کبھی کسی نے یہ سوچا کہ رہتے ہم اسلامی جمہوریہ پاکستان میں ہیں اور ہم اپنے آپ کو مسلمان بھی کہتے ہیں اور ہر طرح سے اسلامی تعلیمات میں بڑھ چڑھ کر حصہ بھی لیتے ہیں مگر کیا ہے اسلامی جمہوریہ پاکستان کے مختلف علاقوں میں بارشیں ہو رہی ہیں بس ایک ہی فکر ہو رہی ہے کہ اور ہم سب کی زبان پر اب ایک ہی دعا رہتی ہے۔
ہماری فصلیں برباد ہو رہی ہیں اگر فصلیں تباہ ہو گیئں تو ہمارے کھانے کا کیا ہو گا ہمیں اپنے کھانے کی تو فکر رہتی ہے مگر مسلمان ہونے کے ناطے یہ نہیں سوچتے کہ جس پاک ذات نے ہمیں پیدا کیا ہے ہم اس پاک ذات کے لیے کیا کر رہے ہیں ہم نے آخرت کے لئے کیا کیا ہے آج جس طرح پاکستان کے مختلف علاقوں میں کھانے پینے کی اشیاء کی قلت پیدا ہوئی ہے کیا یہ سب اسلام سے دوری کا سبب تو نہیں ہے خوارک کی کمی کی وجہ سے آج لوگ غیر انسانی فعل کرنے پر مجبور ہو گئے ہیں ایک طرف تو بڑے بڑے ہوٹلوں پر مزے دار کھانوں کی خوشبو سے غریب انسان کی عقل ہی دھنگ رہ جاتی ہے دوسری طرف ایک غریب انسان اپنے بچوں کا پیٹ بھرنے کے لئے نجانے کیا کیا محنت مزدوری کرتا ہے مگر پھر بھی دو وقت کی روٹی نہیں ملتی حالات اس قدر نا گزیرہو چکے ہیں۔
لوگ فاقوں مر رہے ہیں مگر اس کے ساتھ لوگ کیا کر رہے ہیں یہ واقعہ کچھ دن پہلے رونما ہوا جب دو بھائی پھر ایک بار گرفتار ہوئے زندہ یا مردہ انسانوں کو کھانا پاکستان میں جرم نہیں ہے مگر کیا اسلام میں انسانوں گھوڑوں ،گدھوں کا گوشت کھانا کہاں جائز ہے ایسی غیر اخلاقی حرکات میں ملوث کسی بھی شخص کے خلاف صرف قبر کو نقصان پہنچانے کا الزام لگا کر مقدمہ درج کیا جاتا ہے اور اس کے لئے زیادہ سے زیادہ سزا ایک سال قید ہے مردہ انسان کا گوشت کھانے کے متعلق تعزیرات پاکستان سمیت ملک کے تمام قوانین آدم خوری پر خاموش ہیں بھکر کے نواحی علاقے میں مردہ انسانی گوشت کھانے کے جرم میں پہلے بھی گرفتار ہو چکے۔
دو بھائیوں عارف عرف ایھل اور فرمان علی عرف بھاما کو ایک بار پھر سے مردہ خوری کے الزام میں گرفتار کر لیا ہے لیکن بد قسمتی سے ان ملزمان کے خلاف انسانوں کو کھانے کا مقدمہ درج کرنے کی بجائے قبر کو نقصان پہنچانے کا مقدمہ درج کیا گیا ہے کیا اعلیٰ حکام کو اس بارے میں معلوم نہیں سب معلوم ہونے کے باوجود اس پہ یہ ردعمل ہے ان لوگوں پر چھوٹا سا مقدمہ بنایا جاتا ہے اسلامی جمہوریہ پاکستان میں کوئی بھی ایسا قانون موجود نہیں جو کسی انسان کو آدم خور بننے سے روک سکے اور کوئی بھی قانون ایسا نہیں ہے جس کی بنیاد پر کہا جا سکتا ہے کہ ملک میں زندی یا مردہ انسانوں کو کھانا قانون کی نظر میں جرم ہے بھکر کے دونوں بھائیوں کے خلاف 2011میں بھی مردہ انسانی گوشت کھانے کے الزام میں اور قبر کو نقصان پہنچانے کی دفعہ کے تحت مقدمہ درج کیا گیا تھا پاکستان میں یہ تو قانون ہے جس کے مطابق قبر کو نقصان پہنچانا قابل ضمانت جرم ہے جس کی سزا ایک سال قید یا جرمانہ یا مجرم کو دونوں سزائیں بھی دی جا سکتی ہیں۔
مقامی عدالت نے انسانی گوشت کھانا کا جرم ثابت ہونے کے باوجود دونوں بھائیوں کو سخت سزا دینے میں بے بسی محسوس کی اور انتہائی محض قبروں کو نقصان پہنچانے کے جرم میں 18مئی 2012کو محض ایک سال قید کی سزا سنائی اور جیسے ہی ان کی قید کی مدت پوری ہوئی ان دونوں کو رہا کر دیا گیا لیکن دونوں بھائیوں نے رہا ہونے کے بعد ایک بار پھر سے آدم خوری شروع کر دی ہے حالیہ واقعات کے بعد ملک میں زندی یا مردہ انسانی جسم کھانے کے ان شوقینوں کے خلاف قانون سازی وقت کی اہم ضرورت بن گئی ہے اس پر حکومت پاکستان کو جلد از جلد قانون سازی میں ایسی ترمیم کرنی چاہیے کہ ان اور ان جیسے لوگوں کو سخت سے سخت سزا ملنی چاہیے تاکہ اب آنے والی نسلوں میں بھی ایسا کوئی واقعہ رونما نہ ہو سکے۔
تحریر : زکیر احمد بھٹی
