں کایہ کہنا کہ بھارت کا اور پاکستان کا کلچر ایک ہے، سرحدوں کو ختم ہونا چاہیے۔
موسٹ فیورٹس ملک، امن کی آشا وغیرہ. . . یہ دو قومی نظریے کی نفی ہے نواز شریف صاحب کا بھارت سے دوستی کو ہاتھ بڑھاتے وقت اس چیز کو مد نظر رکھنا چاہیے . . . فوراً پڑوسی ملک افغانستان سے تعلوقات درست کرنے چاہیے ڈکٹیٹر مشرف نے امریکہ سے مل کر افغانستان کو تورا بورا بنا دیا ہے جس کا بدلہ لینے کے لیے طالبان نے پاکستان کے دفاعی اداروں پر حملے کیے امریکہ کے مفادات کی جنگ اب ہمارے ملک میں آ چکی ہے اس سے جتنا جلدی ممکن ہو سکے باہر آجانا چاہیے ڈو مور کی بات نہیں مانا چاہیے۔ بھارت جو پاکستان، خصوصاً بلوچستان ،خیبرپختونخواہ اور کراچی میں مداخلت کر رہا اس سے کھل کر برابری کی سطح پر بات کرنی چاہیے کشمیر کے مسئلے کے حل کے بغیر بار بار دوستی کی بھیک مانگنے سے عوام کے اندر مایوسی پھیل رہی ہے ایسے بیانات سے گریز کرنا چاہیے معاشی حب کراچی میں ٹارگٹ آپریشن کو منطقی انجام تک پہنچنا چاہیے مشرف دور سے شروع لا پتہ افراد کی وجہ سے پاکستان ملک اور پوری دنیا میں بدنام ہو رہا ہے اس کے لیے قانون سازی کر کے بے گنائوں کو فوراً باز یاب کروانا چاہیے۔
پاکستان سے سی آئی اے اور ریمنڈ ڈیوس نیٹ ورک جس پر فرقہ ورانہ تشدد میں ملوث ہونے کے الزام لگ رہاہے اس کے نیٹ ورک کو ختم کرنا چاہیے اٹھارویں ترمیم کے ذریعے جو حقوق صوبے کو دیے گئے ہیں اس پر مکمل عمل درآمد ہونا چاہیے بلوچستان کے بعد عدلیہ کے حکم پر عمل درآمد کرتے ہوئے باقی صوبوں میں بلدیاتی انتخابات فوراً کروانے چاہیے تاکہ لوگ غلط سوچ کی بجائے ترقیاتی کاموں میں مصروف ہو جائیںہمارے اِرد گرد تمام ملکوں میں صوبے قائم ہیں صرف پاکستان ایک ایسا ملک ہے جس میں صوبوں کا تناسب ٹھیک نہیں اس سے اختلاف جنم لے رہے ہیںاس لیے فوراً پاکستان میں جنرل ضیا ء کے دور میں مولانا ظفر احمد انصاری کی صوبوں کے متعلق رپورٹ پر پارلیمنٹ میں بحث مباحثے کے بعد عمل کرنا چاہیے تا کہ بڑے صوبے اور چھوٹے صوبے کے حق مارنے کا جھگڑا ختم ہو۔ چین سے سبق حاصل کر کے اپنے پائوں پر کھڑا ہونے کی کوشش کرنی چاہیے اس موقعہ پر ایک واقعہ بیان کرنا چاہتا ہوں (ریٹائرڈ) جسٹس جاوید اقبال صاحب چین کے دوران جب مائو زے تنگ سے ملنے گئے تو ان کی کرسی کے پیچھے لٹکے کوٹ پر پیوند لگے ہوئے دیکھے تو کہا !کیا بات ہے ایک عظیم قوم کے عظیم لیڈر کے کوٹ پر پیوند لگے ہوئے ہیں۔
اس پر مائوزے تنگ نے کہا تھا کیا” آپ کو ا پنا دوسرا خلیفہ عمر یاد نہیں جس کے کپڑوں پر پیوند لگے ہوتے تھے” اگر نواز شریف صاحب ان جیسی اچھی باتوں پر عمل کر کے پاکستان کو آئی ایم ایف کے چنگل سے نکال لیں تو تاریخ میں اپنانام لکھوا لیں گے ان کو ملائشیا کے تنکو عبدالرحمان کی بات بھی یاد رکھنا چاہیے کہ جس ملک کو تباہ کرنا ہے اسے آئی ایم ایف کے حوالے کر دو پاکستان میں امریکا کی وجہ سے حالات خراب ہیں لہٰذا امریکی کی برپاہ کردہ جنگ سے فوراً باہر آجانا چائیے امریکا سے امداد لینا بند کر دیں ورنہ وہ اپنی شرائط منوا کر اپنے عزائم جس میں پاکستان کے ایٹمی اثا ثہ جات بین الاقوامی کنٹرول اور پاکستان کو بھارت کی تفیلی ریاست بنا ناہے سے پاکستان بچ جائے اپنے لوگوں سے جنگ کی بجائے مذاکرات کرنے چاہیے۔
قارئین! اگر حکومت یہ کام کر لے تو پاکستان ٹوٹنے کی بجائے مضبوط ہو گا اور دوبارہ مشرقی پاکستان جیسا واقعہ پیش نہیں آ سکے گا یہی تاریخ کا سبق ہے یہی مشرقی پاکستان کے شہیدوں کو خراج ِتحسین ہے اسی میں ہماری بقاء ہے اللہ ہمارے مثلِ مدینہ ملکِ پاکستان کا محافظ ہو آمین۔
تحریر : میر افسر امان
mirafasaraman.blogspot.com
