جھنگ (تحصیل رپورٹر) ڈپٹی کمشنر غازی امان اللہ کی زیر صدارت ہیلتھ کونسل کا اہم اجلاس منعقد ہوا جس میں ڈسٹرکٹ ہیڈ کوارٹر کے مختلف امور کے دوران درپیش مسائل زیر بحث لانے کے علاوہ جاری ترقیاتی و تعمیراتی کاموں کی پیش رفت کا جائزہ لیا گیا۔اجلاس میںایم پی اے خرم خان سیال،چیئرمین میونسپل کمیٹی شیخ نواز اکرم، ایڈیشنل ڈپٹی کمشنر(جنرل) ہارون رشید،چیف ایگزیکٹیو آفیسر ہیلتھ ڈاکٹر ظفر عباس خان،میڈیکل سپرنٹنڈنٹ حبیب احمد بٹر،ڈی او سوشل ویلفیئر اظہر عباس عادل،پی آر اوٹو ڈی سی آغا حسین،چیئر مین بیت المال عشرت ریاض، میڈیکل سوشل ویلفیئر آفیسر زرقہ اظہر، عمر خان اور دیگر ہیلتھ کونسل اراکین نے شرکت کی۔ڈی سی غازی امان اللہ نے ڈی ایچ کیو ہسپتال میں جاری ترقیاتی و تعمیراتی کاموں میں تیزی لانے اورمحکمانہ طورپر سسٹم میں مزید بہتری لاتے ہوئے مقرر ہ اہداف کو ہر قیمت پر پورے کرنے کے حوالہ سے متعلقہ افسران اور ممبران کو ہدایات جاری کیں ۔انہوںنے ڈی ایچ کیو ہسپتال میں صفائی ستھرائی، سیوریج سسٹم، سیکورٹی اور دیگر امور کے حوالہ سے بھی احکامات جاری کئے۔انہوںنے اس ضمن میں رورل ہیلتھ سنٹر اور بنیادی مرکز صحت میں میسر علاج معالجہ کی سہولیات کا بھی جائزہ لیا۔ ڈی سی غازی امان اللہ نے کہا کہ ہیلتھ کونسل کے قیام اورافسران و اراکین کی بھرپور محنت اور کاوشوں سے ڈسٹرکٹ ہیڈ کوارٹر ہسپتال کے ہر شعبہ میں ایک واضح تبدیلی نظر آرہی ہے اس ضمن میں مریضوں کو معیاری علاج معالجہ کے حوالہ سے تمام تر سہولیات میسر ہورہی ہیں۔اجلاس میں ایم ایس حبیب احمد بٹر نے سابقہ اجلاس میں زیر بحث لائے جانے والے ایجنڈے پر کئے گئے کام پر تفصیل روشنی ڈالی اور نیا ایجنڈا پیش کیا جس میں کولڈ روم،میڈیسن سٹور،میڈیکل ایمرجنسی ویٹنگ روم اور ایگزاسٹ فین برائے واش رومزسمیت دیگر متعلقہ تعمیرومرمت کے حوالہ سے دیگر امورکی پیش رفت کا جائزہ لیا گیا اور موقع پر احکامات جاری کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) واصوآستانہ میںانجمن تاجران کااجلاس منعقدہوا۔جس میںیونین کے نئے عہدیداران کاانتخاب کیاگیا۔ تفصیلات کیمطابق گزشتہ روزسرپرست اعلی چوہدری محمدمشتاق کی زیرصدارت انجمن تاجران کاایک اہم اجلاس منعقدہوا۔جس میںاتفاق رائے سے صدرحاجی فوجی ملک محمدیوسف، سینئر نائب صدرحاجی محمدریاض زرگر،نائب صدراول ملک محمد نواز،نائب صدردوم فوجی منیراحمد،جنرل سیکرٹر ی چوہدری شہبازطور، ڈپٹی سیکرٹری حاجی ملک محمدعمرحیات، سیکرٹری خزانچی مولوی غلام شبیر،ڈپٹی خزانچی عبدالشکوربھٹی اورمحمدقیصرشاہین کو سیکر ٹری نشرواشاعت منتخب کرلیاگیا۔ مسلم لیگ ن کے ممبرپنجاب اسمبلی الحاج میاںمحمداعظم چیلہ سیال،سابق ناظم یونین کونسل میاں مظفر محمود چیلہ، چیئرمین یوسی واصوآستانہ میاں محبو ب احمدچیلہ، چیئرمین تحصیل میونسپل کمیٹی میاںحبیب الرحمن چیلہ،جمعیت طلباء اسلام کے راہنما ملک محمدعمرریاض سمیت دیگرسیاسی، مذہبی اور سماجی شخصیات نے انہیںمبارکبادپیش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) قومی احتساب بیوروکرپٹ عناصر کیلئے پناہ گا ہ بن چکا ہے ۔یہ بات بہادر خان جھگڑ امیرجماعت اسلامی جھنگ نے ایک بیان میں کہی۔ انہوں نے کہا کہ نیب پلی بارگین کا ادارہ بن گیا ہے۔ کروڑوں اربوں روپے کی کرپشن کرو ،اور پکڑے جانے پر کچھ حصہ واپس کرکے اپنا دامن صاف کرلو۔ انہوں نے کہا کہ اس امر کی جتنی مذمت کی جائے کم ہے، حکمرانوں کی عاقبت نااندیش پالیسیوں کی بدولت لوٹ مار کا بازار گرم ہے۔1971ء سے ا ب تک دو سو اسی ارب کے قرضے معاف کرائے گئے، کرپشن کی بڑی بڑی داستانیں منظر عام پرآئیں ، ملکی معیشت کسمپرسی کی حالت میں اور عوام اذیت ناک زندگی بسر کرنے پر مجبور ہوگئے ہیں۔ انہوں نے کہا کہ اب وقت آگیا ہے کہ ملک میں بلاتفریق احتساب کا عمل شروع کیا جائے ، کرپٹ عناصر جہاں بھی ہوں ان کا قلع قمع ناگزیر ہے۔ انہوں نے کہا کہ آف شور کمپنیوں کے ذریعے اربوں روپے کی خطیر رقم بغیر ٹیکس ادا کئے ملک سے باہر بھیج دی گئی جس سے ملک تباہی کے دہانے پر ہے۔ انہوں نے کہا کہ جماعت اسلامی پورے ملک سے کرپشن کا خاتمہ چاہتی ہے، کرپشن فری پاکستان کی تحریک بھرپور طریقے سے جاری رہے گی ۔ انہوں نے کہا کہ اگر ملک سے کرپشن کاخاتمہ کرنا ہے تو حکمرانوں کو اپنے اثاثے قوم کے سامنے ظاہر کرنا ہوں گے اورعوام کو بھی کرپشن سے پاک اور دیانتدار قیادت کو ووٹ دے کر حکمران منتخب کرنا ہوگا۔
