جھنگ (ڈسٹرکٹ رپورٹر) قائم مقام ڈسٹرکٹ کوآرڈی نیشن آفیسر شوکت علی کھچی نے ایڈمنسٹریٹر ٹی ایم اے محمد اویس ملک کے ہمراہ گزشتہ روز لکڑ مارکیٹ کچا کوٹ روڈ کے نزدیک زیر تعمیر عمارت کے گرنے کی جائے حادثہ کا معائنہ کیااور وہاںپر جاری ریسکیو1122کی امدادی کاروائیوں کا جائزہ لیا۔اس موقع پر ڈی سی او کو بتایا گیا کہ زیر تعمیر عمارت کے گرنے کے باعث دو افراد ملبہ کے نیچے دب گئے جن میں سے ایک جان بحق ہو گیا جبکہ دوسرے کو زندہ حالت میں نکال کر ڈی ایچ کیو ہسپتال پہنچا دیا گیاجہاں اسکی حالت خطرے سے باہر بتائی جاتی ہے۔اس موقع پر قائم مقام ڈی سی او نے ایڈمنسٹریٹر ٹی ایم او کو عمارت کی تعمیر اور حادثہ کے حوالہ سے چوبیس گھنٹے میں ابتدائی تحقیقاتی رپورٹ پیش کرنے کی ہدایات جاری کی۔ مزید برآں قائم مقام ڈی سی او حادثہ میں شدید زخمی ہونے والے مریض کی عیادت کیلئے ڈی ایچ کیو ہسپتال کے ٹراما سنٹر پہنچے جہاں انہوںنے صفائی ستھرائی کی ناقص صورتحال پر سخت ناراضگی کا اظہار کرتے ہوئے ایم ایس ڈاکٹر حبیب بٹرکو سختی سے ہدایت کی کہ وہ ہسپتال کی ایمرجنسی میں ڈاکٹروں اور کوالیفائیڈ عملہ کو حاضر رکھیں اور فری ادویات کی فراہمی کی شکایات کا فوری ازالہ کریں ۔ڈی سی او نے حادثہ کا شکار مریض کی عیادت کی اور اسے مفت ادویات اور بہترین علاج فراہم کرنے کی ہدایات جاری کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) وزیر اعلیٰ پنجاب کی ہدایات کی روشنی میں ماہ صیام کے بابرکت مہینے میں سبزیوں اور پھلوں کی ارزاں نرخوں پر وافر فراہمی کو یقینی بنانے کیلئے قائم مقام ڈسٹرکٹ کوآرڈی نیشن آفیسرشوکت علی کھچی نے ڈی پی او ہمایوں مسعود سندھو کے ہمراہ علی الصبح شہر کی مرکزی سبزی و پھل منڈی کا دورہ کیا جہاں انہوںنے کاشتکاروں اور دکانداروں سے سبزیوں اور پھلوں کی قیمتوں بارے تبادلہ خیال کیا۔ قائم مقام ڈی سی او نے سیکرٹری مارکیٹ کمیٹی اور دیگر متعلقہ عملہ کو سبزی منڈی کے اندروں اور بیرون صفائی ستھرائی کے معاملات کو بہتر اور موثر بنانے کی ہدایات جاری کی۔ انہوںنے بولی کے مراحل کی جاری مانیٹرنگ کو مزید موثر بنانے کیلئے سیکرٹری مارکیٹ کمیٹی کو پابند کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) پاکستان علماء کونسل کے ضلعی سینئرراہنماء مولانامحمداکبرعلی نے کہاہے کہ رو زہ طہار ت ،پاکیزگی اور نفس پر قابو پا نے کا بہترین ذریعہ ہے ۔روزہ سے بندے میںا نسانیت پیدا ہو تی ہے اور دوسروں کی بھوک پیاس کو محسوس کر نیکا موقع ملتاہے ان خیالات کا اظہارانہوں نے گزشتہ روزاپنے ایک بیان میںکہا۔اس موقع پرضلعی جنرل سیکرٹری مولاناعبدالعلیم حقانی،سیکرٹری اطلاعات مولانامحمدصابرنوازاورڈپٹی سیکرٹری انفارمیشن حافظ بھی موجودتھے،انہو ں نے کہا کہ روزہ صبر و استقامت کا درس دیتا ہے ،روزہ سے جہاں روحانی بلیدگی حاصل ہو تی ہے وہاں انسا نی جسم کی بھی بہترین نشو نما ہو تی ہے۔انہوں نے کہا کہ ماہ مقدس میں تا جر برا دری ذخیرہ اندوزی اور گراں فروشی سے پر ہیز کر یںاور عوام کو سستی و معیاری اشیاء خور دو نوش فراہم کر کے اللہ تعالی کی رضا و خوشنودی حاصل کریں ۔مزید کہا کہ ماہ رمضان میں نادار اور لا چار افراد کی مدد کر کے بھی اللہ تعالی کی رضا وخوشنودی حاصل کی جا سکتی ہے ۔انکا کہنا تھا کہ آقا ئے دو جہاں ۖ نے ہمیشہ یتیموں کی سر پرستی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) جھنگ میںمحکمہ تحفظ ماحول پنجاب کی جانب سے این او سی حاصل کے بغیر شہری علاقوں میںسینکڑوں پاور لومز فیکٹریاں قائم صوتی آلودگی سے شہریوںکو پریشانی کا سامنا ۔جھنگ کے شہری فیصل منظور کی جانب سے پنجاب شفافیت و معلومات تک رسائی کے قانون2013 کے تحت محکمہ تحفظ ماحول پنجاب کو دی گئی درخواست میں پوچھا گیا کہ محلہ حسنانہ،جھنگ سٹی،سیٹلائٹ ٹائون،کوٹ سائی سنگھ سمیت دیگر شہری علاقوں میں کل کتنی پاور لومز فیکٹریاں کام کر رہی ہیں اور کیا ان کو محکمہ کی جانب سےNOCجاری کیا گیا ہے اور اگر بغیر اجازت یہ فیکٹریاں کام کر رہی ہیں تو محکمہ کی جانب سے اب تک کیا کاروائی عمل میں لائی گئی ہے۔محکمہ کی جانب سے فراہم کردہ معلومات کے مطابق مذکورہ بالا شہری علاقوںمیں 100سے زائد پاور لومز فیکٹریاں کام کر رہی ہیں اور کسی بھی فیکٹری کو محکمہ تحفظ ماحول پنجاب کی جانب سے NOCجاری نہیں کیا گیا جبکہ صرف20فیکٹریاں ایسی ہیں جنہیں NOCکی ضرورت ہے کیونکہ وہ تحفظ ماحول پنجاب کے ایکٹ1997ترمیم شدہ2012کی دفعہ12کے دائرہ اختیار میں آتی ہیں جبکہ80دیگر پاورلومز فیکٹر یوںپریہ قانون لاگوہی نہیں ہوتاکیو نکہ یہ فیکٹریاں اس قانون کے بننے سے قبل تعمیر کی گئیں۔ محکمہ کے مطابق ان20فیکٹری مالکان کیخلاف کاروائی کی جارہی ہے اور ڈی سی او جھنگ کو ان فیکٹری مالکان کیخلاف کاروائی کرنے بارے لکھ دیا گیا ہے۔۔مزید معلومات کیلئے جب ڈی سی او جھنگ کے نام مورخہ9مئی2016کوارسال کردہ درخواست میں یہ پوچھا گیا آیا کہ ان20پاورلومز فیکٹریز میں سے کسی کو ابھی تکNOCجاری کیا گیا ہے یا نہیں تو ڈسٹرکٹ آفیسر محکمہ تحفظ ماحول جھنگ کی چٹھی نمبرDOE/EPA/JNG/344بتاریخ19.05.2016کے مطابق ابھی تک ان20پاور لومز فیکٹریز میں سے کسی کو بھیNOCجاری نہیں کیا گیا۔جس سے یہ ثابت ہوتا ہے کہ یہ20 فیکٹریاں NOCحاصل کیے بغیر چلائی جارہی ہیں اور کاروائیاں صرف فائلوں تک محدود ہیں۔ ڈسٹرکٹ آفیسر ماحولیات محمد نواز خان کے مطابق تحفظ ماحول کا قانون1997ء میں بنایا گیا تھا لیکن شہر میں قائم80سے زائد پاورلومز پر اس کااطلاق نہیں ہو سکتا کیونکہ وہ اس سے قبل بنائی گئیں۔صرف20کے قریب پاور لومز فیکٹریاں ایسی ہیں جو اس ایکٹ کی دفعہ12کے زمرے میں آتی ہیں لیکن ہمارے پاس انکے خلاف براہ راست کاروائی کا اختیار نہیں ہے اس سلسلہ میں تمام صورتحال سے متعلق محکمہ تحفظ ماحولیات لاہور کے متعلقہ شعبے کا آگاہ کیا جاچکا ہے جبکہ ڈی سی او جھنگ کو بھی ان 20فیکٹری مالکان کیخلاف کاروائی کرنے کے لیے کہا گیا ہے۔
