وزیراعظم نواز شریف (آج) قوم سے پہلا خطاب کریں گے
اسلام آباد (پی پی سی ) وزیراعظم نوازشریف (آج) پیر کو قوم سے پہلا خطاب کریں گے جو ریڈیو اور ٹیلی ویژن سے براہ راست نشر کیاجائے گا۔ وہ اپنے خطاب میں حکومت کی ترجیحات کا اعلان کریں گے جن میں امن وامان کی بحالی’ دہشت گردی پر کنٹرول’ توانائی بحران بالخصوص بجلی کی لوڈشیڈنگ کاخاتمہ’ کنٹرول لائن پر کشیدگی میں کمی’ بھارت سمیت ہمسایہ ممالک سے بہتر تعلقات کا قیام اور چین کے ساتھ اقتصادی راہداری کی منصوبے کی تعمیر شامل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسلام آباد واقعہ ازخود نوٹس کیس کی سماعت (آج) ہو گی
اسلام آباد(پی پی سی) اسلام آباد واقعہ ازخود نوٹس کیس کی سماعت (آج) پیر کو ہو گی۔ کیس کی سماعت چیف جسٹس افتخار محمد چوہدری کی سربراہی میں تین رکنی بنچ کرے گا۔ واضح رہے کہ ہفتہ کو چیف جسٹس افتخار محمد چوہدری نے طارق اسد ایڈووکیٹ کی درخواست پر اسلام آباد واقعہ کا ازخود نوٹس لیا تھا۔ طارق اسد ایڈووکیٹ کی درخواست پر آئی جی، کمشنر اسلام آباد اور چیئرمین پیمرا کو فریق بنایا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سینیٹ کی قائمہ کمیٹی برائے کیبنٹ سیکرٹریٹ کا اجلاس (آج) ہو گا
اسلام آباد(پی پی سی )سینیٹ کی قائمہ کمیٹی برائے کیبنٹ سیکرٹریٹ کا اجلاس (آج) پیر کو ہو گا۔ تفصیلات کے مطابق سینیٹ کی قائمہ کمیٹی برائے کیبنٹ سیکرٹریٹ کا اجلاس (آج) پیر کو سینیٹر کلثوم پروین کی سربراہی میں صبح ساڑھے 10 بجے پارلیمنٹ ہائوس کے کمیٹی روم نمبر چار میں منعقد ہو گا۔ اجلاس میں صغریٰ امام ، کامل علی آغا ، مشاہد اللہ خان ،نجمہ حمید ، طلحہ محمود اوردیگراراکین شرکت کریں گے ۔ سیکرٹری کیبنٹ ڈویژن نرگس سیٹھی کمیٹی کو تفصیلی بریفنگ دیں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتخابی دھاندلیوں کی تحقیقات، پارلیمانی کمیٹی کی تشکیل کیلئے پارلیمانی جماعتوں کے نمائندوں کا اجلاس (آج) ہوگا
اسلام آباد(پی پی سی )عام انتخابات میں دھاندلی کی تحقیقات کیلئے پارلیمانی کمیٹی کے قیام کیلئے پارلیمانی جماعتوں کے نمائندوں کا اجلاس (آج)پیرکو پارلیمنٹ ہائوس میں ہوگا جس میں خصوصی کمیٹی کے قیام کا طریقہ کار وضح کیا جائے گا۔ اس اجلاس میں ن لیگ کے وفاقی وزیر زاید حامد ، پی پی پی کے نوید قمر، تحریک انصاف کے شفقت محمود ، ایم کیو ایم کے ایس اے اقبال قادری ،جے یو آئی ف کے اکرم درانی ، جماعت اسلامی کے صاحبزادہ طارق اللہ ،میپ کے محمود خان اچکزئی اور کاظم علی شاہ شرکت
کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیلز ٹیکس اورفیڈرل ایکسائزڈیوٹی کی ادائیگی کیلئے (کل) آخری تاریخ
اسلا م آباد(پی پی سی )سیلزٹیکس اورفیڈرل ایکسائزڈیوٹی کی ادائیگی کی آخری تاریخ (کل) منگل 20اگست ہے۔ فیڈرل بورڈ آف ریونیونے کھاتہ دارو ں کی سہولت کیلئے تاریخ میں توسیع کر کے 20اگست آخری تاریخ مقررکی تھی۔یہ توسیع جولائی 2013کے عرصے کیلئے تمام رجسٹرڈ افراد کیلئے ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قومی اسمبلی کا اجلاس (آج)دوبارہ شروع ہو گا
اسلام آباد (پی پی سی ) قومی اسمبلی کا اجلاس (آج) پیر کی سہ پہر چار بجے پارلیمنٹ ہاؤس میں دوبارہ شروع ہو گا جس میں صدارتی خطاب پر بحث کا آغاز کرایا جائے گا۔ سپیکر سردار ایاز صادق اجلاس کی صدارت کریں گے۔ اجلاس جمعہ کو دو روز کے لئے ملتوی کردیا تھا۔ رواں اجلاس جمعہ 23 اگست تک جاری رہے گا جس میں ضروری قانون سازی کی جائے گی۔ اجلاس میں ملک میں امن و امان کی صورتحال پر بھی غور کیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سینٹ کااجلاس (آج) ہوگا، بھارتی جارحیت کیخلاف متفقہ قراردادمنظورکئے جانے کا
امکان
اسلام آباد(پی پی سی)سینٹ کااجلاس (آج) پیر کی شام پانچ بجے پارلیمنٹ ہاؤس اسلام آباد میں شروع ہوگا جس کی صدارت چیئرمین سینٹ سیدنیئرحسین بخاری کریں گے ۔اجلاس میں کنٹرول لائن پربھارتی جارحیت کے خلاف متفقہ قراردادمنظورکئے جانے کاامکان ہے جبکہ ملک کی مجموعی امن وامان کی صورتحال پربحث بھی کی جائے گی۔اجلاس میں صدرکے پارلیمنٹ سے خطاب پربھی بحث ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سینیٹ کی بزنس ایڈوائزری کمیٹی کا اجلاس (آج)ہوگا
اسلام آباد(پی پی سی )سینیٹ کی بزنس ایڈوائزری کمیٹی کا اجلاس (آج) پیرکو سہ پہر ساڑھے چاربجے پارلیمنٹ ہائوس کے کمیٹی روم نمبرتین میں چیئرمین سینٹ سید نیر حسین بخاری کی صدارت میں منعقد ہوگا جس میں تمام پارلیمانی جماعتوں کے نمائندے شرکت کریں گے ۔اجلاس میں سینیٹ کے ہفتہ بھرجاری رہنے والے اجلاس کے ایجنڈے کو حتمی شکل دی جائے گی ۔ وزیرمملکت پارلیمانی امور شیخ آفتاب احمد بھی اجلاس میں شرکت کریں گے جبکہ قائد ایوان سینیٹر راجہ ظفرالحق اور اپوزیشن لیڈر سینیٹراعزاز احسن بھی اجلاس میں شریک ہوں گے۔
Related Posts
