پاکستان کے بارے میں جو تصویر دکھائی جاتی وہ یکسر مختلف ہے،سارہ ولا
لاہور()سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولانے پاکستان کے اپنے دورے کے بارے میں اظہار خیال کرتے ہو ئے کہا کہ میں پاکستان آکر جو حالات آکر دیکھے ہیں وہ میرے لئے ناقابل یقین ہیں کیونکہ ہمیں جو تصویردکھائی جاتی ہے وہ یکسر مختلف ہے۔انہوں نے کہا کہ پاکستان کے بارے میں یہ تاثر ہے کہ وہ خطر ناک ملک ہے اور وہاں خواتین کو آزادی نہیں مگر یہاں پر میں نے خواتین کو ہر قسم کی سرگرمیوں میں حصہ لیتے دیکھا ہے ۔انہوں نے کہا کہ پاکستانی خواتین کے لباس دیکھ کر بہت متاثر ہوئی ہوں اور مجھے یہ لباس بہت پسندہے۔انہوں نے کہا کہ میں پاکستان کے خاندانی نظام اور رہن سہن سے بیحد متاثر ہوں اور ہمیں افسوس ہے کہ ہماری نوجوان اپنی خاندانی روایات سے دور ہوتی جارہی ہے۔انہوں نے کہا کہ میں نے مصر،عراق،شام اور فلسطین کے دورے کئے ہیں اور ان قوموں کے تمام معاملات کا جائزہ لیا ہے مگر ان کے مقابلے میں پاکستانی قوم انتہائی سنجیدہ،کم گو اور نفیس ہے۔انہوں نے بادشاہی مسجد کے دورے کے دوران پاکستان کے تاریخی ورثے کی بھی بیحد تعریف کی۔انہوں نے اسلام آباد اور لاہور کے شہروں کی بیحد تعریف کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاتالان ممبر پارلیمنٹ سارہ ولا اور وفد کے اراکین کی گورنر پنجاب سے ملاقات
لاہور()سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا کی قیادت میں تین رکنی وفداور دیگر شخصیات نے گذشتہ روزگورنر ہاوس لاہور میں گورنر پنجاب چوہدری سرور سے ملاقات کی۔ملاقات کر نیوالے وفد کے شرکا میں فیڈریشن دل بائیس کے صدر سفیان یونس،سنیئر رہنماء اوگوکولاچو، ایڈیشنل ایڈوکیٹ جنرل خاور اکرام بھٹی،بلو شیر گروپ آف کمپنیز کے ڈائریکٹر چوہدری یاسر عرفات وڑائچ،سماجی کارکن چوہدری شہزاد اکبر وڑائچ، طارق شیخ ایڈوکیٹ،سید محسن شاہ اوربی بی سی اپ ڈیٹ کے چیف ایڈیٹر مرزا ندیم بیگ شامل تھے۔ سپین کے علاقے کاتالونیہ کی ممبر پارلیمنٹ سارہ ولا ،فیڈریشن دل بائیس کے صدر سفیان یونس اور فیڈریشن دل بائیس کے سنیئر رہنماء اوگو کولاچو نے بتایا کہ سپین میں مقیم اوورسیز پاکستانیوں کو ملک میں زمینیوں پر قبضوں اور دیگر ناجائز مسائل کا سامنا ہے اور پاکستانی حکومت کو چاہیے کہ وہ سپین اور پاکستان کے مابین کوئی ایسا معاہدہ تشکیل دے کہ سپین میں پاکستانی اور پاکستان میں مقیم ہسپانوی کم ازکم بلدیاتی سطح پر ووٹ ڈال سکیں،کیونکہ سپین میں دیگر اقوام سے تعلق رکھنے والے افراد لیگل ہو نے کے بعد بلدیاتی الیکشنز میں ووٹ ڈالنے کے اہل ہیں۔گورنر پنجاب کو اس امر سے بھی آگاہ کیا گیا کہ اوورسیز پاکستانی ملک کو بہت بڑی رقم زرمبادلہ کی مد میں بھیجتے ہیں مگر پاکستان میں سیاسی اعتبار سےانکی کوئی نمائندگی اور کوئی انکا پرسان حال نہیں۔ملاقات کے دوران گورنر پنجاب چوہدری سرور کو سپین میں مقیم پاکستانی کمیونٹی کے مسائل سے آگاہ کیا گیا۔ملاقات کے دوران گورنر پنجاب چوہدری محمد سرور کو بتایا گیا کہ کاتالونیہ کی حکومت کے تعاون سے پاکستان کے کسی گاوں میں گرلز سکول کا قیام کیا جائے گا،جس کے ضمن میں بلو شیر گروپ آف کمپنیز کے ڈائریکٹر چوہدری یاسر عرفات وڑائچ نے ذاتی حیثیت میں ہر ممکن تعاون کی یقین دہانی کروائی،جس پر گورنر پنجاب نے ان کے جذبات کو سراہا ۔چوہدری غلام سرور نے ممبر پارلیمنٹ سارہ ولا پاکستان کا دورہ کر نے پرخصوصی شکریہ ادا کر تے ہو ئے کہاکہ میں بھی امیگرنٹ کی حثیت سے برطانیہ میں رہا ہوں اور مجھے اوورسیز پاکستانیوں کی مشکلات اور مسائل کا بخوبی علم ہے۔انہوں نے کہا کہ میں نے تمام مسائل نوٹ کر لئے ہیں اور میں ان معاملات سے حکومت پاکستان کو بھی مطلع کرونگا اور ان کے حل کیلئے ہر ممکن کو شش کرونگا۔گورنر پنجاب سے ملاقات کا اہتمام بلو شیر گروپ آف کمپنیز کے ڈائریکٹر چوہدری یاسر عرفات وڑائچ نے کیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گورنر پنجاب کا کاتالان ممبر پارلیمنٹ سارہ ولا اور وفد کے اراکین کے اعزاز میں ناشتہ
لاہور()سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا کی قیادت میں تین رکنی وفداور دیگر شخصیات نے گذشتہ روزگورنر ہاوس لاہور میں گورنر پنجاب چوہدری محمدسرور سے ملاقات کی۔ملاقات کے بعد گورنر پنجاب چوہدری محمدسرور نے سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا ، فیڈریشن دل بائیس کے صدر سفیان یونس،سنیئر رہنماء اوگوکولاچو، ایڈیشنل ایڈوکیٹ جنرل خاور اکرام بھٹی،بلو شیر گروپ آف کمپنیز کے ڈائریکٹر چوہدری یاسر عرفات وڑائچ،سماجی کارکن چوہدری شہزاد اکبر وڑائچ، طارق شیخ ایڈوکیٹ،سید محسن شاہ اوربی بی سی اپ ڈیٹ کے چیف ایڈیٹر مرزا ندیم بیگ کے اعزاز میں ناشتہ دیا۔اس موقع پر گورنر پنجاب چوہدری محمدسرور نے سارہ ولا سے دوطرفہ ملکی امور پر بھی بات چیت بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دورہ سپین، گورنر پنجاب کو سارہ ولا کی دعوت،جلد بارسلونا آنیکی یقین دہانی
لاہور()گورنر پنجاب چوہدری محمدسرور نے سپین کے دورے کی خواہش کا اظہار کیا تو کاتالان ممبر پارلیمنٹ سارہ ولا نے بارسلونا کے دورے کی دعوت دی جسے گورنر پنجاب نے قبول کر لیا اور کہا کہ متوقع ہے کہ وہ جنوری کے بعد سپین کا دورہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاتالان ممبر پارلیمنٹ سارہ ولا اور وفد کے اراکین کی گورنرہاوس کی سیر بھی کرائی گئی
لاہور(مرزا ندیم بیگ)سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا کی قیادت میں تین رکنی وفداور دیگر شخصیات نے گذشتہ روزگورنر ہاوس لاہور میں گورنر پنجاب چوہدری محمدسرور سے ملاقات کی۔ملاقات کے بعدوفد اور دیگر شرکاء کو گورنر ہاوس کی سیر بھی کرائی گئی۔شرکا کو بتایا گیا اس گورنر ہاوس میں بانی پاکستانی محمد علی جناح بھی قیام کرتے رہے تھے اور ان کے کھیلنے والی بلیئرڈ ٹیبل آج بھی گورنر ہاوس میں موجود ہے۔اس کے علاوہ گورنر ہاوس کے اہم حصے بھی دکھائے گئے اور باغ اور چڑیا گھر کی بھی سیر کرائی گئی۔سارہ ولا اور تمام شرکاء اس قدر عالیشان اور بڑا گورنر ہاوس دیکھ کر حیران رہ گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کاتالان ممبر پارلیمنٹ سارہ ولاوفد کے لاہور کی بادشاہی مسجد کا دورہ
لاہور()سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا کی قیادت میں تین رکنی وفداور دیگر شخصیات نے گذشتہ روزلاہور کی تاریخی مسجد “بادشاہی مسجد “کا دورہ کیا۔سارہ ولا اور اُوگو کو لاچو نے تاریخی مسجد کو بیحد پسند کیا۔سارہ ولا نے مسجد کے طرز تعمیر کی بیحد تعریف کی اور پاکستان کا اہم ورثہ قراردیا۔مسجد کے دورے کے دوران سارہ ولا کے ہمراہ فیڈریشن دل بائیس کے صدر سفیان یونس،سنیئر رہنماء اُوگوکولاچو، بلو شیر گروپ آف کمپنیز کے ڈائریکٹر چوہدری یاسر عرفات وڑائچ،سماجی کارکن چوہدری شہزاد اکبر وڑائچ، طارق شیخ ایڈوکیٹ،سید محسن شاہ اوربی بی سی اپ ڈیٹ کے چیف ایڈیٹر مرزا ندیم بیگ ہمراہ تھے۔اس موقع پر شہزاداکبر نے سارہ ولا اور اُوگو کو لاچو کوہاتھوں سے بنے ہوئے خوبصورت پنکھوں کا تحفہ دیا ،جسے دونوں نے بیحد پسند کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سارہ ولا کی خیبر پختونخوا کے صوبائی وزیر صحت شہرام خان سے ملاقات
لاہور() سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا کی قیادت میں تین رکنی وفداور دیگر شخصیات نے کے پی کے حکومت کے صوبائی وزیر صحت شہرام خان ترکئی سے اسلام آباد میں ملاقات کی۔ملاقات کے دوران دونوں رہنماوں نے دوطرفہ ملکی امور کے بارے میں معلومات حاصل کیں۔سارہ ولا نے کے پی کے حکومت کے صوبائی وزیر صحت شہرام خان ترکئی سے صوبہ خیبر پختونخوا میں صحت اور ہسپتالوں کے بارے میں معلومات لیں اور سپین کے صوبہ کاتالونیہ میں صحت کے نظام کے بارے سے آگاہ کیا۔ صوبہ خیبر پختونخوا کے صوبائی وزیر صحت شہرام خان ترکئی نے کاتالونیہ کی ممبر پارلیمنٹ سارہ ولا ،فیڈریشن دل بائیس کے رہنماوں اُوگو کولاچو اور سفیان یونس کاپاکستان کا دورہ کرنے پر خصوصی طور پر شکریہ اداکیا۔ملاقات کے موقع پر فیڈریشن دل بائیس کے صدر سفیان یونس،سنیئر رہنماء اوگوکولاچو، ایڈیشنل ایڈوکیٹ جنرل خاور اکرام بھٹی،بلو شیر گروپ آف کمپنیز کے ڈائریکٹر چوہدری یاسر عرفات وڑائچ،سماجی کارکن چوہدری شہزاد اکبر وڑائچ، طارق شیخ ایڈوکیٹ،پی ٹی آئی سپین کے رہنماء نوید خان اوربی بی سی اپ ڈیٹ کے چیف ایڈیٹر مرزا ندیم بیگ بھی موجود تھے۔صوبائی وزیر شہرام خان سے ملاقات کا اہتمام پی ٹی آئی سپین کے رہنماء نوید خان نے کیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممبر پارلیمنٹ سارہ ولا کی لاہور میں پولیس چیف امین وینس سے ملاقات
لاہور()سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا کی قیادت میں تین رکنی وفداور دیگر شخصیات نے گذشتہ روز سی سی پی او کیپٹن(ر) امین وینس سے انکے دفتر میں ملاقات کی۔ملاقات کے دوران سی سی پی او کیپٹن(ر) امین وینس نے بتایا کہ پاکستان نہ تو دہشت گرد ملک ہے اور نہ ہی یہاں کی عوام کا مزاج ایسا ہے۔ہمارے افغانستان کے ملحقہ بارڈرپر جب امریکی ڈرون اٹیک کر کے بیگناہ افراد کو مارتے ہیں تو ردعمل کے طور پر خودکش بم دھماکے ہوتے ہیں اور اس کی وجہ سے دہشت گردی کے واقعات ہو تے ہیں۔ سی سی پی او کیپٹن(ر) امین وینس نے کہا کہ مغربی میڈیا ایک منظم انداز میں پاکستان کا منفی چہرہ دکھاتا ہے جبکہ حقیقت اسکے برعکس ہے۔جواب میں کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا اور اوگو کولاچو نے کہا کہ ہم پاکستان میں ایسا کوئی معاملہ نہیں دیکھا جو خوفناک ہو۔سارہ نے بتایا کہ میں غزہ،شام اور عراق کے دورے کر رکھے ہیں مگر پاکستان میں صورتحال بالکل برعکس ہے اور پاکستانی قوم بہت صبر وتحمل اور مطمئن دکھائی دیتی ہے۔ملاقات کے موقع پر ایس پی سی آئی اے پولیس لاہور عمر ورک کے علاوہ،بلو شیر گروپ آف کمپنیز کے ڈائریکٹر چوہدری یاسر عرفات وڑائچ، سماجی کارکن چوہدری شہزاد اکبر وڑائچ اور بی بی سی اپ ڈیٹ کے چیف ایڈیٹر مرزا ندیم بیگ بھی موجود تھے۔اس اہم ملاقات کا اہتمام بلو شیر گروپ آف کمپنیز کے ڈائریکٹر چوہدری یاسر عرفات وڑائچ نے کیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور کی معروف کاروباری شخصیت طارق شیخ ایڈوکیٹ کا سارہ ولا کے اعزاز میں عشائیہ
لاہور()سپین کے علاقے کاتالونیہ کی ممبر پارلیمنٹ اور سپین کی امیگرنٹس دوست جماعت “آئی سی وی”کی رہنماء سارہ ولا،فیڈریشن دل بائیس کے صدر سفیان یونس ،فیڈریشن کے سنیئر رہنماء اُوگوکولاچو، بلو شیر گروپ آف کمپنیز کے ڈائریکٹر اور میزبان وفدچوہدری یاسر عرفات وڑائچ ،سماجی کارکن چوہدری شہزاد اکبر وڑائچ اور بی بی سی اپ ڈیٹ کے چیف ایڈیٹر مرزا ندیم بیگ کےاعزاز میں لاہور کی معروف کاروباری شخصیت طارق شیخ ایڈوکیٹ نے اپنی رہائش گاہ پر عشائیہ دیا۔اس موقع پر انکے تمام فیملی ممبرزبھی موجود تھے۔سارہ ولا نے اہلخانہ کی خواتین سے بھی ملاقات کی اور پاکستانی گھریلو رہن سہن کا بغور جائزہ لیا اور پاکستانی رہن سہن کی بیحد تعریف کی۔اس موقع پر اُگوکولاچو نے ایک گیت بھی سنایا۔
